無名炭爐雞蛋仔 (已結業)

從淘大步回巴士站乘車,總要經過牛頭角下邨,見肚餓加上手腳冰冷,便買件來充飢。上次試過雞蛋仔,今次同樣理應試格仔餅。買一底,不是即叫即烘故很快便到手。到手時,格仔餅只是微暖,食落內軟外不脆,就不是我杯茶。餡料則足,牛油、花生醬,加上砂糖、芝麻,鹹甜交雜,但鹹味略重,可能是牛油塗得重手了,感覺上味道有點怪,其實以上四味皆有,但集起來的味似乎濃烈了些,蓋過其餅身的蛋香。下次路過,還是買件雞蛋仔。

下午要做服務...盤算過會路經附近, 於是專登走黎下搵佢- 雞蛋仔, 穿過第八座見有條食街, 嘩...好多野食, 好多平野...行一次, 未開? 再行一次...起緊炭爐, 等了五分鐘, 新鮮熱辣! 外皮脆脆, 唔知係咪唔係我食開那種感覺, 始終都覺得質感唔同, 唔係話唔好食, 但我始終都比較鍾情北角那檔呢!

小時候住在牛頭角下邨六座，從小已經光顧這位四眼哥哥的雞蛋仔，這檔雞蛋仔從以前高峰期的四檔炭爐，分佔牛頭角下邨的四個角落。直到四眼哥哥的爸爸和叔叔都退下來後，現在只騰下四眼哥哥在孤身作戰，默默地堅守著父業。自從六座折掉，搬進官塘後，已經很長時間沒有幫襯了，襯今日回下邨探望舊街坊，便來買一底雞蛋仔($10)吃。雞蛋仔:大家去到記得吩咐要脆一點的，四眼哥哥都很樂意幫你做。即叫即整，新鮮熱辣，拿上手暖烘烘的。蛋味濃郁，外脆內軟，而且不會過甜。最重要係用炭爐烘焙，風味十足。比起北角那間所謂全港第一，用電爐的好食何止一皮?還記得小時候，每次上外婆家吃飯前，都一定先買一底雞蛋仔加格仔餅作飯前小吃。吃完飯後，還會去M記吃一杯軟雪糕作餐\後甜品。現在想起，都不得不佩服自己的食量。四眼哥哥會把他的炭爐車放在十座後巷其中一個單位內，每天大約3點便會去準備好一天的材料。以上是準備時的圖片。四眼哥哥說牛頭角下邨折掉後，還會再賣雞蛋仔，而且還會入舖。但他說不會再用炭爐了。但是新的電爐會找專人設計，務求受熱的程度跟炭爐一樣。

一天因為想吃煲仔飯, 朝著牛頭角下邨出發, 路經此炭燒雞蛋仔店, 先生在弄雞蛋仔格仔餅, 煞是吸引。想起兒時, 食親雞蛋仔都係炭爐烤的, 為何到今天, 一底炭爐烤的雞蛋仔會變得咁珍貴? 自從電爐"雞蛋糕"盛行後, 我已很少吃雞蛋仔。難得遇故知, 當然要買一底過口癮。柯打以後先生問我喜歡吃哪種口感, 便說想要外脆內軟的。果真是外脆內軟! 蛋漿有蛋味, 也夠香, 雖不是我吃過最好, 但是已經叫及格有餘。炭烤的雞蛋仔那種外脆內軟的口感, 電爐是點都做不來的。

搵左好耐，又問左兩個人，先搵到這檔雞蛋仔........見到四眼哥哥，就知我冇搵錯啦..........唔洗考慮下就立刻叫左個格仔餅和雞蛋仔試啦.....四眼哥哥好快手就整好，因為兩個人食，所以叫佢張格仔餅分開兩份...熱辣辣的格仔餅和雞蛋仔羅上手真係暖在心中.........格仔餅的醬料落得好多，一d都唔會孤寒.........有砂糖，花生醬，煉奶等等，真係好好味.....軟腍腍的，令你食完一啖，想食多一啖，食唔停口...雞蛋仔好有蛋香味，而且係實心，又鬆軟.......兩樣食物都100分滿分呀.................好開心可以食到這間雞蛋仔，真係想日日都食到呀......可惜要特登過黎九龍灣，本人唔多黎九龍灣，所以都冇咩機會再食到啦....

唔通即整既會係冇咁好食?叫左夾餅,如果冇左花生醬果d料,我諗只可以叫食一塊熱既白面包服務:好過以前,而家起碼會笑面迎人不過塊野細左d wor....可能我味蕾差,食唔度各位所講既碳爐味例外一提:大家知唔知一塊大圓形既夾餅呢?料又係花生醬果d6蚊一大塊又抵又有蛋味個伯伯都幾好人係淘大近德寶果度8pm後先有

每次去九龍灣.我都會必食既" 格仔餅" ..依檔可以話係" 老字號" .係我由小學細細個食到今時今日.所以份外有感情,更係情有獨鍾.唔係依檔.真係唔食.佢特別在..仲係用炭燒..所以特別好食..槳粉有適中..以前每件只係8 蚊..但近期加左價..要10 蚊先食到甘好味既格仔餅

上星期先話要返嚟食格仔餅，以為隨便嗡吓。估唔到今日真係坐言起行...太座忽發雅興，緣於前幾天跟舅仔講開話呢度嘅雞蛋仔相當得手。想一想，都有大半年冇嚟嘞。雅興即到，於是不惜坐多幾個地鐵站過嚟...見有開檔，太座大喜。馬上嚟兩件餅。冇錯，係一人一大件。叫一件兩份分，我實只食到餅皮la..之前提過有食友覺得水準差咗。可能有一排冇食la，又覺得還可以wor...有微微炭香，加埋花生醬及滲有少許花生粒嘅砂糖，跟太座一齊食得津津有味...最緊要仍然係塊餅夾完醬之後再醮上砂糖，絕對有畫龍點睛之效...雖然加咗兩大洋一塊，但佢仍然係我地兩公婆嘅摯愛街頭小吃...

成年冇食，今日見到個哥哥仔，唔洗諗，同朋友即刻過去買!加左價，十蚊底。買左底雞蛋仔同埋夾餅，同朋友share。雞蛋仔唔夠熱，所以冇咁好食，不過都幾鬆軟同o的邊位都幾脆，唔錯。夾餅有好多花生醬同牛油，好香好好食!食完心情即轉好，仲有好消息添。幫手找錢果個小女孩好可愛!

看完電影後，主人與奴隸獸決定從『淘大』前往『德福』搵食。哈！又再途經『雞蛋仔』檔口，由於上次食了格仔餅，今次當然要試雞蛋仔（HK$10）喇！雞蛋仔顏色較深，軟腍腍，有蛋味。四眼仔哥哥強調，他燒的雞蛋仔不會，邊緣亦是軟身的。食落又的確係喎。但是我們仍然是喜歡外脆內軟的雞蛋仔。

牛頭角下村-對以前就讀牛頭角碼中的我黎講, 真係有一份說不出的情意。雖然不是日日上學路過, 亦不是放學後所遛連的地方, 但每周一次的PE堂/Lunch時間, 就9成會到這兒。這一檔雞蛋仔我於畢業後都常常幫襯, 一直都覺得係10分好味, 新鮮熱辣不但止, 而佢仲要係用新碳爐去燒製, 而家市面好多用電爐做的根本就係無得比, 每次我黎親呢度多數都會食格仔餅, 貪佢咩好?除左上面講ge新鮮熱辣同埋碳爐燒製外, 最重要係四眼哥哥佢一d都唔"菇寒"每次都落好多沙糖花生醬比我^^!於冬季冷風呼呼吹的時候, 拎住呢一件加料格仔餅!絕對係一件暖和美事~~!!

經常與這檔雞仔餅緣慳一面，但終於給主人與奴隸獸遇上了。我們買了一塊剛烘好的格仔餅（HK$10）。四眼仔哥哥即時為我們塗上牛油、花生醬及洒上砂糖及極少量芝麻。格仔餅熱辣辣，夠軟熟，有蛋味，唔錯呀！但是主人還是有一點兒唏噓，因為兒時食的格仔餅，塗了牛油後，會洒上砂糖、椰絲、花生碎，有時還有白芝麻的混合餡料，口感及味道比現時的豐富得多。真是今非昔比。

其實這檔雞蛋仔係第二代, 第一代係四眼哥哥o既老豆, 以前一底只係5 蚊咋~! 不過宜家都好似維持10 蚊一底. 以前成日都係牛頭角十座樓下(淘太商場, 舊柏德學校側), 宜家唔知仲有無係個到擺檔, 不過有時都會係九龍灣天橋底. 食過好多地方雞蛋, 都係佢最有水準, 不過一定要買新鮮整, 就最正~!

九月初幫襯過一次，D雞蛋仔好脆身，好香口近排食夾餅食到上哂癮，記得呢檔咁出名既炭爐雞蛋仔，放學之後就特登搭車去牛頭角食喇。一去到咁岩岩好有底夾餅整好，即買即食。唔知係咪整得唔夠耐，件夾餅好淋，一D都唔脆唔知係牛油定係花生醬，成件夾餅咸既，味道怪到無倫！因為落左醬既關係，食唔到夾餅本身既蛋味。好失望，唔明點解用同一炭爐，落同一蛋漿，會有咁大既分別…人地八蚊一件翻熱夾餅都好食過佢，呢檔仲要收十蚊…咁既夾餅真係食唔過。係咪真係好似其他食家話齋，出左名食物質素會下降？

又係呢檔雞旦仔, 今次難媽咪食咗都話幾好, 用炭火燒, 真係唔錯. 外脆內軟, 的確不比坊間有名的比下去.