無名炭爐雞蛋仔 (已結業)

新年係9龍灣mtr下有好多小販檔竟然見返炭爐雞蛋仔以前行去德福經常幫親但後再封左路. 都唔見過呢檔野而家有機會再回味係新年呢幾日我都有去幫親 , 格仔餅/雞蛋仔 $15底日日都會排長龍有次我11點去 , 佢話已經賣哂.拎到上手好香雞蛋仔味 , 外脆內軟 ( 粒粒都好足料 , 全部實心 )…查看更多

十二月十六日 (星期日)還記得舊牛下清拆時，最不捨得，就是難入鋪的炭爐雞蛋仔哥哥是日，相約了羊生羊太來到九龍灣，試開業不久的五右衛門回程途中，看到不少路人拿着或是雞蛋仔或是夾餅心想，莫非炭爐雞蛋仔哥哥回歸?再行前百米，便已見到他的檔位!真好彩!雖然已有點飽，待會又會吃生蠔，也不惜代價買一袋格仔餅方肯罷休物價飛升，一底格仔餅已要十三元了，還記得，以前十元也有得找的呢貴也不打緊，質素能保持最緊要，可惜...單看格仔餅的色澤，淡淡的黃色，咬落蛋味也欠，更不想說有沒有炭爐燒的風味:(幸好，料還是十足的，必要的砂糖!還有牛油,奶和花生醬，夾起來算是不錯的實在有點失望，希望下次吃能重拾昔日的光輝!…查看更多

自從牛頭角下村拆卸後, 都很難再見到從前那些大排檔小吃小販.不過唯獨此雞蛋仔哥哥不時仍會在球場旁邊開檔.這天下著雨, 本來沒預計他會開檔, 行下行下巳聞到有面粉香, 心中大喜, 巳知道有雞蛋仔吃了.HK$13一底, 人不算很多所以只等了幾分鐘, 雞蛋仔哥哥也十分快手地倒漿.拿上手超熱, 雞蛋仔脆卜卜, 不太甜, 好香, 內裡的雞蛋糕也很軟綿.感覺比北角出名的那家更好吃.…查看更多

當大家可能以為此雞蛋仔檔已經消失的同時，原來雞蛋仔檔仍然在德福往淘大的那一條天橋底下，前兩日路過的時候看到，立即買了一底雞蛋仔。那時是四時多，他告訴我格仔餅已經賣完了，所以我改買了雞蛋仔，但一樣十分好味，非常香脆，蛋味濃郁，而且很有質感，吃完令人回味無窮，所以希望下次再去的時候它仍然存在，因為那邊的公屋好像差不多起好了，不知會否把它趕走了。…查看更多

五月二十二日 (星期日)隨着牛頭角下邨清拆,大家都以為無名炭爐雞蛋仔會從此消失豈料老公仔在個多星期前經過見到雞蛋佬開擋.大喜!回去看一看食評,原來一直都有開…真是大頭蝦今日經過去看戲,決定先買底雞蛋仔落了很多蛋漿,好似吃蛋糕一樣,只有炭爐才能造出這個效果支持少有的炭爐雞蛋仔!!!口感與一般的真的大不同…查看更多

見OPENRICE甘多人都覺得無名炭爐雞蛋仔好味所以要$12都試一試但系食過之後就覺得有點失望首先蛋味不香 格仔餅又太薄 但食得出好香炭燒味花生醬不多 但就有好多砂糖 (食得出一粒粒未溶) 但我就唔系太喜歡 好似就甘食一匙砂糖甘....$12 我覺得不值... 唔會再買... 用$10買煎釀三寶仲滿足…查看更多

路過重建中的牛頭角下邨，見到有很多人在這個小攤檔前等待，出於好奇便走近些看看。原來是雞蛋仔和格仔餅，還要是炭燒的，真的要試試。一向都對格仔餅情有獨鍾。雖然炭燒會耐一點，但真係值得一等的。完成烤焗後，少不了的當然就是格仔餅三寶了。牛油、花生醬及砂糖。越多越好。（每次吃的時候都一定要將健康這問題放在一邊呀！）味道真的很回味。不知道當重建完成後，這攤位會否已不存在呢？真的話會令人十分惋惜。…查看更多

雖然已經搬左屋 但由於我在觀塘長大的關係所以每次回來都一定會食返一底雞蛋仔巧合地今天回牛下踢波,順理成章地去買返底黎食由於人多關係 所以需要等 有人問老闆:[要等架?] 我加把口說:[等是值得的]我覺得只要是好食既野 我係好樂意去等的終於雞蛋仔到我手上了 一如以往 又很香的味道 只有炭爐燒先會有這種效果放進口中 又軟又棉 好似食緊蛋糕仔咁 雞蛋味都好香外層不是太脆 非常適中 所以我永不會食不是炭爐製造的雞蛋仔 …查看更多

牛下邨拆掉了, 好多景貌, 好多回憶已經消逝了. 現時, 一邊是起屋既地盤, 另一邊是拆屋既地盤. 幾年之後, 口中的牛頭角上、下邨, 會是一個新既社區. 已老化的東西, 只能在相片中回憶.我們行完淘大, 下一站是德福. 途中, 會經過牛下村旁的一個球場. 那天朝早上上網, 發現雞蛋仔既record, 仍然未有結業, 來到牛下邨呢一角....果然, 那個官仔骨骨的四眼哥, 木建的車仔, 同兩個炭爐, 一個燒格仔餅, 一個燒雞蛋仔. 而家賣10元一餅, 實在忍不住, 要買黎食, 因為實在懷念呢度既實心雞蛋仔, 特別足料的口感, 只此一檔.此雞蛋仔, 特別在其與眾不同, 人家的是脆皮空心的雞蛋仔, 然而這兒的雞蛋仔, 外皮是脆, 但內心是實心的, 好似食緊一件牛油蛋糕咁, 非常之香, 咬落軟綿綿的, 整粒雞蛋仔, 充滿了牛油既香味. 甜甜香香, 脆脆, 腍腍的. 很好食.牛下邨, 所有東西都已經隨著城市的變遷而消失, 餘下的記憶, 就只有這一檔雞蛋仔同旁邊的臭豆腐, 默默地留守在球場邊, 繼續牛下邨的故事.…查看更多

自從牛下要清拆自從四眼仔出名左果然係人怕出名豬怕肥好多嘢出名之後都會變質我一直都諗住四眼仔唔會可惜哩個世界果然冇永恆不變嘅嘢四眼仔出名之後生意好多多到做唔切啲蛋漿就越開越稀個雞蛋仔越做越流我俾左幾次機會佢改過但都睇唔到有任何改善我寧願遠啲去西灣河食都唔會再嘥錢再幫襯四眼仔失去嘅服務態度同嗰一底冇味又冇口感嘅雞蛋仔…查看更多

個多月沒走到這裡來這一來 面目全非周遭的都被圍上圍板 住所 商店 學校 一切都人去樓空匆匆走過的行人 還記得以前這裡充滿生氣的場面嗎機緣之下終於再可以食到這份格仔餅 (老闆原來差不多七時才出動)再沒有那長長的人龍 沒有那些聽聞牛下快被清拆才來的人回復到一開初的平凡平凡中的美味 最令人回味 :)…查看更多

零八年十一月 首嘗這裡的格仔餅同雞蛋仔雞蛋仔 相信每位食過 都知係似蛋糕仔多過雞蛋仔 但係超碼老闆比足料d客人 另外炭燒在香港很少見 相比起雞蛋仔 我更愛這裡的格仔餅 熱騰騰的餅 加上砂糖 花生醬同牛油 (特別要讚老闆下手很闊綽 每次食完 個袋入面都仲有好多料 ) 食過之後 都有一種很愉快 暖暖的感覺這年多的時間 每逢來到這附近或想起那格仔餅的美味 都會走到這裡 再三回味二月初 又走到這手推車前 周遭的已經面目全非 沒有了雜貨舖 沒有了三拼飯檔口傳來的香氣 雞蛋仔車都搬到遊樂場去 不過 還是這手推車 還是這四眼老闆 還是 這份美味 :)「一份格仔餅 多糖呀 唔該」…查看更多

　　趕在最後三天來了。天寒地凍食熱辣辣炭燒雞蛋仔，恐怕這數年來再沒有機會了！除非佢再開啦！　　首先是香味，炭燒燒出來機器怎麼也比不上，炭香直撲而來，叫人怎抵擋？　　其次是視覺，一屠層煙向天飄去，睇見火都興奮！　　最後是味道和口感。網上的評價出奇地一般，應是各人喜好不同之故。此雞蛋仔表面極脆，一掂就散。口感更不同於一般雞蛋仔－－更似蛋糕仔多些，感覺上好似食緊一粒粒蛋糕仔，軟綿綿加上炭香，味道無得彈！想到這裡還是不禁遺憾－－什麼時候可以再食一次？…查看更多

哩日到九龍灣, 屋企人買左無名炭爐雞蛋仔.講真, 自從食過一次之後對哩架車仔已經冇咩好感. 因為除左個外表之外根本冇一忽似雞蛋仔食落似蛋糕仔, 口感完全係食緊蛋糕咁, 冇錯, 雖然入面係滿滿既蛋漿, 但多料唔代表好食.內軟, 但外面唔脆, 代表底雞蛋仔已失敗了一半.有蛋味, 但過甜. 真係好似調緊蛋糕o個隻味咁.上次食過一次係覺得新奇, 但今次再食就已經不能接受, 食左幾粒已經冇食.而自己亦已經搵到一間真正食到好味既"雞蛋仔"鋪頭, 就覺得哩間冇乜特別得黎偏向唔好食.可能以炭爐方式整既雞蛋仔就會變成蛋糕仔咁既味, 但我唔會承認哩一款係雞蛋仔.…查看更多

下班走去坐車去深水埗時路過見沒人排隊買個雞蛋仔來吃他真的是用火燒的,我買了一抵,而朋友買了格仔餅一口吃下去.....唔...............:(這個質感一點也不像雞蛋仔他那個好像是蛋糕的感覺皮有一點點脆,只放一粒落口我完全唔覺有野係口到不過如果是格仔餅這個質感就應該很好吃,朋友也說他的格仔餅很美味…查看更多