無印良品 (已結業)

好久沒吃MUJI了～～利舞臺 這家要搬家了 就馬上來吃一個 哈哈 咖哩雞肉飯 $98（配 芥末醬汁帶子蓮藕沙律）哈哈基本是每次都必點的吧MUJI 的咖哩飯 有他們專屬的味道是日本口家庭料理的味嗎？咖哩厚身 微辣 紮實的雞肉塊配上粒粒分明無壓力的穀飯、衝出來的酸蘿蔔再跟上一份 芥末醬汁帶子蓮藕沙律清爽蓮藕 帶子實在微新鮮 芥末醬溫柔解膩明明是一份 完整的飯 但吃下去輕鬆舒服四品料理 $118-和風高野豆腐蟹肉沙律這是新出的嗎（還是太久沒來 哈哈大家有吃過嗎？豆腐有驚喜耶 是蜂巢豆腐 咬下去汁是噴出來的而汁 有像是上海菜的前菜 開胃～（有趣吧~-和風雜菌汁厚燒玉子每次來 都好像必點這份前菜冰凍 微蛋香 粟米🌽香菇 好咬不單調是份簡單又豐富的前菜為一份料理作了一個很棒的開幕-黑醋醬豚肉微酸甜甜 紮實 好咬（很好送飯 哈哈-甜椒醬炸雞酸酸甜甜 超微辣（內有小美乃滋⑨ （？））（被另一半喻為「泰式辣醬」）而每份餐都會附一杯濃濃的麵豉湯超多料 一粒一粒很好咬MUJI UMM~真是一份很舒服的一餐肚子滿足 但卻沒壓力 是日式料理的厲害之處嗎哈哈哈～~

貴價3餸飯沙律好食，牛肉軟身，汁料美味涼瓜菠蘿好清新綠茶卷蛋有些失望，因為無綠茶味cream無味，有柚子粒餸菜分量真係好少，好似自助餐，每樣少少來試食。魚好貴?一塊魚加一片菠蘿就係一個餸我食緊鮮魚?龍躉？

放假想吃特別一點，去利舞台睇吓有冇啱食， 試吓從來未試過嘅 MUJI 。店內所有傢俱也用上 Muji 的出品，清一色木枱木凳，貫徹簡約風。餐廳以半自助形式經營，客人先到外邊購買食物，之後店員會送上，流程順暢。客人餐牌上揀左料理套餐，按選擇多少收費。五品料理 $118 自選了五款日式料理，餐牌上看似好 ok, 當放在餐盤上賣相大打折扣，而且甩頭甩骨咁。雖然賣相不好，但蔬菜份量多，感覺是健康。味噌甘酒醬汁蝦肉金柚沙律甜薯栗子藜麥沙律烤大蘑菇味增三文魚配南瓜高湯蔬菜素玉卷基本上每款料理也和蔬菜掛鈎，味道略嫌清淡，食完都覺得飽，但性價比不高。栗子紅焙茶新瀉米粉卷蛋$40 甜品亦吾吸引，口感相當粗糙，栗子焙茶味都唔突出，不推薦。宇治抹茶牛奶$38稀溜溜，淡某某，二個字「難飲」

自己一個人行完街突然間好想食三文治即刻諗起Muji Cafe之前已經好想試吓叫咗一個三文治下午茶餐下午茶好抵食，三文治🥪，仲有沙律同埋薯條同埋烏龍茶，一個人食份量啱啱好

同朋友行街行到攰，就入左去無印食少少野坐陣，見佢有幾款栗子甜品，我地就分別叫左兩個tea set朋友既愛緩栗子新潟米粉卷蛋，栗子蓉好棉好食但蛋卷唔夠鬆，滴濾咖啡偏酸，另外我order左愛緩栗子奶凍，奶凍反而唔錯，夠滑栗子味亦濃，至於琉球桂花紅茶，桂花味就唔太覺啦，不過用黎配甜點都唔錯既。

有時冇乜胃口又想食啲健康嘅嘢嘅時候就一定會食呢一個健康無印午餐。50穀米同埋多款嘅冷盤熱盤選擇，永遠都會令人食得十分舒適同清爽。唯一嘅唔好就係有時佢會提供多過餐牌上面冇嘅選擇，所以最好就係去到櫃檯前面先選擇想要嘅食物啦。

今日我有一個朋友黎銅鑼灣揾我食 lunch，我見好耐冇食 Muji 餐廳，所以就提議左去呢度食，我叫左佢個五食 lunch set。個五食 lunch set 包左三個凍食加兩個熱食，一個飯同一碗餐湯，價錢係 $118。有d少貴，但耐唔耐食下，都可以接受嘅。佢嘅餸唔係每款都好味架，當中都有d伏，所以每次叫過難食嘅，下次都要記著唔可以再叫我今日叫左黑醋醬豚肉，炸雞拌小紅莓醬，甜薯蓉拌蘋果藜麥，柚子醬汁南瓜馬鈴薯沙律，羽衣甘藍薏米帶子沙律。今次除左個炸雞同個帶子沙律係伏之外，其他都唔錯。個炸雞d肉好乾，好難食，個汁我係覺得好味嘅，如果個雞肉可以煮得嫩滑d，就好了。至於個生帶子，口感勁奇怪，完全係 totally fail。下次一定唔可以再叫e個。另外我好記得上一次食佢個紫薯沙律，都係好伏，佢個味勁假。

這一晚，想清腸胃，想多菜少肉，又想一個人坐得舒服，不用幾秒，去MUJI這個念頭在腦海浮現。其實，想食好西時，我是萬萬不會想起MUJI的「粗茶淡飯」😂 但很神奇，一旦清心寡慾下來，這裏又變得如斯親切。清淡樸素的飯蔬、粗獷的桌椅木紋以及凱爾特風的鄉村音樂，是會令人不知不覺間回歸自我、放鬆身心。星期五晚的銅鑼灣，自然有不少人等位，取了號碼，順便逛下MUJI，約莫十分鐘後就有得入去排隊點餐。原本想食三品料理，一看今期推出冬季限定的日本東北鄉土料理套餐（$168），好奇心起要來試味。回到座位，再等十分鐘，東北套餐翩然而至。冷盤一·青森長芋木耳沙律我不是澱粉質狂熱愛好者，但這裡的炸長芋出乎意料地好吃！外皮焦脆，內裏滑溜溜又鬆化清爽，和炸薯仔的食感截然不同。木耳香滑、菌味濃，醬汁略酸。冷盤二·青森蘋果雞肉沙律蘋果清甜！不愧是青森出產🍎青椒西芹雞胸肉是不會錯的清新輕怡組合，清一色的爽脆口感。唐辛子絲的些許煙燻味爲沙律增添趣味。熱盤·秋田比內地雞米棒蔬菜煮有些失望：湯太鹹，米棒粘牙但無味，兩者放一起形成違和感。不過湯料也算豐富，滿足到多菜少肉的慾望：有牛蒡薄片、白蘿蔔薄片、紅蘿蔔、魔芋絲，還有很香的菇菇

每次食無印嘅午餐或晚餐，都覺得身心舒暢。每一頓的份量也不多，但會夠飽，不過，又不是食滯的感覺。每一道餸也會覺得其食材很新鮮、好有機，連對糙米飯嘅感覺也好像是專登從日本進口(雖然唔知係唔係)。每位客人可以點三道、四道或五道餸。筆者通常點三道，食清清地便可以了。食雞、食豬、食玉子(筆者最愛)、食沙律。仲有一樣好的是，每道餸可以食回原味，且可以分辨出每一隻汁。但比夠不理想的是冷、熱盤嘅分佈是限定了的，如果可以自選的話，筆者或會全點熱盤。一日的總結以綠茶雪糕結束，正！

同朋友shopping，到lunch時段唔知食咩好!!朋友出提出去無印良品食，我叫咗三品料理， 餐牌入面有好多餸揀嘅… 我揀咗兩個熱食一個凍食… 甜酸豬排啦 炸薯餅,而凍盤就係菠菜煙肉薯蓉。薯餅炸得剛剛好，加埋燒汁去食，口感冇咁乾。而甜酸豬排，略嫌豬嘅質地唔夠淋， 但係ok嘅好味。另外個菠菜煙肉薯蓉 味道剛好可以中和返我另外嗰兩款熱盤。配埋呢個紅穀米飯同埋味噌湯，這個午餐好滿足還有糖食係有水給客人任飲

假日和朋友去逛街，想靜靜的坐下聊天。想起muji cafe環境好像不錯，所以go go go！店內裝潢以柔和燈光配以木製傢俱，極具無印簡約feel！雖然跟muji購物店只是一面玻璃牆之隔，店內人也不少，但是很寧靜呢。而且隨身攜帶的物品還可以放進小籃子擺放在椅子下面，坐下來感覺很舒適。友人點了一個四菜套餐，選了男爵薯餅，味噌煮雜筍，烤雜菌伴半風乾番茄和合核豆腐大磨菇，飯可以選擇白飯或十六穀米，友人點了十六穀米，飲品是紅茶。友人大感滿意呢。而我點了一份北海道套餐，店員提醒買北海道套餐出示Muji passport會送薰衣草檸檬特飲（原價$42），所以比原定多了一杯飲品！整個北海道套餐包含了餐湯，黃豆鹽麴豚肉南瓜沙律、芝麻醬汁露筍沙律、鹽燒鮭魚、北海道粟米芝士撻，十六穀米飯和薰衣草檸檬特飲。黃豆鹽麴豚肉南瓜沙律感覺非常清新，南瓜沾滿沙律菜和豚南，份外鮮甜。芝麻醬汁露筍沙律口感清爽，芝麻醬和粟米的香甜味道，十分開胃清新。可能是日本風味，鹽燒鮭魚比想像中鹹，但配飯剛剛好，魚皮也很香脆～北海道粟米芝士撻味道就像是粟米羹變成cream～混了芝士質感軟滑而不膩，餅底脆脆的，仿似消化餅底一樣，很好吃！順

今日約咗大肚婆best friend 食飯，行完無印發現原來佢有自己嘅餐廳，餐具全部用返無模印出品，平時齋睇唔買依家可以試用喇😆晚餐時間無印三品餐冇限制揀冷盤或熱盤，立即揀咗1 甜椒醬炸雞，齋睇已經覺得好吸引，平時食炸雞都炸到好乾，估唔到無印雞件出奇地好滑，同紅甜椒醬好配合。2 鮮蝦牛油果柚子沙律，牛油果本身好易飽而家加咗柚子汁落去酸酸甜甜，鮮蝦又爽口，好開胃！3甜橙菠菜沙律，菠菜好新鮮仲有有豐富嘅葉酸，啱晒我嘅大肚婆朋友！我最欣賞嘅就係，可以揀白飯或者16穀飯。出街食之餘都可以吸收到足夠嘅纖維、又無味精、夠晒健康無印環境有幾舒服我都唔需要再講啦，晚飯時間同朋友食完重可以瘋狂傾計坐足2個鐘又冇人等位，唔洗加一都係$98蚊！以後去銅鑼灣食飯又多個選擇

在銅鑼灣逛了幾個小時，太累了，正愁沒地方可以好好靜靜的坐一會。又不想到餐廳喝咖啡奶茶太不健康了...就想到利舞臺廣場裡的無印，一直知道那裡有間無印cafe，環境寬敞，又有吃的喝的。實在太好了，它有不同的茶選擇。不單單是到處都有的綠茶、普洱、烏龍茶...，我選了丹波黑豆茶。因為一直都知道黑豆茶有益，可以消脂、活血利水、補血安神。茶壺裡有一個大大的黑豆茶包，喝完可以自行加熱水。不過一壺其實都已經有兩大杯之多了!黑豆茶香，濃郁醇厚的茶香，順口甘甜的味道，喝下感覺非常溫潤。還附送兩塊曲奇，很貼心。如果逛街口淡淡，想坐坐，又怕肥，這個很適合我們女仕

下午有些時間，友人想行先施特價買袋， 雖然最後賣唔到。但乘機聚下， 下午茶文青就諗起無印～ 我未食晏， 開頭驚唔夠食， 就知揀既餸幾好味之餘 好睇又好夠食傾下計梗係加配飲品，呢杯是冷榨士多啤梨石榴， 成杯粉紅色 ，好靚， 味道都舒服

行左好耐，大家都好攰，好想搵個地方坐下休息一陣。但如果去咖啡店，其實都唔方有位。所以諗到過黎呢度，起碼坐得舒服一點。叫左兩個TEA SET。香橙朱古力蛋糕入口好有香橙味同朱古力味，蛋糕質地似muffin. 個仔好鐘意食!焦糖布甸  好滑漏，又好香焦糖味道。咖啡則屬基本口味, 不過亦不失!