無印良品 (已結業)

無印良品內開了間以日式健康食物為主的小餐廳價錢就大約$100左右 份量不多 女生是足夠 男生來這吃可能不夠飽 但這環境寧靜 朋友談天的好地方可選擇糙米飯 感覺健康些 連一個麵鼓湯三餸要了沙拉 菜 及雞肉 不算好吃 普通朋友點了五餸 要了炸薯蓉餅 可是不是即炸 已有點冷掉 其實食物份量也十分少 味道也是一般 而家飲品要也不包括 要加錢 感覺不太化算 來這只是吃環境 可以坐很久 也看見有些人在這用電腦 溫書等 如果想找個地方休息 這也可以是一個選擇 但對食物有要求的話便不建議

今日去左times square買野，經過利舞臺就逛逛，第一次行呢度~ 呢度既無印良品Muji好大，有兩層！仲要有cafe😲~ 環境好清靜，仲好大好乾淨！我去咗食品部，𥚃面選擇好多都好整全👍🏻！ 我平時會揀棉花糖同朱古力~ 今次淨係揀左芝士粟米片~ ✌🏻 $12都一般般貴，份量細細地填下肚～收銀服務都好快，所以覺得幾好！俾完錢就急不及待想食了，好好味👍🏻粟米冇薯片咁唔健康，感覺好健康🤣🤣！芝士味好重，好正，搶住食下一塊，好推介😍

今天忽然改了late lunch 在利舞台Muji。地點太方便, 地點直達。來了好幾次, 食物質量有保證。友人和我分別點了四茶套餐 $138@ 及再加飲品。四菜 (2熱2冷) + 十六穀飯 (含味噌湯一)食物分量不多, 想我们这样点, 还可多一个甜品 (我们有啊！没拍照)另再加了熱烏龍茶虽是茶包,味道是有。朋友點了咖啡 ...喝了两口,她去取水了muj咖啡能不.可以...算吧! 记住了基本是自助服务...找位置>点餐 > 付钱> 自己拿食物坐下....(食完后) 收拾放到收集处。再追加了布丁🍮 及 伯爵茶蛋糕🍰 一面吃吃一面聊聊, 轻轻松松地叹。下午2点, 人不多, 马上有位, 环境不吵, 舒服啊！ 我们在这儿不知不觉聊了两个小时呢

前排無印做折，五餸set做緊優惠，有佢地個mobile apps再9折，朋友想行無印買野，就順便食埋個飯~個set包一杯湯，一碗飯，飯可選白飯或者五穀飯，五餸可選3冷盤➕2熱葷，種類選擇都OK, 同朋友叫左兩個set，唔同既餸，咁大家就可以試到唔同既野，我同朋友都叫左五穀飯，另外加左個培茶布甸，熱葷叫左雞肉，蛋餅，豬肉，枝豆薯餅，枝豆薯餅同埋豬肉幾好食~~冷盤幾款都唔錯，特別鐘意個芝麻波菜豆腐，環境舒服，service都可以，可以再試~~~

因為要等朋友，所以走去Muji 坐底消磨時間，店內人不多，簡約的裝修很舒服，最重要是不需等位，可以坐很久，正是忙裡偷閒好地方。進店之後，會有職員安排入座，然後自助點餐。咖啡和本和香糖布丁咖啡很濃，不會太水、淡淡的感覺，入口香滑，帶一點微酸，本和香糖布丁質感非常厚實，有些布丁一進口就好有瀜掉了的感覺，但Muji 這個很真實，很有口感，入口有蛋香，不是太甜。 當初其實糾結了很久，要不要買這個$40的布丁，吃了兩啖後悔感覺就沒有了。

星期日經過銅鑼灣利舞台廣場 忙了大半天天氣又轉涼 想找一間Cafe坐坐 喝杯熱飲吃件小蛋糕 找到了銅鑼灣開了不久的muji cafe 今次order 了 紅莓花茶 蜂蜜蛋糕可是花茶的味道像藥水 令人有點失望幸好蜂蜜蛋糕的味道出色 散發出牛油香味 配以蜂蜜 深入厚厚的蛋糕裡 令人一試難忘不過此cafe 性價比不太高 希望下次可以發掘到更多新奇好吃的cafe 推介給大家吧!

跟朋友去食個晚餐。好壞參半啦。沙律有青蘋果，酸紅莓乾。。。真的唔係人人啱食，紅莓乾我就真的麻麻了。我依然好保守地叫左個日式咖哩雞飯。雞肉好似素雞，咖哩味道就差不多啦，份量正常。東菇麵豉湯，甜左少少。朋友就叫左份類似雜錦餐的，可以自由組合，十分日式，每樣小小。味道一般。。。食完要再食個雲吞麵。價錢唔算平，但叫食物就要自助式，好似差左少少。服務同環境都非常無印，ok的。坐位唔算多，要先攞位或先放留坐牌，再叫食物。

一個人，又想食得清清地，我通常會選擇這地方 - 無印良品 Muji, 食完飯又可以逛逛，旺中又帶靜，好好享受下一個人的時刻。最近天氣悶熱，所以今次叫了5点，3冷盤2熱盤，平常我都係叫4点，2冷2熱。另外，今次亦係第一次試它們的冷壓果汁, 唔太記得係咪菠蘿+梨+青檸，味道淡了一點，好似水加得多了點，不過味道好 Fresh。食物方面，冷玉子+薯沙律+田園沙律+燒池魚+黑醋豚，薯沙律有枝豆，口感同味道都好好，池魚有點鯹(喜歡食魚的就可以接受)。 最後，加埋焦糖布丁食飽飽，在店內逛逛，買埋黑豆茶，提子啫喱飲 Happy Friday 回航

今日下午3點幾過去銅鑼灣利舞臺間 muji , 揀左四品午餐，我㨂左南瓜薯餅，芒果蝦沙律， 馬鈴薯芝士蛋，黑醋豚肉，十穀米， 午餐附上味噌湯。 南瓜薯餅雖然不熱但有點脆，芒果沙律菜的醋味酸甜開胃。 黑醋豚肉既肉質比較實和豚肉裡面唔入味， 馬鈴薯芝士蛋比較淡味，但點左沙律醬後有加分。 十穀米煙韌有咬口，每樣餸少少，可以滿足我一次食幾樣野。 環境舒適乾淨，服務也不錯啦！

無印Cafe在香港已經開了好一段時間！今日經過門口剛好不用等候，所以決定來潮聖！3人行點了3款蛋糕一起試味宇治抺茶芭菲雜莓芝士蛋糕好濃郁的芝士蛋糕、算是3款中我最喜歡的！特濃朱古力蛋糕這個對我來說有點太甜，雖然味道其實是不錯的啦XD宇治抺茶紅豆卷蛋不太吃抺茶蛋糕的我也被驚艷到！但對比起上面2款蛋糕的話，這個味道相會比較淡一點喔！這裡真的可以列為適合一個人靜坐的Cafe!因為他們還細心提供書籍供客人閱讀呢！

終於有時間嘗試這一間cafe， 喜歡簡約的人一定喜歡Muji。Muji cafe 的裝修也是走簡約風， 沒什麼特別華麗的裝修，純粹簡簡單單，乾乾淨淨而已。這次試了三款蛋糕 ，我覺得藍莓芝士蛋糕是全日最好吃的一件蛋糕， 是軟硬度適中的 New York cheesecake 芝士味也香，正我不太喜歡吃抹茶味的食物（除了喝綠茶） 但這款宇治抹茶紅豆卷蛋的綠茶味不算太濃，淡淡的，正合我心意，加上紅豆綠茶本身也是絕配，所以配起來吃很不錯特濃朱古力蛋糕最令人失望， 我吃不出朱古力的味道，反而覺得有一陣很濃的酒味， 吃了一口便放棄這杯紅豆綠茶雪糕是朋友點的，朋友說好好味，但因為我沒有吃所以不知道。倒是想說這杯雪糕外觀很吸引，拿來拍照也值回票價點了一杯牛奶咖啡，味道不過不失，就是一般普通的咖啡而已，不要有太大期望整體來說，這裡的食物質素跟價錢都算合理，如果 想跟朋友純粹找地方坐下來聊天的話，這也算是一個很不錯的選擇，但如果想靜靜的傾心事，這裏絕對不是一個適合的地方，因為 店內的座位算是很密，人與人之間的距離很近呢!

約左朋友係銅鑼灣行街，行到利舞臺，五點鐘又未晚飯，又想搵個地方坐下，佢地提議去無印。真係唔講都唔知原來無印開左餐廳，可能係潮流啦。其實餐廳係正無印良品入面，地方唔算大。見到餐廳下午茶主打蛋糕甜品等既輕食。宇治抹茶芝士蛋糕 + 咖啡 $72蛋糕都唔算好細件，食落芝士味比抹茶味突出，可能因為芝士本身既味道都勁，入口亦會感覺到芝士既溜。最後整番杯普通既咖啡。無法子，食芝士蛋糕我鐘意配咖啡，但呢杯就不過不失。其實呢度都無話唔好食，但呢個價錢我寧願去Starbucks 同Pacific Coffee 叫野食加咖啡好似仲正。

每一次黎無印都要買d小食返去食既，今次買左包甜醋魷魚($12)。呢隻甜醋魷魚甜甜地酸酸地， 一包大約有五至六條， 每一條都算肥美， 一打開包裝已經聞到酸醋味， 酸到有少少出口水，咬落口好煙韌，我個人幾鐘意食， 不過唔鍾意食酸醋味既人應該唔會鍾意食。

無印良品Cafe 感覺都是健康的 快餐形式 自己選擇三種或四種套餐 我當然叫了四種的 我叫了的都是應為較抵食的 蕃茄配什菇 黑醋味道幾特別 薯餅 一早煮好的但仍然很脆 好味 咖哩洋蔥西蘭花 還可以 磨菇雞蛋 一般 沒有吃到磨菇味或者蛋味 因為這些的份量比起冷盤較大 所以這配撘比較抵吃

一直知道無印是有café 的,不過因為地理因素, 一直未試, 終於迎來了第一次Rei點的是3餸餐, $95可以揀3餸, 一碗飯(可以選白飯或十穀飯)加一杯飲品Rei選了芝麻菠蘿汁雞塊, 士多啤梨豬肉和薯餅大家從相片也看得出來,份量真是不多!芝麻菠蘿汁雞塊不過不失,沒什麼特別, 只可以說真是吃到菠蘿粒了(雖然很細小)士多啤梨豬肉令人失望, 士多啤梨味有點假, 而且跟豬肉味非常不搭…….最值得叫的竟然是薯餅! 外脆,內軟, 有薯香, 加上醬汁, 非常香口,有後悔早知要3塊薯餅算Rei飲的是烏龍茶,原來熱水可以refill, 也不錯不過如果下次食飯,這兒不會是我第一選擇就此, 多謝收看(鞠躬)