影片
营业时间
今日营业
11:30 - 22:30
星期一至五
11:30 - 22:30
星期六至日
11:00 - 22:30
公众假期
11:00 - 22:30
公众假期前夕
11:30 - 22:30
*最后下单时间: 21:00
以上资料只供参考，请与餐厅确认详情
话说我哋一行三人一齐想食烧肉！自助餐又好似有啲贵！咁就嚟咗呢间烧肉like ！一开始叫嘢食嘅时候，店员都非常之有礼貌！而且佢哋会主动察觉啲肉可能有啲冰冰地 。会主动上前同你更换！真系一间好有礼貌，好专业嘅烧肉店！而且价钱又唔贵，虽然食嘢时间系短咗啲！但系都OK㖞 。啲肉又香！值得推介呀👏牛肉睇落去同食落去都一样咁新鲜！猪肉脂肪均匀！啲鸡肉烧完之后点咗个烧肉酱！好味到爆炸！再加埋呢个紫菜饭 。我觉得咁嘅价钱拍得住牛角👏 。真心正
继续阅读
位于荃湾地铁上盖，地点方便，不过好多人，要早少少去排队。环境算ok，随心试一吓日式烧肉的不错选择。“一人烧肉”店以为系一人一炉，原来太多数都系两人一炉，见啲炉都冇特别会清洗，相信系每日收工后先会大洗一转，呢方面有待改善。烧肉选料尚算新鲜，肉质同口感唔错，佢哋自家调制嘅酱料，都几好味。除咗烧肉，餐厅亦有寿司同刺身不同套餐，下次都可以试吓。整体来讲，价格唔算贵，唔想屋企搅太多嘢，唔打算坐得耐，快食快闪，仍然值得烤肉爱好者一试。
继续阅读
我发现身边9成朋友都系I (introvert) ，今次难得相约了一个E人(extrovert)朋友去迪士尼🤩玩完再去食烧肉！不过我作为一个得59% E的E人😂，钟意同人交流之余其实都好「独」，比较喜欢自己食一个set，烧肉LIKE就好啱我 ，一人一个set，再交换肉share食，咁就好perfect! 「烧肉LIKE」全港第20 间分店最近喺新蒲岗 Mikilki 商场开幕，而今期全线分店都有【期间限定】「日本黑毛和牛前胸肉&牛板腱」套餐，配白饭、和风汤及泡菜或迷你沙律，只售$98（100g）/$158（200g）超抵食！😱日本黑毛和牛前胸肉质素都唔错呀，脂肪同筋络比例好，优惠做到13/8，我都想再去食一次！推介+$18 将套餐白饭转木鱼丝紫菜蛋饭，更好味！新品「鸡软骨配香辣粉」（$22/50g） 都好惹味，香辣粉用嚟蘸其他肉都得，值得加购！另一个餐我地点咗「三部合奏」套餐 （$88/200g），估唔到咁平嘅价钱就可以点到有三款肉嘅烧肉套餐！包括猪五花腩、猪颈肉、鸡腿肉，有饭有沙律/泡菜有汤，大满足 。☕️津路乌龙茶（$15）埋单每人$150，好抵食都好多人等位，快手食完再去下场就啱晒啦！
继续阅读
未帮衬过堂食，反而试咗外卖先😂APP写住20分钟等候时间，差唔多时间先去餐厅攞，都即刻拎到；一打开发现明显系整好15分钟以上，连饭/汤都唔热😅泡菜又超少，得3小块😃我拣咗3款，牛五花、牛板腱、牛舌各50g牛舌好硬🙂又剪到好细块另外两款都唔识分，不过几好食嘅，软身有牛味，点埋酱都好惹味，但系份量好少，食完都无饱嘅感觉🥲紫菜饭系食唔晒嘅，净返少少，嗌咗300g有点多；紫菜甜甜地加埋饭一齐食OK汤好油，微暖白饭微暖贵+唔饱+微暖=无下次吖
继续阅读
同两个朋友行旺角，到咗晏昼唔知食咩好， 其中一个朋友提议话去食一人烧肉， 佢话又平又抵食， 一行三人就走咗去食烧肉啦～入到去睇个餐牌，又真系几平， 套餐包一碗饭、 一碗汤、 一个前菜同埋一碟肉， 最平嘅套餐都系四十令蚊～我哋叫咗一个200 g嘅牛五花套餐、 一个200 g嘅牛五花猪五花双拼套餐、 一个牛小排牛板肩双拼套餐， 另外仲追加左几份肉同埋牛舌～佢哋𠮶度啲肉可以拣盐烧、 汁烧同埋蒜蓉， 即系啲肉食系用咩汁做腌料， 我哋叫既肉拣咗汁烧同盐烧～虽然价钱唔贵但啲肉既质素一啲都唔差， 牛五花同猪五花就有啲似平时打边炉嘅普通肥牛同猪腩片， 但唔知点解， 啲牛五花比起平时打边炉嘅肥牛个质地软身啲， 烧熟咗又唔会柴～牛板肩嘅肉味最浓郁， 但系肉质就比较实， 牛小排算系果到最贵既肉食之一， 质地有啲似肉眼， 脂肪分布好平均， 烧起嚟最有油香～牛舌我就觉得改得太薄， 食起上嚟冇乜口感， 佢哋本来仲有一款厚嘅牛舌，但系好似卖晒， 所以叫咗普通牛舌～另外佢跟𠮶个汤系海带汤， 清清地都几好，可以解油腻～啱啱睇到舖头里边有啲广告写星期一至五中午12点至三点白饭任装， 五点至六点入座有七五折， 可惜今日去系四点几， 两个优惠都食唔到～
继续阅读