18
4
2
| 餐厅: | 燒肉LIKE (綠楊坊) |
|---|---|
| 资讯: |
为鼓励食肆透过提供食物份量选择和采取减少厨余措施，与顾客共同从源头减少厨余，环境保护署推出了「咪嘥嘢食店」计划，参与食肆如符合评核准则将获「咪嘥嘢食店」认可资格和获发「咪嘥嘢食店」的标志及标贴，以供张贴於店舖内和宣传，供顾客识别。此计划全年均接受申请，申请费用全免。
详情可浏览：https://www.wastereduction.gov.hk/zh-hk/waste-reduction-programme/food-wise-hong-kong-campaign
影片
营业时间
今日营业
11:30 - 22:30
星期一至五
11:30 - 22:30
星期六至日
11:00 - 22:30
公众假期
11:00 - 22:30
公众假期前夕
11:30 - 22:30
*最后下单时间: 21:00
以上资料只供参考，请与餐厅确认详情
位于荃湾地铁上盖，地点方便，不过好多人，要早少少去排队。环境算ok，随心试一吓日式烧肉的不错选择。“一人烧肉”店以为系一人一炉，原来太多数都系两人一炉，见啲炉都冇特别会清洗，相信系每日收工后先会大洗一转，呢方面有待改善。烧肉选料尚算新鲜，肉质同口感唔错，佢哋自家调制嘅酱料，都几好味。除咗烧肉，餐厅亦有寿司同刺身不同套餐，下次都可以试吓。整体来讲，价格唔算贵，唔想屋企搅太多嘢，唔打算坐得耐，快食快闪，仍然值得烤肉爱好者一试。
继续阅读
我发现身边9成朋友都系I (introvert) ，今次难得相约了一个E人(extrovert)朋友去迪士尼🤩玩完再去食烧肉！不过我作为一个得59% E的E人😂，钟意同人交流之余其实都好「独」，比较喜欢自己食一个set，烧肉LIKE就好啱我 ，一人一个set，再交换肉share食，咁就好perfect! 「烧肉LIKE」全港第20 间分店最近喺新蒲岗 Mikilki 商场开幕，而今期全线分店都有【期间限定】「日本黑毛和牛前胸肉&牛板腱」套餐，配白饭、和风汤及泡菜或迷你沙律，只售$98（100g）/$158（200g）超抵食！😱日本黑毛和牛前胸肉质素都唔错呀，脂肪同筋络比例好，优惠做到13/8，我都想再去食一次！推介+$18 将套餐白饭转木鱼丝紫菜蛋饭，更好味！新品「鸡软骨配香辣粉」（$22/50g） 都好惹味，香辣粉用嚟蘸其他肉都得，值得加购！另一个餐我地点咗「三部合奏」套餐 （$88/200g），估唔到咁平嘅价钱就可以点到有三款肉嘅烧肉套餐！包括猪五花腩、猪颈肉、鸡腿肉，有饭有沙律/泡菜有汤，大满足 。☕️津路乌龙茶（$15）埋单每人$150，好抵食都好多人等位，快手食完再去下场就啱晒啦！
继续阅读
未帮衬过堂食，反而试咗外卖先😂APP写住20分钟等候时间，差唔多时间先去餐厅攞，都即刻拎到；一打开发现明显系整好15分钟以上，连饭/汤都唔热😅泡菜又超少，得3小块😃我拣咗3款，牛五花、牛板腱、牛舌各50g牛舌好硬🙂又剪到好细块另外两款都唔识分，不过几好食嘅，软身有牛味，点埋酱都好惹味，但系份量好少，食完都无饱嘅感觉🥲紫菜饭系食唔晒嘅，净返少少，嗌咗300g有点多；紫菜甜甜地加埋饭一齐食OK汤好油，微暖白饭微暖贵+唔饱+微暖=无下次吖
继续阅读
同两个朋友行旺角，到咗晏昼唔知食咩好， 其中一个朋友提议话去食一人烧肉， 佢话又平又抵食， 一行三人就走咗去食烧肉啦～入到去睇个餐牌，又真系几平， 套餐包一碗饭、 一碗汤、 一个前菜同埋一碟肉， 最平嘅套餐都系四十令蚊～我哋叫咗一个200 g嘅牛五花套餐、 一个200 g嘅牛五花猪五花双拼套餐、 一个牛小排牛板肩双拼套餐， 另外仲追加左几份肉同埋牛舌～佢哋𠮶度啲肉可以拣盐烧、 汁烧同埋蒜蓉， 即系啲肉食系用咩汁做腌料， 我哋叫既肉拣咗汁烧同盐烧～虽然价钱唔贵但啲肉既质素一啲都唔差， 牛五花同猪五花就有啲似平时打边炉嘅普通肥牛同猪腩片， 但唔知点解， 啲牛五花比起平时打边炉嘅肥牛个质地软身啲， 烧熟咗又唔会柴～牛板肩嘅肉味最浓郁， 但系肉质就比较实， 牛小排算系果到最贵既肉食之一， 质地有啲似肉眼， 脂肪分布好平均， 烧起嚟最有油香～牛舌我就觉得改得太薄， 食起上嚟冇乜口感， 佢哋本来仲有一款厚嘅牛舌，但系好似卖晒， 所以叫咗普通牛舌～另外佢跟𠮶个汤系海带汤， 清清地都几好，可以解油腻～啱啱睇到舖头里边有啲广告写星期一至五中午12点至三点白饭任装， 五点至六点入座有七五折， 可惜今日去系四点几， 两个优惠都食唔到～
继续阅读
今日（30-6-2024 Sun）晏昼，同老公落荃湾买𩠌前食个晏，但由于我消化不良，个肚有啲顶住顶住，所以都要轻食，天气太热，嚟到绿杨，老公话就喺呢喥揾嘢食唔行出去喇。呢喥有咩食？咪就系多数都系美心集团啰，我哋行去烧肉like睇，其实我都知烧肉like系美心集团，但都想试好耐，于是今次试下啦。lunch hour都重有位，唔使等，但店员都唔系那刻安排入座，都等咗2分钟，入座时话一个钟用还餐，同全部电子支付，唔收现金。我拎埋放喺门口嘅纸本menu入座，坐低后用QR code落单，我就选定Like套餐，老公话拣$172.00 250g𠮶个，啊，其他咩嘢都唔加，只系白饭要大。佢就拣$48.00嘅超值套餐 呢喥有6种酱料同两樽盐供应。白饭只系暖暖地；和风汤就只系有海带，但都几咸；沙律菜份量唔系好多，而酱汁唔系沙律醋，似系橄榄油。好喇，讲返肉，老公嘅有猪五花腩，我哋第一个食，完全冇乜特别，食完后，老公话呢个得3片。吓？乜猪贵过牛咩？佢嘅牛系牛五花，我哋烧耐咗食就韧咗。然后我嘅牛舌，切到好薄同细件，大件啲切到吊吊揈lang住，味道就薄弱。样地我都有牛五花，要烧到啱啱熟就夹起食，先至冇咁韧。最后横隔膜肉，呢间厚身啲，要烧耐啲，牛味都唔系好浓。老公嘅大盛沙律呢？开头我以为同我𠮶份一样，但佢嘅汁系黑色同好咸，似豉油咁，我从未食过呢种咸沙律。酱料方面，我多数用蒜味酱油，唔太咸但有啲味。食完后都差唔多一个钟，真系啱啱好。味道系2.5分环境：冷气开得好够，靠墙嘅位好阔落，但个炉都好细个，如果叫嘅份量多，一个钟未必够，就好似我哋旧年6月去葵芳烧肉一番咁（食评系2023年7月8日刊登嘅呢篇：https://www.openrice.com/zh/hongkong/review/%E9%A3%9F%E5%BE%97%E5%A5%BD%E8%B6%95-e4887202）。服务：冇乜服务啦，只系带位同送餐，水就自己斟，食完2走人，一声多谢都冇，所以呢喥冇收加一。
继续阅读