烘發油器粥店 (已結業)

這店已結業！好可惜啊！這類香港特色大排檔越來越少啦！真係好懷念以前細個時去大排檔食粥！老闆也很有人情味！坐在其他有冷氣的店嗰種感覺完全不同！料也不多！唉！好懷念啊！

最中意周圍行，o個日行到去石硤尾，見到哩條小巷就走入去睇睇，結果見到哩間冇乜原因就坐底了望望掛着ge餐牌，就叫碗碎牛粥食下，到了，一食就知道咩一回事，米俾佢地完全煲爛了，這是舊時口感，感覺係用火水爐煲的，米都爆到變成米漿了，可能好耐冇食過哩種粥了，唔係好慣，但食得出當年ge感覺，懷念。。。。。。笑了笑，俾錢，走人，回頭一望，再笑笑，下次再見

在九龍塘下課，晚了，想著除了到土瓜灣七喜外，還有哪兒有可以把車停下，施施然走到店內的地方。轉眼到了大坑東，進入耀東街。老舊的地方；正因為老舊，毫不起眼，才留得住幾個大排檔。有幾家熱鬧的小菜飯店，我們都相不中，卻進了烘發；這兒有我兒時的回憶（見力撐小店系列之八）。都說現在要維生，沒有十八般武藝不能；烘發除了幾十年前賣到如今的粥，還有蒸飯，更有個打冷檔。反正晚飯與消夜混著吃，就一齊上吧！買「組合」飯盒，先盛白飯，上面放選好的材料（豬扒？香腸？斑塊？...），再加汁（或上色）。飯還飯、餸還餸，我蠻怕的。艇仔粥的原理也一樣，先下料（牛肉碎、魷魚、魚片粒 ...），加入粥底，再加「青」，我卻不抗拒。各種材料，一股腦兒勺起，送進咀裡，甚麼口感都有。很「立亂」，也很實在。同伴則點了及第粥。各式各樣的豬內臟都在了，在熱粥中浸到剛熟，再掏出來沾豉油（這兒還有潮州辣椒油，加埋更好味）。吃及第粥就是有充滿矛盾的忐忑：內臟要熟，但又不可太熟；而粥底留下的鮮甜 ... 還是血 ... 也叫人提心吊膽。蝦米腸，原以為是即叫即製的，怎料不然，上枱時不是熱辣辣的。但這遺憾，被那出乎意料的打冷美食徹底填補了。大腸拼墨魚

一朝早由深水埗周圍中, 行到石硤尾呢頭聽到石油氣爐「逢逢逢」咁大聲, 狀似吸引大排檔內原來除了幾張擺在露天地方的枱外, 還有一間狀似破爛的打冷铺頭也可以坐, 不過如果可以忍受到一堆烏蠅在各張枱上行來行去, 牠們好像不怕人呢, 因为點嚇都唔飛走 還是坐在露天位置好了~價錢幾實惠皮蛋碎牛粥$14...绵绵有味粥底, 滾一滾~ 上枱時還見到不少泡泡, 皮蛋就俾得蛋黃少了點, 可能隨手就係咁, 多蛋黃会甘香好多嘛~ 粉仔碎牛幾多, 上枱時碎牛呈粉紅色, 要撈勻d粥先好食, 碎牛入口都好軟綿, 味道亦唔錯。鮮潤腸$12...豬潤还爽, 腸粉皮軟滑, 並沒有加澄麵那種膠質煙韌, 我比較喜歡它的米味豐富, 似是纯米漿製成, 好味 一條腸粉有3粒潤, 好足料啦~

先前睇過某某週刊...topic 係"尋粥記" 介紹到呢間粥店有幾得, 今日晨早就去一試...點知就出咗事...皮蛋碎牛粥 ~ 先講粥底...一d 都唔綿, 食到一半巳變水"生粉水粥", 碎牛唔香無乜味!!蝦米炸兩 ~ 啲蝦米硬到咁點可以比人食呢, 油條夠脆!!叉燒腸 ~ 腸粉皮平平無其, 唔會有驚喜!!炒面 ~ 面質唔硬, 有少少牙菜, 加埋d甜辣醬, 味道常ok!!

是夜在蘇記沒吃飽 (因那豬扒真的小得可憐), 最後便去了旁邊的烘發點了一份牛肉腸粉.起初在OPENRICE看到這裏的腸粉是即做的, 但甫坐下侍應很快從蒸爐拿了一粉牛肉腸 OMG, 一吃下去沒味道且一夾就散, 在下勉強將它清理掉, 真的心有餘悸....

六月十四日來石硤尾這邊本想吃一碟出名的撈麵,只因時間尚早的關係,唯有轉戰過來這裏,看到有粥品和腸粉,當然各要了一款,碎牛粥,這款是我由細到大一直常吃的粥品,這裏的粥品來得稀淡,但像在家中所吃的快速煮好的粥水.碎牛來得沒有多的層次感,不過九元一碗,又不能要求多多,平平的可以接受腸粉都算是即拉.沒有凍冰冰的感覺,咬落的口感.又意料之外,當然加了花生醬,芝麻會更加好.這裏的衛生情況就真的有點差,不過十六元又來得便宜,回想童年又不是像這樣在街邊食早餐.

16/5(六) 11pm托喉嚨發炎之福,加上體溫比平常高了一點,於這敏感時期還是請假好!按慣例,到診所為求其醫生紙而已.求診前,我倆閒蕩到"烘發",以腸粉,炸兩$9,馬拉糕$9,魚雲粥$18及鳳爪排骨飯$15作早點.腸粉及炸兩--韌而膠口的腸粉,而炸兩內的油條理所當然的拙劣,教人倒胃!馬拉糕--糕之面層給倒汗水沾濕了,質地霉霉的;一咬之下及不能進口的甜度,而且其中心乾柴柴的魚雲粥--粥底味精重得鹹味很不自然,魚雲腥得厲害,我的天啊...鳳爪排骨飯--排骨雪味昭然,水準平庸的鳳爪及白飯已屬全桌之冠!難以消受的早餐!

今天先食完東街蘇記豬扒豬潤麵, 唔夠飽, 過來食粥剛剛好.坐街邊檯叫了個碎牛粥 - 粥底有米花, 唔係開生粉, 啲碎牛有以前上海街鈇皮屋大排檔既感覺, 攪起黎一嗰嗰, 唔係碎灑果種, 好味, 但有味精味. ($9)我覺得濃度適中, $9碗粥有這樣質數, 正.總結, 粥抵食又好味, 正.

外賣了一個及第粥加一個牛酥同阿媽一齊食。及第粥有薑絲同蔥花。粥底很綿，無加味精。有好多豬什，豬腰、豬潤、豬肚、肉丸等。豬潤唔算係黃沙潤，不過都唔會鞋口。肉丸好像混了鯪魚肉，麻麻地；豬腰好正，超爽口無異味。豬肚大大舊，有咬口得黎又唔會韌。牛酥用的麵粉是不錯的，內裡好白淨。外層炸得脆。但質地較實，唔夠鬆軟。

香港既大排檔已經不多，係深水步既個舊區仍可以搵到既種風味。當晚既budget唔多，雖然見到其他食客都係叫小菜，但係都堅持原則---平! 所以只係食粥!! 老闆見到我地食得咁平，都不斷咁問我地要唔d小菜兩人叫左一碗豬紅粥、及第粥、油脷酥、炒麵，都係$15/人，味道雖唔係有咩特別(炒麵竟然係熱架!)，但係勝在夠平，深水步既低收入家庭絕對可以夜晚食得好豐富!

本來想過這裏的大排檔吃麵，怎知選了吃粥。原來，並沒有選錯﹗油條($4)︰很脆，又不覺得油，好吃。滑雞粥($18)︰男友吃的，雞真的頗滑，而且有腌過。粥都綿綿的，坐在路邊吃，果然別有一番風味。田雞粥($22)︰這裡的田雞份量不少，雖然有些的只有骨，很少肉，但也有大腿位，吃到底都有田雞，真的過足口癮。下次可以再來這裏買油器﹗

就在強記隔離，有新鮮即炸油器，冒著爆瘡的危機買來試試。其實即食即炸的油器，香脆可口很少會難食，買了幾條油炸鬼及牛酥。因即炸關係，兩者非常脆口，不過只是得一個脆字。油炸鬼不夠鬆化，咬落有點實的感覺，可能發酵過程有問題？牛酥應該有南乳香及有甜味，而這個牛酥缺乏南乳味，只略帶少少甜，外形亦唔夠膨脹。本來還有煎堆的，看外形同樣不夠膨脹，試過兩類油器，只是一般，無謂浪費quota，而且還要留肚再食強記及綠林。

擒日叫左碗皮蛋瘦肉粥, 今日叫左碗墨魚滑粥.皮蛋瘦: 正, 不過d 瘦肉真係盡顯"刀功" , 幼到吹得起咁滯(但份量又唔少喎, 真係想show 下佢地d 切肉技巧嗎?)墨魚滑粥: 好好食, 不過好貴($18) , 應該係加左味精, 因為d 味道極鮮甜, 但係食完又唔係太口渴.兩次都叫炸兩, 評語為不試為妙. 合理既分量, 合理既味道, 不合理既價錢($8) . 比同區貴一截.同樣咁綿既粥底, 只去過彌敦粥店同大角咀松記有同樣水平.呢度外賣要加一蚊架.

男友食緊蘇記豬扒麵, 見到人地可以響格隔叫粥、炸兩過黎食, 咪馬上過去烘發叫碗牛肉粥食下, 正! 係小時候的味道, 不是溝粉粥! 正! 但牛肉就麻麻地, 下次試下其他粥先, 佢個粥底正就得啦!