烘發油器粥店 (已結業)

我地晨早6:30去到, 食完格離間豬扒, 見到佢地有即整腸粉, 馬上試下先.試左炸兩同炒麵, 炸兩裡的油炸鬼好脆, 外皮都好好食, 好味! 炒麵唔油喎! 同外面唔同, D麵都好似靚D, 外面炒果D油淋淋, 令立立, 佢地無呢個問題, 好味!下次試下D粥先!

某天早上,由南昌站徒步走到耀東街,目的是為了一碗粥.這就是烘發.光顧此店無十三,四年都有十年.晚飯時段除卻有生滾粥品之外,還有其他如碟頭飯供應.屈指一算,都真係有十年無來了.早上時段粥品只得一點簡單如艇仔粥,皮蛋瘦此類大路貨色,再加碟即拉炸兩,已經照顧了附近不少街妨多年來,早上的需要.粥底一半一半,介乎稀同杰之間.艇仔粥材料幾足,同外面$8碗貨色大同小異,炸兩皮幾滑,係條油炸骨已經攤到凍.但仍保持脆口的感覺,有點神乎其技.如果想吃一點認真的出品,晚上七點半過後才來吧.

今日放假天氣涼涼地想食粥想起呢度有二十四小時營業既大牌檔行遠D都要黎試下叫左碎牛粥($8)同炸兩($6)碎牛粥～碎牛混左炸米粉,份量好多,粥底綿又杰身,亦唔覺有味精,幾好,好抵食炸兩～雖然已經朝早黎食,但仍然係一早整定既貨色,皮算幾滑,但夾o係中間既炸兩已經凍左唔脆,好在有任加既麻醬甜醬,唔係真係唔知點食好佢亦有西餐部見搭檯o個位阿叔既沙嗲牛麵賣相都唔錯好似好濃沙嗲味咁

今次因事要出石硤尾,有d肚餓,又去大牌檔食...耀東街的大牌檔,差強記同烘發未食過,今次選左烘發...一間少人食的大牌檔...原本係要白粥炸兩,但炸兩冇哂,就改叫白粥腸粉...腸粉ok大碟,唔算多...腸粉係凍的,完全唔熱,軟硬適中,但唔算太滑,都唔算薄...食完碟腸粉,白粥仲未黎...算了,唔食白粥了...埋單$6,唔算平...如果係叫炒麵,估計佢會比穫入面果堆攤左好耐的炒麵我...走時經過長發,見到長發仲係坐滿食麵的人...再行過d,見到25座拆卸緊,有d慨嘆...

平時抽起條根都會想食碎牛粥, 多數幫襯深水"土步" 烘發.. 點知今晚大失所望...碎牛粥無碎牛(勁無碎牛), 所有腸粉賣晒(正番斋腸), 炒麵都賣晒.

心諗都好耐冇坐响大排檔食白粥腸粉，記起從前細細個跟阿媽去油麻地街巿食，好懷念...今朝重温舊夢，走去耀東街懷舊一番...叫咗白粥、油炸鬼及牛腸...油炸鬼端來後用手一摸，凍冰冰嘅，好失望，心諗"有冇攪錯，朝早賣嘅都係隔夜油條?"，開始對呢度嘅水準不寄予厚望....白粥唔綿，已經係死罪一條...牛腸普普通通，冇乜特別，同大埔陳漢記差好遠...好在夠平，唔係就真係揼心口...

因為我們在做一個社會小調查的功課，是關於大排檔的，所以這次我們去了耀東街。大家拿著相機興奮的把各個大排檔照了一遍，直到強記的夥計不高興地叫我們不要照相。因為有個同學還未食晚飯，所以我們就在態度比較和善的烘發油器粥品坐了下來。烘發的主打是粥粉，可惜只有早午市才賣，晚市便都是碟頭飯了。一個朋友叫咗一份排骨飯（20）同埋一杯紅豆冰（10），我同另一個女生就一起叫咗一客套餐（17），包括一份粉面、一份火腿奄列和一份熱飲。我們選咗五香肉丁米粉和凍鴛鴦（加2元），米粉是很幼的那種，所謂五香肉丁，我們覺得就是罐頭的茄汁魚，很一般了。不過鴛鴦倒是還不錯，奄列也夠足量，只是賣相不很靚，尤其切開後，有些爛兮兮了。不過我喜歡食半生的蛋，所以爛兮兮的蛋倒正o岩我口味了。朋友話排骨飯還唔錯，但我嘗了下就覺得好一般，紅豆冰倒是幾好食，不過有d甜。可能未食到它的馳名菜式吧，覺得不是那麼好。進去前看到夥計在用大鍋炒麵，果然夠“鑊氣”！

呢間粥店真係極品，尤其係油器，$3大大件，而且炸得極其香口，又夠脆，就算放耐o左都唔會又"un"又腍；粥底OK，夠綿，只是略欠米香；腸粉是即叫即拉的(我淨係試過齋腸)，唔算好滑o個種，但口感亦不俗，聽聞下午時段開始有糖水供應，可惜下午我永遠唔會路經此地，看看有冇一日有咁o既機遇，試o下佢o的糖水先！

食完夜粥打唔打得就唔知，但就講唔到野喇。因為頭先食粥時辣親條利。估唔到碗粥咁鬼熱。送粥的有炒麵、油條、咸煎餅、牛利蘇等。一次過的話除非一檯人啦，否則都唔可能話食得晒。早午晚餐的話可以要埋炒麵，宵夜選擇的話就艇仔加油條，粥底近乎綿同生滾之間，鍾意的會話適中，唔鍾意的會話唔湯唔水。我屬前者，感覺良好。全天候24小時營業，粥，唔洗一定夜食的。