烏蠅館 (九龍中心大廈)

营业中

休息中

依家打邊爐真係會打上癮，一個星期食至少一次，好彩我同老公食極都唔肥🤣🤣🤣今次寫食評係因為呢間火鍋店同其他唔同，首先特別少少嘅係鹵牛筋，熱食凍食都得，好少會喺火鍋店見到，嘗試下新嘢囉，不過都冇令我失望，啲牛筋好煙韌，亦都幾入味，唔會有嗰種死實實嘅鹹。另外就係呢度會有黑豚肉，佢同普通豬肉嘅分別都幾明顯㗎！第一！口感。黑豬肉的瘦肉部分有嚼勁，肉質滑嫩但不會失去韌性，而肥肉部分經過咀嚼就會融化;普通豬肉的肥肉入口很軟，但沒有濃郁的肉香，而瘦肉經過咀嚼很容易變成渣狀。第二！肉質。黑豬肉的肉色鮮紅，細看的話，會發覺還豬肉的肉肌纖維細，所以口感會細嫩很多。普通豬肉的肉色淡紅，肉纖維比較粗。既然佢不惜成本入啲靚豬肉，88蚊真係好抵食㗎，推介大家過嚟食一定要叫一碟。而個火鍋湯底呢，就因個人喜好啦，我自己就不嬲都鍾意食開啲比較係滋補類或者中藥藥材湯料，呢個湯底都唔差嘅，味道相對健康啲同埋會多配料，呢個價錢算係幾抵。最後食埋薯粉真係一流呀。呢間正常食飯時間都會比較多人，建議大家book定位或者早啲嚟排隊啦。

The hidden grill fish pot place is located at Tsim Sha Tsui Ashley Road, very near Harbour City and Kowloon Park. The name of the restaurant is called the fly place. The restaurants set menus also grill fish pots along with other different ingredients where you cook along with the fish pot. Is a different experience in comparison with the traditional hotpot. They offer 6 varieties of fish pots and 3 different choices for you to choose from. The pot also comes with 3 daily selections of vegetable

之前看烏蠅館的食評，這裡最有名的好像是烤魚🐟一直都很想來試試那些又香又辣的烤魚，就連要點什麼配菜我都想好了（薯粉和冰豆腐！❤️）不過這次來是帶著爸媽，我媽不喜歡辣/重口味的食物，那只好先吃火鍋，下次約朋友來才嚐烤魚吧～為配合我那喜歡養生的母親，湯底點的是 滋補菌湯 $108裡面的菌類實在蠻多，湯頭是濃濃的香菌味🍄喝下去舒服清甜～我爸喝了好幾碗才開始煮火鍋😄侍應送上這些沾料，每人收$10，我們好像都沒用完😭雪花肥牛 $128 🐂牛肉質素不錯，比我想像中來的鮮嫩，而且不會很肥自家韭菜餃 $68 🥟味道正常貢菜 $32我覺得是一些類似菜乾的東西😂煮了之後口感還是有點爽脆，像乾筍，味道就一般四川寬粉 $28滷豬大腸 $58 🐷吃下去還蠻香，我覺得可以墨汁墨魚丸 $48 🦑四川蕃薯粉 $28 🍠口感跟寬粉無異，都是QQ有嚼勁的------------------------------吃火鍋的時候，餐廳四圍都飄著一股蒜辣香味🌶️令人食指大動～

睇食評覺得幾吸引黎試呢間火鍋，六點黎到食全場已經爆滿好鬼多人食。呢度有烤魚同火鍋，烤魚分別有三種魚，龍躉魚，三刀魚，多寶魚。今次試吓個火鍋，火鍋有三個口味，分別係重慶牛油麻辣火鍋，蕃茄酸辣火鍋，滋補菌湯火鍋。由於入嚟已經聞到好重嘅麻辣香味，所以就是試下個麻辣火鍋。飲品方面都有好多唔同嘅選擇，有黑糖珍珠奶茶，奶蓋茶，另外再加一啲蜂蜜特飲。今次我哋就嗌左兩杯奶蓋茶分別係人蔘烏龍茶同埋銀絲綠茶，個杯靚靚哋仲有厚厚嘅奶蓋，真係好香呀。下面仲有啲茶葉證明係鮮茶沖炮嘅！另外呢度亦都有豬黃喉，好特別，616就食得非常爽脆！如果鍾意索味嘅朋友可以6耐啲會朔晒湯底嘅麻辣鮮香！風琴豆腐串，打邊爐豆腐串食落個感覺有啲似炸豆卜，喺每一排風琴式索盡D湯汁，非常惹味，叫埋寬粉，兩樣都好索汁好好食。

尖沙咀不嬲多好西，但係鳥蠅館吾係朋友介紹我都吾知係咁出名，果日7點去到已經人山人海🔥入到去有得簡食冒菜、烤魚、火鍋，選擇好多，吾怪得咁多人 但入面地方都好大好闊落！我地兩個人決定打邊壚，叫左個牛油麻辣火鍋，湯底吾係好似平時咁有湯水咁上碟，係係你面前倒水落鍋度，慢慢煮個湯料！超級麻！注意：哩度無得簡辣度，所以食開小小辣既朋友未必食到啦！我地叫左寛粉、豬黃喉、雙併滑等等！感有盡有！個辣愈食愈香，但加埋菜就變左有小小油，要叫店員幫手加水先得！推介雙拼滑，好彈口爽甜，啱晒打邊爐多啲選擇唔使得一款！墨魚同蝦滑正啊💪💪💪哩度飲品選擇好多，仲可以加奶蓋，超級推介黑糖冰粉鮮奶☺️好解辣！又有冰粉既口感爽一爽，啱晒打邊爐！

好耐好耐無食左烤魚🐟🐟 今次朋友介紹黎左亞士厘道呢間餐廳餐廳都算大 但人好多 要預早book 位我地叫左個招牌香辣烤魚 另加配菜魚一上枱 店員提醒需要等5分鐘先好開蓋時間一夠，我地就開餐啦🍽點知食落無乜香味辣味⋯⋯ 後來先發現 係無gas!! 姐係魚上枱時果5分鐘係無煲過🙉🙉換左gas後 再煲 d香味出哂黎 即刻好食左將配菜 萵筍紅薯粉放埋入去 吸哂d湯既精華 真係唔錯👍🏻 因為配菜唔會好大碟，所以我地都加多左兩轉先夠飽！

烏蠅館😂呢個名好特別！諗起好多烏蠅聚埋一齊，好多美味食物吸引住佢地😁冒名一試！佢哋主要係食冒菜即好似車仔麵咁可以揀唔同嘅餸菜同麵～但當然湯底唔同！我哋晚市去食，都見到好多人食！不過我哋夜晚想食得豐富啲所以揀左烤魚🉐️烤魚方面有三種魚揀，二百幾至三百幾蚊～而我揀左中價個隻三刀魚，雖然無多寶魚咁滑但勝在少骨😁鍋底好有驚喜❤️好多蒜蓉!好惹味👍👍配菜方面叫左馬鈴薯片，萵筍，雲吞，肥牛！最特別係佢個雲吞上枱已經66熟咗7788，你放落個鍋度撈下啲汁2分鐘就食得👍👍非常方便

聽到烏蠅館個名，都以為係好唔乾淨咁😂😂😂。今日去到門口發現，原來乾淨企理。門口己經聞到香氣撲鼻，唔怪之得叫烏蠅館😂😂因為烏蠅都香到走埋嚟🙈。因為早咗嚟嘅關係，舖頭唔算好多人。唔使等位就已經可以入去。呢間食肆最主要嘅係食烤魚。佢有好多款味道，而魚就有三款嘅選擇。店員話想食滑嘅魚就揀多寶魚，但多寶魚就較為多骨。而另外兩隻就啖啖肉，咁所以我就揀咗特色炮椒三刀魚。烤魚會原條上而佢地仲會送上三款送嘅配菜，三刀魚真係啖啖肉，入口好重魚味唔鯹，亦都食得出好新鮮。飲品叫咗呢個蝶豆花檸檬，顏色好靚，用嚟打卡一流😂😂。味道酸酸甜甜咁好啱用嚟解辣。食完魚之後仲可以叫店員加湯然後打邊爐。萵筍放落去好吸味咬落好爽口。寬粉亦都係另一樣吸味自選，煙煙銀銀非常好食。呢度嘅餃子係本身煮好俾你，咁就唔怕煮得太耐會爛。餃子餡料好粥尤其粟米餃子。仲食到淡淡粟米味❤️❤️。呢度啲嘢好好食😋下次一定會再嚟。

今日黎到尖沙咀嘅亞士厘道平時好少行入呢條街但朋友推介開左間本地而出色嘅麻辣火鍋/烤魚當然要黎一試門面霓虹燈色嘅招牌好有香港風味除咗店面呢幾張枱其實入面仲有房入到去其實可以點 麵食/火鍋/烤魚咁我當然係點烤魚烤魚有3種魚 店員會主動詢問駛唔駛介紹而我因為怕多骨所以揀左泡椒三刀魚 （辣度定左中辣無得改）其實即係酸辣魚 送三種素菜今日係金菇 木耳 芋絲魚其實一早已熟 但係上枱時要煲返滾個湯底同配料先同店員描述嘅一樣雖然魚無咁滑 但就多肉少骨 魚肉有鮮味 但如果想甜啲 就要叫龍躉魚啦火鍋配料之中最吸湯嘅一定係四川寬粉但佢需要煮耐啲 直至到半透明嘅狀態咁就食得啦不過 煮得太耐就會過淋 煮唔夠時間就會硬少少呢個寬粉完全索晒啲酸辣湯味 好值得推介另一樣吸湯之選就係響鈴呢度嘅響鈴保持到脆口嘅感覺放落湯幾秒就可以食得而且外軟內脆牛丸一份有10粒好抵食而且好有牛味 咬落去仲會有少少爆汁萵筍同樣係食川菜必選之一放落湯煮一陣 幾保留到爽脆亦吸湯雙拼水餃粒粒粟米餃拼韭菜餃呢度嘅餃係上枱前已經煮熟咗嘅皮薄餡靚 初時仲怕係雲吞皮太薄會好易煮爛但識落又唔會喎雲吞皮仲可以掛湯汁餡料唔會好實咬落有湯汁韭菜同豬肉比例啱啱好

💛尖沙咀人氣四川菜 — 烏蠅館▫️一直都聽到好多人推介呢一間烏蠅館，今日就終於試到啦～佢哋除咗有特色冒菜食之外，仲有烤魚同埋火鍋可以選擇🤩但今次為食兔就淨係買咗外賣返去，唔知質素如何呢～▫️冒菜單人A餐$50（任選六種配菜)配料有好多款，真係有超過五十選配料可以選擇！辣度叫左中辣，湯底都幾辣，但唔夠重口味，味道唔夠咸。而寬粉拎咗返屋企再叮黎食都好煙韌、有咬口！魚腐同竹笙好索汁，不過魚腐得一舊、有啲少🙈鴨血係平時一盒盒買到嗰隻🙊而雞肉有啲鞋，整體冇特別😂▫️飲品選擇都有好多，今次就+$20要黑糖冰粉鮮奶，冰粉嘅份量好多，黑糖嘅味道亦都唔會令到杯嘢飲好甜，甜度適中，都幾好飲～😆▫️地址：烏蠅館 尖沙咀亞士厘道29-39號九龍中心大廈地下G29號舖。將軍澳貿業路8號新都城中心二期地下G10號舖。▫️為食指數:6.5（10分為最多)抵食指數: 7

行街覺得肚餓，忽然見到一間火鍋店，烏蠅館，突然好想食重慶野，於是就行咗入去食坐低睇吓食咩先，有三款唔同嘅火鍋湯底選擇，仲有好多配菜，真係好啱我今日食重慶口味的心情。我哋揀咗唔辣嘅湯底，店員話湯底唔算好油仲可以飲，我諗應該幾好味。用左唔同嘅菇同蔘湯一齊淆，應該都幾補！提供左醬料俾我哋自己配搭，鍾意辣可以不多兩根辣椒，唔鍾意辣就落蒜蓉芫荽或者係蔥。同大家介紹一下，呢個係寬粉，咁大個仔都係第一次食。@@煮完之後成條橡筋咁，但食落去又真係幾彈牙，好食到停唔到口！瞌埋眼食，感覺好似食緊花膠咁添^-^佢嘅服務真係一流，上白菜餃子的時候會先煮熟咗先，等七八成熟先至上枱。咁我哋等候佢食嘅時間就會短咗好多㗎啦xd黑豚肉10片，正！一個字，抵食！

今晚約左好耐無見既舊同事食飯，諗起以前最鐘意lunch去食辣嘢，所以今次去左尖沙咀試下烤魚，呢間烤魚叫烏蠅館，九龍公園A出口行幾分鐘就到，星期日晚街上人流唔多，到門口咁岩有兩班人等帶位，點知一入去，呢間餐廳竟然坐滿場，非常有人氣。入到黎一陣🌶麻辣🌶香氣，流曬口水即刻睇menu。我地兩丁友揀左招牌香辣烤魚，魚有三款，我地揀左無咁多骨既三刀魚🐟 ($288)，點烤魚本身跟三款配菜，當日配菜係秀珍菇、木耳同芋絲。另加左四川寛粉($28)同風琴豆腐串($36)，等左一陣，原條烤魚上到，好香賣相好吸引，影左幾張相已經忍唔住開餐，魚好滑身，湯底好惹味，叫左小辣，辣度啱啱好，素菜吸晒啲湯底，唔係講笑堅好味，最正係秀珍菇！好快食完一面魚反轉條魚食，背面啲魚肉煮得更耐更入味更好味，魚骨量唔算好多而且都大條容易挑走，寛粉會太吸辣太索油🥵，所以覺得麻麻地，風琴豆腐串都好味，但自己本身唔係好敢食太辣，所以食之前都壓走曬啲湯汁出嚟。食辣又點可以唔叫野，睇下drink list先，佢地啲飲品好特別，餐廳堂食來講飲品都唔算貴，一於叫杯食奶蓋玫瑰蜂蜜($23)同埋奶蓋菊花普洱($23)黎試，佢哋嘅奶蓋真係好好味，有別

以往經常去深圳食好嘢，現在只可留港消費，今晚就揀咗尖沙咀烏蠅館食烤魚。由門面睇以為間舖好細，但入去先發覺佢分咗前後兩邊，可以容納好多食客，雖然係閒日，都坐滿九成幾。由於大家都唔食得太辣，侍應介紹招牌香辣烤龍躉(小辣)，而餐廳今日贈送嘅三個素菜，包括木耳、萵筍及芋絲。烤魚上枱等五分鐘就食得，龍躉比較細條，但肉質爽滑，有鮮味，加上素菜及洋蔥，令醬汁湯底非常濃郁美味。之後加上湯變火鍋，我一定推薦四川番薯粉，因為從未試過咁煙韌嘅質地，再吸收晒湯汁，極之好食，必試。另外一款火鍋料，係我必揀嘅鮮蝦雲吞，再揀雙拼配韭菜豬肉餃子，由於餃子預先灼過，就不用煮太耐，否則過熟。餐廳有自家製飲品，一杯凍桂花蜂蜜，超多桂花配合甜甜蜂蜜，清新順喉，解暑一流。餐廳嘅冒菜都好受歡迎，款式又多，我會搵機會再來享受吓。

有朋友訂咗枱去尖沙咀烏蠅館吃晚飯，見餐廳座無虛席，但好快有位。餐廳簡樸佈置，柔和燈光，而分咗兩個區，噪音唔會互相影響，食得自在啲。餐廳烤魚出名，就點咗個小辣嘅招牌香辣烤龍躉，如果食得辣嘅朋友，就要選特色泡椒配大辣，可以過足癮。熱燙嘅烤魚端上檯時已聞到辣味，打開蓋香味更加一湧而出。龍躉嘅質地好滑溜，烤得剛好夠熟，唔會過火，烤盤上的素菜，雲耳、芋絲及萵筍，吸滿了醬汁，非常惹味。之後侍應添加上湯轉火鍋底，滿足我哋打邊爐嘅口味。羊肉片切得夠薄，一放入烤盤灼幾下 ，入口爽滑，冇羶味，鮮甜 可口，一人一塊，好快就KO一碟。如喜歡爽爽脆脆口感嘅朋友可以選豬黃喉試試，無論灼幾耐都保持爽脆，配合湯汁一齊食 ，就唔會太單調。墨魚滑係必選，按你喜好逐一逐一撥落去煮，十多分鐘就食得，好味又易食。大家都鍾意食菌類，叫咗碟姬松茸，由一開始放落湯裏面，直到我哋食晒其他食物時，姬松茸都冇變色或變軟，入口仲有一陣噏味，勉強食咗。飲品有凍碧螺春加奶蓋，既有淡淡茶味亦有奶蓋嘅香味，可以中和火鍋嘅油膩。

最近經常與兩個同事突然約食飯。決定出尖沙咀搵好野食。最後朋友推薦食烏繩館。6點WALKIN入去，佢話7:30 後有BOOKING 問我地可唔可以。無多諗既情況下話可以，但我地錯啦。建議大家都係打電話BOOK定好點。因為太趕啦，無得一路吹水一路慢慢食。我地叫左個招牌香辣烤魚（多寶魚）小辣，佢地送左3個時令素菜（木耳、金菇、蘿蔔）。材料叫左蜂巢豆腐、蟲草花、寬粉、雙拼滑（蝦滑和墨魚滑）。當然梗係唔少得飲啤酒🍻湯底方面：夠辣，湯底夠甜。多寶魚肉質嫩滑，口感細緻。特別推介要加蘿蔔和寬粉，寬粉夠煙韌和夠入味。蝦滑都唔錯，夠爽口。但墨魚滑就一般，唔夠爽口和彈牙。蜂巢豆腐個質感唔算好強，可能雪得太耐。整體來講都唔錯。聽朋友講冒菜幾好食，下次有機會黎尖沙咀會試下佢既冒菜。