影片
更多
2021-06-08
173 浏览
平時約人去尖沙咀都係例牌去厚福街搵食，但係去得多開始覺得悶，所以就揀左依間位於亞士厘道、出名平嘅烏蠅館做今晚嘅據點😌等位嗰陣侍應會問你食「冒菜」定「酸菜魚」。酸菜魚我聽得多，冒菜就真係咁大個女第一次聽。上網睇原來冒菜同麻辣燙差唔多，但冒菜湯底多數係應令時節，用香料和中藥熬成，係一種好特別嘅菜式。由於近排有啲手緊，今次就揀左冒菜，酸菜魚就留返下次～一行入去成間餐廳感官幾好，環境整潔同聞到勁香嘅香料味。餐牌有超過30幾款餸比你揀，你可以係咁多選擇入面揀六樣 ($50)或者八樣($58) ，真係小朋友才做選擇，我全部都要😎 我就點左六餸（娃娃菜、生根、牛根、牛丸、紫菜、賽雞肉）搭寬粉 (+$5)同四川酸湯。當我見到碗麵哇左出聲，未上之前心諗咁多餸揀，應該係每個餸得一舊。點知原來佢每個餸都唔少，起碼有兩三舊😙！食完我有以下評價：推薦👍：四川酸湯：勁多酸菜同胡椒，夠辣🌶不過少少油索湯嘅餸，例如菇菜類、生根同紫菜雞翼（朋友推介）：有兩三隻，幾入味寬粉：索湯，口感好Q彈不了👎：賽雞肉：我以為賽雞肉係一種地道煮雞嘅方法，點知原來即係齋雞⋯⋯（不過自己唔識野唔怪得人🥺），正常發揮牛根：食落少少膠，但唔係
等位嗰陣侍應會問你食「冒菜」定「酸菜魚」。酸菜魚我聽得多，冒菜就真係咁大個女第一次聽。上網睇原來冒菜同麻辣燙差唔多，但冒菜湯底多數係應令時節，用香料和中藥熬成，係一種好特別嘅菜式。由於近排有啲手緊，今次就揀左冒菜，酸菜魚就留返下次～
一行入去成間餐廳感官幾好，環境整潔同聞到勁香嘅香料味。餐牌有超過30幾款餸比你揀，你可以係咁多選擇入面揀六樣 ($50)或者八樣($58) ，真係小朋友才做選擇，我全部都要😎 我就點左六餸（娃娃菜、生根、牛根、牛丸、紫菜、賽雞肉）搭寬粉 (+$5)同四川酸湯。
當我見到碗麵哇左出聲，未上之前心諗咁多餸揀，應該係每個餸得一舊。點知原來佢每個餸都唔少，起碼有兩三舊😙！食完我有以下評價：
推薦👍：
四川酸湯：勁多酸菜同胡椒，夠辣🌶不過少少油
索湯嘅餸，例如菇菜類、生根同紫菜
雞翼（朋友推介）：有兩三隻，幾入味
寬粉：索湯，口感好Q彈
不了👎：
賽雞肉：我以為賽雞肉係一種地道煮雞嘅方法，點知原來即係齋雞⋯⋯（不過自己唔識野唔怪得人🥺），正常發揮
牛根：食落少少膠，但唔係骨膠原個膠，係玩具膠個膠🤡
牛丸：普通，冇咩咬口，似BBQ一兩蚊粒嗰啲
本來想嗌埋桃膠，但無奈真係太飽，所以淨係M左少少朋友嗌嘅「桂花蜂蜜冰粉」(跟餐 +$15) 黎食。佢除左桂花之外，仲落左紅棗同山楂，酸酸甜甜咁好好食！
今餐好滿足！今時今日尖沙咀$55好食嘅晚餐真係邊度搵，烏蠅館絕對係糧尾首選👍👍 下次一定會再黎試佢地嘅酸菜魚🤤
张贴
