烏蠅館 (九龍中心大廈)

营业中

休息中

屋企人係依間熱門川菜餐廳book左枱 我梗係都要食埋一份啦今次黎食既係烤魚 食曬啲魚之後仲可以加湯打邊爐添😝傳統麻辣烤魚 $288有六款烤魚風味可以選擇 今次我哋就揀咗傳統麻辣烤三刀魚麻香味十足 令人胃口大開😋肉質嫩滑 魚味濃郁 又唔會過老 岩岩好無得輸鴨血 $78份量大方 調味適中鴨血滑溜溜好正 依個一定要點👍🏻自家白菜餃 $68白菜新鮮有咬口 配埋香麻既湯底滾一滾再食好正阿🥰🥰🥰雪花肥牛 $128食肉獸必點既肥牛油花均勻 份量都唔算少🤩🤩🤩蟲草花 $32屋企人好鍾意食蟲草花 營養豐富又滋補四川寬粉 $28寬粉吸收晒湯底嘅精華 口感彈牙😝除左烤魚 仲有打邊爐同四川冒菜可以點下次一定要黎encore多次🥰🥰🥰

好耐冇食過烤魚啦 香港好少地方有得食 之前見到好多人推介呢間今日就黎試下烤魚有6種口味可以揀 魚有3種我地今次就揀左招牌香辣烤魚小辣 魚就揀左多寶魚配菜既選擇都幾多 價錢都唔貴大概等左15分鐘左右魚就上左黎啦魚入面會有3款當日既素菜 我地今日就有雲耳、芋絲雞髀菇都唔錯 芋絲吸左湯底既汁好正！多寶魚質好滑 加埋啲醬汁食好有風味 我地叫左小辣所以唔會好辣 下次可以試埋麻辣啊野飲我地叫左一枝啤酒同埋一罐可樂 食烤魚就係要配呢種因為我同朋友都鐘意食芫荽 所以我地另外叫左芫荽吸左辣辣地既湯汁係最好食 呢到既素菜分量都算多 兩個人係好夠食最後仲有食烤魚唔可以冇既烤魚皮同薯粉 我地今次叫左寬粉 好少有餐廳有得叫 覺得寬粉既吸湯力比薯粉好最後兩個人食左$441 好抵食！下次都會再黎

應該接近十世無食過辣野度☺️不知哪來既勇氣，我今次會咁hard core 咁嗌左依間黃店既招牌香辣烤三刀魚（小辣）（$288)，但真係好香好好食！. 聽侍應講依度烤魚既辣度分三種（小/中/大），想食原汁原味就嗌招牌香辣，係由巨量香蒜同n種香料做基調再加無數辣椒粒熬煮而成。至於 特色泡椒同傳統麻辣就好明顯係分別為愛吃酸同麻辣既朋友而設！根據侍應推介，鐘意啲魚肉口感滑溜同鮮味重少少既朋友可以食三刀魚，鐘意魚肉甜同想act high class d既朋友就可以嗌龍躉。But anyway that day I feel so middle class instead 所以我無揀到龍躉哈哈哈哈（重點係我怕龍躉煮耐咗會「鞋 」 lol) 😊 至於三刀魚...... Er如果你鐘意食骨既話佢會係唔錯既選擇👍.食完烤魚其實已經飽左八成，但我同友人依然無懼滿面辣油同鼻涕，追加左鮮脆響鈴（$48) 同風琴豆腐串 ($36) yap佢d汁食。tbh前者can be skipped 因為佢一d都唔脆，後者索哂d汁就反而風味一流，can order！.不得不提既係， 呢度啲甜品同飲品都比我想像中出色同有特色！紅

呢排尖沙咀朋友介紹呢間叫烏蠅館個名好特別仲好容易🤭原來係食烤魚店👍呢間烤魚我覺得同平時食嗰啲有啲唔同佢可以自己選擇餸菜同埋麵，不過湯底當然唔同啦！同埋晚市呢度都算多人，我亦見到好多人都會外賣買返屋企食，講返條烤魚先呢度有二百至三百幾價錢嘅烤魚，我選擇咗中價三刀魚因為呢條魚比較少骨😂但呢條魚質素都好高啲肉又滑又勝在少骨👍真心推介⭐️之後配菜我哋選擇左肥牛，馬鈴薯片，萵筍，同埋最特別嘅雲吞因為雲吞上枱嗰時都整熟咗再放落個湯底兩三分鐘撈埋湯底啱啱好🙌😋整體嘢食方面都非常唔錯⭐️

上次週末經過呢間餐廳，留意到門口有超級多人排隊，就決定今次平日嚟試一試🧡我哋叫咗招牌香辣烤魚 - 三刀魚 (小辣) $288我揀呢隻魚係因為店員推介話比較少骨，個人超怕多骨魚🥲一上菜已經見到辣椒舖滿成條魚，同埋有超級多蒜蓉，食落去係鹹香味，十分開胃。個人覺得呢間係偏辣，小辣已經好辣（平時食開譚仔小辣）魚皮同魚肉都好霖，魚好大條，兩個人食份量剛剛好👌🏻另外配送三款時令素菜，我哋嗰日就係蘿蔔片、芋絲、同木耳。木耳好大件，吸收左烤魚湯底嘅精華之後好好食。食完烤魚之後，另外我哋再叫咗少量配菜。推介風琴豆腐😋上菜時有三大嚿，份量好足。豆腐吸收左魚湯，鹹鹹香香好juicy。番薯粉同辣辣嘅魚湯十分match！好似食緊酸辣粉咁惹味😍萵筍就正正常常，都算新鮮👌🏻我哋食完走嘅時候差唔多八點，見到成間舖頭已經坐滿咗，門口仲有好多人等緊位，如果唔想等位嘅話最好6:30入座😌🤎環境我哋兩個人坐到四人位，店內都有部份卡位，都算舒服唔太迫👌🏻🤎性價比叫咗一個烤魚同三個配菜，已經好飽。兩個人埋單四百零蚊，價格都合理👌🏻

今次有啲趕時間，所以無食烤魚火鍋，只係食冒菜。類似車仔麵揀餸，6餸$50，8餸$58，配麵或飯等主食另加$5。望住餸菜選擇唔算好特別，但個精髓係湯底！藤椒湯出面唔常見，看似清湯其實麻而不辣，正！而麻辣湯小辣唔算好辣，都好味。而跟湯除了有蔥及芫茜，還有蒜蓉及芝麻。雖然隻碗望落唔係大，但每款餸都算足料，寬粉夠煙韌，正。跟餐配罐裝汽水加$7，茶飲$10，黑糖特飲$20。叫左杯茉莉蜂蜜同黑糖冰粉鮮奶，賣相味道都唔錯。另外叫左個甜品小食紅糖糍粑 $24，類似是炸過的糯米糍，外面少少脆口，內裡煙煙韌韌唔會太甜，但有點飽肚。.見到隔離枱食烤魚好吸引，下次要叫多幾個人一齊食！

聽聞呢間烤魚好出名，不過我係尖沙嘴返工咁耐都未食過，今次終於有機會同朋友來試下。我地兩個都鍾意食辣，之前周不時會上深圳食烤魚打邊爐，但疫情後好耐冇得食，所以今次就搵烤魚食。因為我地鍾意食酸辣口味，所以叫左泡椒味，辣度就冇得揀，係中辣。 魚就叫左三刀魚，因為店員介紹話少骨，今日既配菜素菜有萵筍、木耳同金菇。 另外再叫左豆皮同牛丸。 口味方面，湯底好濃郁，多酸菜，酸酸辣辣幾開胃。魚就唔算大，不過好入味。 因為多湯嘅關係，呢款烤魚就唔會太油膩，反而清清地。牛丸好好味，好Juicy，一碟有10粒，好抵食，強推。我地最後又叫左一份紅糖糍粑，糯米甜甜脆脆都幾好味，中和下酸辣味。總體來講都唔錯，下次可以試下冒菜同火鍋。

烏蠅館一開始聽個名都唔知食乜，不過見到係食烤魚，而我同朋友食飯好少食烤魚，所以就試下啦🤣🤣叫左麻辣多寶魚，雲吞併韮菜餃首先講下麻辣湯底先，佢係少辣，所以好香又唔會搶左魚既鮮味，而且做雲吞湯底都唔錯。雲吞表現都ok，而且蝦唔會梅左。韮菜餃有菜係入面令成件事健康d，，唔會太多肉。麻辣湯底食番薯粉係常識吧，番薯粉好有咬口，撈埋麻辣湯yummy yummy ! 送的配菜有雲耳,海帶苗,芋絲,全部都同麻辣湯底好夾！野飲叫左玫瑰蜂蜜,桂花蜂蜜，用嚟解下麻都唔錯！😍😍😍決定左下次黎要試佢其他魚🤣🤣🤣

呢間餐廳基本上做左我飯堂，成日都嚟食飯😂 不過次次都係食冒菜，今次終卡嚟試吓佢地嘅烤魚！┄┅┄┅┄┅┄┅┄❦ 招牌香辣烤魚 (三刀魚) $288三刀魚魚肉滑嫩，仲好肥美多肉。香辣有超多蒜蓉辣椒，聞都聞到勁香！不過d辣椒會越煮越辣，叫左小辣食到最後變左中辣。如果唔想太辣可以夾走少少辣椒～評分：🌕🌕🌕🌕🌘-❦ 配菜¸.·´¯❧ 雲耳 (跟餐)¸.·´¯❧ 萵荀 (跟餐)¸.·´¯❧ 蘿蔔 (跟餐)¸.·´¯❧ 娃娃菜 $32¸.·´¯❧ 自家西洋菜餃 $68 🤩¸.·´¯❧ 蟹肉棒 $48樣樣都好好食，但餃子必叫！餃子用雲吞皮包，皮超薄餡勁多，最驚喜係入面仲有蝦米，咬落去又多汁又香😋😋評分：🌕🌕🌕🌕🌑-❦ 桂花蜂蜜 $18❦ 茉莉蜂蜜 $18兩杯飲落都好清甜，解辣解膩一流！評分：🌕🌕🌕🌕🌗

鍾意食辣野既我周不時就會想食冒菜，哩間好食得黎仲係💛，所以我又係已經食左好多次～☑️ 6款配菜+主食 海帶結//風琴豆腐串//金菇菜//蓮藕片//鵪鶉蛋//海膽丸//蕃薯粉我簡左小辣，加埋大量蒜🧄雖然唔會話好辣，但佢就係有種梗喉既感覺，辛苦得黎又停唔到口🤣然後食完之後成個下晝都覺得好頸渴🙈我簡既配料都係一啲索湯底既，每樣野既份量大約係2-3舊。

今日同中學同學一齊食晚餐，大家都好想食辣野嘅時候，就有人建議食烤魚，於是我哋就二話不說嚟到呢度。1.首先我哋點左香辣烤魚（中間價錢的魚類）唔記得咗係咩魚，但係肉質都唔錯！而個口味就係香辣味，烤魚上枱的嘅時候鋪滿左蒜蓉辣椒🌶️味道好似燒烤，但係就咁望落去係有少少油。烤魚配菜：金菇、木耳、魔芋粉（烤魚set包埋）2.我哋亦都點了不少配菜，例如：萵筍、紅薯粉、響鈴、脆肉鯇、蔬菜🥬、雙拼菇、豆腐串3.飲品方面：佢有黑糖鮮奶系列，當中仲包括黑糖鮮奶雪燕（好似去咗糖水舖），而且價錢亦都唔貴三十零蚊！呢個價錢相當不錯👍可以一試，不過呢就唔係好解渴，只能解辣。4.紅糖糍粑（熱辣辣熱辣辣，好煙銀）

今日想食烤魚，特別係辣辣地嗰種烤魚🐟🐟於是今日就同男朋友去熱門嘅「烏蠅館」🐟🐟招牌香辣烤魚（多寶魚）：多寶魚一向多肉👍肉質鮮嫩😋叫咗一條多寶魚🐟條魚都幾大條👍兩隻手掌咁長🧐配埋微辣嘅湯汁去煮，好入味亦都好開胃😋食落亦都好香口，未滾已經聞到好香嘅辣味👍 一條魚兩個人岩岩好👍呢嗰套餐仲包埋三款素菜🥬有木耳、蘿蔔同雞比菇😋木耳入味又爽口👍蘿蔔更加唔洗講！先等到最後先食！入曬味😋😋雞比菇有咬口！四川寬粉：好闊一條😂煮到透明先食，吸曬湯汁啲味😋😋😋咬落彈下彈下咁👍未煮之前睇落唔夠食，但食落好飽肚😂👍檸檬蝶豆花：紫色好靚😚飲落似檸檬水🧐但幾解渴👍黑糖桃膠鮮奶：上黎嗰陣個漸變色好靚😚飲落甜味岩岩好，似煮得好均衡嘅黑糖👍😋桃膠養顏又可以代替卡路里爆標嘅珍珠，但又有咬口👍正！鮮奶味好濃厚😋😋似日本牛奶🥛嘅味道😋😋

熱辣辣都要打邊爐，幾個人打邊爐就係最好嘅活動，可以熱熱鬧鬧咁樣圍住過路慢慢食！聽朋友推介，烏蠅館嘅食材新鮮，所以就去試吓！打邊爐最緊要梗係個湯底啦，我哋揀咗個滋補菌湯火鍋湯底，感覺好養生🤣🤣一上到嚟真係比佢個滋補程度嚇親，超級多蟲草花同另外一啲菌類，感覺上好健康，飲落個湯底好重菇味，值得一試！肉類方面，我哋叫咗半隻花雕雞同埋海蝦，雞係有酒浸住嘅，所以食起上嚟好重酒味，有少少醉雞嘅感覺，好好食。而海蝦就好新鮮，淥熟之後搣殼嘅時候唔會有癡殼嘅情況，食落新鮮清甜！之後我哋仲叫咗個生菜同埋四川番薯粉，呢兩樣都會朔晒個湯底嘅味，好好食！尤其推介番薯粉，質素好好，唔會好易爛，食落又好滑！ 飲品方面，叫咗個高山銀絲綠茶，好香茶味，飲落好清新，解咗打邊爐食咁多嘅膩

無論夏天定冬天都好鐘意打邊爐，但夏天太熱就決定出出面打，有冷氣，幾熱都食得啦！🤣🤣之前晏晝嚟烏蠅館食個冒菜，覺得質素都唔錯，所以試下夜晚打邊爐！我哋叫個好多野食😆超興奮呀，有肉有菜，好健康㗎！肉我哋叫咗個黑毛豚肉，豚肉味好香，唔係平時出面食嗰啲雪藏味好重嘅豬，呢個真係有肉味得嚟又無雪味，好少有食到咁高質嘅豚肉。切到薄片咁，淥兩淥就熟，好方便！👍🏻仲叫咗個雙拼滑，一次過試哂兩種，分別係鮮蝦滑同墨魚滑！兩種都好彈牙！墨魚滑好有墨魚味，好香，彈牙鮮甜！仲叫咗個牛筋，從來都無見過打邊爐食呢樣，估唔到試完又幾好食，放落去浸一浸就食得，好香滷水味！另外，仲要咗萵筍片同腐竹。萵筍係打邊爐致愛，放落個湯度淥一陣吸晒啲味又爽又清甜！

好耐無食過烤魚啦! 今次就同屋企人嚟咗尖沙咀呢間好出名嘅黃店食🥢傳統麻辣烤魚 – 三刀魚 $288麻辣味道好正宗 好有麻香味 我地只係敢挑戰小辣魚肉幾鮮 食落口感都幾嫩滑 好易就夾到啲魚肉每叫一份烤魚都會送三款時令素菜 🥢自家白菜餃 $68白菜餃大大粒 都幾足料 本身已經煮好左 只要放入火鍋加熱下就食得🥢四川寬粉 $28寬粉吸收曬滿滿嘅湯汁 仲好彈牙 打邊爐必點🥢蟲草花 $32 口感爽脆 仲好有營養價值🥢雪花肥牛 $128打邊爐又點少得肥牛肥牛脂肪均勻 肉質嫩滑 🥢風琴豆腐串 $36第一次食風琴豆腐 口感類似炸豆卜 咬落去會有好多湯汁爆出嚟望住佢浮係湯到有d可愛🥢無得輸鴨血 $78口感滑嫩 份量都幾多 真係無得輸🥢紅糖粃粑 (推薦!)炸脆嘅外皮 內裹口感Q彈軟糯 加埋甜甜嘅紅糖汁好好食