烏蠅館 (九龍中心大廈)

营业中

休息中

食烤魚，進門落座便已經和一位員工點好菜。接下來的五分鐘，居然有另外兩位來要幫我們點菜。所以3位員工或者說餐廳都無法記錄我已經點單？非高峰時段，一條烤魚居然等了25分鐘才上桌。而且點了烤魚就無法點冒菜，這是什麼道理？！最後買單的時候要求用轉數快，轉完之後請一位員工確認。他居然就直接離開，沒看到作任何其他事情。要離開的時候另一個人攔住我問有沒有給錢，不去查到帳情況光攔住有什麼用。然後我就一直等到他們不知道忙什麼確認我已經此前已經付款了才離開。亟待管理和服務的提升！

嚟到尖沙咀行街，當然要和朋友一起覓食啦！今天來到小巷裡的麻辣冒菜小店，因為聽講這裏的冒菜十分正宗，連四川的朋友都會常常來幫襯！我哋嗌咗兩個冒菜五餸套餐，餸菜相當之豐富，跟餐的人嘢飲也十分之解渴！我嗌了一個麻辣小辣冒菜五餸，另外加了土豆粉作為主食，餸菜內容相當之豐盛呀！其中豆皮結、鵪鶉蛋、鴨血、雞髀菇……都是必叫的！這些食物索曬麻辣鮮香的湯底，顯得十分之惹味，但是成個湯底不會太鹹，令到土豆粉也不會太鹹，吃完了成碗麵都不口渴，證明他沒有放味精哦！朋友則嗌了一個不辣的湯底，雜菌濃湯鮮味出色，據他說很香濃，餸菜也是很美味的，其中有滷製過的豬腩肉非常出色！另外也不能不提的飲品，我叫左個跟餐飲品蝶豆花檸檬非常解辣，漸進的紫色相當之夢幻！

叫左幾次外賣，今次本身想叫6個餸，但揀揀下發現8個先夠🤣聽落8餸米線好誇張，但其實每樣份量小小，大雜燴豐富得黎女仔都可以自己食曬一碗！ 今次外賣送遞，免運費+正價75折， 令本身70幾蚊嘅麵埋單50幾蚊～介紹今次嘅麵：8餸冒菜（肥牛，鴨胸，牛筋，墨丸，魚腐，風琴豆腐串，蓮藕片，魚皮餃）+米線+滋補菌湯底+分湯蓮藕片爽正，有4大片；魚腐一粒但大大粒淋身好食，滋補菌湯濃又有啲咸，食完麵會想再飲飛幾啖湯🤣肥牛就有小小油膩感😛8餸麵真係好豐富，食完滿足又飽肚！ 開心！ 食完飽左成個晏晝，覺得晚飯都可以skip或者輕食算😛

今天工作來到尖沙咀，下午和同事在亞士厘道的烏蠅館食午飯。烏蠅館的招牌菜是火鍋和烤魚，我們決定在夏天來臨前試試熱辣辣的烤魚。魚有3款，不同Size，不同價錢，我們叫了一條細的珍珠斑，因我們都不太食辣，所以選了蒜香味。除了珍珠斑，還有金菇、木耳和蘆筍做配菜。勁多的蒜蓉散在魚身上，非常重口味，魚本身已熟，大概等5分鐘熱透滾起就食得。香濃的蒜香味撲鼻而來，令人食指大動，魚肉嫩滑少骨，份量剛剛好，我們很快就把整條魚KO了。另外，我們加了生菜、貢丸和蕃薯粉，放在濃湯中，夠晒入味。

位於亞士厘道嘅烏蠅館，曾經係位於1樓嘅樓上鋪，每次lunch time 都要大排長龍，由於太受歡迎，之後移私地面擴張營業。 佢嘅藤椒湯底，入口有麻嘅感覺，卻又令你不覺得辣，相當奇妙。基本係叫6個餸，唔夠喉就可以叫8個餸，8個餸都只係$58蚊，相當實位佢亦有多款特色飲品可以選擇，而跟餐就可以用優惠價購買。眼見最有特色，視覺上最靚嘅，一定莫過於蝶豆花，但蝶豆花有啲人士係唔適合飲，呢個要留意啦。呢個係我今日所選嘅8餸，牛丸係最為出色，不可不叫。生淮山，海帶結等絕對係平日車仔麵並非容易見得到嘅菜式。而揀選雞翼，佢會俾兩隻你，絕對係大滿足。麵食方面，我會揀飯，貪其可以完美地與湯底融為一體，可以渣盡最後一滴嘅藤椒湯毫不浪費。今日清淡少少，叫咗杯茉莉蜂蜜奶蓋第一次嘗試佢嘅奶蓋，加5蚊，黏度比較高又帶出陣陣煉奶香，融化蜂蜜嘅清新絕對係一種刺激。一試上癮嘅難忘味道，絕對係值得回頭呀

冒菜💃🏻💃🏻💃🏻冒菜係一種成都小吃，製作方法係將預備好的蔬菜和肉放入辣味底料湯汁中燙熟後食用，有麻辣和香辣。我選擇左八個餸$58萵筍、雞髀菇、雞中翼、蓮藕片、鵪鶉蛋、豬大腸、鴨血、肥牛🤤🤤🤤🤤🤤再加一個寛麵$5其實BB辣嘅湯底精粹😊😊😊再飲埋充滿罪惡感既黑糖珍珠鮮奶🧋🧋🧋🧋滿足🥰🥰🥰🥰飲品嘅份量啱啱好唔係話好大杯飲極都飲唔晒嗰啲🤣🤣🤣🤣上面有一浸奶蓋，正😄重點係唔算好甜⭐️

這間位於尖沙咀區嘅鬧市，地點方便，平時晚上好多人等位，係是班三五成群飯聚方便既地方，根據職員推介，通常第一次嚟到的酸菜魚，我哋一於要試一試，呢個做酸菜魚嘅款式好多，亦都有唔同魚嘅選擇，又有唔同辣度，適合鍾意食辣嘅人士就最啱。今次是我最多人食嘅麻辣魚，揀咗大鰂魚，魚肉又新鮮又厚肉，一條魚四個人分就啱啱好，另外呢度配菜亦都超過40款，有唔同嘅蔬菜肉類，及粉條，啱曬我呢要新鮮感嘅人士。食辣點可以冇啤酒呢，呢度有四款啤酒，又夠凍又實惠，今次食完平均都係二百幾蚊，一定有下次 。

非常喜歡吃魚，川菜的烤魚是沒試過。看到開飯網介紹，好像很吸引，今天終於有機會，約了好友一試。我們都不太能吃辣，所以點了蒜香烤鱸魚。原以為烤魚是乾烤，可是這裡的烤魚是有湯汁的。一大盤魚上桌，鋪滿香料，湯裡有雲耳，洋蔥的鱸魚，陣陣香氣撲鼻，令人垂延欲滴。鱸魚非常新鮮，雪白的魚肉一片片，浸在濃香的湯汁裡，吸收了蒜蓉的味道，絕配。火爐在不停地煮，直至吃完了魚肉。雖然已經飽了大半，可是剩下的湯汁很多，捨不得放棄，於是又點了一盤豆腐，加在魚湯汁裡，又是另一種美餚。嫩白的豆腐，吸收了魚湯的精華，盡管已經飽了，還是把豆腐吃完，可見非常好吃。😋吃完熱鬧的烤魚，少不了喝點冷飲，一杯檸檬可樂，為特別的烤魚餐畫上句號。😊

剛剛買外賣嗌左兩碗一個六送一個八送，食左第一啖湯苦，豬腸有異味，豬紅發臭，呢湯係凍嘅仲要呢米線未煮熟，鴨血難食到冇味。墨魚丸發臭！啲間舖頭真係唔會再有下次幫襯！我都唔明白點解佢可以咁高分！

烏蠅館出名食冒菜同烤魚, 近來仲新推出左火鍋, 仲有重慶牛油麻辣湯底, 無辣不歡既我唔洗諗即刻ORDER左。上枱賣相都幾勁, 全部都係紅噹噹, 店員一路加水就已經一路聞到陣麻辣香, 口水都流~ 湯底味道濃郁, 香辣有層次, 可以話落乜都好食。皇帝菜 $35佢既皇帝菜本身好嫩, 但係一時唔醒起菜葉好吸油, 勁辣呀! 個湯底真係唔惹少, 又香又辣, 建議大家叫番瓜類會好d~~鮮准山片 $38好似准山片咁就正啦, 唔好浸太耐, 爽口帶甜味。羊肉片 $118羊肉片唔會好騷, 羊香肉嫩, 配辣湯特別正~檸檬蝶豆花$18蝶豆花飲品賣相討好, 味道亦清新解渴, 食辣野真係要飲番杯!

今日嚟同朋友去呢間度食麻辣火鍋！！！以前就食一碗碗粉多，今次都係第一次食打邊爐，最後比我嘅印象其實都唔錯～重點點評下先😍😍😍😍😍😍••我哋叫咗個湯底，雖然好似好紅好辣，但其實係好惹味，其實真係都幾濃郁😎❤️❤️❤️❤️❤️❤️❤️另外，仲要佢d配料好抵食，叫得多都唔心痛，哈哈～特別推介d丸類，唔知點解好鬼夾麻辣鍋，啱晒我呢啲鍾意食辣嘅人😎😎😎😎另外佢d飲品都好值得試下，大大杯好抵飲～

🐠嗰日同朋友去食烤魚，揀咗香辣味嘅～當日有芋絲，白蘿蔔同埋木耳做配菜😛蔬菜嘅配搭每次都唔一樣可以問返職員🥰今次揀咗多寶魚，食起上嚟唔會太多骨，煮咗好耐都唔會太散😺推薦平時唔係特別鍾意食魚要挑骨嘅朋友試吓～芋絲同埋白蘿蔔吸收晒辣汁嘅精華，一路食嘅時候店員都會留意住你啲湯會唔會乾水，差唔多就會幫你加湯🙆🏻‍♀️服務唔錯另外亦都加咗粉條，煮嘅時間相對耐啲，同樣吸收晒湯底嘅精華🤤另外飲品方面亦都有得揀唔同味道嘅蜂蜜🤪有唔同款式都幾特別

烏蠅館. 唔小心Deleted post...唯有重新Post 過上2星期喺尖沙咀同女朋友去咗 Staycation 放個暑假，於是去咗烏蠅館食佢哋好出名gei 烤魚一入門口已給經好香，我哋叫咗蒜香龍躉魚 都好大條，2個人都夠食 入面仲有好多蒜同埋好多配菜 啱晒我哋然後仲有台灣鴨血 必食 油炸鬼 雪花肥牛同埋烏冬夾埋一次嚟食真係好正 好正我哋兩個都好滿足之後一定會再返嚟再食埋其他熟食掂呀！...#烏蠅館 #IgFoodies #instafoodie #foodporn #黃色經濟圈 #良心經濟圈

心思思想食烤魚，係香港食到樂味嘅烤魚真係難，咁啱係OpenRice 見到呢間勁多人推薦嘅鋪頭，放工即刻去試試！.黎到先發現當佢仲係樓上鋪個時我已經幫襯過，估唔到搬到地鋪仲大間左，平日walk in 一樣有位！.本身唔食等太辣，所以叫左蒜香味，揀左三刀魚，一上枱已經聞到好香！侍應好貼心嘅會幫手留意住個爐，夠熱佢就會變起個蓋，等我哋食個時唔好阻住，個爐好夠火力，唔洗等好耐就滾！食完條魚可以叫侍應加湯打邊爐，不過加左湯就唔會咁濃味，如果係鐘意重口味，可以叫佢加少少湯，或者直程唔洗加都得！叫菜一定唔會錯，吸晒啲湯汁仲好味！仲有叫左淮山，又係撈汁食，夠晒味仲唔到呢度仲有唔少台式飲品，叫左黑糖桃膠鮮奶，真材實料，夠晒好味！奶蓋頂勁好味，好似食緊雪糕咁！

有無人覺得呢度d服務員態度好差？由奇係成日企收錢位果個男好似唔想幫你落單 埋單又唔似唔想幫你埋單 痴線 欠左你咩 唔好話好唔好食 貼錢買難受囉 外賣又係咁 .咁唔想返工唔好返啦 不如！！！！幫襯左好多次絕對唔係一次兩次成日都係咁嘅態度 諗住佢只不過係1次半次就算啦 但次次都係咁樣！！！