烏蠅館 (九龍中心大廈)

营业中

休息中

因為烏蠅館開喺我公司附近所以我得閒就去食架喇😋其實佢都幾抵食$50有六個餸！麵再加$5鍾意食佢個火鍋麵同埋土豆粉🥰湯底我鍾意麻辣湯，諗起就流口水🤤我同事就鍾意滕椒湯😉我通常都會叫雞翼因為佢整得夠林又索湯，之前成日都叫竹笙但依家冇咗😪萵筍，煙鴨胸，淮山好爽脆👍🏻 平時我食車仔麵好鍾意叫豬紅，但佢哋呢度啲豬紅鴨血就冇乜味😢同埋我今次試咗佢個紅糖糍粑都好好食😋

TST附近無乜好食嘅四川舖，呢間鋪頭可謂係一枝獨秀啦！最鍾意呢度既冒菜，份量足。我通常會嗌兩份肥牛加一份鵪鶉蛋，好好食。湯底BB辣就已經好夠味，中意食蒜的朋友一定鍾意佢間既麻辣湯底，勁多蒜。menu上仲有貢菜，好正宗，真係四川先有。爽爽脆脆，值得一試！其他小食，酥肉，香芋丸子都好味！會再光顧！

今次有朋友帶我食好西 佢bookmark嘅我都好放心好耐無食酸菜魚 難得有間係就近可以試吓💛蒜香烤魚 多寶魚兩個人食唔到好大條魚 就揀咗多寶魚怕好辣食唔到麻辣 朋友遷就我揀咗蒜香出到嚟都偏咸 會好頸渴 要加多啲水 或飲多啲水💛雪花肥牛肥瘦剛好 因為係肉肉 好快就比我哋食哂😚💛午餐肉切得好厚好正 但因為湯底本來咸 一齊食更咸但都無阻我食午餐肉嘅慾望 下餐食清淡啲囉😩💛魚皮餃同個蒜香湯底好夾呀 好耐無食魚皮餃💛油麥菜叫個菜無咁油膩 落入蒜香湯底都好食💛響鈴太飽 食唔哂呢個 油上加油咁Haha💛四川火鍋麵呢個更加食唔晒 我開頭以為似普通公仔麵咁好快熟我話鍾意食硬身啲嘅 點知煮咗5分鐘以為得啦有7成仲係生嘅 放唔入口 再落去煮煮先😂💛黑糖雪燕鮮奶好正 好好飲呀 好似好健康咁 但其實都係肥仔水

因為見到食評，同埋真係好耐冇食過麻辣燙，所以就搵日特登嚟食。本身都幾期待，不過我叫左一個午餐米線食。其實就唔係難食，不過有啲失望啦。因為本身以為會食到隻味，係湯底會再濃啲，點知，食落，其實又唔係真係好有味。我覺得有少少淡左啲。但米線嘅份量係足夠。只不過，可能期望太大，所以食完有啲失落。但今次食都叫滿足了自己。

座位多，3點幾去，唔洗等位。配菜選擇好多👆🏻(3⭐️好正可試！ ; 2⭐️都唔錯 ; 1⭐️一般)揀咗單人A餐 (6個餸！$50)滋補菌湯湯底⭐️⭐️⭐️(夠晒濃郁！)土豆粉⭐️⭐️(口感好，但份量可以多d)雞髀菇⭐️姬松茸⭐️⭐️⭐️(份量多，令湯底更香)四川臘腸⭐️(有兩條好似尾指咁嘅size，味道冇乜特別)魚腐⭐️⭐️⭐️👍🏽👍🏼👍🏻(好有魚味！好正🤤)黑豚肉⭐️鴨胸⭐️桂花熱飲⭐️(淡咗d)整體都唔錯，會再去試其他野！朋友就推薦風琴豆腐串~

2021年最後一天，我和友人打邊爐，點了重慶牛油麻辣煲！麻辣煲都達到中辣級，怕辣的或者唔太食得辣的人，都唔建議點！麻辣煲主要是辣，麻的味道唔多！味道唔錯，食得好刺激！我們點了象拔蚌、沙白、安格斯牛、雞柳、粉絲、芋絲、脆魚皮！兩個人真係食到好飽！象拔蚌味道好味，店員說海鮮都是即日買的！可惜的是沙白有約一半都唔開口！另外，雞柳和安格斯牛味道都唔錯！這裡的服務幾好，店員都願意傾多幾句，動作也很快！吃完麻辣煲，去了尖東海旁行了一段時間告別2021，但都告別唔到麻辣的味道，真係辣足兩年！願各位 新年快樂！病毒快快走～

喺ig留意到呢間烏蠅館好耐，好想食烤魚嘅我今日終於成功搵朋友同我一齊試試佢我哋今晚試嘅係尖沙咀九龍中心大廈嘅分店我哋喺夜晚7點入座，當時餐廳都已經幾full，睇得出佢都幾受歡迎餐廳嘅佈置非常中式，有啲好似去飲茶嘅感覺可以用qr code叫嘢食，非常方便餐廳嘅火鍋好似都好吸引，不過我今次係為烤魚而嚟，所以下次有機會先再試火鍋我哋揀嘅係最平嘅多寶魚($248+1)，揀招牌香辣嘅小辣本身叫烤魚佢會跟三款蔬菜，我哋另外都叫多咗少少配菜，有雙拼菜(油麥菜加皇帝菜)($38+1)同埋蘿蔔片($35+1)記得食烤魚要等佢煲滾一陣先食，等啲魚同配菜可以吸多啲湯底嘅味道～多寶魚啲肉都唔少，肉質都嫰滑，小辣嘅招牌香辣非常香口，又唔會太辣，對我嚟講啱啱好呢個價錢真係算幾抵食，下次要encore試唔同味嘅烤魚

50 多元 一個8 餸的麻辣木薯粉， 湯底夠麻辣度適中 餸多 每樣都有幾塊 8 樣一齊 十分飽，而且有很多款蔬菜和肉類選擇，雞和豬都無雪味 有肉味，另外加錢可買4 隻紅油抄手 味道一流

尖沙咀返工嘅朋友冇人唔識烏蠅館啦！每次lunch都要準時衝過去，如果唔係又排長龍啦藤椒土豆粉 ($50點6個餸+$5粉/麵) 重點係 +$1多茜!!!!!!!!!!作為芫茜忠實粉絲絕對唔容許錯過多茜既機會！份量唔會令人失望。藤椒湯底只麻唔辣，岩晒唔食得辣嘅朋友，好多人都唔知咩係土豆粉，其實食落就似烏冬同薯粉既結合，彈牙得嚟唔會好似薯粉咁難咬，本人最愛❣️要注意嘅就係，因為多蒜嘅關係，每次食完都會好口臭同好頸渴，但每隔一排都會照樣定時去報到。

可能因為店鋪地址搬左落地面，店鋪面積大左，所以客人相對多好多，所以趕得濟而野食整得差左. 我同朋友夜晚興起想食返好耐之前食過既烏蠅館，本身好期待，我叫左冒菜C餐. 但食物上到黎唔單止少左C餐應該有既鵝腸墨魚仔黃喉，d食材仲要冇味，完全冇吸收麻辣湯底既味道. 而且成碗份量仲好似細過之前， 完全唔知今次黎烏蠅館度食係為乜. 我朋友食到一半已經因為冇味而食唔落. 所以好失望. 希望佢地擴大店舖之餘，可以維持到以前既食物素質

今日多得同事推介，先識黎呢度食。話說今日唔算肚餓，但又好想食辣。同事話呢間烏蠅館，類似車仔都咁叫法，可以簡淨餸。我就自己圈左淨餸底，6走餸都係$50，野飲加$10。呢度既冒菜好多我都未食過，亦未聽過。今次就叫左淮山，萵筍，海帶結，娃娃菜，金菇同埋芋絲😻 配麻辣湯（BB辣）個湯真係好好飲，幾乎飲哂～配餸亦都好入味，特別係淮山同芋絲。野飲玫瑰蜂蜜都可以，我就覺得唔夠甜。

烏蠅館🤔🤔聽個名以為係d獵奇餐廳🤣原來係一間食烤魚/冒菜嘅餐廳～有得打邊爐🍲又有得烤魚🐠餐廳位於尖沙咀亞士厘道道mtr行過去都係10分鐘嘅事，尚算方便！入到去見到樓面都幾多四人位、卡位，坐得舒服😋環境都乾淨，服務態度效率唔錯，Waiter都幾願意答食客問題同解決所需👍烤魚menu有幾款，主要以烤法同魚類分開咁叫烤法有6️⃣種 包括 招牌香辣烤魚、傳統麻辣烤魚、蒜香烤魚、鮮椒烤魚etc魚類包括多寶魚、三刀魚、沙巴龍躉每份配備三款廚師精選時令素菜🥬🥬🥬因為友人唔太食到辣🙈但又想試到高質魚魚所以今次叫左最貴嘅 蒜香沙巴龍躉烤魚 試下😌😌🥢蒜香沙巴龍躉烤魚 一上枱成條魚🐟就放左係一個大熱爐烤熱🔥已有濃濃嘅蒜香味撲鼻～而且湯底已經曬上好多蒜茸店員教嘅食法係魚先烤～10分鐘⏱出煙再叫佢地開蓋💨而配菜可以再耐啲等佢地吸哂啲湯入味啲不過條魚焗唔夠10分鐘已經好滾了～所以事不宜遲就起筷夾了～😋真係一分錢一分貨沙巴龍躉肉質非常嫩滑亦都唔會腥 其實我唔太鍾意食魚都覺得正烤魚已經配左幾款時令素菜🥬🥦有蘿蔔片、芋絲同雲耳，相對較淡嘅素菜吸收晒烤肉湯底精華，好邪惡😂最like係芋絲 入哂湯咁食落好爽口我地仲加左另一樣

💛呢間烏蠅館個名好特別，聽過一次就記住咗😆 原來佢係食烤魚或火鍋嘅，係香港難得嘅💛烤魚店😙🐠 招牌香辣烤魚 - 龍躉魚 （$338）呢間嘅烤魚有六種味道選擇，有辣有唔辣，我哋其中一個朋友無辣不歡，我又食唔到太辣，就揀咗招牌嘅香辣（小辣）😋 對我嚟講都辣，幾刺激😆 加湯後會冇咁辣嘅，不過對我呢個先係小辣😆魚方面我哋揀咗最正嘅龍躉🤤 另外都仲有三刀魚（$288）同多寶魚（$248）可以揀㗎🤗🍜 四川寬粉 （$28）我哋幾個都好種意食呢種粉麵！佢係好粗嘅一種麵，煮熟會變淋同透明顏色😛 呢種粉同香辣湯底超夾㗎！🐮 雪花肥牛 （$128）🐷 黑豚肉 （$88）🐥 嫩滑雞柳 （$68）之後我哋叫咗幾款肉類，幾碟都好大份量🥰 肥牛唔算肥，但又幾靚，開心～ 豬肉一啲都唔韌，意外地同呢個香辣湯底好夾😋雞肉肉質嫩滑，大份抵食！

今日約左朋友尖沙咀食飯，就黎左呢到試烤魚。呢到店員服務態度都好好。我地叫左招牌香辣味嘅龍躉，辣度可以揀大中小辣，我地就叫左小辣，味道岩岩好，好岩啲想食下辣但又食唔到太辣嘅人！龍躉大條多肉，肉質又嫩。而每個烤魚都有配3個配料，每日都唔同嘅，我地當日就係雲耳，芋絲同雞髀菇。食完魚之後可以叫佢加湯再打邊爐，我地叫左肥牛，雞柳同豚肉片，加埋落魚湯到食好夠味。配料入面最推介嘅係四川寛粉，寛粉夠闊夠大條，可以吸到好多湯汁。寛粉本身都好滑好有咬口，我同朋友食完一碟都忍唔住再叫多碟！下次一定再黎食

由佢以前係天星大廈已經成日幫襯🔆不過多數都係食冒菜😋今次係第二次嚟食烤魚一樣好食招牌換咗做霓虹燈感覺好新潮咁😂環境感覺都好乾淨企理好多茶具做裝飾場內絕對無烏蠅🪰大家唔洗擔心烤魚有三款魚揀分別係龍躉魚三刀魚同埋多寶魚我見店員會每台介紹下三款魚有咩特別最後都係揀最貴嘅—龍躉魚！至於味道都有六款選擇諗都冇諗就揀咗招牌香辣烤魚！去一間舖頭食嘢梗係要食佢嘅招牌啦提提大家佢本身烤魚都包三款配菜㗎（免費）不過邊三款呢就視乎當日有咩提供而今日就有木耳芋絲同埋杏鮑菇都有好多其他配菜可以加因為得兩個人食所以只係加左海白菜同烏冬條魚一上嚟嘅情況店員話要等去滾咗啦大約七至八分鐘咁就可以打開蓋食架啦新鮮滾熱辣所以好多煙好難影個汁好濃蒜味嗌左小辣兩款配菜必須介紹海白菜一直以來都好鍾意食但香港好似越嚟越少地方有！好爽口！推介大家必食！至於烏冬係稻庭烏冬非常吸湯魚肉烤得好香本身唔鍾意食魚嘅我都覺得好好食完全唔腥食哂