為食火鍋公司

营业中

休息中

呢間餐廳一次過有雞煲食，有得打邊爐，仲有埋刺身，仲要比你無限時咁食，唔洗食到鬼咁急，超好！今次我就叫左個平小小既$288/1位為食套餐一睇餐牌就覺得好得意，上面寫住Round 1- 4，每Round都會提供唔同種類既食物，不過去左下一Round就冇得返轉頭，所以記得一定要食夠左一輪先去下一輪。Round 1 - 餐前小食有六款餐前小食任食，我最鐘意係唐場脆炸雞同埋炸豬大腸，全部炸物都炸得好脆身同金黃，熱辣辣上枱，炸雞d肉好嫩，其他小食仲有炸瘋薯條、甜蕃薯條、蟹籽沙津、鮑汁雞腳，只係前菜都已經點左幾輪XDRound 2 - 三點刺身盛合刺身只限一次性無得任點，有三文魚、甜蝦、北寄貝，放題黎講我覺得很不錯, 三文魚塊塊都厚切，甜蝦又大大隻，滿意Round 3 - 任食寵寵雞煲 唔食雞煲可以簡食酸菜魚，不過酸菜魚就只係一次性冇得任食，我自己冇咁鐘意食魚，所以我好快就簡左雞煲｡ 佢地既雞煲係即叫即煮，拎到埋黎店員話我地要每2分鐘炒一炒佢炒4次先食，炒既時候超級香，濃濃既雞煲味，個雞煲仲有得比你自選辣度，唔食得辣既我簡左BB辣，不過食起黎好似平時係其他餐廳食小辣咁，不過因為好好味所以我覺得辣但係

今日去開觀塘搵朋友，順便一齊食晚餐佢話公司附近有一間可以無限時打邊爐方便我哋可以慢慢傾偈。呢度嘅裝修全部都係圍繞哥基狗例做主題真係非常之可愛，喺食主菜之前套餐仲有啲小食同埋刺身添，小食就我就比較鍾意食鮑汁雞腳整得非常之入味，同埋個炸大腸都非常之香口。刺身方面就有三文魚，北極貝同甜蝦全部都非常鮮甜同新鮮啲質素真係唔錯。打邊爐之前仲可以食埋酸菜魚或者雞煲二選一，今次我哋就選擇咗酸菜魚。魚肉非常之嫩滑而且仲配上薯粉十分入味。最後終於嚟到打邊爐環節，每一枱都會附送一碟嘅牛肉拼盤同埋海鮮拼盤，海鮮拼盤入邊包括有生蠔，蜆，元貝，蝦同埋魚片。食材食得出真係非常之新鮮，而且個牛肉拼盤都非常高質，牛味十分濃郁。另外仲有啲任食嘅配菜都有非常之多嘅選擇。整體嚟講餐廳一個優惠價錢可以做到無限時任食，真係非常之抵食啊！啱晒鍾意慢慢傾偈慢慢食嘅朋友仔。

位置方面就唔算係一啲熱點，但係絕對有種隱世搵好野食感覺😆去到餐廳好多毛孩嘅相，裝修好日系好舒服，若果你喜歡小動物，你一定會好鐘意👍🏼而且同一般嘅火鍋店唔同，坐位好鬆動舒服🫶🏻佢分開咗幾次叫野食有前菜，主食，刺身，火鍋…重點無限時😝包你食到飽！前菜已經好豐富😆有炸雞，薯條，蕃薯條，蟹子沙律，炸大腸，鮑汁雞腳！食過好食，有得refill 😍不過要留肚之後仲要好多野食等緊我！我最鍾意係雞腳，沙律(超新鮮)，炸雞(好juicy!)🤤刺身(3點)係屬於一次性嘅！所以無得任叫！有三文魚，北寄貝，赤蝦！勁新鮮，好肥美，一啲都唔hea 㗎🤭跟住就到酸菜魚 OR 雞煲我哋揀咗雞煲🤣叫咗BB辣，所以就唔辣啦🤣甜味好出，仲會加魷魚，豬皮，牛柏葉一齊煮！！個豬皮吸唒啲雞煲汁，超重口味😝正！最後到火鍋啦🤤會上一盤牛肉同海鮮(一次性)，海鮮竟然有大大隻嘅帆立貝，白鱔，蝦，蠔，蜆！擺得靚靚咁上！牛肉就更加刁鑽，少見嘅黃喉都有，好高質！食唒會上QR code俾你再自己任點打邊爐料，有特色丸同高質牛同豬，鴨血個啲都有！好豐富😚不過食到最後一站，心入面好想食日本烏冬，都無得食太full了🙈留番下次haha

約左好耐冇見既朋友係觀塘食飯 佢介紹左呢間為食火鍋公司 話最好係唔限時 可以慢慢傾 而且咩都有 一定有岩食 原來呢到真係咩都有 由小食 、刺身 、酸菜魚/ 雞煲、海鮮到打邊爐 見到已經覺得超豐富 由於太豐富 揀左$288 既套餐 覺得已經好夠食 呢到既食法幾得意 係一路順住食 食完一part先一樣part同一part食完/ 唔夠食可encore 但去左下一part 就冇得番轉頭 小食 有炸薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳全部都叫晒黎食 全部都好味喎 最欣賞個蟹籽沙律 好開胃 炸雞炸到好嫩好脆刺身 有三文魚 、北寄貝 同赤蝦 份量都唔少 仲會俾大大隻赤蝦 食落都好新鮮 酸菜魚/ 雞煲雖然雞煲可以任encore 但揀左酸菜魚 小辣 酸酸辣辣 好開胃 店員提醒一滾起就可以關火食 所以食落魚片都幾滑之後就打邊爐了揀左番茄薯仔湯底 配埋一陣既海鮮一流 先黎海鮮同牛肉拼盆 海鮮五款 有鮮蝦、蠔、蜆、半殼元貝、白鱔片蠔 同蜆都好鮮甜 蝦就爽口牛肉拼盆 有潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯比較特別係潮仙牛肉 同平時食開既唔太一樣 同 黃

如果你想要一個多樣化的大餐宴會，這裡絕對是一個不錯的選擇！重點係「無限時」可以狂食狂同朋友吹水🥳前菜有炸瘋薯條、甜蕃薯條、唐揚脆炸雞是入口即化的美食，不但脆香可口，而且份量十分充足，是不可錯過的餐點。🥰潮汕吊龍伴、手切牛頸脊、黃喉、熊本雪花一口牛、SRF和牛肩胛肉眼芯，這些肉品都是用上最好的食材製作，每一件都十分鮮嫩，口感極佳。 #為食火鍋公司 #香港美食 #香港火鍋 #火鍋店 #觀塘美食 #香港探店 #觀塘探店 #香港必食餐廳"

餐廳行清新乾淨路線，仲係無限時任食! 今次都係揀左$368套餐，提早訂坐仲送燉湯，今晚係蟲草杞子雞湯，足料又滋補，味道香甜濃郁。小食任食有六款: 鮑汁雞腳、唐揚脆雞、炸大腸、炸瘋薯條、蕃薯條同蟹籽沙律。最中意佢個鮑汁雞腳，勁淋勁入味。五點剌身盛合 (一次性)有三文魚、牡丹蝦、帶子、北寄貝同油甘魚，每款刺身都非常新鮮同肥美。酸菜魚 (一次性) 或任食雞煲。今次揀左酸菜魚，魚肉厚身同鮮嫩。配埋滿滿酸菜同薯粉，十分惹味，如果再酸啲就更滿足!火鍋盛宴：湯底揀左高湯牛尾，清清地岩晒食海鮮同牛肉，唔會蓋過食物既鮮味。 海鮮拼盤 (一次性)有七款: 有蟶子、鮑魚、大蝦、蜆同蠔等等。入部都好鮮甜，蟶子大大件，蜆無沙，蝦同鮑魚亦肉厚彈牙。牛肉拼盤 (一次性)有潮汕吊龍伴、澳洲和牛、手切牛頸脊等唔同部位，牛肉色澤、肥瘦均勻，食落充滿牛味又夠腍身。無限時任食有牛、羊、豬肉同配料。任食肉類既質素亦一啲都唔差，其他配料超過二十款，推介牛骨髓同牛丸，牛丸非常juicy同爽口彈牙，牛骨髓香滑，食落仲啖啖骨膠原。飲品同蔬菜都係自助區到拎，款式有好多。無限時任食岩晒朋友聚會，邊食邊傾，今晚又食到勁飽勁滿足!

朋友上次推介左一間冇限時間任食火鍋餐廳，夜晚每個人都係$288。今日就去咗試下，原來真係幾抵，有成四round嘅嘢可以叫。而且食物質素都有返咁上下，唔會將價就貨。首先第一round就係任食餐前小食，有多款炸物，蟹籽沙律同埋我大推嘅飽汁雞腳！個雞腳真係煮得好入味，我自己都食咗成10隻都有。炸雞都炸唔錯，都叫咗2round。食完先再之後就有個刺身拼盤，刺身都好新鮮。分別係有甜蝦，三文魚同埋北寄貝。雖然刺身冇得再任食，但係份量都啱啱好，因為之後就可以開始食雞煲。之後round 3就可以選擇要酸菜魚或者係雞煲，酸菜魚就一次性嘅但係雞煲就係任食既。雞煲想到菜煮8分鐘後有得食，個雞煲醬勁惹味。正！最後食完雞煲就可以轉個新窩打邊爐。餐廳有多款任叫任食嘅火鍋配料同埋一啲一次性既。選擇都幾多下，但係食到呢度，我同朋友都已經夠晒飽。我哋都坐多咗一陣，因為冇限時嘅關係，所以我哋都慢慢食。除此之外，呢度嘅飲品都係任飲，有好多款樽裝嘅涼茶同埋罐裝嘅汽水等等。就算食飽晒，都可以慢慢坐低同啲朋友一齊傾偈吹水。

去完觀塘渣打銀行交文件，同事話創紀之城附近有一間好正嘅無限時任食高質火鍋🍲 好得意的名字，為食火鍋公司。重點係無限時，我哋唔使急唔使趕，慢慢坐慢慢食，傾吓偈放鬆一下工作壓力。店內裝修新穎，充滿寵物🐶主題風，火鍋任食而且仲有高質嘅單次性靚牛肉，同埋其他一樣好食的火鍋配料，任食價錢非常親民。豪食套餐 成人＄368為食都食唔哂！冇限時火鍋盛宴奉送時令燉湯店員每位送熱辣辣燉湯！滋潤補身，湯頭濃郁，飲咗蟲草花杞子雞湯，真材實料！好味道！ ROUND1 餐前小食炸瘋薯條、甜蕃薯條、唐揚脆炸雞、蟹籽沙律、酸甜炸大腸、鮑汁雞腳六款餐前小食好多選擇，無限添加，酥脆可口，有驚喜！尤其是我平時唔食炸大腸，今次試吓配埋甜酸汁，正👍 鮑汁雞腳好入味，充滿骨膠原。ROUND 2 前菜五點刺身盛合（一次性）令人食指大動的新鮮刺身，擺盤漂亮有驚喜，碎冰上保持低溫夠晒新鮮，食落款款新鮮彈牙，元貝爽口鮮甜，赤蝦晶瑩剔透，厚切三文魚非常肥美。ROUND3 頭盤為食酸菜魚(一次性）二揀一我哋鍾意食酸菜魚，相當精緻。期待四川特色美食，為食酸菜魚魚肉雪白，肉質嫩滑，辣度啱啱好，餐廳用咗正宗酸菜，加上秘製香料，味道好惹味。ROU

收工有咩好得過打邊爐！呢間火鍋店竟然係無限時任食😵打邊爐之前有無限添加小食：沙律、炸大腸、炸雞、薯條、雞腳食完仲有刺身！都好新鮮👍🏻質素幾好！然後叫左酸菜魚，好大煲揀左小辣，夠晒惹味魚肉大大片無骨，入面仲有薯粉索晒d湯好好味食完終於進入打邊爐我地要左黃金皮蛋芫茜湯清清地可以食到食材既鮮仲有海鮮拼盤，有蠔、蜆、蝦、元貝全部都好新鮮加埋牛肉拼盤，回本！仲有好多其他既配料都係任點性價比高，食材幾唔錯飲品任飲仲無限時，大家快d一試！😋

🔸冇限時火鍋盛宴 $368/位-食打邊爐放題就食得多喇，但係第一次食依間係冇限時，仲要刺身、酸菜魚、雞煲、打邊爐，咩都有得食呀！訂位送咗每人一盅湯，熱辣辣又足料。然後開始round 1食餐前小食，六款小食好推介炆到入晒味嘅鮑汁雞腳、甜蕃薯條、同埋薄皮juicy嘅唐揚炸脆雞。到Round 2就有五點二切嘅刺身拼盤，當日係有三文魚、帶子、油甘魚、北寄貝同埋牡丹蝦，好新鮮高質～Round 3開始食主食喇，可以自選任食雞煲或者一次性嘅酸菜魚，我哋怕熱氣所以就揀咗食酸菜魚。魚肉好厚身唔係cheap料，份量都好多，而且湯底又香麻少辣，非常惹味。然後Round 4就可以無限任食打邊爐，有四款湯底我哋揀咗黃金皮蛋芫茜。店員隨即送上一次性嘅海鮮拼盤同牛肉拼盤，當日海鮮有鮮蝦、蟶子、蜆、蠔、鮑魚同埋魚片，全部都好新鮮。而牛肉拼盤都有成八款不同產地同部位嘅牛肉！而其他火鍋配料就可以自行用QR code落單，飲品就自助去雪櫃拎，今餐真係超豐富呀！

平時去觀塘都係行APM,今次就比我發現原來行出外街少少就有一間咁高質嘅火鍋店🤤我哋今次就試咗佢嘅豪食套餐,都只係$368一位咋😲而佢哋個套餐分為四步曲,分別係前菜、刺身、雞煲或酸菜魚,最後就係打邊爐啦😆一次過滿足你多方面嘅需求,真係好正😭另外呢個套餐都會有一盅湯,而且仲要好足料👏🏻佢哋嘅刺身比一般放題店仲要新鮮,完全五腥🫶🏻而雞肉亦都好入味,淡淡都係肉😋牛肉嘅種類都好多,食完可以再添🥰肉質都夠鮮嫩,牛味好重,唔錯😚除咗四重奏可以一次過試晒唔同野之外,呢度另一個賣點就係佢可以無限時任食,抵到爆炸💥

有次見ig 睇到呢間無限時火鍋而且佢好多野食，又雞煲又刺身，好吸引又同左個好鍾意打邊爐既朋友去食佢有兩個餐，我哋叫咗個 $368 既，貪佢多啲野食，開心啲先上左個燉湯，個湯好好飲呀，好足料呀！好有屋企既感覺再黎小食，樣樣都叫左啲全部都熱辣辣上架，好香口，推介番薯條，好好食，台灣既味道呀 🥰之後上刺身，啲三文魚同油甘魚都係厚切架，而且好肥美！而隻蝦好大隻，又彈牙！交足貨架！酸菜魚同雞煲之中，我哋揀咗少辣既雞煲，仲跟魷魚，豬皮，牛栢葉 比你加落去，真係未試過！索哂啲味，係好上癮 食唔停到火鍋啦，叫左麻辣湯首先上既海鮮，已經超級吸引勁巨型蟶子，大大隻鮑魚，厚肉既蠔！淨係呢幾樣已經值回票價！而煮熟，都係啖啖肉！ 👍🏻👍🏻👍🏻到牛肉拼盤，唔同部位咩都有啲，而且水準都好得！仼叫既牛肉都好高質架！牛味濃厚又嫩！唔係啲平價牛肉另外，推介紫菜響鈴！我既最愛，好少放題有架，平時買都唔平！超正以呢個價錢，無限時，其實真係超正，同fd吹下水食下野飲下野都已經夠啦

任食火鍋就係一個好適合同朋友一齊去嘅餐廳。唔同嘅湯底同埋食材可以滿足唔同人嘅口味。不過要小心啲唔小心就會食得好飽！酸菜魚係一道好正嘅菜式！魚肉鮮美，加上酸菜嘅酸味同埋啲香料嘅味道，真係好開胃。個湯汁亦都好好味，啱晒配白飯食。如果你鍾意食酸菜同魚嘅話，一定唔可以錯過呢道菜。滷水雞腳係一道傳統嘅廣東菜式，好多人都好鍾意食。啲雞腳煮得好滷，肉質韌而不柴，香氣四溢。啲滷水嘅醬汁亦都好好味，配啲辣椒醬食就更加開胃啦！炸薯條啲薯條炸得香脆，口感好好。啱啱出爐嘅薯條最好食，可以搭配埋自己鍾意嘅醬汁一齊食，好好味！

五點刺身盛合🍣選用了三文魚、蝦🦐、北極貝🐚、元貝等新鮮海鮮 每一款都十分鮮美 新鮮的海鮮質地鮮嫩 配上淡淡的醬油和芥末 口味十分清新 ☺️豪食海鲜拼盤🐙🦀🦐蟶子、鮑魚、元貝、、脆肉鯇、蠔🦪、蜆、鮮蝦🦐、白鱔片🐟採用了多款海鮮 味道和口感上都十分豐富 特別是蠔和蜆 口感鮮甜😋黃金皮蛋芜茜湯酸菜魚🥬🐠魚肉鮮嫩 湯汁濃郁香濃 酸菜既酸味切中湯汁的濃香 食落十分開胃👏🏻😆為食火鍋公司📍觀塘創業街15號萬泰利廣場地下C號舖

成日喺度食快餐今次第一次嚟打邊爐估唔到佢嘅體驗咁特別🤤分咗唔同嘅回合食完一樣先至轉戰去下一樣先有前菜去到刺身再到雞煲🤤最後我哋就揀咗蕃茄湯打邊爐🤤為咗保留實力，前菜我只係每樣叫咗一份🤣每款都幾好食😋刺身都唔錯，幾新鮮然後就上雞煲雞煲配埋豬皮同魷魚真係超級無敵架勁入味，勁惹味🫶🏻味道一啲都唔馬虎最後就嚟到重頭戲打邊爐啦佢有一次性嘅海鮮同埋靚牛肉拼盤每款牛肉都好好食特別係潮汕吊龍伴超級有牛味🥹👍🏻不過依啲係一次性次既鍾意食牛肉嘅朋友都冇需要擔心因為佢仲有幾款唔同嘅牛肉，可以任叫！成個過程食物嘅份量都好充足我哋叫多咗幾碟唔同嘅牛同埋去蔬菜bar，攞咗個蔬菜拼盤都已經飽得7788🤣$288冇限時，而且咁嘅質素性價比真係超高🫶🏻🫶🏻下次還會再吃😋😋