為食火鍋公司

营业中

休息中

今日收工就同朋友去咗為食火鍋公司食飯餐廳以狗為主題, 除左有好多狗仔相係牆, 爐頭餐牌都有我哋就叫左為食套餐(無限時任食)🤣有齊小食, 刺身,雞煲同火鍋第一輪可以先食啲簡單小食, 例如番薯條, 炸雞等等, 番薯條新鮮炸起好香口食到咁上下就可以叫埋三點刺身盛合, 包括三文魚, 北寄貝同牡丹蝦,刺身整體都幾新鮮之後就可以開始食雞煲雞煲大概滾熱2分鐘, 再撈一撈, 每一次撈都將啲調味料均勻分怖喺啲雞件到, 咬落超惹味, 食完雞煲仲可以加啲魷魚牛柏葉落去索埋啲醬汁🤣最後就到打邊爐, 我地揀左高湯牛尾, 湯底有淡淡藥材味, 幾清甜, 加埋海鮮拼盤同牛肉拼盤, 超級豐富牛肉拼盤有齊多個部位, 整體牛味香濃

Happy Friday 一定要搵d野搞 我地一行6人去左位於牛頭角既無限時任食火鍋 套餐分好多round 唔止剩係火鍋 仲有好多食物架 🍲ROUND 1 餐前小食（無限量供應）有炸瘋薯條 ，甜蕃薯條 ，唐揚脆炸雞 ，蟹籽沙律 ， 酸甜炸大腸 ，鮑汁雞腳 😋小食每樣都試咗每一款好好味，非常推介特別推介唐揚脆炸雞同炸瘋薯條 好脆好香口👍🏻ROUND 2 前菜三點刺身盛合(一次性)有三文魚 蝦 北寄貝等等 刺身望落色澤幾靚 食落亦都新鮮 唔錯 🐠ROUND 3 頭盤二揀一: 為食酸菜魚(一次性) / 任食寵寵雞煲我地揀咗雞煲 要左中辣 味道岩岩好 但我略覺得d雞好多骨 冇咩肉同 我地refill左一次🐥ROUND 4 火鍋盛宴櫻桃鮮茄薯仔 / 黃金皮蛋芫荽 / 高湯牛尾 / 麻辣鍋 (鴛鴦鍋+$30)我地揀咗高湯牛尾湯 諗住清小小 但湯底唔夠濃 冇咩味 🐮為食海鮮拼盤 是日5款 (一次性)有鮮蝦 ， 蠔，蜆，元貝 ，脆肉鯇海鮮拼盤好豐富 擺盤亦好吸精，蜆同元貝都好鮮甜 🦐🐙為食牛肉拼盤 5款 (一次性)有潮汕吊龍伴 ，黃喉 ，手切牛頸脊，熊本雪花一口牛 ， SRF和牛肩胛肉眼芯擺盤亦都超

今晚收工又係觀塘老母搵食，試左呢間火鍋店，性價比極高。一個價錢有4樣不同既美食，重要係無限時放題，想吹幾耐都得。第1 round，先試小店既小食，誠意推介鮑汁鳳爪必食，炆得好入味，鳳爪又夠腍。重有即炸粗薯條既小食，未人齊啱食住小食等，啱晒～第2 round， 有雞煲或者酸菜魚揀，今次就揀左麻辣雞煲，夠惹味，雞件比較細，勝在夠滑。小店仲會配埋魷魚、牛柏葉、豬皮俾你放落雞煲一齊煮，吸收晒麻辣汁，配角都變主菜。第3 round就食刺身，款式唔算多，但夠新鮮，有肥美三文魚、蝦刺身、北寄貝，三文魚最出色，有返個厚度😋最後當然係打邊爐，湯底揀左清清地既蕃茄薯仔，中和番啱啱既濃味。食物首先有一盤特色牛再加個迷你海鮮拼盤：潮汕吊龍背-牛味香，有少少咬口手切牛頸脊-有雪花，入口即化SRF和牛肩胛肉眼芯-牛味最出眾，有口感熊本雪花一口牛-形狀關係，相對失色，正常黃喉-係牛既大動脈，因為切得好薄，烚20秒就可以，爽口非常～海鮮拼盤望足所有慾望，有魚、蜆、蠔、蝦重有帶子，而且都好鮮甜👍🏻雖然特色牛只有一盤，但任食嘅牛豬等肉類都非常出色，有SRF和牛重有美國Prime級數既俾你揀，性價較真心超過，豚肉都有鹿兒島

星期日夜晚同屋企人嚟到位於觀塘嘅為食火鍋公司食雞煲火鍋放題，最開心係冇限時，可以同屋企人邊食邊傾偈，享受天倫之樂，都好適合一大班人黎用餐。餐廳空間好大，座位寬闊，坐得舒適。套餐有兩種，我哋揀咗貴啲$368/位既豪食套餐。揀完套餐之後，就可以向店員落單，講返自己想要嘅餐前小食。飲品方面，客人可以以自助形式去雪櫃度揀選自己鍾意嘅飲品。餐前小食都有好幾款，包括：蟹籽沙律、炸薯條、炸番薯條、炸雞、酸甜炸大腸同埋鮑汁雞腳蟹籽沙律青瓜絲爽脆，配上鹹香爽口嘅蟹籽同埋酸甜沙律醬，味道清爽開胃。番薯條即時炸起，新鮮熱辣，番薯條味道香甜，番薯味道濃郁。唐掦脆炸雞外皮炸得夠脆，雞肉嫩滑，而且入味。小食食完唔夠可以再encore，不過如果落去下一個Step，就冇得返轉頭~套餐每人都有一碗燉湯，有蟲草花、紅棗、豬肉、雞等等材料，非常足料，而且清甜滋潤。刺身方面，係一次性提供，有三文魚、帶子、北寄貝、油甘魚同牡丹蝦，三文魚同油甘魚肥美、有魚油香，帶子厚切、鮮甜、肉質柔軟，牡丹蝦肉質鮮嫩、口感爽滑，北寄貝爽口新鮮。食完刺身，就到我哋嘅重頭戲雞煲，我哋叫咗BB辣，店員話要分別炒四次，每次2分鐘先食得，邊炒邊聞到陣陣嘅

不知道是下大雨天氣涼了一點, 還是BLUE MONDAY發作, 放工後突然很想打邊爐, 於是放工就走到公司附近的餐廳開餐。這間餐廳其實都算是我們LUNCH 飯堂之一, 最喜愛這兒坐得舒服, 又夠冷氣。 但在這兒晚飯打邊爐應該是第三次, 今次亦不再是和同事食飯吹水, 而是倆口子撐枱腳。我們點了最經濟的$288 一位的無限時SET, 有小食, 刺身, 酸菜魚及火鍋, 心多多人士最合適, 可以試到不同種類的東西。當我去飲品櫃取飲品時, 店員已經送上小食併盤, GOOD!蟹子沙律及雞腳的味道正常, 不算太突出。但意想不到是炸物的可口程度, 不但夠熱夠脆, 而且味道十分不錯, 有一般日式食店內的小食質素。其中炸雞塊我覺得比午市時做得更好, 真正皮脆內嫩。本身想ENCORE 多點炸雞, 但又怕眼闊肚窄, 於是就請店員送上刺身。三款刺身質素都不錯, 雪得夠凍又切得厚, 很快便KO 了。酸菜魚及雞煲是二選一的, 因為上兩次我都吃了雞煲, 雖然很惹味, 但這天想清爽一點, 來個酸菜魚吧。這兒的魚用上了鯇魚片, 即不帶泥味, 肉質較有嚼勁。 雖然不算太滑溜, 但較容易夾起, 吃起來亦較有質感。湯底配大量香

去開觀塘交收貨品，路過呢度，咁啱今日落雨天氣又凍返，不如就打邊爐啦，見到呢間店新又乾淨，價錢好抵食$368飲食咁多嘢，又可以滿足哂所有口味，超級超級抵食呀！！ 最重要係無限時，坐得舒服唔洗食到趕頭趕名。星期日唔係返工日子，冇諗過7點呢度都滿座。鍾意佢地嘅裝修，有意思，愛護動物「當我生病或老了也一樣好好照顧我，好嗎？」🐾餐前小食，我哋好鍾意個炸大腸，超級香口脆卜卜。飲品竟然有鴻福堂多款支裝飲品，真材實料無添加，好dum本。仲好快送上燉湯，正，啱晒我超鍾意飲湯嘅人。鷄煲好快上埋，好惹味，仲付上豬皮魷魚。職員服務好好，不停幫我地較個火大細。之後就係主角火鍋，叫咗多種類到要數：海鮮拼盤：蟶子，鮑魚，龍躉片，脆肉鯇，蠔，蜆，鮮蝦，白鱔片。牛拼盤：有稀有部位吊龍伴，熱門牛頸脊，封門柳，熊本雪芘一口牛，SRF和牛牛肩胛肉眼芯，SRF和牛三角肉。仲好好服務有標籤，等你知道邊款係乜。完全滿足哂乜都試嘅我。我鍾意佢卡位，下次可以同大班朋友再黎。

話就話「無限時」任食，但個侍應行動話你知係咁趕人走。一名短頭髮、眼細細、中年女人侍應 成晚殺左佢全家禁款態度既招呼， 真係好影響食慾。食到臨尾我地都準備埋單鬆人，個垃圾侍應問重食唔食，禁我地答唔食啦，即刻收野汁台 都唔系問題 ，重點系你系禁叫我地遞張台最埋邊啲碟呀、竹筒呀、汽水罐等等 比你做乜姐？呀姐 你態度好小小禮貌好小小 我幫下你無問題 重點你態度又差又欠左你禁款，我都禮貌地講聲 可唔可以轉頭先收呢？正常你收唔到既野 又唔系趕 你系禁叫人遞比你收 想我地快啲走既咪出聲直接講囉 唔使禁多小動作既，重要諸多解釋 系度扮晒野 隔住幾張台 成間餐廳坐晒客 系度同啲客鬧交 重要鬧反個客轉頭果下 真心叻 重話入選 最優秀火鍋店 真系笑大人個口！ 啲好評買反泥架？其實成間餐廳都不過不失 Qr code落單 每次只可以落8款野 超過8款又要等5分鐘先落得，基本菜姑豆腐果啲乜都無，出左一轉已經無都算，侍應倒瀉野都算，禁一個禁既垃圾員工侍應 就拖低晒成間餐廳質素！正宗貼錢買難受👍🏻重要同間餐廳投訴 系包庇員工 得過且過 當無件事 禁既服務態度真系搵鬼泥幫襯😂唔想比人坐禁耐既 就限時2個鐘啦 重有個垃圾

為食火鍋公司 (觀塘)觀塘創業街15號萬泰利廣場地下C號舖。放工近近地去附近食口碑不錯既任食邊爐。$288 已經可以無限時咁食。仲要唔係淨係打邊爐咁簡單，首先係食左小食先，再食刺身，然後再食雞煲，最後先打邊爐，馬拉松式咁食，小食、雞煲同邊爐部分配料都係任食，真係要make sure夠肚餓先黎食呀。雖然咁抵食，但食物質素都唔hea，一開始打邊爐仲送一碟牛特別部位，其中有黃喉，非常特別既一個爽口部位。雞煲有魷魚、牛百葉、豬皮跟上，可以揀唔同辣度，同出面幾百蚊一煲雞煲味道無咩分別。最後我真係食到超級飽咁走呀

小朋友先要選擇😙想食小食又想有魚生 又想食雞煲同打邊爐 要有高質牛同靚海鮮 原來可以一次過食晒 選擇困難症都唔怕🥹森仔前排就係乜都想食 住近觀塘個頭出旺角又有啲遠 第二日放假想喺屋企頹一陣夜晚再出去食 於是就搵到呢一間滿足晒我哋所有願望嘅火鍋店 仲要係冇限時任食任飲 早一日前book枱有燉湯飲餐廳係地舖 好易搵 面積好大 有無障礙通道 位同位之間好寬闊 裝修簡潔 環境乾淨企理 坐得舒服 招牌有隻可愛嘅毛孩logo 適合任何人嚟 情侶一班朋友一家大細嚟 可能因為夠開揚 打完邊爐個身都唔係好大浸味呢間放題叫餐方式好特別 佢係分咗4 round 喺嗰日玩可以無限添食 不過嗌咗下一輪嘅嘢食就唔可以返轉頭嗌一輪嘅嘢食 首先Round 1係揀咗小食先 食完可以再叫 所以唔使一次過嗌好多 我哋每一樣都嗌啲嚟試吓 先食個蟹籽沙律打下底開胃 女友超愛甜番薯條同唐揚脆炸雞 而我覺得甜酸炸大腸好好食 十分爽脆 喺出邊好難食到呢種口感 於是encore咗兩輪😂😂 跟住就飲個靚湯 個日係蟲草花燉雞湯 足料湯好飲 鮮甜美味 跟住round 2就上咗五點刺身盛合 魚生肥美鮮甜 帶子同甜蝦爽口 厚切三文魚同油甘魚 好

今晚同班友去咗為食火鍋公司食到爆！呢間餐廳係哥基主題，好得意又溫暖。我哋揀咗豪食套餐$368一位，無限時任食任飲，仲有好多款湯底同火鍋料！ 先係蟲草花燉雞湯，清甜滋補，雞肉鮮嫩。再係五點刺身盛合，三文魚、北寄貝、牡丹蝦等等，新鮮彈牙，芥末醬汁好刺激。最正係寵寵雞煲，少辣醬汁炆過，雞肉香辣入味，仲有薯仔、粟米、冬菇等等，好夠料呀！我哋將雞煲煮滾，就開始落火鍋料。豪食海鮮拼盤同豪食牛肉拼盤都好正！海鮮拼盤有龍蝦、扇貝、蜆、墨魚等等，每一樣都好彈牙多汁。牛肉拼盤有和牛、牛肉卷、牛小排等等，每一片都好肥美多汁。我哋用黃金芫荽皮蛋湯底涮過啲海鮮同牛肉，味道更加提升！仲有其他火鍋料如丸類、餃類、粉麵類等等，都好好味。我哋仲可以自助拎啲蔬菜同飲品，真係好抵食！最後係雙皮燉奶做甜品，燉奶滑溜香甜，收結得好好。我哋食到好滿足，服務態度都好好，唔使等得太耐。如果你想食一頓豐富又抵食嘅火鍋，就快啲去為食火鍋公司試下啦！

.之前見同事去咗呢度食，之後分享話都唔錯！食物種類都多，所以我就再分享俾個朋友結果就促成左呢一晚嘅飯聚啦😗本身book咗7:30 ，我早到所以就入座先。一坐低店員已經好好招呼，喺度問要食咩小食。我見朋友未到，就叫左炸雞同蟹籽沙律食啦～ 炸雞一嚿，我以為會係多啲，不過一嚿都好試少少😂 熱辣辣係幾好食既但個蟹籽沙律，超級唔吸引，勁多沙律醬🥲之後朋友到咗啦，我哋再叫咗其他小食每款份量都少，唯獨是薯條好大份不過其實全部都可以任叫嘅，所以唔夠再出聲就得啦！因為之後都有其他嘢食，都冇再叫小食啦。食完小食，之後有3點刺身，味道正常。之後第三回合，可以揀酸菜魚或者任食雞煲，我哋揀咗酸菜魚，份量好少，同埋好咸。諗住叫店員加水，但佢話你哋之後都打邊爐…其實覺得唔關事冇衝突，不過都冇加水啦，食左魚就算。見好多人都食雞煲，聞到個味好香可能雞煲會較好（？）之後打邊爐啦～ 先來海鮮拼盤有五款海鮮，再來特別嘅牛拼盤，都好食既但又無好吸引咁。之後其他就用QR code 落單，同埋出面有蔬菜可以拎。仲有飲品櫃，選擇唔多。食到好飽但覺得種類好少，唔夠滿足，可能本身太高期望，如果最後有個甜品或者雪糕就更加好！整體用餐體驗都

觀塘返工嘅我，一直都知道有呢間無限時火鍋餐廳，今晚相約朋友，慢慢傾計，一於食盡無限時火鍋套餐。套餐分好多round，食物不止是火鍋，好豐富。🔔 為食火鍋公司 為食都食唔哂!為舖頭slogan 餐廳毛孩主題$288/位 星期五,六,日~ 公眾假期及前夕+$10/1位ROUND 1 餐前小食（無限量供應）炸瘋薯條 ，甜蕃薯條 ，唐揚脆炸雞 ，蟹籽沙律 ， 酸甜炸大腸 ，鮑汁雞腳小食每樣都試咗每一款好好味，非常推介特別係鮑汁雞腳煮得好林，充滿膠質，炸大腸好脆ROUND 2 前菜（決定上round 2後不會再上round 1小食）三點刺身盛合(一次性)有三文魚，蝦，北寄貝刺身都算新鮮ROUND 3 頭盤二揀一: 為食酸菜魚(一次性) / 任食寵寵雞煲我揀咗酸菜魚，酸菜魚都幾大份同足料，帶一點薯粉ROUND 4 火鍋盛宴櫻桃鮮茄薯仔 / 黃金皮蛋芫荽 / 高湯牛尾 / 麻辣鍋 (鴛鴦鍋+$30)揀咗高湯牛尾湯，有幾件牛尾可以食為食海鮮拼盤 是日5款 (一次性)鮮蝦 ， 蠔，蜆，半殼元貝 ，脆肉鯇海鮮拼盤好豐富，而且都新鮮鮮甜為食牛肉拼盤 5款 (一次性)潮汕吊龍伴 ，黃喉 ，手切牛頸脊，熊本

星期六早上近九時到牛頭角附近，路過見環境光猛，晚上經過都見店內食客滿滿，便入內試一下早餐。食客不多，服務人員做事快速，也細心，價格都算實惠，較連鎖式冰室便宜一些。先來了一杯好立克，是我少有的滿意，奶量剛好，好立克味道濃沃，現在一般餐廳冰室的好立克我都覺得好淡。我選了魚柳餐，也愛這店有薯餅的選擇，不用又食多士。食品色香味俱全，沙律菜也可以，魚柳就覺一般，總係食唔返以前嘅味道，但以這個價格，我也收貨。對於今天嘅醒晨早餐十分滿意😊

為食火鍋公司觀塘創業街15號萬泰利廣場地下C號舖Shop C, G/F, Montery Plaza, 15 Chong Yip Street, Kwun Tong店主一定是很喜歡動物狗狗的, 很多corgi 的圖片在餐廳內, 雞煲火鍋放題, $ 288套餐 好多野食 由小食開始, 有炸瘋薯條、甜蕃薯條、唐揚脆炸雞、蟹籽沙律、酸甜炸大腸和鮑汁雞腳食夠就會上hotpot, 留意食完是去到下一個step, 就沒法返轉頭再點了, 我地試了甜蕃薯條同酸甜炸大腸頭盤是三點刺身盛合一份,有北寄貝、三文魚同牡丹蝦為食酸菜魚（一次性）或任食寵寵雞煲, 我個人愛食雞煲多些，雞件多肉醬汁濃郁牛肉拼盤（一次性）潮汕吊龍伴、黃喉、手切牛頸脊、熊本雪花一囗牛同 SRF和牛肩胛肉眼芯，黃喉入囗爽脆，其餘唔同部位嘅牛肉，牛味好濃，非常美味@hotpotfoodiehk #foodiehk #yummy #hotpot #delicious #foodporn # 打邊爐 #hotpotfoodiehk #為食火鍋公司

這間餐廳位於牛頭角以毛孩作為主題，店內裝修寬敞舒適，環境乾淨衛生，牆身印有不同狗狗的壁畫和裝飾，充滿著可愛氣氛，主打無限時火鍋任飲任食。冇限時火鍋盛宴 - $288/位星期五、六、日、公眾假期及前夕+$10/位餐前小食酥而不膩的甜蕃薯條帶天然香甜好軟糯；唐揚脆炸雞外脆內嫩好多汁；蟹籽沙律一絲絲青瓜好清爽；還有炸瘋薯條、酸甜炸大腸及鮑汁雞腳，可任點任吃。前菜三點刺身盛合(一次性)肥美的三文魚富魚脂，入口爽滑鮮美；爽脆的北寄貝好甘甜；甘甜黏糯的甜蝦有著濃厚風味。頭盤(一次性)為食酸菜魚，奶白色的湯頭好鮮甜，加上酸甜爽口的酸菜，帶微微麻辣感，鮮魚片有厚度又有彈性，更有晶瑩剔透的薯粉吸飽湯汁，辣度可低至走辣，或可轉任食寵寵雞煲。火鍋盛宴湯底方面，櫻桃鮮茄薯仔富清甜的鮮蕃茄香，加上綿密的薯仔好有口感，感覺健康又養生，還有黃金皮蛋芫茜、高湯牛尾及麻辣鍋，鴛鴦鍋需另加$30。為食海鮮拼盤(一次性)鮮蝦、蠔、蜆、半殼元貝、脆肉鯇、白鱔片為食牛肉拼盤(一次性)包括：潮汕吊龍伴、黃喉、手切牛頸脊、熊本雪花一口牛、SRF和牛肩胛肉眼芯，一共五款不同部位的貴價牛肉，特別喜歡吊龍伴，鮮得帶有肌紅蛋白，軟嫩細膩，