為食恐龍‧恐龍先生

营业中

休息中

這是充滿恐龍主題的親子餐廳，提供了豐富的美食和玩具，也有恐龍主題的背景音樂和特效燈光，營造出一個充滿冒險和發現的環境，讓孩子們可以在用餐的同時，體驗到恐龍時代的奇妙世界。這裡提供了豐富多樣的兒童餐，包括了薯條、肉醬意粉、蛋餅還有水果，食物種類多元化，十分適合小朋友享用，味道也不錯，具有營養價值。餐點都是根據恐龍主題設計的，以恐龍形狀的碟子來供應食物。這些美食不僅色香味俱全，更能讓孩子們在享受美食的同時，體驗到恐龍時代的奇妙世界。還有機械式的恐龍為主題的玩具，更能讓孩子們進一步了解恐龍的生活和習性，讓孩子們在遊戲中學習到更多有關恐龍的知識。

今日放工同阿女出街食飯，返工附近竟然有間新開既親子恐龍餐廳，好似幾特別咁，我地就一於試下。去到門口有幾隻恐龍公仔坐係到等位，幾可愛。餐廳燈光光猛柔和，樓底高，空間感大，感覺非常舒適。有多款不同種類既玩具和遊戲，選擇多夠新穎，阿女見到當堂好興奮。阿女急不及待都要求我同她一起玩玩具，好多既玩具基本上都要一齊玩，從而增進親子感情。小時候也很喜歡玩蘋果棋和鱷魚禁牙齒，突然我既童真返晒黎，勾起小時候既回憶。連小朋友餐具都有恐龍，實在太可愛啦，可見老闆都花盡心思。黑松露蘑菇牛油果pizza香噴噴既黑松露味，遠處未送到黎都聞到。Pizza切成6小件，上面鋪滿了濃厚嘅芝士，當中仲有大大片既牛油果和蘑菇，餅底皮薄脆口，令人回味無窮，大人小朋友都好岩食。蝦肉牛油果香芒沙律沙律菜都幾大碟，蝦肉大大粒原隻上，香芒切成一大片，顏色鮮艷奪目，再配上大量既沙律菜和牛油果，加上少量醋汁，非常豐富吸引。秘製燒烤醬豬肋排豬肋骨即叫即焗，一排太約有十條左右，肉質軟嫩，亨調時間控制得好好，再配上適量既自家製秘製汁，味道又幾特別。阿女未食完一條，已經又想食第二條了。兒童餐兒童餐嘅份量比我想像中多，有明太子意粉，炸雞件，炸地瓜條

趁假期相約了小朋友嘅同學仔聚一聚，喺Openrice搜尋到呢間新開的親子餐廳，地點又方便，家長們一致同意揀呢間餐廳試試。果然無㨂錯，大人和小朋友都非常滿意，甫離開餐廳已經約定了時間下次再一齊來。餐廳佈置好有心思，一出𨋢就見到兩隻可愛的恐龍公仔歡迎我們，忍唔住即刻影相。影相中途比小朋友發現入口的夾公仔機，個個都表現好開心雀躍。驚喜仲未完，入內見到有個遊戲corner，放上不同款式的board games和恐龍書籍，啱晒不用年齡的小朋友！平時去親子餐廳，食物都不是重點，因為試過好多坊間的親子餐廳的食物水準不太高。但這次的經驗絕對顛覆了之前多年的感受，因為食物太高質了。兒童餐每樣都有一點，絕對令小朋友做到均衡飲食，意粉非常creamy，有少量的炸物令小朋友開心，甜點及水果。不消一會，小朋友就把兒童餐吃清光。Margarita pizza強烈推薦必食！ pizza餅底薄薄脆脆的，而且應該是混合了不同款式的芝士，令味道層次非常高，一上枱很快便被大家一人一件的吃光了。忌廉蟹肉撻撻皮非常趣及香口，很重牛油香味。蟹肉非常多非常足料，吃入的蟹肉令人感覺非常滿足。明太子卡邦尼意粉這款是大人及小朋友都大贊好

和家人到尖沙咀逛街，太太找到了這一間在厚福街新開的親子主題恐龍餐廳，沒有考慮我便個去嘗試一下星期六午餐時段過去人流並不多，可能是新開的緣故，但是食客都是一家大小過來，看見小朋友玩小遊戲也玩得很高興，餐廳內小朋友笑聲不斷以親子作主題的餐廳菜式選擇比我想像中多千島海鮮pizza，小朋友很喜歡千島醬酸酸甜甜的味道，而且餅底薄脆香口，驚喜另外聽從店員推薦菜單上還未有的兒童餐，份量十足，偷偷搶了女兒一口，意粉味道調味比較淡一點，但是忌廉味道十足，適合小朋友德國脆皮豬手，應該是即點即焗，豬手外皮焗得香脆，而且肉質淋身有肉汁，配搭清甜蘋果蓉十分配合飲品中規中矩，特別提及抹茶鮮奶抹茶味道非常濃郁，而且兒童餐包含的雜果賓治內有一隻恐龍啫喱，惹得小朋友逗笑第一次來這類型的親子餐廳，感覺非常不俗，除了食物質素不錯外，還提供大量的遊戲和書本給小朋友消磨時間和學習，值得一來

恐龍主題親子餐廳，一齊探索恐龍世界🦕🦖一嚟到呢間餐廳門口，就見到各種恐龍佈置，令你如置身於史前世界。小朋友可以喺呢度盡情遊玩，一邊食嘢一邊玩樂，絕對開心到不得了！嘢食都好有特色！🥩 威靈頓牛柳 - 唔想出去食五星酒店？嚟呢度就得啦！牛柳嫩滑多汁，搭配酥皮外皮，絕對是手工菜式嘅極致之作。🐊 霸王龍小食拼盤 - 雞翼、芝士條、魷魚圈、香腸、鹽酥雞粒、薯角、洋蔥圈，各種小食應有盡有，味道一級棒！🐚 白酒忌廉煮青口 - 青口鮮嫩，白酒忌廉汁味美，入口即化。🍕 巴馬火腿雜菌比薩 - 味道濃郁，巴馬火腿同雜菌嘅組合，口感十足。🥘 招牌西班牙海鮮飯 - 海鮮鮮美可口，米飯同醬料完美搭配。🍽️ 兒童餐 - 卡邦尼意粉、恐龍造型蛋糕甜品、炸薯條、鹽酥雞粒、雜果賓治。小朋友一定會好鍾意！

為食恐龍🦕𝗠𝗿. 𝗗𝗶𝗻𝗼今日全家一齊去尖沙咀搵野食，點知見到 #為食恐龍 呢個名好吸引就上去睇吓😎餐廳是恐龍主題親子餐廳，有好多不同恐龍嘅打卡位置同佈置！芯芯好興奮🥰坐低之後小朋友都可以攞有關恐龍🦖嘅玩具去玩！👧🏻兒童餐卡邦尼意粉、恐龍造型蛋糕甜品、炸薯角、鹽酥雞粒、生果🍇！芯芯非常興奮，最後全部食晒👍🏻🥘招牌西班牙海鮮飯配有青口，蜆，大蝦，黃椒青椒！份量十足又大份，而且醬汁做得非常特別，內有蝦乾，美味可口～🥩醬燒安格斯西冷意大利飯西冷牛扒大概6成熟，牛扒滑嫩彈牙！少少肥膏位置不錯👍🏻醬燒汁再配上白汁嘅飯味道好夾！親子時間呢度都係一個唔錯嘅選擇！你哋都快啲帶你嘅小朋友去又玩又食🦖🦕🥰

最近上網得知在尖沙咀厚福街新開間以恐龍為題嘅親子餐廳,趁假期帶埋小朋友來玩吓之餘,大人可以輕鬆食飯呢度地方寬敞,擺放咗書本和棋類比小朋友盡情娛樂,最重要係唔限時間,可以慢慢食慢慢玩小朋友玩攰咗,可以嘆番嗰兒童餐,有卡邦尼意粉、炸雞塊、薯條、蛋糕和水果等,味道唔會太濃,口感非常豐富,每款都係小朋友最愛,仲有杯恐龍樂園雜果賓治,不單清甜美味,更有恐龍形狀嘅啫喱,小朋友食得好開心小食拼盤-好有睇頭內有薯角、洋蔥圈、魷魚圈、雞翼、魚手指、芝士條和雞粒等,特別鍾意洋蔥圈脆脆的皮帶有甜甜洋蔥味,雞翼都juicy 多汁,每款都熱辣辣炸得香口,味道令人難以抗拒明太子卡邦尼意粉-意粉軟硬度剛好,配料有超多煙肉和磨菇,忌廉汁也掛滿在每條意粉中,香濃入味經典芝士牛肉漢堡-牛肉漢堡厚身之外仲好juicy夾埋生菜和蕃茄,份量十足。值得一讚係嗰包Keep 住香脆,食到最後都係脆身蜜糖烤雞pizza-批底烘得外脆內軟,食落有好香芝士味,加埋嫩滑嘅蜜糖雞肉,整個配搭唔錯薄荷朱古力和榛子朱古力-兩杯朱古力入口順滑,前者清新帶點薄荷香,後者棒子味非常香濃

訂位7pm, 小朋友一起到門口見到扭蛋機同一堆玩具已經開心到跳起， 玩具可以自己拎埋位玩， 我地四大兩細 叫左兩個意粉 一個pizza 一個豬手， 等到黎齊哂野食既時間係接近9pm 樓面得兩個人要走全場， 一位黑衫同一位pt, pt 感覺唔係太熟手， 見到佢兩個帶位、落單、執枱、上菜、沖野飲、埋單，都係佢地， 睇到都覺得好攰， 單憑兩人之力 真係好難做齊所有既野， 上菜等得慢， 有漏單，有錯單， 大人等得 小朋友真係唔等得， 好多人都等到頸都長， 雖然有玩具可以招呼一下小朋友， 不過都頂唔到太耐， 野食我地大家都覺得好食， 價錢算可以接受。 走果時留低名同電話做會員， 可以抽扭蛋， 老闆仲送玩具， 小朋友好開心。 同老闆傾計， 佢話咁岩有員工病左， 又有員工有事番唔到工， 新開張無幾耐， 人手一下子安排唔到， 都明白既。 員工同老闆態度都好好， 不停同我地講唔好意思， 今日要我地等咁耐， 睇住樓面個個佢地做到無停過， 係咁比人催單但都無黑過面。下次有機會會再黎多次既

周六晚尖沙咀試新嘢，單睇餐廳擺設就睇得出餐廳老闆好有心，除咗放滿夾公仔機，又飛標又彈波⋯邊玩邊食，個個盡興！餐廳開張不久，當晚人不多，但仍見滿座，好彩預先訂咗位。老闆話本意就係想食客享受美食之餘，暫時放低手機，全情享受，咁有心真係要俾個like佢！至於食品，原先以為一般美式食品⋯但碟碟高汁，個人特別鍾意威靈頓牛扒，德國咸豬手⋯⋯兩者都做到外脆內軟，唔鞋口，掂！尖沙咀搵到個新聚會落腳點👍🏻👍🏻👍🏻

趁着復活節長假，帶小朋友去恐龍餐廳食嘢同玩下😁開心一下👍去到門口嘅時候，已經充滿着恐龍題材嘅佈置～小朋友非常興奮一枝箭衝入去攞書，攞玩具😆大人就靜靜地坐埋一邊睇吓有乜好食，除咗餐廳係恐龍佈置之外，餐具，飲筒同飲品都有恐龍造型😍除咗小朋友之外大人都啱嚟！可以回復一下童真！飲品有幾十款，包括：即磨咖啡，朱古力，雜果賓治，水果茶，梳打等等食品方面，有意粉，小食，牛扒，豬手，豬肋骨，薄餅，西湯等等甘荀南瓜湯$33 香濃嘅南瓜味，而且湯煮得好滑檸檬百香果茶 $43 檸檬同百香果味適中，酸酸地幾開胃招牌徳色鹹豬手 $255 鹹豬手超級大隻份量夠四至六個人，而且唔會好咸豬手皮又脆小朋友都好鍾意食～西冷配意大利飯 $166 呢個配搭比較新奇，而且西冷唔會煮到太熟，口感唔錯，有肉汁

趁復活節長假期💓， 我帶了恐龍仔去了新開張的為食恐龍餐廳，這一間是親子餐廳來的， 他超喜歡恐龍的🥰，去到餐廳內有各式各樣的恐龍擺設及玩具， 而且很多玩具都是有教育意義的。 另外也有一個小小的圖書閣，提供恐龍圖書。我們點選了兒童餐， 德國豬手及西班牙海鮮飯。這樣的食物質素很高質👍，小朋友也可跟其他餐廳用膳的小朋友一起玩起來，大人日可放心慢慢享用美食。✨兒童餐有蒜蓉白汁意粉、炸雞件、生果、抹茶蛋糕及雜果賓治， 亦提供恐龍特色的餐具，小朋友吃得開心，跟我說抹茶蛋糕很好吃呢。✨另外德國豬手分量也超大， 外皮脆卜卜，香脆可口，真係一啖接一啖咁食啦。配菜提供了甜雪梨、芥末及特色醬料， 配合一起吃很出色💞。✨西班牙海鮮飯有好多海鮮，餐廳貼心的把大蝦的蝦殼去掉方便食用，也有青口大蜆魷魚，分量十足，打卡一流。餐飲：玫瑰烏龍茶， 這個很清香， 有小許蜂蜜帶點甜，檸檬百香果梳打， 有果肉很足料總結：尖沙咀中心地帶，開了這一家親子的餐廳😆，真的超方便，可以約媽媽朋友去附近逛街、睇戲、去科學館、圖書館之後過來品嚐美食。另外餐廳很貼身的為每一位小朋友準備了一份禮物。

餐廳的玩具都任玩的，可拿回座位一邊吃一邊玩，玩具還會不定期更新；餐廳跟科學館也近，帶小朋友玩完科學館，可再下半場到這裡吃東西再玩過，實行放電一條龍😂焗芝士鵝肝流心蛋餅～一大片鵝肝在蛋餅上，肥美又吸引，而蛋邊更是燶邊脆身，有蛋香～千島海鮮比薩~材料也不少，有帶子、蟹柳、蝦、魷魚及木魚片等，批底是薄薄的那種，吃得較舒服～招牌明太子卡邦尼意粉～醬汁很夠，能把整碟麵拌完吃，明太子脆卜卜，多重口感～恐龍樂園雜果賓治～非常可愛的飲品，小朋友看到都會瘋狂的，攪拌棒是恐龍，飲品內更有恐龍啫喱、爆珠及雜果等，好喝又驚喜～兒童餐～每樣也有一點，份量剛剛好，有卡邦尼意粉、炸雞、薯條、蛋糕及水果，小朋友大愛～招牌水果茶～選了熱的，是一整壺，底部有蠟燭不斷加熱，喝到最後也是暖暖的，味道微甜，喝得舒服～

今天來到尖沙咀的為食恐龍，我吃了很多不同的菜式，有pizza，蜜糖烤豬肋骨，意大利飯，炸物拼盤，這些也很好吃，我最為深刻的是蜜糖烤豬肋骨，因為這道菜的肉質很軟腍，我很喜歡那種骨肉分離的感覺。第二比較深刻的就是那一個Pizza，他們的pizza是簿皮的是比較有特色，還有他們的餡料也很多，成個口感很豐富。還有他們的意大利飯每一顆飯也很粒粒分明，這個意大利飯比起正常的米飯大很多，每一顆都像小珍珠似的。最後就是那個炸物拼盤份量很多，有很多各式各樣的炸物小食，我都很喜歡。

今日嚟到尖沙咀行街無意中見到呢間餐廳個名幾有趣所以就入嚟食叫咗個小拼盤一個飯pizza同埋豬仔骨當中令我較為驚喜嘅食物係豬仔骨味道好好肉質好林唔會話太老仲有嗰個Pizza值得一試我今次食嘅Pizza係蜜糖烤雞薄餅呢個都令我較為驚喜首先嗰邊唔會話太厚好難咬又蘑菇有雞肉有菠蘿有辣肉腸啱晒一啲唔食海鮮或者對其他食物敏感嘅人亦都有好多唔同款式嘅薄餅以上就係我寫嘅食評係值得大家去嘗試仲有嗰個小拼盤份量多亦都有好多唔同款式嘅炸物最後嗰個飯整體嚟講其實味道唔錯不過少少偏鹹不過都可接受仲有其他玩具桌上遊戲可以喺等待嘅過程解悶以上就係我寫嘅食評呢間餐廳值得大家試一試平時夜晚唔太多人唔使等咁耐

假期咁開心🥳，更系約埋朋友仔去食好野啦！位於尖沙咀 #為食恐龍•恐龍先生 以恐龍做主題既餐廳🍴嘆下🤤黃金地段真系好難得開一間親子餐廳👍，地理位置勁方便。餐廳裝修還融入了恐龍🦖元素，每個角落都有不同種類的恐龍🦕等著您來發現。餐桌上的餐具🍴也是以恐龍為主題,Mean📜同樣也是恐龍主題，您可以品嘗到以恐龍為靈感的菜式🥗和飲品🍹🥘招牌菜式——西班牙海鮮飯真的是非常好吃！米飯煮得很軟，海鮮的鮮味也很突出，真的讓人一口接一口。🥩威靈頓牛柳牛肉的口感非常嫩，外層的酥皮也非常香脆，夾在中層的菇菌香令味道更加豐富，增添香氣🍕巴馬火腿雜菌pizza巴馬火腿的咸味和菇類的鮮味相互襯托，讓人回味無窮🍟霸王龍小食拼盤魷魚園、監酥雞粒、薯角和洋蔥圈等小食，真的是非常美味。炸得很酥脆的魷魚圈，肉質很鮮嫩的監酥雞粒，還有一大堆的薯角和洋蔥圈，讓我們的味蕾不斷地享受著美味。👦🏻兒童套餐👧炸薯條🍟配雞粒🍗🍝 卡邦尼意粉恐龍造型蛋糕生果🍰餐廳中還有一些恐龍主題的活動😍例如恐龍圖書和恐龍彈珠,board game 等等，這些活動將為您提供一個更加互動和有趣的用餐體驗。