為食仔海鮮火鍋專門店 (已結業)

一個誤會既開始，一個失望既終結。忙碌中太太發來飲食短信，驟眼望見$98/任食/硯/海鮮。（利申，本人不食得多，亦很少食自助餐）諗住$98任食，翠華食個晚餐都吾得啦，差極都係一餐98，叫太太訂位一試。上到去即有位，望一望餐牌，什麼也有價錢，我問太太吾係98蚊任食嗎？原來係$98半小時任食硯，其他就跟價錢。打左突，不過見佢價錢一般，又咁多推介，照試。先叫胡椒雞湯硯煲，湯底不錯，硯新鮮，不錯，食左3盤。再叫了豬腰，松露蝦丸，少試牛刀，不錯，有驚喜，以為搵到好地方，點知。再加牛頸脊，5色餃，鵝腸，響鈴，惡夢就開始。。。$198碟細牛頸脊，10片，重要係不知所謂的牛。餃係10粒5款結冰的餃，肉霉蝦霉。鵝腸，10條，蚯蚓般大細，無鮮味。響鈴最好。埋單800，伏到無朋友。俾多一倍價錢落龍城金記，俾少一半價錢落兆萬任食，都比佢好。唯一好處，無咩人好清靜，侍應叫都吾會前來打擾。伏到圖都吾想影，大膽講如有失實，張單我付，又多一個一期一會的食店。

返工返得咁攰點都要放鬆下，嘆下，慰勞吓自己。今次朋友介紹，係旺角既火鍋店。依度既係蜆肉火鍋,真係大開眼界,好多蜆呀。依度叫做為食仔烘4店 ,一大班人十下十下 不知幾開心我哋揀咗較早時段入座,免得越夜越多人事先已經訂好位火鍋,  試咗幾款唔同嘅 款款都好好味 不過我覺得最值得推介畀大家嘅系東蔭公蜆肉火鍋東蔭公蜆肉火鍋原來係花甲加泰式湯底, 蜆肉好大隻  有好多肉 ,食極都食唔完花甲都好多隻下 好足料 湯底有少少辣 . 新鮮手切封門柳原來是牛的橫隔膜 配合埋清甜嘅菜一齊食 可以去除油膩感.湯底方面有好多種 花多眼亂 款款都好似好正咁,下次再試其他約堆一大班人去打邊爐真係好開心

個朋友係海鮮控, 係FB見到人SHARE覺得好吸引, 即刻約左我地成班朋友去試~原味花甲煲即係原味蜆煲趁特價食 超值 普通花甲煲都未必有咁便🐚 花甲舖滿成個鍋 我食嘅至少都冇沙粒 4個人分一樣夠~ 精選了幾樣火鍋配料：手打野生紅蝦松露丸 超好吃 彈牙不在話下 松露濃郁之餘沒遮蓋蝦味鮮炸響鈴 響鈴夠脆又薄身 輕易吸收湯底 比紫菜響鈴更惹味特級牛肉拼盤牛味重 值得吃美國桶蠔 夠大隻而且為數不小 沒有半點腥臭 雖然埋單每人都400, 不過真係好食, 值!

落單時候冇講清楚話一定要點其他菜，吃曬埋單先講，強逼消費，服務差，人手唔夠真心唔會有下一次完全冇興趣因為，之前吃過另外一間服務都唔係咁，基本上去完可以講粗口，嬲爆，以為有咩咁威，蜆有沙已經嬲嬲地，基本上除左加蜆係新鮮啲之外，其他都基本上可以話係垃圾，對唔住都要講一句，為左比差評我專登需要打夠200字，因為真係嬲到癲，個光頭啊叔仲要態度勁差，話公司規矩冇辦法，話側邊貼左張紙寫明，字體細到可以去做整錶師傅，最後我唯一叫左個粉絲，倒左都唔食，我知道我浪費唔啱

今晚同朋友去左油麻地既為食仔火鍋店,佢地係地鐵站行1 min左右,都幾好方便環境方面,新開地方光猛乾淨， 坐得都ok舒服店員服務算係招呼有禮，主動，有心講解介紹食物食物方面,食材新鮮， 份量亦大,蜆肉火鍋基本食極都食唔完， 推介一定要食手打芝士和牛丸， 牛味香濃芝士味唔會太濃驚搶過牛味，食落感覺好似m 記牛肉既味道，其他手打丸都唔錯， 主花甲多份量，其他食材都好新鮮，選擇都幾多牛肉拼盤好大碟,味道都幾新鮮,入口即溶果種總結：新開嘗試新野， 都算唔錯， 份量夠多而價格亦唔貴，gathering都可以嘗試選擇

今日滿懷期待咁樣諗住去食 我朋友就推介我去旺角嗰間但係我見油麻地近近地我就去咗油麻地嗰間。首先出邊等候時間都算一般唔係等好耐。個煲到一般 因為有沙同腥。不過重點都係啲服務態度，十問九唔應 同佢落完單都唔知佢有冇聽到 ，聽完人講嘢完全冇反應又唔出聲好似扮聽唔到咁。跟住諗住補蜆，講咗第一次等左10分鐘完全冇人理 ，叫咗佢第二次又等左10分鐘完全冇反應， 算啦頂唔順 去埋單～下次都係去mk嗰間

準備入秋,朋友們又一起出動吃火鍋今次我地黎到被安排在較入的位置,更有風味 先來一個蜆煲開場禮,味道相當惹味,覜肉多而且新鮮.湯底是暖胃之選 材料超多湯底濃厚不沾豉油也ok 二人點小份手切牛肉已足夠,牛肉比較瘦削但肉味濃厚,極上黑豚肉豬味超濃 半肥瘦雖邪惡但非常美味手打墨丸是心思之作 一口咬下去肉汁湧出,又是另一邪惡之作 獨有的味道令人吃上癮,響鈴新鮮炸起燙口,泡在湯頭裡五秒就可以食用,二人滔滔不絕的重溫中學舊事,邊吃香邊喝辣樂趣無窮 最後 一定要食曬D栗米同蕃茄.味道好新鮮,索埋湯仲好食

第一次寫食評,黎左旺角為食仔打邊爐成班朋友黎食,開左張大枱,朋友黎到安排左野食先,原來係東蔭公花甲煲同麻辣煲花甲好大隻 食極都食唔完😂 好足料湯底有少少辣,但好惹味.之後叫左個新鮮手切本地牛肉 牛肉唔鞋有少少牛味,入口幾滑.🎏芝士和牛丸 芝士和牛丸好正入面有流心芝士架.🎏鮮蝦雲吞 (半份 $42)一般，雲吞皮厚左少少..🎏稻庭烏冬$28感覺係手打嘅非常彈牙呀🤤.最後飲左D啤酒甭1邊爐都係飲啤酒會開心D另外店員都好細心，會成日留意我地個窩夠唔夠湯，又會主動幫我地加👍🏻🎏🎏🎏🎏🎏🎏🎏🎏🎏🎏🎏🎏🎏為食仔海鮮火鍋旺角彌敦道558-560號譽發廣場7樓

垃圾超級伏好難個樣幾靚放左好多檸檬葉香芧同味精食湯底好咸冬陰公湯底好差得個咸字手打丸味道還好，價錢可以接受，但打邊爐個湯底最重要，配料可接受，就算個煲係特價都會做得咁差浪費食物，唔值得去比ig呃左去中伏D 蜆勁多沙係可以追加但都幾難食您唔會想食，所以真係超級唔掋食千有得簡都唔好食呢間

朋友上網見到$98卜卜蜆，頭半小時任加，好似咁抵食咁，於是就決定去試下啦！入到去環境都算可以，坐得都算舒服～事不宜遲，當然係叫左任食卜卜蜆先啦～卜卜蜆份量都算多，但有d都有沙既咁既然係任食，幾個男仔緊係唔好蝕俾佢，諗住叫多2 round 啦。點知侍應知道你要加蜆，聽到好似扮聽唔到咁，完全唔俾反應你，就咁行開左，咁即係點呢？如是者，我地再「提」多幾次要加蜆，最後都有俾到一碟仔卜卜蜆你既。仲想加？都已經過左半個鐘，而你都無癮再叫啦（因為有沙，而且唔係咁好食）。如果真係為左任食而黎既朋友，就完全唔建議你黎啦。咁一場黎到，當然唔會淨係食蜆，亦都要試試其他食物。講到最印象深刻，就不得不提$198既「海鮮拼盤」同$288既「大碟肥牛」啦。先講海鮮：唔鮮、唔抵、唔好食，大家可以睇睇下圖，其實食吉野家會仲開心d。而肥牛呢，只係一般質素既肥牛，但份量亦都好細。性價比低，又唔好食，唔抵食。除左食物之外，服務亦係不敢恭維。全間鋪只有2個樓面，叫佢又扮聽唔到，聽到又叫你等等，而實情係人多到根本做唔切。嗌幾枝可樂都要三催四請先拎到黎，唔講以為汽水要煮Tim～我都知今時今日好多鋪頭都俾錢落廣告，但好心做廣告期間都

先講裝修：傳統火鍋FEEL，坐得舒服混醬英雄：自助式混醬設計，隨便你自己配搭，連蠔油、陳醋、炒白芝麻都有，好混醬！18禁蜆肉煲,名字犀飛利！味道確開胃！蜆肉同配菜都教人流口水湯底陣陣蟹香，的確是與眾不同蜆肉入湯即煮，就是煮過30分鐘仍是香嫩鮮滑可見選料用心，尤其是鍋中的湯料，啖啖鮮濃全都都是我喜愛的滋味建議先飲湯底，先從鮮氣入口，多種精華融入湯中 火鍋時就是更上一層樓的滋補味道,放什麼進去都好吃！象拔蚌和珊瑚蚌都是我喜歡的火鍋配料,入口味道新鮮,質感十足,配上湯底味道更好蔬菜,肉類也是不可缺小,最後必吃

由於座位唔算多既關係，所以walk in未必會有位架😫所以想食既朋友仔可以預先打去book位先💕東陰公蜆煲 😋好味指數：(7.5/10)蜆嘅分量都超多，2個人係咁食都好似食唔哂咁😝而且一粒沙都冇，餐廳都準備得好好😚食落去都幾辣咖🌶，唔係咁食得辣既朋友仔記得準備野飲吖💕食哂啲蜆之後加魚湯繼續打邊爐🐟特級牛肉拼盤😋好味指數：(7.5/10)有12塊牛肩胛，一片片但唔會太薄🐮牛嘅肉味幾濃，而且仲一啲都唔韌😍另外啲牛好快就淥熟，所以千奇唔好淥咁耐呀，如果唔係就會韌架喇😚#娃娃菜 ($38)😋好味指數：(7/10)娃娃菜份量都唔算多唔算少，2個人食既話都ok😆不過由於女小編食得太開心既關係，佢未影相就食左啲菜🤓啲菜淥落去吸哂啲汁，所以都幾辣架，對於食得辣既朋友仔都幾吸引😆#出前一丁 用個好得意嘅碗裝住咗😂😂

又去旺角行街，行到餓，想同朋友打下邊爐，飲下啤酒，就選擇左呢間為食仔啦入到去，環境乾淨，牆上安裝左幾部大電視，都播緊呢排好hit的廷嬉攻略，個個都係電視汁撈飯～睇完餐牌，見到卜卜峴鍋做緊優惠，$85就有1鍋，分別18禁湯底同清湯，想嘗嘗峴既鮮甜，就點左清湯。等緊鍋上的時候，店員都俾左調味盤，都係基本野：蔥、蒜、辣椒🌶️等等重點野食黎啦卜卜峴鍋，粒粒飽滿又鮮甜，必點！食落無沙，淡淡肉，食到停唔到，一連拍左10幾粒，無得輸👍🏻之後仲點左本地切件雞、海蝦、大元貝、生菜、烏東。本地切件雞：10個讚，係新鮮雞，食落雞味濃，又滑又正，鮮味出哂黎，好食！海蝦： 隻隻都處理好用竹枝串好，放落鍋，好快變紅，肉質彈牙，唔錯。總括黎講，打邊爐呢間真係好食，用料新鮮，主打鍋仲有緊優惠，一個字～抵食！

友人相約吃飯,選擇了很久也找不到合適餐廳,最後大家聽到朋友介紹,說這家樓上火鍋店的質素不錯,因此便來試試這家在油麻地的餐廳,地點不難找,因為在地鐵站的附近來到的時候剛巧是10點,很多顧客已經開始走了,我們才開始我們的晚飯我們點了這個招牌蜆煲,是這兒的招牌菜式花甲的份量很多,看起只是吃花甲都飽了花甲味道新鮮,而且相當有湯味,十分吸引花甲的份量比想像中多很多,我們2人不算是可以吃很多的人,因此已經足夠飽肚了 之後火鍋都吃不到那麼多,只吃了蟹柳,和一些蔬菜,蟹柳味道新鮮,首菜亦十分鮮甜,豐富的一餐,價錢也不貴呢

有馬來西亞的朋友s黎香港, 上星期六晚同佢地洗塵, 諗食乜都小小頭痛ar, 要坐得舒服又好味, 仲要近佢地酒店所以最後黎左依間為食仔,依度既火焰卜卜蜆煲好似唔錯,加上朋友都係愛辣之人就arm晒啦, 一行6人 點四大名鍋蜆肉粉放於麻辣湯中瞬間灼熟，蜆肉肉質很煙韌，入口麻辣味非常有勁。彈牙又富海鮮味道。豆製品方法不能錯過響玲，沒有多餘油份，外型像蛋卷，口感是胞身的腐皮，和坊間捲很多層的鬆化響玲不一樣。想要吃到豆味濃的，則可試試腐皮圈，煙韌有咬口。肥牛肉味濃又夠肥，麻辣湯則是不二配搭！推薦必點牛肉片，透薄得來又有牛味，正。