為食仔海鮮火鍋專門店 (已結業)

一個誤會既開始，一個失望既終結。忙碌中太太發來飲食短信，驟眼望見$98/任食/硯/海鮮。（利申，本人不食得多，亦很少食自助餐）諗住$98任食，翠華食個晚餐都吾得啦，差極都係一餐98，叫太太訂位一試。上到去即有位，望一望餐牌，什麼也有價錢，我問太太吾係98蚊任食嗎？原來係$98半小時任食硯，其他就跟價錢。打左突，不過見佢價錢一般，又咁多推介，照試。先叫胡椒雞湯硯煲，湯底不錯，硯新鮮，不錯，食左3盤。再叫了豬腰，松露蝦丸，少試牛刀，不錯，有驚喜，以為搵到好地方，點知。再加牛頸脊，5色餃，鵝腸，響鈴，惡夢就開始。。。$198碟細牛頸脊，10片，重要係不知所謂的牛。餃係10粒5款結冰的餃，肉霉蝦霉。鵝腸，10條，蚯蚓般大細，無鮮味。響鈴最好。埋單800，伏到無朋友。俾多一倍價錢落龍城金記，俾少一半價錢落兆萬任食，都比佢好。唯一好處，無咩人好清靜，侍應叫都吾會前來打擾。伏到圖都吾想影，大膽講如有失實，張單我付，又多一個一期一會的食店。