為食仔海鮮火鍋專門店

营业中

休息中

第一次寫食評，一肚氣！Book 左九點半食優惠$98 卜卜蜆，睇下幅圖隻黑沙蜆你仲敢唔敢食？！叫我地一行4人早D入坐，入座前無講過優惠以入座時間計，入座後又話我地早左入座，所以無優惠，要食原價$168，期間態度惡劣，又漏單，最後等左足足一個鐘野食先到，我地催單催左足足5次，所以叫左第一轉野食就無加單。。。第一次打邊爐食唔飽，醬料$18位又無講，埋單先知，舖頭解釋話張餐牌有寫，我地要求睇返張餐牌，一睇O咗咀，啲字細過粒鼻屎！總之一句待應差，野食差，冰凍嘅即炸響鈴你有無食過？營商手法差中差！又西口西面！D座位貼到掂到隔離枱個人隻手，差！差！差！

琴晚去左試食$98卜卜蜆白蘿白、魚、木耳、鮮白腐、生菜、粉絲、荀片、油麥菜、紫菜響鈴、手打4寶丸、雜菇由於食既時間都夜夜地，6個人食一個煲當然唔夠啦😝再另外叫食物主要都係叫蔬菜，而份量係細細碟的～蜆夠大隻，鮮甜，咁大煲只有4-5隻開唔到口，煲到中段個湯好甜好甜，但最後水太少搞到好咸🤦🏾‍♀️6人食，每人大約$105 性價比還可好喇，開始勞蘇💁🏾👇🏽👇🏽d位安排得唔好，好差，唔知係咪大家睇完報告比較多人去食，所以d安排好亂🌝 蝦碌1）8:30打去book 10點（留埋電話同名），9點早到左冇野做去睇下間野環境，由於本人係穩陣派😂，順便確實booking，點知個職員話冇booking，睇番電話來電紀錄先話好似有🤦🏾‍♀️蝦碌2）10點到，職員話埋緊單要稍等，10:15職員話埋緊單要稍等，10:30職員話已埋單，但客未走要稍等。10:45職員話已埋單，但客走緊出黎要執台稍等，如果唔係同其他人一齊我諗我爆炸左，餓死既心情🌚（我book左10點，門外亦唔只我地一圍等緊，唔係應該要禮貌請客離開鬆番張台出黎咩🤦🏾‍♀️蝦碌3）終於入得，見到安排左一張4人台....WTF！！☄️🔥☄️說好的6人呢說好的6人呢？

早一星期已經book左枱準時20:00點鐘到左但未有位一直等到20:50先入得 足足等左50分鐘咁其實book枱泥做咩？😡😡😡如果係support唔到嘅一係唔好接walkin一係唔好接受open rice online booking 啦好在一有位我地即刻落單5分鐘內卜卜蜆煲就送到開頭十幾隻都ok,蜆唔係大隻不過有甜味嘅點知食食下勁多砂煲底果啲蜆同湯全部都係砂搞到烚其他野嘅時候都沾到啲砂另外仲叫左脆肉鯇，係全晚最好食係新鮮，脆同有油香萵筍都不錯，但份量太少了紫菜嚮鈴和美國肥午就尚可仲有醬料18蚊位😒由於已經等左50分鐘先有位，整體感覺都幾唔好，唔會再有下次

食物差，無服務，環境逼，張台唔夠位放食物就提議我地放係後面個櫃（放碗筷既公家櫃）最後我地碟肥牛多左張gas 包裝紙！煲未上就不斷上火鍋料，大佬個煲到都仲要等佢滾，滾起都要食左d海鮮先啦！你一次過隊晒d野出黎，張台又細，又無地方俾我放，想我生食咩！卜卜蜆有死水味苦既，湯底超難食！龍蝦鍋，龍蝦得頭尾無左個身，湯淡而無味！雞煲加埋無半隻雞！手切牛無肉味！豚肉無味又鞋!墨魚奶皇包，無奶皇香！墨魚面加太多粉漿！油麥菜又爛又苦！飲品又漏單！醬料得豉油，蔥，辣椒，生蒜，收你$18位！唯一好食係紫菜嚮玲！餃類都ok!7個人食$24xx,個個食到黑晒口面離場。請都唔會再幫襯！

黎為食仔點可以唔食卜卜蜆煲($168)😎蜆上面放左大量生蒜、辣椒同埋蔥調味，所以食左好幾粒蜆都好辣😹(我仲要太興奮吞埋舊辣椒🙄)之後揀d無乜調味料係上面嘅蜆(費事再辣死自己🌝)，味道就清清地☺️由於店方採用新鮮沙白蜆，所以食落有鮮味😋，質素不俗👍🏻👍🏻👍🏻/一開頭我都唔明點解佢叫卜卜蜆煲👀原來係一路等，D蜆會「卜卜」咁開😆😆😆不過都幾大煲，所以最好多幾個人share啦

天寒地凍的天氣，打邊爐真係最無得輸既選擇。今次，就選擇左旺角白布街既一間新餐廳為食仔，試下佢D特色火鍋先！龍蝦火鍋咁囂張？一於試試你！法國蠔可以10蚊一隻，當然唔客氣叫番幾打食啦！法國蠔的金屬味唔算重，但係味道好鮮甜9:30後十蚊一隻嘅法國蠔同廿蚊隻嘅黑松露魚子生蠔，個人偏好原味嘅生蠔，夠生鮮又甜，金屬味唔算重，但味道都夠濃。$10隻勁抵！叫左兩個龍蝦湯底同兩個蒜蓉蜆湯，原隻龍蝦去煮湯底，蟹鉗同埋龍蝦尾嘅部位都啖啖肉夠爽口。而蜆又夠哂惹味，比蒜蓉爆過後好香，肉質夠甜，而且份量真心勁多，一個人食到10-20隻左右多人食~好熱鬧呀！好令的肥牛呀配材方面，牛同豬肉嘅質素普遍都唔錯，但我最推介嘅係丸同埋雲呑餃子同丸有蟹籽、芝士、香菇、墨丸，而餃子類除了雲呑重有各款菜肉餃，整體都好新鮮同埋足料，咬落去有咬口而且好有鮮味，推介要食丸同餃‼️叫左一台都係野，哈~開動啦！牛魔王，有好多唔同的牛部位食，正！菠蘿好正正！個龍蝦湯食到最好得番少少湯底時，重想我地整左個炒飯！吸哂D湯汁，好正呀！正呀！

有晚同家人book呢度打邊爐，因為見到佢d鍋個湯底特別，尤其係蜆鍋。到左都唔洗等位就坐得，環境唔迫都ok。餐牌有幾張，有一張餐牌係叫你like佢地呢間餐廳既facebook就會有小食送，送既野會因應幾多個like就會有唔同，即是愈多人一齊食愈多like就送既野愈好。唔講咁多，重頭戲，蜆鍋。蜆好多呀仲要好大隻，好味道唔會腥唔會有異味唔會有沙，都好新鮮下，價錢都只係百幾蚊，好抵，個湯底好鮮甜，又辣辣地，正自己都飲左幾碗，佢要你食晒d蜆先會再加湯俾你打邊爐，好似雞煲咁。叫左呢個手打丸，肉質唔錯。手打墨魚滑，都唔算貴，平時起碼要成百蚊，呢度七十幾蚊咋，好彈牙。萵芛，因為本身硬會好難滾林，所以餐廳都會預先幫你整林d，好等你快d有得食唔洗等咁耐手切肥牛，一個字，正d蝦非常新鮮，黎到仲係郁緊，滾完後非常鮮味又甜，但略嫌有d貴，不過我覺得係值得，因為真係生猛新鮮。整體所有野都好好，水準一流，所以返尋味，下次會再去試等於龍蝦海鮮鍋，因為見到係成隻龍蝦擺落去，仲要湯底係非常濃厚既龍蝦湯底。

星期六日又係時候幾朋友仔食個飯見個面，襯天氣仲凍凍地，打個靚邊實冇死😎 今次仲一次過食到龍蝦+蜆+生蠔🙌🏻🙌🏻原隻龍蝦海鮮鍋 $238 (2月優惠價) 有蝦有蜆，湯底鮮甜，越煲越濃！用黎打邊爐🤤🤤卜卜蜆煲 $168大大煲既沙白蜆，加左蒜茸、辣椒、蔥花，住佢慢慢開，係有「卜卜」聲架😍😍 重點係隻隻開哂！法國生蠔 $10/隻 (9點後優惠價)雖然唔係好肥美，鮮甜度都唔錯，過下口癮都好呀😋火鍋材料推介：極級安格斯手切肥牛 $138 小 / $268 大肥瘦均勻，牛味重，肉質嫩滑，將近入口即溶🤤各款手打墨魚丸話明手打真係好彈牙💪🏻 個人鍾意黑松露同芝士餡，值得一試！其餘仲試左：整體水準都算唔錯，冬天三五好友飯聚好去處。