炳記茶檔

营业中

休息中

已聽聞炳記的奶茶不錯，於是往試。奶茶以玻璃杯奉上，心裡有點不悅，因為主吃還沒來，怕很快變冷。一口呷下，倒也不錯。茶尚算香，滑，茶味算濃，夠厚，色標準，唯掛杯能力尚可，整體是不錯，但個人還是較喜歡深水埗福華街的鍾記。碰巧坐於茶檔前，看著奶茶的制成。見茶早存於舊式茶壺中，先倒到透明玻璃杯中，然後加花奶，就是這樣，即茶並非現泡。要吃點東西作早餐，便隨便叫個咸牛肉出前一丁。咸牛肉包在蛋的中央，煎熟並浸在湯一起上，咸牛配蛋這個組合不錯，咸牛味被蛋中和了，剛好，加上煎蛋的內部沒全熟，很好吃。麵煮得也好，份內事情沒有欺場。見出品有點誠意，便再叫了多士，是次吃油醬多，出來的方包外脆內軟，不錯吃。值得一提，炳記雖是牌檔，但我光顧的這時段內，看見不少穿得時尚的顧客，富貴人家亦有，曾揚威日本高松宮短途一級賽的香港現役賽駒「友營格」的馬主亦為坐上客。

平時六曰，同K先生行過，都好多人大排長龍，都會轉去隔離街食龍x冰室。今次，平日行過見不要排隊，所以試下佢碗豬扒公仔麵，食落去，其實味道好普通，個麵仲有d硬未夠熟，真係有d吾明白點平時要排長龍呢。

陳奕迅話：未黎過炳記 即等於無黎過大坑*咁誇張？就等為食Chloe黎試試😁專誠早啲到，避左最多人嘅lunch時間仍座無虛席，犀利。我叫左雞翼豬扒米粉加熱奶茶，豬扒厚切 、濃濃胡椒味，好入味、有口感，好食！ 如果食得辣嘅你，一定唔可以錯過自家製辣油醬！加左更惹味奶茶香滑，用絲襪拉茶做到的效果！😍Chloe除左食之外，仲會感受一下鐵皮檔下的風味，開放式廚房、冷巷內進食、真係份外有一番風味呀！還吃到它的一份人情味，老闆會同客人有講有笑的，而家普遍在外的餐廳買少見少喇，而且香港愈來愈少有呢類型的茶檔，所以要更珍惜呢份獨有味道！我仲加碼要多份脆脆油尖多士作總結！

週日，約了一個早睡早起的人吃早餐，無心插柳地經過此小店，全因爲它的一條長龍令我們成了坐上客！朋友住港島，他說這小店頗有名氣，我們排了一會兒便有位，大家都算是快來快去的模式。店員推薦豬排，聞說奶茶也是名物，於是我們點了豬排雞翼米、豬排腸仔麵和兩杯熱奶茶，吃後感是：咪就係一個普通的快餐公仔麵囉！豬排味道不覺得有何特別，口感沒有待別嫩卻帶有一點韌，可說是絕對沒有感動味蕾但就是平凡正常的港式麵食。最有趣的是結帳時一名頗有威嚴的男人（相信是老闆）給了我們一張明信片，是該店的插畫，叫我們先上卡上的網址查清楚有沒有開門才好來吃，免得摸門釘！吃呢份港式風味都幾攪笑！

聞名不如一吃~下雨天，到了大坑出名嘅炳記大排檔。炳記呢個名成日都聽到，但每次經過都只係見到佢收左檔。 今日竟然係無心插柳嘅情況下撞到佢仲開緊！仲要唔駛等而有位！其實佢既麵餐都真係唔貴，豬扒拚肉丁麵 ／雞翼拚咸牛肉米都係 $25 一碗。豬扒唔係普通嘅煎豬扒，係好似用醬油醃過甘，幾冧，雞翼係滷水醃既，不太咸，岩岩好。 而炳記最出名嘅係佢杯熱奶茶（$15一杯），杯奶茶係幾滑嘅，幾香，之不過，略嫌茶味可以再濃d，甘就 Perfect 池啦。至於杯咖啡呢，就係普通嘅熱咖啡囉（唔係阿姐個隻）。值得一讚嘅係，唔知係唔係老闆嘅男人（今日橙色衫），見我地坐左係一個比較窄嘅位，主動提出幫我地換位，仲送左張明信片俾我，同我地講，我地有 IG 架，黎之前留意我地有無開鋪嘅時間，費事白行一趟。~ 今時今日甘嘅服務態度，好值得加分丫！

星期日下午12:30 左右到達炳記, 超多人在排隊等位, 還好各伙記快手快腳等咗10 分鐘左右已可以坐下落oder, 因上次馳名的豬扒沽清所以今次一坐下馬上order 豬扒餐肉麵, 沾醬多和熱奶茶. 豬扒沒有想像中好吃還可以說是失望,  煎豬扒味道略淡, 但可能豬扒太瘦的關係, 入口鞋口和稍韌. 為何有咁多人讚豬扒好好食 ? 沾醬多 - 茶檔即叫即整一定唔會失敗熱奶茶 - 也是炳記的鎮檔之寶, 確實飲回以前茶檔的風味飲得出是用多種不同茶葉溝成, 人口奶香茶滑, 茶香停留在口腔久久才散 而家好多茶餐廰係連基本嘅咖啡奶茶都好難飲的, 人口帶微酸帶澀多的是另要讚一讚炳記的伙記和老闆, 個個好笑容好禮貎

經常見到這裏也是坐滿的，諗住今日試吓佢個招牌豬扒麵，非常失望，豬扒有筋也不在話下，咬住啲肉好似食橡筋咁😓。不過服務唔錯，店員主動攞張凳俾我放袋。比佢哋用嘅麻油同埋胡椒粉，都係同出面茶餐廳唔同。

剛吃了民聲冰室的咸蛋肉餅飯, 其實已經很滿足, 但又發覺肚裏還有少量空位, 又剛好走過 炳記茶檔."怎樣辦呢?" 內心掙扎, 在茶檔外徘徊了一會, 終於走了進去. 阿姐親切的說 "裏面有空位." 我問阿姐: "有餐牌嗎?"阿姐叫我看出面的大餐牌, 又介紹: "這裏通常都食面, 有各種餸"我顫著聲音反抗阿姐: "我要蛋牛治 唔該"阿姐一呆, 再接再勵: "要飲野嗎?"我心虛地答" 唔使啦唔該". 因為5分鐘前才剛喝完凍檸茶.蛋牛治:面包香脆, 牛肉咸香, 雞蛋滑溜, 三者配合得天衣無縫.再encore 了這2nd Lunch, 吃完飽得走不動了. 結賬只需$15. 

每次見到這間茶檔都總是沒開。因為它每天3:30pm 就關門了終於有一天下定決心在三點半之前去試一下一來到張望了一陣子都見不到餐牌， 然後就跟著別人吃的來叫有誠意的豬排麵，無骨豬排切成一塊塊很方便。味道入味但不會太鹹煎蛋有一點點燶邊， 不錯麵的份量挺多，吃完挺飽的還附上幾條生菜感覺健康熱奶茶很滑，就算冷了都不會難喝另外值得一提的是這間茶檔在沒什麼車沒什麼人的街上，比其他有名又多遊客的茶檔更休閒，吃得也比較舒服

嚟到大坑附近,咁就去炳記茶檔食啲嘢,當日食客唔少,我哋就晌後巷嗰邊坐,晌呢種地踎茶檔都唔會對環境有乜嘢特別期望.我哋叫咗凍奶茶同熱奶茶,茶底比之前食過嘅某某茶餐廳香濃啲啲,奶亦都算順滑.我其實唔係太肚餓,所以只係食咗份火腿蛋三文治,蛋煎得有啲啲嚡,不過烘底麵包都幾脆身香口嘅.朋友嘅豬扒紅腸麵,豬扒爽脆有黑椒香,油份可以接受,當中仲有啲生菜,食返少少菜個感覺好似健康啲.雖然係晌後巷,不過衛生唔錯,冇臭味冇污水,而且呢種咁有香港特式嘅茶檔已經買少見少,係值得支持下嘅.

E神話，未試過炳記，就等於未去過大坑。今日人少少，終於可以試吓。見個個都嗌豬扒麵，就點了個豬扒煎蛋一丁，加杯得獎熱奶茶。熱奶茶用膠杯裝，理論上可以保溫。但茶香欠奉，有丁點兒失望。豬扒是黑椒汁，不過不失。麵底又一般般。名大於實吧！

我們都喜歡緬懷舊日的好。大坑，這幾年新的食店越開越多，逐漸形成了搵食新陣地。店面，大多只有三、四百呎，全是小本經營，大多是老闆一人身兼數職，所以，這兒的店很有個性，或者，味道不一定能打動每個人的味蕾，可是，誠意肯定是外頭連鎖式食店不能媲美的。每枱都點的超濃滑奶茶。奶醬多，不過不失。豬排十分嫩口，惟面湯不夠熱。豬排可選擇拚各款不同的配料，紅腸味道亦不錯。

炳記$41阿女學校運動會，去到天公不造美！全日落雨！提早落山食晏，同學仔家長介紹呢間，去到橫巷已經爆咗，店員在街邊簷下開兩張細摺枱比我哋5個人！環境認真一般！無餐牌比我哋！我淨係上網睇食客推介，店員紙皮落單好攪笑！食物好快到！豬扒麵（$25）：豬扒已切件，份量多！豬扒肉質幾鬆，有肉汁，醃得入味，黑椒望落好多，不過唔辣！好味！麵質雖然唔係出前一丁嘅煙韌！不過仲有啲彈牙！湯底夠濃惹味！好味細檸樂（$14）檸底冰凍加玻璃樽可樂！夠汽好味！雞翼麵豬扒蛋麵奶油多凍奶茶熱奶茶食物出晒，枱面嘅調味都好味，麻油係日本麻油，好香，辣椒油香唔嗆喉！泰式辣魚露香！好味！估唔到呢啲茶檔調味用足料！店員勤快，唔會多說話，又唔係無禮，快快手嗰種！比錢可以分開計！好爽快！港式風味！

大坑的明星食肆即使冇空調冇風扇，但自然風涼爽，環境乾淨，懷舊特色，服務又好，每次過來必點豬扒米和奶茶，超級無敵中意入味鬆軟豬扒，奶茶濃郁，今次仲有明信片送，更加開心

炳記茶檔是大坑「名店」之一，每逢食飯時間皆要排隊輪候。是日與細周生打完網球，即興到場湊湊熱鬧，試一試人氣奶茶豬扒麵。 今時今日的大排檔口，實在少之又少。雖然衛生舒適感欠奉，但勝在有風味，對於細周生及魚仔而言更是少有的體驗。 經過二十分鐘的等候，終於順利入座。炳記的餐單很簡單，只有數款多士三文治與麵食，這特點也多是舊式名氣小店的共通點。這碗豬扒出前一丁公仔麵，豬扒醃製得鬆軟入味，味道確實不俗。麵食雖說是出前一丁，但絶不是最理想彈牙的批次。湯底的味道亦不算突出。公仔麵不太適合兩位小老闆，餐蛋治 (烘底) 及蛋牛治 (烘底) 則合他們心意。筆者只是淺嚐了一口，但已覺多士脆香新鮮，蛋滑美味。 至於人氣名物熱奶茶，茶奶比例均衡，整體味道屬輕盈種類，都唔錯！