炳記茶檔

营业中

休息中

每次經過都見到好多人排長龍，難得今日係閑日路過唔算太多人等，於是決定一試，仲等咗唔使20分鐘就有得食！茶檔環境尚算企理，感覺衛生，亦有一種忙中有序嘅感覺，從坐低到落單到食物到咗，都發生得好快，可見員工們非常專業，效率甚高，而且態度都好親切。叫咗五款嘢食，包括豬扒公仔麵、雞翼米粉、奶醬多、凍奶茶同凍檸茶(少甜少冰)。雖然價錢便宜，但係豬扒公仔麵同雞翼米粉嘅份量都算唔錯，食得飽人。食物品質方面則算普通，唔算話好好味或者令人難忘，反而係識到一種真同人情味嘅感覺。值得一讚嘅係佢嘅奶醬多，個多士叮得好好，非常鬆脆，加上有少少燶，啱啱好，而且奶醬份量亦非常足夠，好好味。飲品方面，佢嘅凍奶茶同凍檸茶都好好味，可見茶底非常有心機，唔會過苦/澀，好有自己特色，亦唔會太甜，飲起嚟好舒服。整體來講，係食得開心嘅一餐，咁樣已經足夠😊

非常地道的美食，8:30am 左右去到都已經坐滿要等位。豬扒米超好食，豬扒是用黑椒汁醃，肉質柔軟多汁，另外餐肉火腿麵都好好食，仲有兩塊餐肉夠份量，奶茶都好濃滑。讃！

又再一次黎炳記食早餐，今日好好彩，即刻有位，平時要等好耐！！炳記已經食過無數次，次次都會指定叫蛋牛豬扒麵，今次食雞翼蛋麵雞翼霖夠味，凍奶茶茶味夠，好有茶檔feel,奶油多士必食，實在太好食，麵包烘到好鬆脆，加埋牛油奶太正@大家去前記得上ig 睇有無開門

if I hv time for an at least 20 min wait, and a strong craving for instant noodles perfectly served with local milk tea. that's why I'm here.if you come here alone, you will get in faster... expect some yelling if the owner is there.. dun get offended though.. this is just who he is.

之前一直有聽到話炳記奶茶茶香奶滑，今日終於有機會試琴，全靠朋友帶路。兩點左右黎到都好多人，剛好有兩個位。點了茶走少甜及餐肉肉丁雙拼麵。茶走少甜($16) 色澤均勻，茶香奶滑，帶點回甘，果然招牌食品。餐肉肉丁麵（$20）今時今日呢個價錢堅平，味道就罐頭食物，正常無咩特別，至於大光麵吾係我杯茶，作為填飽肚既以咁既價錢仲要求啲咩，下次如果餓餓地過到黎改其他粉麵。餐牌選擇吾多，但炳記屹立症咁多年，奶茶一定功勞不少。下次要試正常奶茶同多士先

平日人少啲，天氣涼涼哋，戶外座位也舒服唔熱，疫情嚴重，空氣更流通豬排麵黑椒汁入味，切件無骨，容易入口，也食得比較衞生，好多菜，值得一讚，熱奶茶香濃幼滑，當然必食😋

剛巧早上經過大坑有公事要做所以特意和同事去試一試呢間懷舊茶檔，約早上8:30到達等了大約三四個字便坐低一般蒞臨嘅客人看似熟客都唔使睇餐牌就可以點餐，餐牌要行出去店面度睇.叫了一個西多士兩份食，一個兩餸（五香肉丁煎蛋）米粉，一個三餸（餐肉吾香肉丁煎蛋）出前一丁多士烘得剛剛好，麵食方面不過不失(朋友投訴明明標名出前一丁但係唔係出前一丁)，奶茶茶味重，水準好價格是重點能夠體驗到懷舊風味絕對物有所值雖然錯位比較迫但係你見到好多客人同餐廳侍應其實都好熟好有人情味嘅感覺.沒有太多評分因為這間店重點係懷舊同人情味，回頭率唔算超級高但係絕對會定期回來

這家茶檔外形懷舊，單併三文治 13元，雙併 16元，以這店之名氣算便宜益街方了，点了"蛋牛烘"，蛋滑，牛也 ok，蛋牛只算中上水平，但烘的麵包烘的超好，色澤好，鬆及軟的比例剛剛好，而且全塊麵包都有烘，這点比較出色，熱央偏茶那邊，啡味低些，各有所好吧，嫌排隊太久，等外賣，很快的，算必試之列。

難得入大坑，立即search下附近有咩好食⋯見到呢間炳記茶檔好評如潮，決定一試。一個人，叫咗豬扒米（$25）+熱奶茶（$16）。首先到嘅係奶茶，茶香奶滑，怪不得被評為四大奶茶王之一！至於豬扒米，豬扒唔會醃先過龍而失去豬味同質感，配以黑椒汁，都幾惹味。而家呢種舊式茶鐺喺香港真係少之有少，大家經過可以嚟一試。

今天早上，到了大坑的炳記茶鐺吃早餐，只是九時許，也已經有數人排隊。雖然是大排檔，也有店員安排座位。等了大約5分鐘，就可以入座，要搭枱坐一張四人枱。點了熱奶茶和奶醬多。熱奶茶的奶味和茶味適中，有點偏淡，如果喜歡濃茶的朋友，就未必太喜歡，但我就覺得不錯。奶醬多是厚多士，很鬆脆。整體食物質素不錯，只是座位比較狹窄，但不失為一個不錯的早餐體驗。臨走前已看到有超過10個人排隊，所以如果要去那裏進食，最好是早一點，或者要等一陣。

嚟到大坑，行到嚟內街呢道，基本上都好易揾到。每次嚟都必定要排隊，仲要唔齊人係唔比入座，超受歡迎！呢道係街邊，冇任何冷氣，又唔係坐得舒服，但每一位客人都必定會叫一杯奶茶，原因呢道被評選為四大奶茶王之一！ 🍴雞翼麵+茶走 ($41) ⭐️⭐️⭐️⭐️ 雞翼分開上，醬汁唔會比湯底沖淡，而且色水唔錯。食落味道啱啱好，唔會好鹹，有d似瑞士雞翼。至於茶走，真係冇得輸，好清楚見到煉奶同奶茶，煉奶分量啱啱好，唔會令到杯奶茶太甜，茶味香濃，大推！ .............................. 炳記茶檔 地址📍: 大坑施弼街5號側 總評分: 6.4/10 .............................. 味道😋: ⭐️⭐️⭐️⭐️ 環境👀: ⭐️⭐️⭐️ 服務👨🏻‍🍳: ⭐️⭐️⭐️ 衛生🧹: ⭐️⭐️⭐️ 抵食💰: ⭐️⭐️⭐️

搬咗嚟大坑，一直都好想食茶餐廳，環顧四周的茶餐廳，我覺得最好味嘅係炳記茶餐廳。我最鍾意飲佢杯凍奶茶，奶茶好滑好香龍，但係就記住要少甜如果唔係真係好甜。另外一個一大特色就係佢嘅烤多士好好味，佢嘅多士烤得特別鬆脆，推介奶醬多或者奶油多，或者係傳統嘅三文治烘底。例如餐肉蛋三文治。其他食客都有食佢嘅一碗碗嘅面，我個人就覺得公仔麵偏林，黑椒豬扒味道一般，不過如果食餐肉炒蛋或者五香肉丁都OK，肚餓嘅時候嗌碗麵都唔錯。見附近有食客食雞翼，下次有機會都想試一試。不過大家要記住，炳記茶餐廳唔優做，平時星期日開，但係逢星期一休息，例如一啲公眾假期佢未必開。同埋營業時間係去到下午2:45至三點到。大家唔好摸門釘。

題目講得嚴重咗😅只係九個月後我終於抹走咗以前一貫嘅行徑，踏出左一步響炳記食一啲我九個月從來冇叫過嘅嘢。其實一直以來我自己一個人去炳記都係食返我最愛嘅奶油多同埋餐肉煎一隻荷包蛋，其實一直都好想食佢嘅三文治，餐蛋烘呀、芝士旦烘，旦牛烘等等，只係我唔想放棄唔食奶油多，一條友真係唔可以兩樣都叫晒。終於今日因為自己個胃有啲唔太舒服，其實諗咗好耐第一究竟食唔食嘢，但一場嚟到大坑冇理由就咁就走㗎！心諗個胃唔舒服咁不如就試吓唔好飲奶茶，飲啲酸酸地嘅檸檬茶啦！（自我感覺良好其實茶對個胃都唔係咁好，仲要飲凍野😅）另外仲叫咗一直好想叫嘅蛋牛烘。其實個胃都頂頂下，響唔係好有胃口嘅狀態底下我仍然覺得個蛋牛烘好好食，炒蛋同碎牛中間仲有少少流心狀態😋仲好似有啲唔夠喉添，不過我冇理由再格硬塞多件奶油多落個唔舒服嘅胃度😖雖然烘底麵包唔夠多士來得咁外脆內軟，可能佢做三文治嘅包比較薄身啲。雖然食完個胃都仲係有啲怪怪地，不過又好滿足喎以後有多個選擇

今日去炳記食Tea，三個人，先點了一杯熱奶茶，一茶走，一凍檸茶，一件油醬麥多，一件奶油多。跟住比人串”每人”要食$20。真係唔明佢點分邊個人食乜嘢，代表唔可以share食？以上加埋已經超過$60。其他地方只限人均消費，這樣規矩唔知點定。服務態度係一個字”串”。未入坐必須先諗好食咩，因為佢問你食乜要即答，否則擰轉頭走。落單要快唔準諗，唔準講錯，有佢講無你講。去過D人應該有同感吧！講真，食物係好食，奶茶好飲，服務態度就不敢恭維。

舊日茶檔真係買少見少、星期日訓唔著咪去歎杯奶茶⋯⋯大約早上8:00左右到達，巳經好多人，剛回復四人限聚令四人撘枱。我呢d生面口既，唯有自己見位就坐⋯⋯最後係後行搵到個位⋯⋯但對熟客黎講大概有種「賓至如歸」既感覺吧坐低未諗到食咩，求奇order都係奶茶旦治加多碗餐旦丁麵，食物無話好唔好味，standard普普通通，丁麵湯底自家製，麵應該都唔係丁麵⋯⋯奶茶無乜特別，食完就走，只可以話到茶檔食左個快餐，完全歎唔出茶檔既情懷⋯⋯