炳記茶檔

营业中

休息中

🧚🏻‍♀日日吽喺屋企就黎發霉 又怕出街食坐室內好多菌 所以揀咗呢間可以坐室外既老店茶餐廳 次次嚟到都要排一輪 但係佢咁好味又真係值得一等嘅.🔶 黑椒豬扒雞翅出前一丁💰30👅8/10豬扒好入味 但有時會少少韌雞翼係鹵水雞翼 入味又淋身再加小小辣椒油醬會更惹味🤤 麵身都算彈牙🔶 奶油多🚦必食🚦💰11👅9/10外脆內軟到一個點！夠厚身 夠多醬 正到爆 ！！簡單既美食已經made my day💓💓✨要早小小去呀🤫下午三時就關門ga la

今日係正苦實施限制食肆四人以上要分枱/枱與枱之間要有至少1.5米距離/客人數量唔可以超出可容納一半/要提供消毒搓手液/要同客人量體溫⋯⋯⋯⋯⋯種種對食肆嘅限制當然有好多聲音啦😞宣佈要實施嘅時候我先擔心緊我嚟緊最想去嘅炳記會唔會因為太麻煩而決定唔開門算數呢？因為我見唔到佢響IG 有咩update消息，忍咗兩日唔出街終於今日頂唔順要出去行吓🤣終於飲到我好想飲嘅奶茶啦！好開心😃唔知點解食極都唔厭，反而貴嘢賣相好精緻食一次就唔會再去食！從來都未見過既境象-有消毒搓手液提供，重要喺度量體溫🤒️其實最想係黎飲杯絲䌩奶茶，食件多士，其實唔清楚實際呢啲措施有冇用，不過我可以好肯定對於炳記來講應該冇乜大影響，如常有人排隊。食物質素方面,仍然保持喺我既standard以上,多士仍然內脆外軟，冇一次失手。奶茶當然係大愛嘅原因啦！

真係搵唔到第二度嘅多士好食過炳記，冇辦法！雖然而家每次都要自己搭車專登過海只係為求食到我想食嘅嘢(要對自己好啲丫嘛）之前有對腳，會叫碗三餸面加件多士share, 而家一個人邊食得哂一碗面丫，多士就必食既，所以唯有忍痛叫d自己都handle 到既-奶油多+餐肉煎一隻旦或者紅腸煎一隻旦😙😋真係唔明點解呢度既多士好食到一個點，外脆內軟，試過晒唔同combination e.g 奶醬/占醬/油醬/奶占/油占⋯都係奶油最match 👍🏻其實之前打孖去老闆都認得我地架，而家孤單一人去自覺都有啲樣衰，老闆又好似唔多認得我咁。查實每次去都戰戰兢兢，把聲唔夠響怕潮哥聽唔到，唔知點解好想可以同你講打成一片🤪放心我一定會繼續黎嘅！嚟到你哋認得我為止😅何況一個人都有一個人的浪漫💕

要食炳記早餐，大家都知要排隊，在這小巷鐵皮的大排檔食早餐，多添一份香港昔日情懷。哈哈，這種有名氣的大排檔，老闆當然有佢嘅風格，帶點指揮官咁啦😂，但整個流程安排得唔錯，一坐低就有得食，因為喺排隊嗰陣就已經幫你落咗單。餐牌款式不多，咁多年，老闆專一佢嘅招牌貨，秘製醬汁醃製佢嘅豬扒同雞翼，可能咁，所以能夠保持水準，幾時嚟，味道依然如一。熱辣辣嘅豬扒公仔麵🍜，豬扒有厚度有咬口，不是用鬆肉粉醃到淋啤啤嗰種，醬汁帶點黑椒及醬油香味。即叫即整嘅奶油多，脆卜卜🤪，剛溶化的牛油配上香甜嘅煉奶，加埋我杯港式奶茶☕️，滿足而回😋。

今天同男友來到大坑一遊，周圍逛逛，見到有間懷舊車仔麵檔，車門玻璃貼着陳奕迅到此一遊的親筆簽名，又見到有長長的人龍，原來每日下午3點半就會收檔截人龍 ，點都要排隊試一試。好彩等左大約15分鐘就有位，哈哈，餐牌都是單一式的，當然選擇都不多，而價錢都沒有列明出來，這就是車仔檔的小小特色之處吧！我們點了豬扒麵、豬扒米、咖咉多、奶茶，豬扒充滿濃濃的黑椒味，反而豬味不多腌制味較重。咖咉多的確無得輸，烤至金黃色，面鋪滿花生🥜醬，同格仔餅配料一樣。奶茶茶味較重，我自己喜歡奶味重點就更好。雖然食物好普通，但勝在車仔檔已經買少見少有一份懷舊特色，而且性價比高，難怪總見長長的人龍。

一直想食好耐，每次唔係準備收檔，就係休息。今次咁啱係港島個邊，於是啲起心肝再去一次。.我地好快就等到位，由於排隊個時已經點好左食咩，一坐低就食得。呢幾日天氣都熱熱地，點番杯凍奶茶解下涼，奶茶茶味香濃，沒有茶澀味，沖得啱好。之然未食麵之前我地先食左奶醬多士，好脆，奶醬啱好，食完都唔覺得膩。.主角要登場：我地都點左豬扒兩餸，一個豬扒肉丁，一個就豬扒煎蛋。豬扒是用黑椒腌製，味道啱好，肉丁帶有點辣，啱晒鐘意食辣嘅我。.p.s 有嘢飲有麵食又有奶醬多，價廉物美👏🏻一定會番嚟再食。

常常忘記自己吃過的地方到底好不好吃, 之後又去試, 之後又忘記.. 年紀大了, 還是開始記錄下來吧.巧合經過炳記, 看見不少人在吃, 總是記得吃過但忘記什麼味道, 給它的氣氛環境吸引下, 於是又光顧了.叫了個人氣黑椒豬扒加蛋麵凍奶茶. 豬扒吃落不是我喜歡的類型, 但辣椒油果然把麵起死回生, 謝謝網友提點, 凍奶茶也算OK. 對面枱一對情侶也叫凍奶茶, 可能因為想環保叫他們走飲管, 服務員說ok, 但結果來到時還是有飲管, 情侶們和我相視苦笑...埋單$42大元. 會不會再吃? 有緣再經過這𥚃再算吧...

💜 炳記茶檔 (大坑)大坑施弼街5號側==============================街邊的大排檔賣小見小，前排假日的時候就同👦🏻去左食炳記😃提提大家要有排隊的準備🚶🏽‍♂️🚶🏻‍♀️🚶🏽‍♂️❤️豬扒太陽蛋麵$25黑椒豬扒好入味也好香胡椒的味道麵底不會過淋，不過👧🏻略嫌個湯無咩味道所以加了小小辣椒油醬會更惹味😆❤️奶油多$11多士是厚身非常脆口，上枱時候熱辣辣建議大家即刻食👍🏻👍🏻👍🏻

今朝要去到西營盤上workshop，好彩有同事車我一齊去，去之前同事話想先去大坑既炳記食早餐先。其實我從來未食過呢間野，凈係聽同事講果到既豬扒麵好好食，見佢係咁推介，我唯有去到都叫返碗試下先麵唔洗等好耐就黎到，湯底顏色好濃，豬扒已經切開一嚿嚿，每一舊都有醬汁，食落去都幾腍，有黑椒味，而且份量都幾多，不過公仔麵我就略嫌份量有啲少，好似唔係一個嘅份量，所以食完之後唔係覺得好飽埋單每人大約40幾蚊，感覺好似普普通通

9:00去到排咗15分鐘 齊人先入得叫左豬扒 雞翼 鹹牛肉奄列 奶油多鹹牛肉奄列同雞翼 不過不失 奄列有點咸豬扒一望落去就覺得又鞋又韌 得過咸字 唔好食奶油多不錯 麵包夠厚同脆食物唔覺得好特別不會再來重點是沒有禮貌其間見到有人問可唔可以外賣疑似老闆既呀伯態度奇差「嗰度已經寫住繁忙時間冇得外賣你睇唔到呀？」👎🏻👎🏻客人「睇唔到喎」今時今日咁嘅服務態度係唔得㗎幾好食都唔會再黎 何況又唔係好食🤢隔離間順興滑蛋菠蘿包好食得多

今日去開天后，見天氣幾好，於是行入大坑搵下野食梗係去試吓好出名嘅炳記茶檔啦，時間尚早，未夠12:30，所以等左一陣就有位喇，我叫咗一碗豬扒麵，豬扒味道唔錯，夠香口而份量同一般茶餐廳差唔多，再叫多份奶油多，鬆脆可口 ，呢個可以再encore，當然唔少得既梗係要試一試杯凍奶茶啦，但係味道就正常，又唔係人地講到咁神級可能下次叫茶走味道會好啲。小店雖然係街邊但感覺懷舊有味道充滿人情味既感覺如果行開入嚟都值得一試，如果要特登過嚟我就覺得未必喇

呢兩日天氣冇咁熱終於可以去炳記食返一個豐富嘅早餐。我同老婆最鍾意到這裡食佢嘅豬扒麵同埋豬扒米，因為係室外，只有一部份嘅座位係有風扇可以吹到。今日嘅天氣冇咁熱坐咩位置都可以享受早餐。今日我叫咗一碗豬扒麵同埋豬扒米粉，豬扒依然炒得非常好味。再追加左一個呢一度嘅特色多士，奶醬麥多士。

呢一間由細食到大😋一直都覺得好有風味嘅最出名就係黑椒豬扒麵，食咗咁多年都係咁好食，黑椒豬扒做得好出色👍👍豬扒麵要配煎蛋更加一流我仲叫咗一碟豬扒添，淨豬扒一個味道更濃味，勁正😋油占麥多士，呢一塊麵包好好味，塊麵包已經轉過一兩次，但係都依然咁好味，雖然以前仲加好味。蛋牛治烘底，鹹牛肉炒蛋絕配，成間野啲嘢食都好好味。而且嗰啲員工都好有人情味，食到佢哋個個都記得我啦仲記得細細個嗰陣嚟食，我仲見到陳奕迅同梁漢文😍

大坑除左滑蛋叉燒飯外下午時間最多人排隊應該就係依間炳記茶檔豬排餐蛋面 + 凍奶茶少冰 $47豬排十分夠味, 餐肉煎得岩岩好 外邊脆脆地入面好夠熱 如果覺得唔夠味仲可以自己落麻油凍奶茶更加係非常出色 茶同奶比例岩岩好而且伙計好有人情味抵佢咁多人排隊

喺大坑附近返工 都知道天后附近好多好嘢食睇OpenRice睇到呢間好似唔錯 因為佢係大排檔 舊式嘅大排檔 論環境氣氛係唔錯嘅。不過食物質素有待改善首先一杯奶茶竟然要$16 呢杯奶茶同茶餐廳嘅奶茶冇乜分別唔係特別香滑 濃郁 咁嘅價錢有啲貴咁我叫咗豬扒雞翼米粉個米粉真係冇乜特別 加幾舊菜 豬扒切到細舊 同台灣嘅滷肉差唔多得個鹹字 我食唔出有乜特別 而雞翼就滷水雞翼味道 幾好食幾入味尤其係色澤均勻 $30來講還可以接受但係杯奶茶令我睇失望 不完美 要改善 可接受