炙・宴 (新城市廣場三期)

营业中

休息中

❀ 炙・宴 #沙田 ❀❗️日本燒肉丼飯專門店 平價食到日本豚肉宮崎縣和牛❗️——————————————————前牌經過灣仔利東街見到呢間新開嘅餐廳，門口掛咗隻招牌大豬仔，裝修又幾靚，覺得幾吸引😍後來發現原來沙田新城市廣場都有，啱啱經過就決定一試！資料蒐集下得悉佢哋係日本燒肉丼飯專門店，所採用嘅肉類都係非常上乘，包括嚴選嘅豚肉、日本和牛、優質雞肉👍🏻除咗丼飯之外，亦有拉麵、火鍋、甚至刺身飯等等，而招牌豚肉丼都只係$78，價錢算幾合理👌🏻覺得幾啱平日想食下個快得來又有啲水準嘅一餐。.✷𝑀𝑒𝓃𝓊✷☞ 特選宮崎和牛飯 $169 (3.9/5)採用九州宮崎縣和牛🐮喺九州宮崎縣養育就霜降分布平均，近乎入口即溶，呢個質素來講算幾平~用上日本獨家調製燒肉醬汁，甜甜地，唔錯。白飯都係用日本「一見鍾情」米，粒粒飽滿分明，不過略嫌和牛同醬汁唔夠送飯🙈，始終平價可能唔可以要求太多。另外如果想食豚肉同和牛，可以選擇雙拼壽喜燒飯，一次過滿足兩個願望，價錢仲平少少添！.☞ 宮崎日本牛拼特上日本豚壽喜燒火鍋$165 (4/5)除咗丼飯之外仲有日式火鍋🍲分別有壽喜燒同埋豚內湯底揀！另外亦可揀全和牛/豚肉/雙拼。今次揀咗

炙・宴 𝗔𝗕𝗨𝗥𝗜-𝗘𝗡 🐷🇯🇵我成日去沙田新城市廣場覓食🤣 星期六周圍都係人⋯今次去食去一田必定會經過𝗔𝗕𝗨𝗥𝗜-𝗘𝗡 🐷🐷！等左一陣就有位啦😋 𝙇𝙪𝙘𝙠𝙮!!!! 🌟✨𝗔𝗕𝗨𝗥𝗜-𝗘𝗡 係一間日本丼飯燒肉專門店，以「豚丼」作為賣點，嚴選豚肉、日本和牛同優質雞肉等豐富食材。一打開Menu就俾『月見豬腩肉丼』吸引咗😍有隻鮮雞蛋係中間，被滿滿嘅豚肉圍住，勁吸睛😍😍 月見豬腩肉丼 𝗛𝗸$𝟴𝟮 🐷🐷🐷𝗚𝗿𝗶𝗹𝗹𝗲𝗱 𝗣𝗼𝗿𝗸 𝗕𝗲𝗹𝗹𝘆 𝗥𝗶𝗰𝗲 𝗕𝗼𝘄𝗹 𝘄𝗶𝘁𝗵 𝗙𝗿𝗲𝘀𝗵 𝗘𝗴𝗴 𝗬𝗼𝗹𝗸- 同圖片一樣😍😍好多豚肉！！！佢係採用日本嘅「一見鍾情」米🇯🇵🍚，日本獨家調製燒肉醬汁同日本雞蛋🥚100%日本製造🤣🤣 個燒肉醬溝埋隻雞蛋勁邪惡😈 食左好多好多飯🥰 豚肉有6大片！！！！每一塊都好大，好扺食💯！炙燒北海道帶子海鮮丼 𝗛𝗸$𝟭𝟯𝟴 🇯🇵🍣🍱𝗦𝗲𝗮𝗿𝗲𝗱 𝗛𝗼𝗸𝗸𝗮𝗶𝗱𝗼 𝗦𝗰𝗮𝗹𝗹𝗼𝗽 𝗦𝗲𝗮𝗳𝗼𝗼𝗱 𝗥𝗶𝗰𝗲 𝗕𝗼𝘄𝗹- 好耐冇食魚生，嗌個刺身丼食下😋份量都幾多！除左帶子，仲有三文魚同魚籽。好新鮮，同樣又食左好多飯🤣蒲燒鰻魚 𝗚𝗿𝗶𝗹𝗹𝗲𝗱 𝗘𝗲𝗹 𝗛𝗸$𝟭𝟭𝟴 🎣- 😍 鰻魚！Al

係沙田行完街見呢間餐廳唔使等位，同埋見到入面都坐無虛席，裝修都幾OK，我地諗應該都唔會難食嘅，就直接入去食了。朋友點了豚肉丼，肉係燒得幾香，醬汁味道也不錯，但飯太淋，加埋蛋漿更加淋。另外，我點了火炙三文魚丼，燒過的三文魚有少少魚油味，但飯沒有加醋，而且太淋了，感覺就似三文魚加白飯，完全沒有丼飯的味道。雖然呢間餐廳豚肉比較出名，但其他菜式都唔可以整得咁馬虎，唔值呢個價錢。 今餐我真係唔知自己食咗啲咩，太伏了!!!

在沙田商場內尋找食肆，實在太多餐廳選擇，但係又十分困難加上食飯時間，四圍都是人潮,經過這店，剛有客人埋單，我們三人二話不說即入內，菜單上食品款式各式其式，在有選擇困難症下，研究一輪我們分別點了火鍋，拉麵和日式丼，宮崎牛壽喜燒，牛肉真的入口即溶的感覺帶有濃濃牛肉香味；日式秘製炸雞拉麵，炸雞香脆有肉汁，拉麵湯底濃郁面身爽脆；宮崎牛鰻魚丼，牛肉有肉汁鮮嫩鰻魚肥美可口；真的十分滿足，之後再加甜品兩個雪葩，畫上完美句號。

之前過一次已經覺得唔錯，今次帶埋屋企人黎食，人多啲可以試多啲唔同既野～除番開每個人價錢都唔算好貴。🔸灸燒北海道帶子海鮮丼 $138有三文魚、帶子、三文魚子都只係$138，性價比高而且每樣魚生份量都唔係少，足夠幾個人share。🔹豚肉丼 $78豚肉份量多，有厚度，唔係好薄果啲豬肉片。用左啲醬汁黎煮，味道唔錯，配飯食一流👍🏻🔸火灸豬頸肉豬骨湯拉麵 $88湯底味道有啲淡，如果濃味小小會好啲，不過豬骨湯味可能就係咁樣唔太濃。🔹沖繩豬煎餃 $48餸子餡味道有啲淡，皮煎得唔夠脆。🔸厚炸沖繩島豆腐 $38依個豆腐好好味，煎到好脆，夾果陣又唔會爛，點埋旁邊啲鹽食仲正👍🏻👍🏻🔹沖繩豬腸仔 $48中意食腸仔一定要試依個，好多時出面啲腸仔都係雜肉/雞肉，依個係全豬肉腸仔，點埋沙律醬好好味。🔸特上日本豬清湯火鍋 $139 原來依個火鍋係配埋碗白飯，有啲豬肉片同有啲蔬菜，如果一個人食都夠飽。

今日在沙田新城市廣場食中午， 試下呢間宮崎牛好似幾出名。叫咗個特選宮崎和牛飯，跟個迷李沙律和味噌湯。沙律和湯都無大問題，不多講了。至於個牛是否好食呢？宮崎牛嚟講，佢算合格，不過不失，牛肉都算大片，個汁都幾好食，但牛有點過熟，及每塊牛肉的生熟唔平均，呢個要扣分。飯用日本米，粒分明有飯香，不過，相對牛肉的份量，飯的比例有點過多，如果少一啲飯，多一塊牛肉感覺會更好。總結：價錢合理，環境尙算舒適，希望烹調上能夠改善會更好。Hopsi性價比指數：75/100

今日食咗個宮崎和牛壽喜燒，$169另收加一服務費。我覺得價錢都OK嘅，因為個鍋裡面有四大片牛肉，肉嘅油花分佈非常平均，而且肉質非常鮮嫩，好味道👍🏼 值得推介！

直接叫左個宮崎牛飯加味噌湯，咁就差唔多200蚊了老實講D牛係好食既，牛味濃之餘有口感，而且咬落有少少脂肪，軟硬適中。而且落D蔥花會另D牛食落有唔同滋味，係幾深刻既不過問題就係牛得六至七塊，食幾啖就無哂了,D飯係口感係幾好但係醬都無滴，你又唔知碗飯少配料，一碗飯就牛同蔥花同幾舊菇，除左食牛你大部分時間就係食白飯。飽係飽既但係你無滿足既感覺，想有滿足感唔該你比多以十蚊以上買小食好食係好食既，不過單論宮崎牛飯就完全唔值啦。唔係好有錢既建議你食其他好過除非你對日本牛有好強烈既慾望，如果唔係我都唔會推薦而間野。咁既價錢係沙田太多選擇了最後比負皮主要係我覺得太唔值不過如果你係食平D既牛飯應該會升番D評分單論宮崎牛飯實在對唔起個價錢

店內主要用木色，充滿和風感覺🇯🇵好多梳化位，坐得幾舒服😄門口有隻豬仔，非常吸精😍😍今次叫左兩樣野😋💕ABURI-EN豚肉丼 $78豚肉有5大片。充滿燒汁，甜甜地好好味😋肉質唔會韌，豚肉邊仲有小小肥肉，正😆飯質都算粒粒分明，日本米，配上小量燒汁食真係好滿足🥰💕火灸宮崎和牛拉麵 $118一碗麵只有兩薄片和牛，份量唔多和牛仲有小小粉紅色，入口細嫩🤤拉麵口感一般，不算煙韌，湯底比較清淡半熟蛋蛋味濃郁，好吃😋以上只係個人食評感受💕🏡店舖：炙・宴 (新城市廣場)📍地址：新城市廣場第三期2樓A215號舖🍚類型：日式料理☎️電話：28891368*･゜ﾟ･*:.｡..｡.:*･'(*ﾟ▽ﾟ*)'･*:.｡. .｡.:*･゜ﾟ･*5個🌟滿分賣相：🌟🌟🌟🌟味道：🌟🌟🌟🌟驚喜：🌟🌟🌟🌟回購：🌟🌟🌟🌟服務：🌟🌟

夜晚8點左右去，兩位唔洗等位。店舖空間夠大，坐得舒服，唔會逼。坐低之後，發覺陸續都有客，都唔洗點等，好快有得入座。嗌左2個丼飯同1份小食，全部都好好味😋具體咩名唔係好記得😅一個係期間限定既大阪燒吉列豬丼飯，另一個係main menu既溫泉蛋和牛丼，同唐揚雞。飯同餸既飯量都啱啱好，唐揚雞既sauce甜甜酸酸好好味，多人share的話就要多份先夠啦。店員既服務都好親切，而且可以即時留言到客人需要，分工合作得好！下次再去試埋其他既飯麵火鍋😆

假日整個沙田都人滿滿的，晚餐等了幾間大半小時以上，最後入座這餐廳門外有可愛豬，但比菜單牌吸引點了牛。每枱也有紙巾，消毒紙巾提供，疫情派個安心點了多款不同食物:宮崎和牛芝士黑咖哩飯賣相特別，但吃的時候都是芝士咖哩，和牛味道都比咖哩蓋過，可以一試牛肉火煱份量適中，上餐快，每次看到生變熟也很期待,味道亦不錯叉燒拉麵叉燒大大塊的，湯底味夠，不會失望宮崎一口豚這個必點必點必點，因為真的非常好吃啊，入口有驚喜的，而且還不貴香烤香腸普通的沒特別，但喜歡香腸就點了鹽漬炸豆腐豆腐點上鹽漬時不要沾太多，否則味道就太重了同場點了2杯飲品還有很多想試，下次可以試試其他分店繼續吃

炭香味道不錯，掛住勝豬肉丼，過黎呢度食下止下瘾叫左個豬肉丼，偏甜但係好香炭烤味，燒得好好食，油脂香，唔太膩，再配埋珍珠米，性價比好高價，錢合理，lunch抵食下次會試去拉麵

Search過呢間餐廳以燒豚丼為賣點亦都有拉麵，同和牛丼今次我地就叫咗1個丼飯，1個拉麵同1個小食特選宮崎和牛丼身為一個牛魔王，就試吓呢度嘅宮崎和牛牛肉真係入口即溶，牛油脂嘅香味連埋醬汁同埋飯真係做到一個完美嘅配搭但係唔知係咪因為啲飯出唔切我個飯就等咗25分鐘同埋個飯偏濕過冧，呢個位有啲失望不過個飯整體來講我都會比合格火炙叉燒豬骨醬油拉麵終於要試呢度最出名嘅豚肉一夾起其實佢已經係好冧好易爛但係肉質絕對唔係梅咗嗰隻佢嘅炙燒豚肉香味，唔會比啲湯沖走反而仲加咗特別嘅味道入去呢個拉麵比起其他拉麵專門店嘅湯冇咁油我自己就好鍾意，因為唔算好濃不過唔知其他拉麵愛好者會唔會覺得唔夠味呢拉麵係幼身嘅，都算掛到湯炙燒牛舌見到呢度有牛舌，就叫埋試試牛舌算係中度厚切，肉質非常彈牙調味亦都好足夠，夠黑椒味亦夠鹹如果貴少少再多返幾片都可以接受整體來講其實如果個飯做返好啲我都會比好高分不過宜家呢個質素已經會令我食第二次都會想再比多一次機會佢個飯嘅同埋原來佢有好多分店㗎大家經過都可以試吓

今天終於有機會試了這店的出品，因疫情關係，還是買回家吃吧！～生姜燒豚肉丼日式大碗飯賣相不俗，紅姜顏色奪目，再配上綠色白色蔬菜絲，令人食慾大增。豚肉完全不韌，配生姜、汁醬和洋蔥一起吃，味道更多層次。這丼的份量吃起來也不少，但不經不覺已見碗底。～日式秘製炸雞拉麵湯、拉麵和炸雞是分開裝的，所以並不會將麵浸在湯內太久而影響其軟硬度。豬骨湯份量不多，但味道過中。拉麵比一般幼，但放入湯內吃，仍能掛上湯汁。炸雞的粉槳很薄，外皮仍有點脆，雞肉亦不會韌。

《炙・宴》I▪️🅘🅝🅣🅡🅞好耐無食過好好味嘅日餐喇，今次難得一連幾日聖誕假期，就去享受一下喇❗️去左位於沙田嘅《炙・宴》點了2個主食加1個小食～「宮崎和牛 ABURI-EN豚肉雙併飯🍱」：豚肉3大塊，份量充足，又Juicy❗️而和牛相對更出色，真的有入口溶嘅感覺，好重牛味，牛+豚嘅肉汁完全滲入飯中，超好味😋「豚骨醬油拉麵🍜」：湯底超級濃郁～超重豚骨味道，一定好有骨膠原🤣，拉麵煙韌適中，符合我嘅口感，而豚肉肥瘦適中❗️「炸北海道八爪魚 🐙」：唔知點解要用juicy黎形容🤣，一咬，係會有八爪魚嘅肉汁爆出，超驚喜嘅一道小食真心推介大家快啲去試下ABURIEN 炙・宴嘅美食喇❗️提提大家，ABURIEN 炙・宴仲提供外賣自取及某外賣APP送餐服務❗️I▪️🅟🅡🅘🅒🅔🔹宮崎和牛 ABURI-EN豚肉雙併飯🍱🔸HKD 159🔹豚骨醬油拉麵 🥟🔸HKD 88🔹炸北海道八爪魚 🐙🔸HKD 58I▪️🅐🅓🅓🅡🅔🅢🅢📌 沙田 📍 正街18號新城市廣場第三期2樓A215號舖