炙・宴 (新城市廣場三期)

营业中

休息中

💎總評分：6/10——豚肉丼 $75上菜見到賣相一般 同餐牌嘅相片有啲分別 感覺冇花太多時間係擺盤上豬肉數量有5塊肉質方面我覺得有啲乾身同埋有啲邊邊位炙燒得耐得濟所以燶燶地味道一般———月見豬腩肉丼 $82 呢碗嘅肉量比起豚肉丼多啲面頭鋪左啲蔥花同生雞蛋 撈飯食就啱啦至於個豚肉嘅質素我覺得好過普通豚肉肉質相對偏淋 肥瘦均勻 好容易就咬得開 唔會有太大嘅油膩感加埋醬汁就更好味 個味道同平時燒肉嘅時候用嘅醬汁差唔多 不過醬汁份量可以再多啲——雖然機會不大，不過如果真係再訪，點都會加多少少錢食月見丼

這家如果在一田逛又不想去太遠吃的話，也算還可以吧！這家價格偏高又沒有很多款可以選今次吃生薑燒豚肉丼就蠻普通的豚肉飯，份量不多而且飯也沒有很熱，不過汁還不錯雖然說是生薑不過也沒有很多薑所以可以嘗試。因為害怕不夠飽，所以另外叫了炸蝦天婦羅，這個很熱看得出是新鮮炸出來的。味道也不錯👍蝦應該也是新鮮的。這個小吃另外+12。所以喜歡吃炸蝦的朋友可以嘗試一下喔。不過這家的奶茶就真的不要嘗試了因為不夠熱而且很想一杯如果想要喝東西可以叫杯可樂或者凍檸茶。因為是免費的。推薦指數🌟🌟

限時75分鐘（無記錯的話）由於係沙田新城市用the point apps可以攞定飛，所以唔使點等位，當然，無呢個apps既，都可以即場攞飛既～平時食開薑豬既，今日轉下試月見豬跟餐（配麵豉湯+沙律），麵豉湯夠味，裡面仲有海帶同豆腐，豆腐約粒得黎夠滑既，蛋汁撈飯唔錯，月見豬有少少”鞋”。。。豚肉饅魚飯呢個既豬”鞋”過月見豬，饅魚朋友覺得腥，我就接受到，不過我就飛走魚皮囉…下次食都係食薑豬最穩陣。。。

途中享受飛機 Chan 嘅感覺，黑芝士飯用匙羹中間筆開果下，倒 cup 碗型飯嘅碗型可以完全冇變過型，D 飯一 D 都唔鬆散，似 OT 完返屋企叮返熱母親飯餸黎食嘅感覺即刻 come back。而佢怕大家見賣相太吸引，太心急食而熨親，無論黑咖哩飯同鰻魚豬丼飯都可以做到完全唔熱，非常體貼一路食，一路諗起香港預製件建築嘅 concept ：所有野事先煮好晒，落 order 就將一早煮好嘅舖落丼飯度，我當刻心諗：唔通.....呢個就係傳說中嘅飛機 chan fusion 香港建築概念？價錢方面絶對係超值，試諗下宜家一張去日本嘅機票都四五千，兩個人四舊水兩個 fusion 丼飯 + 一碟牛舌，係香港邊度搵呀請問？以後有朋友同我講好 miss 答飛機嘅感覺，我會第一時間，毫不猶豫推介呢間餐廳比我嘅朋友。你～值得擁有

成個月冇寫食評，多數都係有讚冇彈，但今日個lunch 真係有d 失望。叫咗幾樣嘢，但我只係講一講個menu 推薦嘅宮崎和牛芝士黑咖哩飯，其實曾經食過一次係覺得ok 正嘅，但我唔知點解，今日食嘅「和牛」會變咗疑似牛腩，係有渣嘅，有d 好大舊，有d 好細舊，有d 薄，有d 厚，一係得肥膏，一係就有渣，所以我當時懷疑佢諗住用黑咖喱遮住睇唔到比d 斬頭斬尾嘅我...嗯，其實收我百幾蚊都唔緊要，但你要話比我知係疑似牛腩而唔係和牛，咁樣嘅體驗真心差。環境：🔴🔴🔴🔴⭕服務：🔴🔴🔴🔴⭕衛生：🔴🔴🔴🔴⭕Taste: 🔴🔴🔴⭕⭕質素：🔴🔴🔴⭕⭕食物Presentation ：🔴🔴🔴🔴⭕

📍「炙・宴」- 元朗今次食食食之旅嚟到元朗😌雖然依家有「0+3」，但係👦🏻👧🏻都係未去得日本🇯🇵，唯有食下日本野一解思鄉之情🥹🥹🥹咁岩行過炙・宴見到佢新推出「沖繩宴」，仲要係10月限定❗️又點可以唔試吓呢🤩📷餐廳位於Yoho Mall 一期2樓，位置非常方便又易搵😇餐廳燈光明亮，座位闊落，裝充滿日本🇯🇵風，仲有而且Staff服務態度都非常好，值得一讚👍🏻🍴沖繩豬軟骨麵套餐♨️💰HK$118✨推薦指數：8.5/10豬軟骨湯麵係沖繩人常食嘅食物之一，豬軟骨用咗沖繩黑糖燉煮處理，食落非常香甜入味，而且咬落腍身，唔會話好韌好難咬，重點係佢軟骨既位置有好多，食豬軟骨最中意就係食軟骨位，骨膠原超豐富🤩麵條用咗沖繩麵，以小麥麵粉桿製，口感彈牙，軟硬度適中😍湯底用咗豬骨、柴魚片熬製，非常清甜，再配合埋紫薑，令到成個湯嘅鮮味更出，整體配搭得好好🤤🍴沖繩雜炊飯團（套餐）♨️💰HK$0✨推薦指數：7.5/10呢款係沖繩常見嘅家庭料理，用羊棲菜同豬肉炊煮而成，食落口感煙煙韌韌，味道比較清淡，相對健康嘅一道料理😙水雲醋物係經典沖繩料理，其實水雲係海藻嘅一種，沖繩出產嘅特別爽口🤗🍴沖繩四季柑汁（套餐）♨️💰HK$0✨推薦

2022.9.26 星期一 3pm下午茶時間都有豚肉飯，不過似乎分量會較少，餓了想吃正餐，見相片的午市套餐覺得幾美味，所以點了這個😆••••••••••••••••••••午市套餐| 月見豬腩肉丼(拌生蛋黃) | $98(配味噌湯+迷你沙律)🐖片片豬腩肉燒至金黃，鋪滿了飯面，加上蛋黃，賣相吸引，真的十分豐富。豬腩肉厚薄適中，不會太薄，灸燒後很香肉味，保留了肉汁，充滿油香也很軟腍。米飯分量正常，醬油足夠，有甜味。用的蛋黃是日本蛋，把蛋黃拌勻在飯裡更香。全碗飯也不會過鹹。不過沙律賣相就一般，比較少汁。味噌湯正常，不會太過濃味。飲品+$8服務費 10%••••••••••••••••••••實物出來和餐牌的相片相似，味道很不錯，重點是豬腩肉分量夠多，覺得價錢合理~

行到好攰又係時候坐低食啲嘢，唔係太肚餓，見到這個套餐比較輕盈所以選擇左佢。沖繩豬軟骨湯麵套餐$118行到「炙」的門外通常都會被那白色豬豬吸引目光。唔想傷腦筋大家都叫了套餐，很不錯哦。先送上沖繩四季柑汁，這個汁非常好味酸酸甜甜而且好濃郁，帶着好重的柑皮香味而且飲到最後冰溶解了仍然好好味。沖繩豬軟骨拉麵湯底比較清澈，豬軟骨做得非常好，鬆化但唔會散開，每一啖都好似吃到骨膠原，入味嫩滑，麵質也彈牙。沖繩雜炊飯團 要涼一陣才有最佳口感，好有米香。

係新城市廣場行街 路過呢間日本菜 好似幾好味就試下啦本身中意食鰻魚 見份menu成版都係鰻魚便當 就諗住試下 點知😣...我係點左和牛拼鰻魚飯🍱 &豚肉拼鰻魚飯🍱 跟餐 加蛋一上到黎賣相係唔錯👍🏻 鰻魚望落好多汁 其實豚肉同鰻魚味道都唔錯👍🏻但係鰻魚超多骨😫😫!!!細細啖都係滿滿的骨 如果驚魚骨真係唔好點 仲要係細細個d骨 未食過鰻魚咁多骨 我以為係部位問題 店員就幫我重新整過（呢點係幾好👍🏻 店員有問洗唔洗轉其他野）哎~ 一樣!原來條條都咁多骨😫😫？！希望餐廳轉過第2間鰻魚供應商 或者直頭cancel鰻魚菜式😵😵

今天冇人陪，自己去了吃🐖，依次又是點了令我回味無窮的人氣No.1豚肉丼；真係重量級上檯，大大塊豚肉肥瘦均勻，經炙燒好香口，肉質又夠嫩，配上醬汁十分下飯。套餐仲有沙律和味噌湯，全部清哂感覺自己已變成一頭🐷㊙️上次食過特選宮崎和牛飯，又是超美味呵😋

昨晚點了鰻魚豚肉雙拼飯，連加一$158 。首先，飯的份量很少。豚肉是招牌菜式，可是十分嚡口不Juicy，沒有肉味。最敗筆是鰻魚，店舖提供鰻魚尾部，又薄又多骨，雖然味道還可以，但是魚骨又多又利口又粗，根本食唔到！向店員反映，再送來另一份鰻魚，結果仍然是尾部，一樣超多骨，根本是下價貨色！作為一個鰻魚精，食過香港不少鰻魚飯，魚尾部位根本不會作為鰻魚飯！例如名代宇奈備長炭燒鰻魚飯專門店，從來不會提供這些劣質貨式給食客！對這間食店提供的鰻魚食材完全失望，一個字：劣！👎👎👎👎👎

打風日子搵嘢食，第一眼俾這個月見豬腩肉丼拌生蛋黃吸引，果然無得輸，豬腩肉唔會燒到好乾，保留肉汁，個汁好惹味，連蛋一齊撈飯一流，份量我覺得剛好，價錢$82，算合理，唔會太貴，食完肉痛，個餃子都幾多汁，有啲似食小籠包嘅感覺，皮薄，牛舌我覺得如果厚身啲同再淋D好啲，和牛黑咖喱飯比較普通，但整體來講ok.#和牛#豬#豚肉#日式#丼#蛋#たまご#🥚#飯#晚飯#沙田#牛舌#牛タン#Wagyu#ぎょうざ#🥟#ぶたにく

經過沙田見到有一間食日本丼飯環境十分之有日本嘅風格叫咗一個豬扒丼飯，豬扒口感非常嫩，分量十足，味道可口，另一個就係黑咖喱飯🍛甜甜的，啱一啲食唔到辣嘅人👍🏻都適合，炸雞丼飯，有一啲沙律醬，食落去幾得別仲叫咗一個小食沖繩豆腐，豆腐鹹鹹地幾好食叫咗三杯特飲，蝶豆花顏色好靚，但係味道冇咩感覺，

睇得出老闆好佛心，下午茶時段客量淨係開半場但樓面都有六個員工返工入到餐廳好快坐低👍🏻打算叫野食係比較難叫人，因為啲員工喺到攬頭攬頸，圍埋一團傾偈、玩電話，不過大聲叫都係會理人嘅～野食嚟到大力放低就走，連盤中匙羹都搖過不停好想同佢講：唔好意思，我嚟消費阻住你地傾偈、用電話！野食一般冇下次

門口有好大個🐷豬燈籠🏮就知「豚丼」係餐廳招牌，仲有宮崎和牛同「一見鍾情」日本米🍚做賣點🌊喜歡就記得Share/Bookmark🔖#小胖遊沙田🐠 —————————————————🔹宮崎和牛 •ABURI-EN豚肉雙併飯 $159貪心一次過試豬🐷同牛🐮，2款都係炙燒薄切🔥🐄宮崎和牛入口即溶，牛味濃又有油脂香，好食！🐖豬肉明明係主打，反而無咁好食，雖然用上肉眼部位，肉質軟熟，但又有少少鞋🤌燒汁香口、帶微甜不膩，菇🍄好入味，幾啱送飯🍚飯又有米香真係幾好食😋可惜只有8片薄切肉，對食肉獸的我哋還是有點不夠😂🔹火炙三文魚沙律🥗 $88份量比想像中大，好多片三文魚🍣又新鮮，表面火炙過🔥更有油脂香，沙律醬汁好微微辣又酸酸地🥗食落好開胃！意外地覺得呢個仲好食過個丼😂—————————————————🧜🏻口水度：🌕🌕🌕🌗🌑🤑性價比：🌕🌕🌕🌑🌑🧚🏻打卡值：🌕🌕🌕🌗🌑🥰舒適度：🌕🌕🌕🌕🌗🤤回頭率：🌕🌕🌗🌑🌑.♟Overall♟食物質素中上，唔算好大驚喜🙈比較喜歡係沙律🥗，和牛🐮都幾好但價錢都偏貴！