炎鳥羽

营业中

休息中

個職員真係好冇禮貌！本身book左今晚8:30食，跟住晏晝打黎話冇呢樣果樣，星期六日唔齊貨都算，咁禮貌上都應該要講聲唔好意思啦，個職員唔單止冇講，我話下次再食果陣佢仲要即刻cut我線！我未食已經唔想再book台…

平時食日式串燒，一串蔬菜類，閒閒地都要十幾蚊，如果食肉類，廿幾蚊一串係常識。不過今次呢間日式小店，居然賣$20三串，而且有12款供選擇，有菜又有肉，質素都唔錯添!! 值得留意嘅係，呢個咁優惠嘅價錢，只有LUNCH套餐先有。我同友人12點3去到，成為第一枱客，但未夠1點，已經坐滿人!! 雖然全院滿座，但枱與枱之間唔會好狹窄，環境都算舒服。點餐後，職員就送上沙律、魚仔前菜同湯。沙律菜好新鮮爽脆；魚仔望個樣以為好硬，但原來係軟身，味道偏鹹，魚腥味幾重。溫泉玉子角切魚生丼$78自己一直都中意食呢類丼，貪佢乜野刺身都有D，加大量芥末同少量豉油，撈勻佢就最正。可惜，溫泉蛋過熟，魚生亦唔鮮甜，芥末份量偏少，整體有點失望。炎海丼$98賣相幾靚，而且陣陣火炙魚香。內有海膽、三文魚籽、帶子、三文魚、油甘魚(我估應該係🤔)，我只試左後3款，全部都係同一個問題，就係唔鮮甜，無乜魚香。😥明太子雞翼、牛肋骨、雞頸肉、汁燒豆腐我同友人都覺得串燒最好，當中牛肋骨最合我心意😋，肉質軟淋又有牛味；而友人就中意燒豆腐，外面薄薄一層脆皮，配上甜甜地嘅醬汁，不過要注意火侯，有件真係太燶；人氣推介嘅明太子雞翼都唔錯，雞皮少少脆，

呢間係lunch飯堂，性價比勁高嘅lunch4人同行1人免費，仲可以儲印仔🤩Lunch time 叫任何一個餐+$20 可以揀3串串燒，真係好抵哦，燒雞翼同牛肉都係我嘅至愛，好juicy炎海丼，有五款火炙刺身，雖然份量偏細，但食埋全消，就已經好full

揀咗自選刺身丼定食前菜有沙律同麵豉湯，麵豉湯係冇乜味嘅沙律正常自選刺身揀咗海膽、赤貝同赤身赤貝唔差，其他一般Btw個飯係冇味既見佢主打串燒，所以試下。但真心失望，雞頸同我係出面食過既差好多倍。加上冇服務可言，都唔會有下次了。😅

假期前一晚同幾個男人黎吹水，成兩個禮拜前book. 黎到都要等一陣, 好在等位處都有得坐.原來入面其實都細, 感覺都算逼, 好在檯面積都正常. 亦乾淨. 因為只可坐到十點，所以不敢怠慢即叫嘢。估唔到仲有三小碟靚嘅前菜送. 個人好鐘意食嗰幾粒醃蒜頭. 之後叫啲嘢出得有點慢，但全部都算幾好味. 當中極推芝士年糕, 個芝士餡嘅雖然對我黎講唔夠臭, 但佢有啲薯蓉嘅質感，好正. 亦推蔥豚肉卷, 明太子雞翼, 粟米同飯團. 佢啲燒嘢全部都燒得剛好，半啡半金黃色咁。最重要係佢冇其他啲串燒地方嘅咁咸. 食到勁飽, 大部分人都有飲酒, 每人平均三百, 十分不錯。可再encore.

同一嚟到呢間日式居酒屋小店今日下晝1:30冇乜人，佢哋真係走寶啦！💛佢呢度有午市套餐，前菜沙律好新鮮，小食魚乾有醬油香又有魚味，麵豉湯正常唔會過鹹💕我叫咗一個炎海丼，佢有五片炙燒三文魚、四片炙燒油甘魚、兩片炙燒燒帶子、三文魚子同埋海膽；底下係加咗飯素嘅醋飯～佢嘅魚生好新鮮，佢唔會燒得過熟，表面焦香，底下仍然保持魚生嘅彈性；其中帶子真係極甜！！海膽亦無藥水味，非常出色！🥰🥰呢度嘅雜菜烏冬有蘿蔔、金菇、大蔥等材料，全部都好新鮮有菜嘅甜味；而烏冬係偏幼身嘅，落咬彈牙，湯底清甜😋🥦🥬🥒🥕重頭戲係佢哋嘅串燒，每樣都燒得恰到好處，唔會太燶，但又燒得出材料嘅香味！重點係$20有三串，真係非常超值！🤑🤑當中牛肋肉串肉質紮實而唔會好硬，有濃郁嘅牛味，一咬肉汁咇晒出嚟🐮；明太子雞翼就去咗骨，再釀入明太子去做調，食落微辣帶明太子香，肉質嫩滑，係心機之作！🍗🍗其餘嘅串燒都好出色，嚟到食lunch set真係必點！🍢🍡呢一間小店嘅每樣食物，都食得出佢哋落咗好多心機去做，希望可以有多啲人支持啦！💪🏻💪🏻💪🏻💛

尖沙咀食日本餐😍lunch set真係抵過食夜晚！lunch set 包前菜，沙律，味噌湯。最正係可以加串燒🍢加HKD20有得揀3串串燒 但唔可以重覆揀（多春魚…雞頸肉…牛肋肉…翠玉瓜 etc) 😋💛💛💛💛💛💛💛💛💛💛💛💛💛💛💛💛💛#天婦羅稻庭烏冬 🍜❣️天婦羅有蝦/冬菇/南瓜/蕃薯，新鮮炸起夠香脆唔油，粉唔會太厚。不過佢lunch set係唔包天婦羅汁的🙈話係點個烏冬湯，如果包埋天婦羅汁就好了… 稻庭烏冬係靚烏冬，扁身滑滑帶少少煙韌👍🏻醬油湯底夠味，但可以加返啲啲甜味😛HKD88#温泉玉子角切魚生丼 🍚朋友仔話算新鮮，份量足夠，壽司飯醋味好夠👍🏻HKD78#明太子雞翼 🐥都係一般係餐廳食到既明太子雞翼，正常發揮，帶微辣幾惹味#牛肋骨 🐂❣️牛肋骨係起左肉既，牛肋骨肉唔韌，帶微微牛香#汁燒豆腐 ◻️❣️燒到外皮脆脆der~~~入面豆腐仲滑滑好juicy derrrrr，推介！#雞頸肉 🐤❣️雞味出，唔鞋，帶點雞油香，有啲驚喜🤗

因為幫朋友慶祝生日，所以揀咗呢一間係尖沙咀嘅居酒屋。呢度嘅座位都唔算多，建議大家過嚟食嘅話就訂咗位先。而我哋今次嚟食係假日嘅夜晚時間，成場都好滿，而上菜嘅時間相對性需要多啲，見到職員都好忙咁上菜同落order。Menu入邊有開胃菜、油炸、烤雞肉串、烤雞肉串、烤雞肉串海鮮、沙拉、生魚片等。今次就點左：1. 海膽刺身 - 好鮮甜 👍🏻2. 燒左口魚 - 👍🏻3. 雞軟骨 - 👍🏻4. 荔枝豚肉卷 - 👍🏻5. 芝士年糕 - 😑6. 海膽天婦羅 - 👍🏻7. 雞泡魚乾 - 👍🏻8. 紫菜魷魚鬚天婦羅 - 😵‍💫9. 黑芝麻炸多春魚 - 中伏😖10. …….整體嘅食物質素都唔錯，而且佢哋都有各式各樣嘅日本燒酒或者梅酒等等提供。

訂座7點，準時入座，嗰時餐廳未坐滿人。入座後店員即時上前菜，紹菜味淡靠櫻花蝦提味、青瓜紅蘿蔔清爽，點上日本味噌咸淡適宜、醃蒜頭最令人驚喜，沒有了蒜頭的辛辣卻有醃醬的咸甜。點餐時很多熱門推介食物都沒有，例如：雞肉棒、荔枝豚肉卷、味噌牛腸、細蔥豚肉卷。1st round 叫了紫菜魷魚鬚天婦羅、明太子雞翼、明太子蛋卷、燒厚切牛舌、醬油燒飯團、日本芝士年糕。天婦羅令人驚喜，紫菜外皮香脆，魷魚鬚一啲都唔韌。明太子雞翼普通，明太子蛋糕，明太子份量足，配上甜蛋卷，好味。牛舌都幾厚幾大嚿，軟淋唔韌，燒烤味加少少鹽調味，已經好吸引好正。追問芝士年糕，待應話燒緊....2nd round 叫了水母刺身、左口魚裙邊、雞粒唐揚、燒雞軟骨。水母刺身口感清爽，調味帶酸，感覺清新。左口魚裙邊，油脂重，火炙唔夠香，有點膩。雞唐揚及雞軟骨ok。最後芝士年糕係食完2輪後再三追問，什至話cancel 單之後才上😟⋯⋯雖然年糕熱辣辣香軟，芝士味濃，但食物好多都冇貨（7點咁早就冇，而且係雞肉棒，豚肉卷一些非常common items)，漏單後又唔跟進，要去到話cancel 至有......感覺未能盡興感到失望。

生日book左尖沙咀呢間店舖黎食，呢間鋪晚餐時間都好多人，最好book左枱先。呢間鋪主要係食串燒同刺身。而佢首先會上一個冷盤前菜，我就覺得幾好食但有d朋友就唔食呢類型既食物，所以呢個頭盤比較因人而異。咁我地一開始就點左刺身同串燒，咁佢就先上哂串燒先，串燒味道好香而且唔會落過多既鹽而令佢變咸，好岩我口味。刺身方面都不錯的，但上菜時間就久了一點。而另外想特別稱讚的是那個紫菜魷魚天婦羅，簡單來說就是一個魷魚天婦羅，上面鋪了一層紫菜碎，呢個配搭我都係第一次食到而味道係非常夾，可以話係最推介最難忘既一個餸👍。但呢間餐廳有個唔好既地方就係好多菜式都售罄例如豬大腸，如果多d野揀咁就可以再叫多d黎試下了😔

問題一 OpenRice 只可以book到6:30，但係打電話就可以book到7點……（有d古惑）-問題二 前菜3款有2條青瓜條2條紅蘿蔔條，3粒蒜頭，一條娃娃菜，要成20蚊！！！仲係強迫你食，同搶無分別。當然仲要收+1 啦-問題三 食飯當天係星期三，但係想叫食物都無了，例如雞肉棒，荔枝豚肉卷，日本大蔥豚肉卷，味噌煮牛腸，仲有好溫馨提我地海膽唔靚唔推介，但點解唔一早提我地你咁多野食都無呢😡。-問題四 叫左4件日本芝士年糕，由一開頭就叫左，到我地食晒所有order 嘅野食，都未有呀。職員唔會幫手跟單，我地催左3次，都係話燒緊，到最尾想講如果未燒起，就幫我地cancel order 啦，佢先講 頭先個爐有問題，燒得比較慢，但係佢好多野食都燒緊又起到貨嘅⋯⋯之後催左3次完就好快有得食啦！但其實有問題點解唔可以同個客要講聲先呢！-其實個晚想幫個同事慶祝生日嘅，食到尷尬同無奈🙄 食物普通，服務唔多掂。-每位20蚊前菜等左好耐…..日本芝士年糕 由第一道變成最後一道第一眼嚇親，好細粒的雞軟骨最正常的明太子蛋捲，明太子雞翼，厚切牛舌特別 水母刺身，但切到好醉濕濕-只係想講，食物味道無問題，但係服務安

一行四人叫咗唔同嘢食share刺身串燒 雞肉生蛋黃 好好食😋白酒煮蜆 咸左小小 但蜆既份量都多明太子蛋卷拖羅蓉脆餅所以食物都好好食不過環境就坐得逼小小同埋嘈小小價錢方便都偏貴

今次已經係二訪炎鳥羽👏第二次食無第一次驚艷但都仲係好好食呢間位於尖沙咀既日式串燒店係要上樓既 成日叫下叫下就好貴不過衰鬼又幾好食🤣佢有dinner set $380 per person 但我地比較偏食就散叫左💁‍♀️.🎈前菜 ($20)呢到既前菜就好似酒樓茶芥一樣係必定要比既🤣承惠位位$20一碟3款小食😂雖然係强制性但其實都算有誠意 有魚仔 味噌醬點青瓜紅蘿蔔 同 蒜頭我自己本來係唔食蒜 但佢整到好泡菜多d酸酸甜甜好開胃👏評分: 7/10.🎈刺身 (三文魚腩$58, 八爪魚$48)睇相都見到有幾肥美 係超厚切開😍😍😍而且非常新鮮 呢個價錢好抵食😋評分: 7/10. 🎈日本芝士年糕 ($28)同我想像有點出入 但又幾好食🤣第一啖食其實好普通 只係一舊烤香左既年糕真正既重頭戲係年糕中心既芝士😋 好濃郁好好食評分: 7.5/10.🎈雞皮餃子 ($78)經店員介紹叫左呢一款試下 比較小見佢係用雞皮包肉煎香雞皮煎到好香脆 一食就有好香既雞油味😋評分: 7.5/10.🎈清酒煮大蜆 ($88)d蜆肉真係好大粒 而且係無沙架🤤一食落口就好香清酒味👍👍評分: 7/10.🎈明太子雞翼 ($28)呢個係有小

之前已經食過一次 一試難忘今日去開尖沙咀碰碰運氣 睇下炎鳥羽有無位原來多數都係要book 今日咁好彩 walkin 坐吧枱lunch都唔算貴 都係around $100 有d再貴少少前菜有沙律同小食同湯三文魚親子丼$88三文魚好新鮮同埋好厚切加埋有唔少的三文魚子 好鮮味又啖啖肉 炎海丼$98本身唔知炎海丼有d咩 一心諗住試下點知又真係幾正wo厚似火炙三文魚 劍魚 帶子 海膽 三文魚子非常豐富燒左好香油脂味!! 呢個配搭估唔到又幾正wo下次要再食!!!加$20 有3款串燒一如以往 正 串燒係師傅新鮮咁燒 望入廚房都已經覺得吸引我比較鐘意食 明太子燒雞翼 雞骨豬肉腸好juicy 好正

最近成日聽黃店告急😢呢日男朋友特登搵左間黃店來食，我哋中午時間去到，全場大約7成滿座，不用排隊。一入門口就感受到黃氣～中午餐單如下，最後我們兩個都簡左魚生飯（心有靈犀😜）再加串燒剌生飯最緊要刺生夠新鮮！呢間做到！食物真是好新鮮！忍唔住一口接一口！串燒都燒到剛好！但是明太子雞翼就不太食得出明太子味，哈。不過刺身飯不夠食，建議都是加埋串燒先夠飽（可能個飯太好食🤣）另外，好想讚員工服務好，我哋一飲左一半茶即刻主動加茶，就算我們食哂都會主動加～🥰無趕時間的感覺😊😊最令我欣賞是個洗手間好細心的裝修～好大又無異味感覺好乾淨，而且附送獨立漱口水同m巾（洗手間就不好意思影出來拉😬😬）