炎鳥羽

营业中

休息中

今日黎到厚福街食串燒，依間店舖比較細，不過座位都唔會好迫，坐得都算舒服，服務都好唔錯。同朋友叫左以下幾款串燒同埋小食，最後仲叫咗個飯團同埋烏冬，都好夠飽。識得一讚所有食物都係等你食左幾樣再送上，確保食既時候都熱辣辣。❤️前菜 HKD 20/head - 首先依個前菜係自動會上嘅，亦都會收費，不過同朋友都覺得味道唔錯，而且有三款，可以一開始有啲嘢食下都唔錯。❤️明太子雞翼 HKD 28 - 明太子係我嘅至愛，上枱熱辣辣，明太子釀入咗雞翼入邊，啖啖肉嘅感覺😆如果再大隻啲就更加好！❤️三文魚腩刺身 HKD 68 - 厚切三文魚腩，都算新鮮！❤️白鱔 HKD 72 - 略嫌份量有啲小，不過都幾厚，而且熱辣辣，冇得輸。❤️鹽燒雞翼 HKD 32 - 熱辣辣，夠香口。❤️日本冬菇 HKD 22 - 略嫌唔夠Juicy。❤️日本青椒仔 HKD 28 - 正常發揮。❤️海膽天婦羅 HKD 108 - 好特別嘅一款菜式，所以點咗試吓。佢應該係用紫蘇葉包住海膽來做天婦羅，紫蘇葉嘅香味加上海膽，味道好有層次，口感好特別，不過份量比較少，但我覺得值得試一次。❤️黑豚肉椰菜炒烏冬 HKD 98 - 熱辣辣上枱，烏冬炒得好夠獲氣，

避開了peak hour,還有買4送1優惠，所以帶了父母一齊去食lunch~好抵食呀！丼飯刺身好鮮，三色丼但有5款刺身，仲有海膽，唔錯唔錯。仲有加$20有3款串燒，款款都好食😋最後埋單大約一百蚊位，開心🥳

係網上見過人推介依間位於尖沙咀厚福街既樓上居酒屋，好似唔錯就決定黎試下啦ＸＤ餐廳空間寬敞，有唔少長枱，岩晒一大班朋友／家庭聚會裝潢風格都好有日本地道居酒屋特色，望落優雅舒適。餐牌既選擇都非常豐富，有得叫１人套餐或者散叫，散叫既話選擇包羅萬有，刺身／串燒／炸物／酒肴／海鮮／主食都有一坐低廚師已經為我地送上前菜，前菜有３碟小物，分別係蒜頭，蘿蔔等等，精緻而美味。男朋友叫左杯Orion生啤, 氣泡既比例係完美，飲落清爽，黎居酒屋果然飲啤酒先夠味道劍魚腩刺身切得非常厚，食落鮮味十足，軟嫩卻依舊帶有口感。刺身既質素不錯餐廳做緊日本生蠔優惠，買三送一！咁抵當然唔可以錯過啦，由其我地咁鍾意食生蠔ＸＤ生蠔外觀已經好吸引，顏色鮮澤而且好大隻。食落真係無失望，生蠔肉質飽滿，鮮味十足，配合少少既蔥花＆蟹籽，以及餐廳獨特調配既醬汁，令味道及口感上更上一層樓！成隻手掌咁大隻呀！串燒方面分別叫左雞腎，荔枝豚肉卷，牛肋骨及白膳，每款串燒望落都十分吸引，帶點少少微焦。雞腎口感十分爽口彈牙；荔枝豚肉卷好香，荔枝汁及肉汁係口腔內同時爆發，十分享受！；牛肋骨口感嫩滑唔會un，肉汁豐富，牛味香濃；白膳十分好味，外皮煎得香脆，

今日約左朋友，去左間我地好想食好耐既餐廳前菜淺漬蔬菜三味，有菠菜、青瓜蘿蔔同牛蒡。全部都係好開胃既菜，牛蒡同青瓜好脆，而且蘿蔔同青瓜點個味增醬好夾，菠菜配麻醬都好食！三文魚刺身食到明顯油脂味，而且肉質肥美，食材新鮮勝過一切。雞肉棒係餐廳自家製既免治雞肉棒，超級正，texture好淋，配埋生蛋食簡直係享受。明太子雞翼燒得好令，而且明太子味突出每食一啖都食到呢個味。牛舌厚切佢好肥美，食落去有明顯油脂味，而且好淋，同埋佢係日式牛舌唔係我地平時食比較中式既牛脷，會有口感D！津輕蘋果汁我覺得佢算係好飲既蘋果汁，無咩水而且係果甜突出，不過市面呢家都有好多類似日本製造蘋果汁，所以無話特別驚喜。螢光魷魚韓國既生醃魷魚通常係辣d就比較濃味，呢個就比較靠近本身魷魚既鮮味～芝士年糕呢個好好味！裡面好煙un，而且芝士味突出！係出面好少食到既味道，好推薦大家叫作為甜點

今晚同朋友放工之後，好想食居酒屋嘅串燒美食，最好就係有酒飲，又可以傾下偈，呢間係尖沙咀厚福街嘅<炎鳥羽>，真心不錯。呢度環境唔算好大，不過由於居酒居都好受歡迎，是夜比較多客人，基本上全間餐廳坐滿，建議大家都係預先訂定枱。餐牌食物供應非常多選擇，而且價錢相當合理。前菜充滿風味，有蒜頭、青瓜、甘筍同茄子。廚師用了不同的醬汁和日本麵豉醬等，來配搭住不同的蔬菜，襯托出不同的味道，非常開胃美味。三文魚腩又厚肉又肥美，入口充滿魚油，非常好食。<荔枝豚肉卷>烤過嘅豚肉非常香口，唔會覺得好肥膩，咬落去入面嘅荔枝肉鮮甜多汁，並帶有清新甜味，同豚肉好夾。<美國安格斯牛柳>Order了五成熟的美國安格斯牛柳，肉質鮮嫩，帶有濃厚的牛肉味道，而且咬落去充滿肉汁，非常juicy美味。<日本芝士年糕>外面烤得微脆香口，而且用上紫菜包住一起來吃，咬落去啲芝士餡，好似熔岩咁爆曬出嚟，濃厚嘅芝士味道，非常好食。<日本地雞唐揚>日式炸雞用上醬油來醃製，外面炸得金黃，咬落去非常鬆脆，味道惹味又好食。<鵝肝炒飯>淡淡嘅鵝肝味同鵝肝本

We did not try Japanese food for a long time and we still cannot go travel. Therefore we go to a Japanese restaurant for our dinner. We order Yellowtail Belly, Homemade Minced Chicken Stick, Lychee wrapped with Pork Roll, Japanese Olera wrapped with pork roll, A4 Wagyu Beef, Cod Fish with Saikyo Miso, Cod rice Grilled Rice Patties, Inariwa Undo with Sea Bream Soup, Tsugaru Apple juice. The fish is fresh and taste like in Japan. Every type of meat are juicy and the chef can cook well to bring out

90 後 的 味 蕾.主打串燒、刺身，仲可以飲啤酒既樓上居酒屋，有👍🏻串燒速度快👍🏻食物質素高👍🏻 店員態度和藹.呢到既串燒無得頂，燒到溫度岩岩好，唔會過燶又唔會未熟，食物新鮮，肉質爽、唔會梅，食材配搭同味道得宜，唔會過咸，我哋仲可以坐到吧枱，望住師傅燒串燒！.🪄油甘魚腩刺身：新鮮、口感棉密🪄西京銀鱈魚：🫶🏻 必試，魚肉香甜、蜜糖滋味🪄牛舌：味香、肉質爽口🪄荔枝豚肉卷： 甜甜荔枝中和豚肉油膩🪄明太子雞翼： 肉質飽滿嫩滑、又夠大隻🪄黑白胡麻炸多春魚： 🫶🏻 多春魚表面鋪滿晒黑白芝麻，非常香口，特別！.最後仲叫咗個海膽炒飯，估唔到有驚喜，炒飯質地有鑊氣，粒粒飯都上色入味，又唔會好油。.呢度仲有得飲日式啤酒🍻，味道比較Light，男女都適合😋，一班朋友聚埋一齊夠晒開心。

是日超級大雨，就喺公司附近搵個地方食飯首先入到去就畀前菜， 都幾開胃今日叫咗好喜歡嘅三文魚腩刺身厚肉另外朋友叫咗每次嚟到都一定唔叫嘅蛋捲佢驚喜咁見到餐牌上面有法國鵝肝多士就叫咗一個， 多士夠脆， 鵝肝都幾大塊， 內脆外軟充滿人油香 ，係一個食完想再叫的食品因為朋友想送酒，所以就叫做一個紫菜 魷魚鬚天婦羅 ，粉皮夠脆，唔會太厚，上面嘅紫菜好香是日晚餐睇到特別餐牌有鵝肝炒飯，正……正……正……最鍾意食鵝肝即刻叫， 雖然切到細細件，但係仍然食到鵝肝嘅香味，好好食最尾再叫多一個日本芝士年糕，煙煙靭靭裏面嘅芝士香濃今日可以食到鵝肝真係覺得係意外驚喜，而且非常開心

今日同朋友去尖沙咀行街,睇完場戲開始有啲肚餓,上openrice望下附近有咩推介,見到一間日本菜居酒屋都幾吸引,所以上去試下😍炎鳥羽,地址喺尖沙咀厚福街12號藍馬商業大廈17樓😆搭𨋢上到餐廳地方都算寬敞,而且裝修得好有日本feel,仲有餐廳職員非常有禮貌,值得一讚😝海膽$168，海膽一放入口，滿口海膽味，鮮甜甘香，食材非常新鮮。木棉豆腐烏麻菠菜沙律$78豆腐軟綿綿做到非常滑有四片雞泡魚干$88❤️雞泡魚乾越食越有口感，細味品嘗配上啤酒，非常好味法國鵝肝$128❤️鵝肝一放入口，滿口甘香，獨特的鵝肝味，令人非常回味。 牛舌厚切$58❤️吃一口牛舌，口感豐富，牛味濃郁美國安格斯牛柳$78❤️安格斯牛柳也不錯，一放入口，牛肉在口腔內慢慢咀嚼，牛味非常濃郁，西京銀雪魚$68❤️銀鱈魚魚肉嫩滑，魚皮甘香

尖沙咀厚福街真係美食多籮籮。我同🐽豬仔真係好好彩。搵到一間高質日本餐廳。牆上有小黑板寫上是日廚師推介✨。環境都充滿日本feel🤩。先遞上前菜。想食少少刺身點了赤背。爽口鮮甜❣️。兵庫縣真蠔🦪做緊promo買三送一🤩。當然要試試啦。🦪爽甜肥美。真係㗳得杯落😮‍💨。燒白鱔皮燒到脆卜卜。白鱔厚身食落啖啖肉😋。紫菜魷魚鬚天婦羅超鍾意食魷魚🦑。特別係魷魚鬚。炸醬薄薄。香口嘢餸酒真係一流😎。

收咗工梗係要搵啲坐得舒服又可以同朋友傾到計嘅地方今日揀咗厚福街呢間上樓居酒屋，果然係人氣嘅小店，去到門口已經覺得好舒適，入面環境清靜，餐廳以小店嘅形式經營枱同枱之間都非常闊落唔會好迫，行到入去有塊黑板黑板仲寫住是日推介見到有好多刺身選擇職員親切友善，熱水飲完好快就會自動自覺幫我加茶，夠晒貼心餐廳仲做緊優惠清酒買一送一,另外四人同行一人免費,最適合就係收工食D嘢,傾下偈,飲酒放鬆下。坐低未點嘢食,廚師已經每人送上一份前菜。木棉豆腐胡麻菠菜沙律,木棉豆腐配上沙律菜味道好清新,豆腐味道清甜,入口細滑,沙律菜配胡麻醬特別開胃，旁邊仲有幾粒蕃茄仔，甜甜的，非常健康法國鵝肝,鵝肝size都算大,又夠厚身，做到外面香脆，內軟嘅感覺，鵝肝燒到剛剛好,真係好好食,入口味道香,多汁,口感非常細滑。雞泡魚乾,魚乾上枱已經聞到香味,廚師好細心切到好幼細,食口煙煙靭靭又帶點焦香,本身魚乾味道又香又甜,無論口感同層次都好豐富。燒牛舌,牛舌真係好新鮮,唔需要太多調味已經食到好香嘅牛肉味,入口仲係好多肉汁,廚師燒到啱啱好,完全將牛嘅香味逼咗出嚟,加上好爽口,呢個牛舌真係做得好出色。食串燒最緊要點番杯啤酒,呢個感覺真係

又到星期五晚, 朋友約來小酌一番, 上到黎已經感受到濃濃日本居酒屋FEEL, 感覺像來了趟日本~就好似平時居酒屋咁, 我地叫左杯酒, 串燒, 關東煮和炒烏冬, 食物上菜不來得快, 但每樣食物上枱都係岩岩燒好的, 熱辣辣入口感覺很不錯!巨峰燒酒很好飲, 提子味好香, 飲唔停!串燒方面, 叫左幾款, 有牛肋肉, 雞腎, 雞翼, 飯團,肉類燒得非常JUICY, 調味剛好人會太咸, 相當唔錯~關東煮比想像中大份, 本身已經好飽, 不過湯底同DONKI的不同, 多了一種甜味, 十分推介!炒烏冬都好大碟, 烏冬質地煙韌, 醬汁帶酸甜味, 是久遺的日式炒麵汁的味道, 很開胃~ 餐廳因為每樣食物逐樣上枱, 完全沒有趕你走既感覺, 食物相當高質, 價錢合理, 岩晒星期五再來!!

今日同fd 忽然間想食串燒，又喺尖沙咀搵到呢一間居酒屋，一上到黎座位都好舒適，都幾滿座！嚟呢度居酒屋當然要點返兩杯酒試吓！我就點咗杯菠蘿燒酌，呢杯菠蘿梳打溝得幾好飲，好易入口，飲落都有啲酒香，另外我朋點咗呢杯巨鋒燒酌就甜口少少，但飲落都唔會好重酒精味，幾好飲！我哋都點咗啲刺身嚟試，個北寄貝同八八魚刺身好爽口，食得出都好新鮮，而個三文魚刺身就好肥身，食落口即溶，啲油脂食入口到真係好正！ 天婦羅我哋咗呢個紫菜魷魚鬚天婦羅，佢炸得好乾身，一啲都唔覺油，估唔到啲紫菜可以同魷魚鬚咁夾！我哋另外都點咗啲串燒，個燒雞翼燒得好入味，肉質一啲都唔鞋，食落好多汁。個明太子雞翼都好足料，少少辣，外皮燒到好香，食落一流。另外最正我覺得就係個西京燒，啲魚肉好嫩，簡直食唔停口，而個燒牛舌真係夠曬厚切，但成件牛舌都仲係好嫩，燒得都好入味～而個牛柳就醃得好入味，食得出啲牛肉質地好新鮮，整體嚟講佢啲串燒水準絕對係above average!最尾叫咗份黑豚肉炒烏冬嚟填飽個肚，呢個份量都唔少，絕對夠兩個食，烏冬炒到好有鑊氣，啲醬汁味道都好夠！

放假想食好嘢想食刺身又想食串燒今次一於去炎鳥燒一次過滿足兩個願望餐廳提供套餐又或者可以散叫但想食嘅嘢有好多 所以就想叫唔同嘅嘢試一試一嚟到就上咗小食 $20開一開個胃坐咗一陣就已經上啤酒 Orion beer 250ml $38先飲一杯嘆吓先刺身分別叫咗三文魚腩 $68 同劍魚腩 $88食刺身我最鍾意食魚腩 因為特別多魚油特別香三文魚好香好滑 劍雨就相對比較硬身兩個都充滿魚油香 正紫菜魷魚鬚天婦羅 $68呢款用嚟送啤酒一流因為查粉加咗紫菜特別香口明太子雞翼 $56最鍾意雞翼入面讓左嘅明太子啖啖明太子好正另外亦叫咗雞腎 $28 雞肝 $28 同埋白鱔 $72雞神雞干燒得香脆好食而白鱔都好彈牙 好食另外亦叫咗厚切牛舌 $58唔會太硬 爽口彈牙正日本地雞唐揚 $58雞嘅份量都幾多不過略嫌味道唔算好夠 再加少少鹽應該會更加好食食咗咁多肉梗係要食一啲蔬菜叫咗冬菇$22 同埋秋葵 $38最後亦都食咗個飯團咗結尾明太子飯團 $38燒香左嘅飯團有飯蕉好食食咗咁多嘢買單大約$800價錢一啲都唔貴 性價比高值得再試

尖沙嘴發掘一間高質樓上日式居酒屋，估唔到平日晚餐都坐無虛席，好彩有提前訂位。首先逢上人頭收費$20的前菜，共有三款漬物，味噌醬點青瓜蘿蔔好爽口，搭配埋蒜頭，魚仔乾惹味。刺身叫了三款：三文魚、八爪魚、北寄貝，新鮮甜口。紫菜魷魚鬚天婦羅必試，濃郁海苔味包圍薄脆的外面，魷魚鬚炸得彈牙爽脆，好食聽唔到口。個人覺得呢度燒物最為出色，無論係鹽燒雞翼、明太子雞翼、牛舌心厚切定係安格斯牛柳，各樣肉類都燒得嫩口入味又縮肉汁；西京燒魚肉滑口又唔會散。另外特色燒物有燒明太子飯團，啱曬好似我鐘意食飯焦的人； 燒日本芝士年糕好惹味。黑豚肉野菜炒烏冬，酸酸鹹鹹好開胃，醬汁有啲似食章魚丸嘅味道。食串燒點少得飲番杯呢，巨峰燒酎的葡萄乳酸味較出，易入口帶微甜；而菠蘿燒酎的水果味比較淡，燒酒味較明顯。