炎鳥羽

营业中

休息中

今日收工好夜，又因為食咗下午茶所以唔係太肚餓，於是就約朋友去居酒屋食兩串串燒，飲杯酒休息下 。我地點咗四款串燒。蘆筍豬肉卷：蘆筍嘅清甜可以中和豬肉嘅油膩感，卷埋一齊食好味。雞骨雞肉腸：第一次食呢個，幾特別，鹹香味重，配上清酒飲就最啱。日本冬菇，菇類串燒燒得好香，外香內軟，又Juicy。日本秋葵，秋葵都係燒最好食。之後我地都點咗一杯京姬匠純米大吟釀。小酌更開心。清酒MENU都有幾多款，鐘意飲清酒嘅不妨嚟一試。串燒做得唔錯，配上清酒和幽靜嘅氛圍，確係唔錯嘅居酒屋。

呢排做嘢唔開心 同事知我鍾意食日本嘢話帶我去尖沙咀一間日本餐廳食嘢同飲清酒 炎鳥羽唔算好大 但係環境雅緻 好有日本風情前菜三碟有牛蒡 青瓜蘿蔔 魚乾 酸酸地食落又幾開胃鵝肝釀雞翼雞翼即叫即釀即燒，面層燒得焦香甘脆，中和左鵝肝嘅油膩感，雞肉嫩鵝肝味香口感滑溜， 佐清酒一流！清酒當日仲做緊買一送一優惠 我地揀左匠純米大吟釀 店員好細心咁將酒杯做喺冰桶上 令到聲就可以 保持冰凍嘅溫度 入口濃厚、圓潤 而且米味香醇海膽海膽係鮮橙黃色 每塊尺寸差唔多足足有兩隻手指咁大 入口味道甘甜 質感細膩 有種滑如奶油般感覺 久久排徊係係舌尖不散 配埋底下嘅青瓜一齊食 味道更為清新炸雞皮呢碟小菜真係相當推薦雞皮炸得熱辣辣 而且非常香脆 配埋佢換碟嘅醬汁一齊食 味道相當match 而且價錢仲非常相宜👍🏻

藍馬大廈一向都係酒吧同埋餐廳嘅匯集之地， 為咗方便食飯飲酒直落， 我哋就揀咗呢棟大廈嘅其中一間日本餐廳嚟食 誤打誤撞 卻幾有驚喜！明太子卷明太子蛋卷好厚身 入口蛋香四溢 而且唔會一咬就散口感滑嫩得嚟又彈口 最欣賞嘅係佢明太子嘅份量啱啱好 恰好為蛋卷味道點綴又唔會搶咗蛋香味~紫菜魷魚鬚天婦羅普通嘅天婦羅就食得多 好少會食呢隻口味 食落原來都唔錯 天婦羅炸得好脆香 但又唔會令到魷魚鬚變得乾爭爭 加埋紫菜味道真係一流雞骨豬肉腸每條雞骨豬肉腸香腸連接著一根雞骨 拎住嚟食非常方便 食起來唔會太鹹 而且香口多汁 蘆筍豬肉卷薄薄嘅豚肉片包着蘆筍 配搭清爽 仲保留咗蘆筍脆嫩嘅口感 而且外層豬肉燒得到金香可口 多重口感令人回味無窮！

在這日子難得約了朋友在尖沙咀食飯，需要好好的食一餐喝一杯放鬆一下。走著走著來到熱鬧的食街厚福街，在大廈找到這家日式串燒。前菜小菜有小魚乾，青瓜，紅蘿蔔及筍，太開胃，忍不住就點了啤酒。牛舌厚切十分惹味，紅肉的鮮味十足，推推荔枝豚肉串，第一次嘗試荔枝配上鹹食的搭配，原來好配啊荔枝的水果香令豬肉的油膩味減去海膽海鮮炒飯，海膽分量十足，沒有半點苦味，配上滿滿的海鮮配料，鮮甜好吃炸日本雞皮餃子，裡面有肉絲和椰菜配上雞皮的油脂，十分juicy炸得香脆，沒有油膩味，驚喜選擇

今日同朋友去咗間日式居酒屋呢間居酒屋係尖沙咀厚福街嘅樓上鋪見佢有唔少嘅好評，就揀咗佢啦居酒屋環境唔大，應該有10張枱左右首先一讚嘅係佢枱面放咗張消毒濕紙巾，可以比食客先消毒雙手再食串燒呢間餐廳主打係食刺身同串燒，當然唔少得嘅仲有各式嘅酒同朋友揀左兩款串燒，海膽海鮮炒飯，仲有就係店員嘅是日推介：雞皮餃子首先店員會奉上前菜，前菜係有啲日本嘅醃物，青瓜同蘿蔔好爽脆，食完前菜已經好期待佢嘅主菜雞皮餃子：呢個超有驚喜，原來雞皮餃子係用雞皮做個外皮，雞皮炸得超脆，包住啲餡料，再點埋佢個醬汁，超好味兩款串燒揀咗蒲燒鰻魚同日本小蔥豚肉卷蒲燒鰻魚：去親居酒屋都會食嘅野，果然冇令我失望，鰻魚肥美，上面搽上濃濃嘅醬汁，啖啖肉，好享受日本小蔥豚肉卷：豚肉包住大量嘅小蔥，蔥嘅香味同豚肉混埋一齊，如果你係鍾意食蔥嘅，一定要食呢一個，包你一試愛上最後叫咗個海膽海鮮炒飯，上面有三款海膽，炒飯入面仲有一啲切咗粒嘅海鮮，食落去口感豐富，食埋呢個炒飯真係為呢餐畫上完美句號

今朝開咗成朝會，放晏會同事食個午餐，鬆一鬆唞啖氣，結果飽到想即刻瞓覺，唔想再做嘢。午飯時間都唔使點樣等位，好快就有位可以坐低，同事叫咗個魚生飯，我就叫咗至愛嘅鵝肝飯。魚生飯夠新鮮，料足，不過個飯就少咗啲，男同事話唔係太夠飽。我個鵝肝飯就飽到下午茶都食唔落，大大件鵝肝燒得香脆，入口都有即溶嘅感覺，分量十足，如果加多啲配菜就會冇咁油膩。臨走前見到隔離枱食串燒，好香好吸引，不過已經食唔落啦，下次希望可以食到。

最近閉關在家吃得較清淡，難得這天有事外岀，便順道吃日式串燒食物：4.5/5整體燒的火喉掌握不錯，串燒香口但不會乾。而調味以椒鹽為主、偏咸，適合配酒▪️荔枝豚肉卷必點之選 全晚最有驚喜！外表平平無奇，但入口一咬荔枝汁的甜味立即充滿口腔，中和了豚肉的油膩感，豚肉亦沒有豬臊味▪️厚切牛舌超級厚切！比我的舌頭更厚牛舌內裡仍嫩及帶有肉汁！一串有3大塊，很滿足！▪️日本岩蠔頗大隻、肥美帶鮮味，走清新路線，不重海水咸味▪️西京銀雪魚一小塊但味道很好，肉質嫩滑、甜度適中！我原本就很愛吃西京燒，串燒更香口！▪️鵝肝釀雞翼雞翼外脆帶椒鹽香，一咬下去內裡的鵝肝油脂立即溢岀來不過個人覺得鵝肝直接拿去煎會更香▪️芝士年糕很好吃雖然每份只有一個，但比一般吃到的大。外層應該是薯蓉，帶一點點甜味，中間流心芝士▪️柚子芥末墨魚鬚全晚唯一扣分位沒有串燒的香口、墨魚完全嚼不動、調味只吃到咸酸味，但欠柚子香及芥末的辣味。千萬別點這款！這裡是一大群朋友下班來喝酒聊天的好地方！

香港人越黎越中意食日式串燒，我同身邊朋友都唔例外。炎鳥羽位於人來人往既尖沙咀厚福街，方便易搵。眼看居酒屋不錯太大，但座無虛席，氣氛濃厚，而且有不少燒物及刺身選擇，價錢相宜，絕對可以再encore！先送上前菜，有魚乾仔、青瓜、醃好的蒜頭，每款都特別精緻美味。三文魚腩刺身色澤靚夠肥厚，油香濃郁，口感軟綿綿。銀雪魚干燒得乾身脆卜卜，有種獨特既魚香，點埋沙律醬即刻變成香口小吃。自家制的雞肉棒配生蛋黃，賣相吸睛，先咬一口雞肉棒，燒得外脆內裡多汁，再點蛋汁食，入口滑溜。必點菜式燒粟米，唔好睇佢平平無奇，微微燒焦，熱辣辣，每粒粟米好香甜可口，絕對係驚喜菜式。鹽燒雞翼、明太子雞翼同樣出色，外皮燒得香脆，肉質鮮嫩，夾雜著鹽味同明太子的鹹鮮味，層次感變得豐富。本來想點薄切牛舌，可惜受歡迎到賣曬，厚切亦不錯，唔會好韌，口感較爽口多汁。仲有比較少見既鴨舌、鵝肝、牛腸及豬腸等，中意試新野既朋友唔好錯過~

厚福街就不嬲多餐廳，仲要大部份都唔係連鎖店，實在難得👍🏻今日收工同家姐去左炎鳥羽擦下日式串燒上到去發現個場都幾爆下....坐滿左8成人咁多人捧場就肯定無伏啦! 未坐定已經好期待啲串燒啦!睇睇menu都幾多選擇算係應有盡有餐廳仲有個Daily menu寫左係黑板上面，都係時令食材或特別食品居多點完菜之後侍應送上兩set前菜俾我地，一碟有三格前菜包括有: 牛蒡條、青瓜及紅蘿蔔條配麵豉醬、高麗菜，開胃一流👍🏻坐左大約15分鐘左右食物就陸續上枱啦🤤【明太子蛋卷】蛋卷好滑帶少少甜味。明太子咸咸地既味道同蛋卷非常夾，味道一流！本身我唔鐘意食帶甜味嘅蛋卷，呢個明太子蛋卷我超級滿意！成餐飯最鐘意係佢❤【自家制雞肉棒】即係坊間一啲叫做雞軟骨棒。一般都係搽上甜甜既燒汁，然後再奉上日本生雞蛋同額外既燒汁俾你蘸嚟食。呢度做法都係一樣，蛋黃好靚好大隻，滑漏蛋黃襯托肉感豐富既雞肉棒，無咩可能唔好食🤤【雞皮】外脆內柔軟，唔會一味得個脆字，真係會食到質感，都係好唔錯! 雖然好想叫多串，但礙於雞皮真係邪惡食物之一，唯有忍下口😞【荔枝豚肉卷】兩個字形容: 爆汁! 粒荔枝真係爆汁到令人驚訝既地步😂仲要幾清甜，加上熱辣辣，估

放工同朋友找間居酒屋嘆世界，朋友推薦這間網路上評價相當高的炎鳥羽前菜前菜每位會收20元就當開開胃吧鹽燒雞翼雞翼火候烤的恰到好處，味香肉質軟而多汁蘆筍豚肉豚肉搭配上蘆筍整個是絕配，好好味，食完一串馬上再加點一串，值得一試明太子雞翼雞翼中包覆著微辣的明太子，味道不錯明太子玉子燒等了很久終於上菜，但真的很美味，可以說是本日之最蛋綿密而保水，師傅功夫很好鮭魚飯團🍙這個飯團🍙等了大約一個鐘但可能是烤過久了，外皮偏硬有點像鍋巴牛肉烏冬湯頭味道好，烏冬彈牙順口，為美好的一餐劃下句點整體而言烤物味道好，食材都在水準之上，是朋友聚會小酌吹水的好去處

精緻前菜，爽口牛蒡吾錯。明太子玉子蛋光非常濕潤的蛋卷，同時非要嫩滑，蛋味十足。加上少少辣味的明太子。香港少見。明太子雞翼 + 鹽味雞翼明太子雞翼中雞肉和明太子混合的味道和口感好出色。鹽味雞翼不會乾身，外脆內軟，加了檸檬汁，酸酸地好開胃和解膩。自家製雞肉棒月見汁好特別，加上厚實的雞肉棒，不管味道和口感都是取到平衡。月見汁加添了雞肉棒的濕潤感覺。清酒煮蜆酒味濃烈，蜆肉放沙放得好乾淨。有香蔥香味調味，不止有清酒味，蜆肉的鮮味也很特出。明太子燒飯團脆卜卜的燒飯團，包著熟了的明太子。紫菜好脆。雖然熟了的明太子味道不及新鮮好味。但也不過不失。

今晚黎到呢間串燒專門店, 係朋友大熱推介的餐牌除左散嗌外, 估唔到仲有兩款一人前嘅串燒套餐三文魚腩刺身厚切嘅三文魚腩刺身非常肥美, 魚紋清晰, 肉質好嫩滑, 食落去滿口油香雞肉棒用上免治雞肉整成嘅長條形肉棒, 配上加左生雞蛋黃嘅醬料一齊食, 令口感更滑順更香濃牛舌厚切厚切嘅牛舌串, 表面灑上少少鹽作簡單調味, 口感夠晒爽口, 而且嚼勁十足, 又唔會過韌露筍豬肉卷 & 日本小蔥豚肉卷豬肉卷同豚肉卷都燒到微微焦香, 中間分別夾上露筍 (口感爽脆) & 日本小蔥 (蔥迷必食), 兩款同樣味美和牛炒飯個炒飯炒到夠乾身, 而且粒粒分明, 同時又有和牛嘅油香味

自從喺日本返嚟之後，一直都好掛住日本嘅居酒屋佢啲美味嘅串燒😍咁啱今日放工去尖沙咀呢頭拍拖，就揀咗呢間止下癮先😛😛一入到去，餐廳地贏雖然唔大，但整個裝修氣氛好好，好適合一班朋友嚟飲酒傾計。我哋入座之後，店員好快就送上左前菜，分別有三小碟。味道都好清爽，好開胃！其實佢嘅Menu都有好多款唔同嘅嘢食，包括有刺身，串燒，主食等等，而串燒都分左唔同既肉類海鮮同菜，喺香港嘅傳銷店可以見到咁多款式真係好難得啊～好想每款都嗌黎試下🤤🤤講下啲特色嘢食先，呢個雞肉棒係店家自製嘅，特色醬油再加上日本雞蛋黃嘅醬汁真係不得了，雞肉好亂滑，又好似加咗少少雞軟骨咁有咬口，個汁直程可以撈飯食添啊🤪我哋仲叫咗限量既牛舌芯厚切，呢個真係不得了，推介你哋一定一定要叫！燒得外脆內軟，入口即溶，就好似食緊燒和牛嘅感覺，好耐冇食過咁好食嘅牛舌啦😭😭我哋仲帶咗一個明太子蛋卷，蛋捲做得好濕潤，入口仲係滑lulu架，同出邊其他食嘅蛋捲有唔同嘅感覺🤤🤤另外鹽燒雞翼、明太子雞翼就不過不失，鹽燒雞翼有少少鹹得滯，明太子雞翼入邊滿滿的明太子好足料，要讚下師傅燒嘅技巧真係十分高超，每樣食物燒得啱啱好👍🏻👍🏻👍🏻下次一定要叫多啲朋友嚟呢度試多啲款

尖沙咀搵野食都幾煩😕一來多人，二來價錢貴，琴晚朋友帶左我去炎鳥羽食晚餐，餐廳唔算大，但環境舒適，價錢都幾公道🤤有刺身、串燒、揚物、燒鳥、沙律等等，另外餐廳都有炒飯、烏冬可以點，款式都幾多🤣點菜前每人會有一份前菜（$20）Menu最底有寫到，賣相幾精緻，漬牛蒡幾爽脆，其他味道普通－－－－－－蒲燒鰻魚 $48鰻魚燒得好香😋醬汁好濃又帶有少少甜味，配飯一流，但略嫌醬汁太厚，掩飾左鰻魚本身既味道厚燒牛舌推介要order🥰用少少鹽調味，牛舌燒得剛剛好，唔會好韌，軟嫩多汁，想再Encore~鹽燒雞翼 $32雞翼唔會燒到好乾，食落好嫩滑，皮脆肉嫩，加少少檸檬汁，酸酸地可以解膩🤣日本地雞唐揚 $58鹹酥香脆的外皮，咬落去係充滿肉汁既雞肉，而且炸粉唔厚，送酒一流！海膽海鮮炒飯 $128炒飯上有兩排滿滿既海膽🥰食落幾鮮甜，配料充足，每啖都食到蟹子同魷魚，炒飯乾身，粒粒分明，真係幾好食👍🏻

是日星期三中午來，沒有訂位。尖沙咀有很多同類日式居酒屋，也是挑了很久，決定來這間，因為評分極好！中午定食價錢親民，最吸引系可以$20加購3款串燒！最後點了燒鯖魚定食和三文魚親子丼。這兩個定食都有沙律，茶，味噌湯及小前菜。沙律及茶普通，味噌湯略咸，前菜有點菇及菜挺好吃，很家常。三文魚親子丼很快到。三文魚份量不少，也很新鮮，油脂豐富，還伴有魚子，想到那個價錢這麼平便，真令人感動！燒鯖魚時間需要耐些，但絕對值得！因為你看這煎得金黃色，聞落極香的鯖魚，真開心！而且份量絕對比外面要大些。不說了，快開吃！$20加了茄子，翠玉瓜及牛肋骨。翠玉瓜清甜多汁，又香。茄子是汁燒，但還有水份在內。牛肋骨真好吃，不過稍咸。真是滿足的一餐。