炎鳥羽

营业中

休息中

為食的仔仔，話好想食稻庭烏冬，但我又好想食串燒，之後上openrice 睇，都幾多人推薦呢到，就決定來食了。我們早幾日已經打來book ，所以去到就有位，我地仲有得座bar 枱，仔仔好興奮，因佢不嬲都鍾意睇人點燒串燒野食。我地叫左以下幾款野食:西京銀雪魚 ～ 超滑點小小沙律醬一流。浦燒鰻魚 ～ 醬汁濃一啖一件，正！日本地雞唐揚 ～ 細心的侍應會提我地好熱岩岩炸起，小心慢慢食， 炸得皮脆內嫩。炸薯條（黑松露）～ 睇價錢以為好唔抵食小小薯條要60幾蚊， 嘩估唔到來到超香，超有驚喜喎！每條薯條都痴住黑松露，仲要即炸薯條係好食d。稻庭烏冬 ～ 仔仔話要食凍嘅， 一來到即爭住話要自己食哂， 當然最後都係我包尾， 汁夠凍，烏冬夠彈牙，唔怪得仔仔咁鍾意食。燒飯糰（明太子）～ 飯燒得好脆口，幾得意。下次要同fd 來先得，因見到好多清酒飲。

去到尖沙咀 揾食首選一定係厚福街 中日美韓泰菜全部都有齊🥳呢間日式居酒屋主打串燒同刺身 食物精緻得嚟又高質 仲要係黄店～個日夜晚去到接近full booking 建議想食就上去OpenRice book定位先😋✨每位都會有三款前菜✨最驚喜係個味噌醬 將平時普通到一個點嘅青瓜同紅蘿蔔 變到一款好開胃嘅小食.👉🏻左口魚邊($98)當日限定嘅其中一款料理 魚嘅口感好肥美 都好新鮮但可能坐正個風口位 食物温度唔夠暖🤧.👉🏻明太子雞翼($28)外皮脆 内裏有滿滿嘅明太子好足料雞翼調味唔會過鹹😽.👉🏻日本A4和牛($168)叫左7成熟剛剛好好有肉汁嘅鮮味 入口即融omg 調味重手左 可以減少啲鹽.👉🏻燒日本茄子($22)茄子表面放左木魚碎 一咬落去啲汁都出晒嚟 超juicy~~.👉🏻牛舌厚切($48)呢個都幾驚喜 可以燒到外脆内軟又係爆多汁 好出色！——————————炎鳥羽尖沙咀厚福街12-12A號藍馬商業大廈17樓

係尖沙咀附近放lunch，搵到呢間野，睇環境又唔錯就試下去到招呼都唔錯，午餐menu都叫多選擇，最正既係嗌set lunch 可以加20蚊有3款串燒揀，最後嗌左2個set 6串。因為所有野都係即整，所以唯一提醒就係趕時間唔岩黎食，其他…我無補充！！！！！最近似日本食到既味道，仲可以要求d乜🤗🤗飛唔到又思鄉一定要黎！！個天婦羅烏冬仲貼心到烏冬會清d怕食野炸野會咸會油，所以係專登清d淡口味d，剩係呢種做法已經贏左香港好多日本食肆！！！

難得一次出外晚餐尖沙咀厚福街性價比勁高ge居酒屋有好多特色串燒🥰居酒屋嘅感覺-鵝肝雞翼😍真係覺得好特別聽到佢個名真係忍唔住叫太邪惡啦好juice 入面好多餡仲熱辣辣真係想食完一隻又一隻-墨汁黑烏冬墨汁意大利粉就聽得多黑烏冬就第一次聽烏冬軟身得來 比起意粉相對地彈牙襯托着魷魚🦑口感十足非常之特別份量都勁大啱晒兩個女仔食最重要嘅係食到個咀黑晒然後一齊合照🤣-三文魚燒飯團 🍙🥰必叫！黃金燒飯團我真係第一次食一直喺度諗明明呢個係主食之一點解會最後尾先至送到黎原來好戲在後頭一嚟就噴曬煙咁原來真係即叫即整非常之特別金黃色嘅外皮其實就係飯團燒到飯焦帶有飯焦嘅香氣外脆內院入邊仲夾住燒三文魚非常之特別同埋出色其實真係好想食多一個下次再嚟嘅時候一定要一次過叫兩個因為製作需時即叫即整-厚切口舌 同 日式豬大腸 去到居酒屋又點可以唔食厚切嘅牛舌同日式豬大腸口感鬆軟絕對唔痴牙😋調校過嘅特別醬汁再加上少少檸檬汁非常之開胃簡直想食完一串又一串仲有好貼心消毒紙巾都準牐好😍

Fried Chicken Skin Dumplings This one was a pleasant surprise, I believe it’s a off-menu item. As the name suggests, one would think the fried chix skin would be the filling. But no, the fried chix skin was used to substitute your regular gyoza skin! It’s crispy and there was no oily after taste, goes very well with the sauce dip. Lychee wrapped in Pork RollThe succulent juicy lychee balls blended superbly well with the roasted pork roll. The lychee helps to balance out the greasiness of the por

「您現在在哪裡呢？」「想念在日本與您共聚的時間💕」晚上時份嚟到依家熱鬧嘅尖沙咀，見到間居酒居好多回憶彈哂出嚟🤪炎之一人前omakase $380🍣前菜3款 蝦米同菜個碟好香蝦味☺️刺身3款 三文魚都幾新鮮💛🍢🍡雞肉棒😻將雞肉棒吉爆隻蛋，然後點啲蛋汁☺️整個過程好治癒仲有牛柳串，雞翼串，雞軟骨串，菇串同茄子串🙂海膽天婦羅😚海膽味濃郁，唔會太腥！最後以稻庭湯烏冬同抹茶雪糕結束😙明太子蛋卷 $58一共有6個卷蛋，每粒都帶帶香噴噴蛋味！咬落好多層😍明太子雞翼 $28@1脹卜卜嘅雞翼，咬落去個陣啲明太子同雞翼汁都爆流出嚟🤤第一啖先至有嘅感覺，回味無窮☺️美國安格斯牛柳 $78有粒牛油仔點綴😌好軟腍好juicy 望落肉質同牛柳都唔同啲啊🤪海膽海鮮炒飯 $128海膽一大湯匙，甜得嚟唔腥👍🏻海鮮份量一般，飯香粒粒都唔錯.

又想食串燒，我真係好鍾意食熱氣野，見到個menu又樣樣都想食🤩然後又點到一枱野食樣樣都好好食啊，好食到淨係同佢哋影咗呢張大合照咋....啊.......😭最出色嘅黑松露薯條，出色到食食吓要幫佢影大頭🤤 黑松露有黑松露味，薯條又保留到薯仔味，人哋用男爵薯，你話好唔好食呢？其實個雞肉棒，好食到每人食咗兩串，雞肉有雞味，又有軟骨好好咬口，個蛋黃加個汁汁，就咁，食完想再食，好食🤤串燒配啤酒，唔係，燒酒嚟嘅😆一路傾計一路食，影到三張相我已經好盡力😢

帶大家來吃位於尖沙咀的平價omakase黃店。一人前 omakase (炎 hono) $380⚪️前菜三款🔴刺身三款六片⚪️串燒：牛一串、雞三串、野菜兩串🔴炸物⚪️烏冬🔴甜品另加：⚪️明太子蛋卷 $58🔴明太子雞翼兩隻 $28x2⚪️美國安格斯牛柳 $78🔴海膽海鮮炒飯 $128⚪️前菜 (指定) $20🇯🇵首先前菜已經有驚喜，蒜頭的醃製不感到酸，外層的醬汁還令它吃上口很鮮甜；青瓜蘿蔔都很香脆爽口。🇯🇵刺身有劍魚腩、八爪魚、三文魚🍣，肉厚而鮮嫩。🇯🇵炸物是海膽天婦羅，串燒比較豐富，除了牛柳還有三款雞肉包括鹽燒雞翼、雞軟骨、雞肉棒，以及冬菇和茄子🍆。🇯🇵比較特別是雞肉棒，賣相已很吸引，然後把肉棒搽上蛋漿來吃相當不錯。🇯🇵同樣是貌上吸引有蛋卷，而我比較喜歡吃明太子雞翼，餡料算豐富。🇯🇵至於海膽飯的海膽份量不多，不過蝦和魷魚粒都算多和大粒，感覺也很好。🇯🇵烏冬一小碗，但這個omakase整體上算得上豐富，最後來的甜品是抹茶雪糕🍦。二人吃得很飽很滿足，一人前omakase加幾款食物共$792。這家店裝潢具和風，雖有疫情又有4人食的限制，但無阻店內人流。食物質素、環境和價格都符合期望，是值得一去的日式料理

做完野去食咗個lunch有成12款午市套餐，好多選擇而且價錢有平有貴，由$58-$168都有，午餐可以加$20有多3串串燒，仲唔使加一添～🔸天婦羅稻庭鳥冬 $88🔹三文魚親子丼 $78🔸炎海丼 $88食物質素都好ok! 烏冬係滑滑的稻庭烏冬，湯底係甜甜地嘅鰹魚湯，天婦羅剛炸起，熱辣辣新鮮送上，炸皮薄薄一層一咬裡面就係食材，香脆可口，而且同時有蝦同蔬菜，每樣都食到啲唔會食到悶！丼飯定食包前菜、沙律、白飯同味噌湯，又係超豐富🤩！三文魚同魚生都啖啖鮮味，超滿足😚 話說見到串燒都想食，但太飽了，見人地都話串燒好高質，可以晚餐再黎試下！✄──────────────────✄炎鳥羽尖沙咀厚福街12-12A號藍馬商業大廈17樓

----------💛#黃店💛5/8, 1/10, 13/11/2019午市休息, 3/2/2020罷市💛29/10/2019 營業額全數捐立場/星火/612人道支援基金----------🍜天婦羅稻庭烏冬 $88天婦羅有兩隻炸蝦、南瓜、茄子、番薯，天婦羅炸粉厚度適中，即叫即炸，所以好脆口，不過午餐就冇天婦羅汁提供，只可以點烏冬嘅湯。烏冬夠大碗又彈牙。-🐟特上三色丼 $128刺身都夠厚身同新鮮，不過刺身同飯嘅份量就比較少，如果海膽更新鮮就更好，唔夠鮮甜同有小小腥。-🍡午餐加20蚊有三串串燒串燒有好多選擇，有日本冬菇/日本茄子/汁燒白菌/鵪鶉蛋/明太子雞翼/牛肋骨/多春魚/蒜香翠玉瓜/雞頸肉/汁燒豆腐/日本小甜薯/雞骨豬肉腸，全部份量都唔小，而且肉質夠juicy。-午市套餐不設加一，所有套餐包前菜+沙律+白飯+味噌湯，宜家仲有買3送1。----------📍炎鳥羽🔎尖沙咀厚福街12-12A號藍馬商業大廈17樓

臨放假前夕，去左尖沙嘴厚福街穩好野食。受疫情影響都應該有排都無得去旅行，但真係好想念日本的串燒，所以就黎到尖沙嘴呢間樓上日式居酒屋食串燒。環境格調充滿日式居酒屋的風味，店家也很貼心主動為每位客人提供消毒酒精紙巾，窩心至極。串燒款式也提供很多選擇。餐廳也會提供三道前菜小碟給客人，十分喜歡茄子的部份，煎香過的茄子很甜很香口。清酒煮大蜆通常去日式居酒屋也會點這道清酒煮蜆，清酒味偏濃，大蜆也很新鮮，沒有沙。到了串燒環節！鹽燒厚牛舌先點了鹽燒厚牛舌，比起薄切，我一般都會較鍾情於厚切，感覺會更有咬口和肉汁較juicy。鵝肝釀雞翼接下來，點了一客特色串，鵝肝釀雞翼，啖啖肉，餡料也包著油香的鵝肝，表層燒至金黃色。燒秋葵豚肉卷還點了一客燒秋葵豚肉卷，薄片豚肉裹著燒香的秋葵，中和了油膩感。加點檸檬汁，味道更突出。海膽海鮮炒飯最後點了一客招牌海膽海鮮炒飯，面層鋪滿一整板的海膽，看見都食指大動。炒飯還加入了蝦粒和魷魚粒，豐富口感，配合海膽，十分滿足。下次想起日式居酒屋，也會再來嚐嚐看。

出開尖沙咀，約咗個朋友一齊食飯，佢喺個頭返工，所以叫佢帶路去食飯。佢話食日本菜好唔好，我都有一排無食過，完全無反對呀。去到門口見餐廳好似居酒屋嘅裝修，地方唔係好大不座位舒適無問題。午餐時段有lunch set menu。都有十幾款選擇，生/熟食物都有，價錢都好抵，我點咗炎海丼。套餐包括沙律及味噌湯，2樣都味道正常。跟住就食主食，丼飯有火炙三文魚、帶子，仲有海膽及三文魚子等貴價食材，當然唔係超級多份量啦，不過咁優惠嘅價錢，有多款火炙魚生，真係抵。魚生味道都好好，夠新鮮。

呢間炎鳥羽我都幫襯過好幾次佢地除左串燒好食之外刺身都係一個唔錯既選擇今次叫左刺身拼盤、吞拿魚牛油果他他、清酒煮蜆同埋幾款串燒刺身拼盤入面既海膽同赤貝都超級鮮甜!!份量都唔少~牡丹蝦亦都好大隻吞拿魚牛油果他他都幾好食~吞拿魚茸係入口即溶~WOW清酒煮蜆都唔錯, 食咁多刺身要食呢個煮物去暖下胃串燒我就推介自家制既雞肉棒, 其實即係大家平時係日本餐廳食到既免治雞肉棒佢有原隻靚靚蛋黃同燒汁裝住一齊上枱, 隻蛋黃一睇就知正雞肉棒勁juicy, 啖啖肉, 配埋燒汁一齊食真係好正, 真係百食不厭架, 值得一試

之前久唔久都會去呢幢building 食lunch , 入囗好細其實好多人行過都唔會留意，不過今日行過喺樓下見倒呢間野set lunch 廣告牌，既然行過路過就唔好錯過。入到去一貫嘅間格，因每層開則都一樣，好細，只得一間鋪，不過檯擺位都算ok ,唔算迫。點咗個鯖魚set ，同事就order個天婦羅set，加20蚊可選串燒三款，見幾抵咁加咗翠玉瓜，雞翼同牛肉，order set lunch 跟湯同沙律，湯麻麻地無乜料，之後上串燒，熱辣辣賣相幾好，先食翠玉瓜，真心好味，因好juicy,食到滴汁，可想而知幾新鮮，輕輕燒下，唔會抽乾水分，雞翼微辣，牛都唔錯。鯖魚份量唔細，燒得好香，我幾欣賞，同事個天婦羅炸得唔錯，都好滋味，兩個都有配飯所以係勁飽，好滿足

瘦編本身今個月去東京旅行，但因為疫情影響，所以冇得去。有冇朋友仔同我一樣呢？唯有同朋友去下黃店日本餐廳食日本菜望梅止渴啦！💛-成間餐廳通過簡約裝潢加屋台吧枱設計散發出濃濃和風，令顧客好似置身係日本咁。Menu種類包括有揚物、酒肴、燒鳥、串燒豚肉、串燒海鮮、刺身、沙律等在內林林總總的日式風味。酒肴我地試左清酒煮大蜆($88)，非常之有驚喜，啲蜆隻隻都好大粒，廚師仲好有心思，將啲蜆放成一朵玫瑰花形狀，打卡一流！另外仲有明太子蛋卷($58)，明太子多到流出黎，啲蛋煮得岩岩好，唔會話太熟，無流心效果。🎌-揚物方面我地叫左海膽天婦羅($98)，由紫蘇葉包住滿滿嘅海膽。平時嘅我唔係太鍾意食紫蘇葉，但係今次連埋海膽一齊炸，出嚟個味道又幾好食。另外都叫左件炸日式芝士年糕($28)，新鮮炸起外脆內軟，啲芝士有流心效果，啱晒我依啲芝士控。整體上菜速度較慢，比較適合一班朋友嚟傾吓計慢慢品嚐。提提大家一定一定一定要訂位同埋一定一定一定要準時，當日全部枱爆滿，我又遲咗少少，差啲俾店員趕走入唔到去食。😭-味道評分▶️🌕🌕🌕🌕🌑 (4) 抵食評分▶️️🌕🌕🌕🌕🌑 (4) 回購評分▶️️️🌕🌕🌕🌕🌑 (4) -➡️ 炎鳥羽 (尖沙