火間土 (已結業)

呢個係我係openrice寫既第一個食評, 平時都唔會亂比差評任何餐廳, 但今次真係不吐不快, 唔寫唔得。先君子後小人, 火間土食物質素係高既, 又有維港靚景, 環境尚算清靜, 可以同朋友好好地傾下計。好喇, 而家講D service 喇, 琴日 (2月13日) lunch time 12點半左右上到去拎位,  門口帶位個職員, 著西裝, 帶粗框眼鏡, 40幾歲左右, 因為我冇book 位, 咁我都好有禮貌同佢講 "4位, 冇book 位既', 我都未講完, 佢就已經比個好質疑我既眼神我, 好喇, 咁o岩呢一刻佢公司電話嚮, 佢選擇接左電話先, 係有人打黎book 位既, 我咪企係度等佢講埋個電話先囉, 都等左成3-4分鐘, 呆企等佢都算, 因為之前都已經去過好多次,  知佢有普通櫈同榻榻米既, 咁佢收左線之後我補左句 '想坐普通櫈, 唔坐榻榻米既', 點知佢極冇禮貌同極輕佻咁話' 有人話比榻榻米你坐咩?',  佢大可以就咁講一句ok, 或者ignore 我都可以, 而唔係咁回應囉;  之後佢帶左我去張檯之後就大大力放低個menu走左去, 要其他同事幫佢善後, 咁係服務業既應有態度咩?

朋友慶祝我生日，選了這家日式居酒屋晚餐，還預留了落地玻璃窗邊的座位，可欣賞維港的夜景。食物選擇豐富，包羅萬有，我們點了以下美食:黑芝麻豆腐: 黑色的豆腐，芝麻味濃，豆腐雪得冰冷，入口滑溜。鰻魚卷物: 長長的卷物，份量十足，包裹著甜美的鰻魚，令人滿足。串燒牛舌: 燒得火喉剛剛好，牛舌泛起點點油光，肉味濃，亦充滿肉汁，質感不太硬。串燒帆立貝: 肉質一梳梳的，海水味濃，亦有鹹香。牛肉鍋物: 侍應送過來時仍然滾燙，湯汁仍在翻騰，牛肉只是半熟，浸一會在湯裡，變得大約7-8成熟，肉質滑身而軟腍。再放下生雞蛋凝固成蛋花，更加豐富了蛋白質。鍋物有大量配菜，例如椰菜和金菇等，蔬菜清甜爽口。還有一些烏冬，吸收了湯汁的濃味，是一種享受。當晚人流不算多，尚算寧靜，服務不俗。

呢間位於北京道一號既火間土，一句講晒，食物高質，又有靚維港景，性價比都真係幾高，約埋朋友一齊成班gathering，或者用嚟慶祝，都好唔錯一開始，就俾個好靚嘅維港景比大家睇吓先望住個咁嘅景食飯，都真係會食得開心啲，如果咁啱遇着晚上8:00 ，仲可以睇埋幻彩詠香江添介紹吓食物，呢個係清酒煮蜆，清酒嘅味道比較濃郁，但係你又唔會感覺到有醉意，每隻蜆都有蜆肉，一啲都唔馬虎，冇偷雞，用佢來做一個前菜，其實都唔錯再黎就食個刺身先啦，食日本嘢，點可以唔食刺身喎，都係厚切架！未正式入主題嘅時候，沙律都係一個唔錯嘅選擇，呢一個沙律就真係唔係周圍都見到，呢個沙律除咗中間大量既沙律菜絲，外層仲有大量醬汁，下面圍邊嘅就係一啲卜卜脆嘅配菜當所有嘢連埋一齊食，卜卜脆同埋軟林林嘅菜絲二合為一，非常香口，亦都令你好開胃，係一個好有趣，又好好味嘅沙律天婦羅都係同朋友分享嘅好選擇，每人一件，當中有炸蝦，炸南瓜及炸番薯等等，自己快啲揀返想食嗰件啦！呢個壽司卷物都唔錯，係軟殼蟹牛油果卷物，佢嘅份量都算多，大約有七至八件，幾個朋友咁樣share食，每人一件，都係唔錯，軟林林又清香嘅牛油果，配上香脆又香口嘅軟殼蟹，當然係一個絕配

今天來找女朋友吃午餐，尖沙咀要找到有海景既餐廳，價錢又便宜的，北京道一號的餐廳是不錯的選擇，今天到了這裡的日本餐廳。進餐廳看到很多日式榻榻米，女友問我有沒有穿了穿洞的襪子，因為坐榻榻米是要脫掉鞋子，哈哈，最後被安排了坐近窗邊的餐台，下午不太是欣賞維港景色的時候，因為有點曬，餐廳也落了窗簾。餐牌的選擇也很多，都是典型日本餐廳的定食，我點了壽司蝦餅配烏冬定食，女友則點了燒銀雪魚定食，都是包餐飲的。壽司的飯就略嫌多了點壽司醋，份量就不算太多，男士吃的話可能不夠飽。燒雪魚就很肥美，每口都有魚美的脂肪，這個餐值得推介。想要好風景就來這家的確不錯，還可以選榻榻米座，晚上夜景更迷人。

蟹肉芒果沙律($88)什錦串燒($208)海鮮薄餅($98)燒魷魚筒($78)軟殼蟹沙律卷($135) 燒牛肉飯($105) 蟹肉芒果沙律($88)🥗沙律比想像中要大芒果甜菜幾新鮮今餐自己覺得最麻麻的什錦串燒($208)主要係因為有兩串雞皮而又唔係燒得咁香，亦唔係好脆果種一食落去會太油既味不算太討好，其他串燒就正常既但又無話好impressive 👍🏻最推介係薄餅薄薄地帶少少脆望落以為會太多醬但食落岩岩好 🦑燒魷魚筒不錯，燒得岩岩好唔會生到咬唔開，又不會太燶軟殼蟹沙律卷面頭啲蟹籽好足軟殼蟹亦好夠脆最後加咗個燒牛肉飯注意係半生熟牛嚟加蛋黃咁原本以為會係石鍋果種但原來又唔係但又還好牛肉幾嫩，配埋蛋汁令成碗飯都幾滑環境👍🏻幾自成一角咁好日式，幾適合幾個朋友黎傾下計而且好多好多choice揀野食要掙扎一輪價錢唔算貴聽聞另一邊對景，但是日已俾人卜晒啦所以有興趣既朋友記住提早卜呀，想揀位記得要提一提呀！

尖沙咀食飯,真係到到都好多人晚上的既鋪頭愈來愈早關門,因為港鐵都早收,有時OT完食個飯都真係唔係咁易Happy Friday Night,就緊係食返餐好D,即使不能夜生活回憶起好多年前食過一次既日本野.....火間土先叫左一客海膽刺身熱下身,睇下咁多次無食,佢水準如何非常鮮甜,而且一D都唔會覺得腥,非常滿足之後叫左個特色壽司,呢個就真係玩特色,由於食材新鮮,所以唔會太差,但係太過整色整水,唔係太過食到食材最本身既味道最後黎個牛肉壽喜燒黎個飽肚ENDING份量好夠,牛肉又多,作為一名非常大食既我都表示好夠飽,味道唔會太甜,稍稍牛肉偏瘦左小小,有D"鞋"總結:STAFF態度正常,以高級日本餐廳黎計,係會有小小失望因為個個都欠缺笑容,一瞼唔開心咁,上菜求其放底就算味道:食材新鮮,建議食刺身和壽司,整色整水野,一試就好,再試就10思而後行環保:一流,無得輸

本來諗住某youtuber推介應該會好味，但真係好失望。依杯野飲個味似果汁先生既橙汁，上面舖左d糖果，外觀精緻，味道普通。拖羅雪到好硬好冰，其他刺身正常，不過不失，又唔算話好好食。依個壽司材料多就多，但都係普通，海膽正常，唔算特別新鮮，蟹肉好咸。依個芝士咖喱烏冬個味好怪，有d不倫不類既感覺，一d都唔match。蟹腳個質素比起酒店自助餐嘅仲差，一大陣海水咸味，d肉梅梅地，難食。串燒d肉好韌，調味唔夠。總括嚟講，望下海景ok，但食物質素好差，有d失望。

朋友早一個星期就訂左枱黎呢到食生日飯🎂呢到環境真係幾唔錯呀，始終係北京道一號。 望住嘅係維港景我地四個女仔，叫左d小食又叫左個二人套餐。佢個二人套餐真係幾抵，有三款刺生之餘，仲有個沙律，又有一客壽司，再有一條魚 又有炸蝦天婦羅，仲有個飯，兩個點品。 我地叫ge小食海膽壽司無得頂！之後仲有刺身，佢有幾款俾人仼揀三款再有沙律，魚同天婦羅之後再黎多個飯，我地揀左軟殼蟹石頭飯呢到都幾抵食，但服務就麻麻地

17/9/2019 訂咗位lunch。去到見reception男職員態度惡劣地叫所有等位客人退後回門口，待他再發籌。期間我們表示已訂位，他呼喝我們要等。帶位時行得好快，我地追唔上，他還回頭呼喝。點菜上菜上飲品都慢，只有埋單上單快，還自動埋單！但碌咭都係很慢。最後女職員輕挑地表示全場只有4位樓面！既然人手不夠，請考慮不做午市，或只開半場。以前的風光已不再，而且裝修亦變舊。附近日本菜選擇甚多，有景色又如何。

朋友推薦過好多次都未有機會食, 難得星期六去尖沙咀行街, 就一於去試下! 餐廳主廳望住維港, 景靚自然心情靚, 胃口都大啲! 另外, 餐廳設有好多包廂房, 私隱度好高。估唔到weekend都有午市套餐, 仲要$78起, 喺尖東仲keep住呢個價錢嘅餐廳已經唔多!豬肉生薑燒定食 定食份量非常多, 足夠兩位女士share! 豬肉嫩滑, 但薑味唔太特出。欣賞配菜種類多, 而且鐵板上菜, 可保持食物温度鐵鍋餃子有別於一般日式煎餃, 呢款比較少肉, 啱晒怕肥嘅女士。外皮香脆, 餃子汁好match

想與朋友吃日本菜，經朋友介紹到了尖沙咀的這一間樓上舖。餐廳的位置還算方便，設有和式座位，讓人份外有吃日本菜的風味。餐廳的料理有不少都是自家制的創意料理，用料新鮮，價錢相宜，十分不錯。

尖沙咀食晏好少少都要好貴，北京道呢間火間土都算係環境靚，服務好，食物好！聽講個海景View都好正，可惜被安排坐係近門口，望都望唔到Lunch time餐廳都好多人，建議都要Book左位先，當日11點幾打去Book 1點鍾都OK！Lunch Set有好選擇，蕎麥麵、天婦羅、壽司定食、刺身定食、就連打邊爐都有。我就Order左壽司定食，份量都好多，前菜主菜dessert有齊哂！壽司整體上都好新鮮，而忌廉薯餅餡料都好多，香脆但唔夠熱，但都好味。烏冬冇特別，同埋有點油。100左右可以係尖沙咀食到較為高質其實性價比都高，好滿足！

餐廳服務簡直差，今天我們午餐，特訂了位，點餐時，那個男服務員就說要一起order飲品，我們說遲啲才order，他說晏啲已經不招呼到我們再落飲品order，我們只好一起叫三個餐連飲品。 飲品就一早送嚟 ，咖啡冇日式咖啡味，用玻璃杯裝，似茶餐廳的，不是日式的咖啡杯，快过D餐很多。之後問另一男服務员取兩隻碗仔，他一給就给了四隻，但四隻都是有崩的，朋友一攞，差點戒親手。還有另一不理睬你的男服務员，送了餐來，當場跟他說收去用完的咖啡杯，當你透明，不應也不出聲轉頭就走。食物一般，食具有問题，同级的還有很多其他日式食肆選擇，我們已決定不會再去，平時都不會寫人差食評，但今次真的忍不住。

之前食過一次覺得幾好所以同事生日 encore 多次一行三人食左個剌身併盤，大板燒，串燒併盤，壽司卷同支sake特別推介係剌身併盤：好新鮮，味道好fresh 配合埋個夜景一流！

Lunch Time最好就係食火間土🥳忌廉蟹肉烏冬🍜再奉上細牛肉飯🍚每次食完烏冬都會將忌廉汁撈牛肉飯食哂忌廉汁真係她好味識食一定食要咁食價錢都可以接受下次會再黎食