火鍋隨意門

营业中

休息中

夜晚 同皮姐去咗銅鑼灣拍拖拖呢再喺時代廣場附近 樓上舖打邊邊門口 有好多土耳其馬賽克嘅吊燈入到去唔太光猛 成件事好有氣氛 枱面上 有九宮格調味醬汁配料盤可以自由配搭 乾淨又夠晒衛生嘅最中意個雞湯 認真煲得好入味哇冬天首選 暖胃之餘好有營養價值-Fish Maw Chicken Soup Pot ($298)招牌花膠雞湯鍋 ($298)揀咗 大量三黃雞熬製而成 再配合厚身花膠香濃雞味之餘 仲可以補充骨膠原 美顏首選-Dumplings Platter ($148)餃子拼盤十粒 ($148)賣相好精緻 用咗電動旋轉木馬轉盤真係特別有五款唔同嘅餃子 有啲坊間都比較少有嘅款黑松露蟹肉餃味道濃郁 蟹皇豚肉餃夠晒足料韭菜餃咬落皮薄餡靚 鳳尾蟹蝦餃就爽口彈牙-特盛蔬菜拼盤 ($128)有南瓜蕃茄白蘿蔔金菇雲耳 生菜同娃娃菜超級大盤嘅蔬菜多選擇亦好新鮮 健康之選-醬介 ($28)-Fried Pepper Fish Skin ($78)麻辣藤椒魚皮 ($78)面上有芫荽同辣椒 魚皮醃得好入味 咬落好爽口啊比想像中辣咗啲 但越食就越滋味好開胃 前菜一流-Local Beef Joel (s) ($428

🗝️ 銅鑼灣 | 火鍋隨意門`✦ˑ ִֶ 𓂃⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹ ₊˚⊹今日同阿媽去火鍋隨意門打邊爐，金凍嘅天氣最啱仔打邊爐啦，呢間火鍋店就係於鵝頸橋隔離，仲同阿媽去咗打小人添哈哈哈一去到見到門口有張好靚嘅吊椅，忍唔住打卡，入邊嘅裝修都真係好似隨意門咁，1秒鐘帶你去到世界各地。特別鍾意佢哋啲枱好大張，夠晒闊落坐得好舒服。✧ 香蒜特色卜卜蜆濃湯鍋 $268唔知幾時開始我打邊爐好鍾意食蜆嘅湯底，覺得特別香，今次得我同媽媽兩個人食，呢個煲嘅份量真係多到爆炸，仲要原來佢話俾我知佢唔係咁鍾意食蜆，大部份都係我一個人清晒！好似撈極都撈唔完大量嘅卜卜蜆… 癲✦ 蘋果木煙燻手切牛頸脊（細） $288好好味嘅牛頸脊，有着淡淡嘅蘋果木煙燻香。擺盤都好有心思令人食慾大開！✦ 餃子拼盤 $148呢個餃子拼盤就啱晒啲選擇困難症嘅朋友，因為全部餃子都有齊，而且用一個旋轉木馬架擺放非常之靚✧ 豐盛蔬菜拼盤 $128蔬菜呢樣嘢唔同人鍾意食唔同嘅嘢，好鍾意有蔬菜拼盤叫嘅火鍋店，唔係間間都有㗎 ！叫蔬菜拼盤就可以符合晒唔同人嘅需求，因為乜嘢都有，呢個拼盤有我最鍾意食嘅娃娃菜同金菇，亦都有我唔鍾意食

🌟 店舖名稱：火鍋隨意門📍 地址：銅鑼灣堅尊道西10號冠景樓1樓A舖📞 電話：+852 9875 1483🔥 花膠雞湯鍋：湯底濃郁得嚟帶啲花膠嘅鮮甜味，好暖胃！🫕❤️🥟 餃子拼盤 (10粒)：每粒餃子都皮薄餡靚，配湯底食仲更加滋味！🥩 本地牛頸脊 (細)：牛肉片切得好薄，入口即化，啱啱好！🥳🦐 澳洲帶子片：鮮甜多汁，好有口感！呢個一定推介！火鍋隨意門係一間無論食材定環境都好出色嘅店，啱晒想好好放鬆又食得精緻嘅朋友！🥂✨ 下次我一定會再去試埋其他湯底！🫶🔥 推介指數：5/5快啲約朋友去試下啦～

比openrice 正評數量吸引左 點知中伏D 碗碟餐具裝飾係幾靚 有懷舊異國風情但又未去到極致 未去到要打卡咁誇張論裝修的話 eye level 視覺都還好 但向上望頭頂都仲係石屎天花 有少少唔match服務正常 海鮮同牛肉好貴想食得飽建議不要去一開始見到餐牌嚇一跳 點左個椰子湯底 （$300）加個最平sake牛肉（$148）同餃子拼盤 10粒 諗住試試咩料子味度都ok 算係有特色 但始終太細份量 拿拿聲食完無加單走人醬料費$56 再收加一 兩人埋單$730 無下次

兩個人一男一女，正常食量，埋單一共1300，價錢絕對唔會係openrice寫嘅200-400。叫咗接近最平嘅湯底，卜卜蜆要228，啲蜆都算多同新鮮，不過啲蜆完全無吐沙咁，除咗啲蜆多沙，個湯底都俾啲蜆搞到充滿沙。同侍應講完佢哋肯換一個湯底俾我哋，不過感覺係一個純清水加味精嘅湯底，任何配料都無。另外醬汁配料一人28，6條響鈴82，一碟份量唔特別多嘅4款牛598，有日本A5和牛同澳洲和牛各5片，味道正常不過完全唔值呢個價，另外再加10小片普通牛。同埋仲有叫咗一樽78竹蔗茅根及148十隻嘅餃子拼盤。以上價錢都未加一。只可以講一人650喺銅鑼灣有大量更好嘅選擇。

68折起嘆異國風暖笠笠火鍋 （18:00前離座及預先訂位）超足料花膠雞煲折後不用250嘩～～超特別異國風裝修，好似去咗中東咁呀！感覺好舒服😌湯底有好多款揀，我哋揀咗滋潤的～花膠雞湯鍋真係勁足料！！ 有一大塊厚身花膠及十多塊雞件，店員仲會幫手剪花膠放入湯鍋中。 湯頭呈金黃色，相當濃郁又多膠質，飲完感覺好養顏。 放配料前記住先嘗湯汁呀！推介～超高質本地牛頸脊肉，雪花紋❄️勁靚入口嫩滑，唔知嘅朋友仲以為係和牛😋餃子🥟拼盤好豐富，有自家製蟹皇豚肉、龍蝦餃等，每粒飽滿鮮味🥰即點即做🔥爆脆黃金雙併（魚皮+響鈴），鹹蛋黃味香噴噴。另外仲值得一讚這蔬菜拼盤✨色彩繽紛，砌得好精緻好靚

呢排愈黎愈凍，最適合就係打邊爐啦，我就上網搵左呢間單點既邊爐，睇落食物環境都幾好，咁就過黎一試啦😄胡椒酸菜魚湯鍋呢個酸菜魚鍋送上黎時好夢幻，個鍋好似仙境咁一層霧，當加熱後層霧就會消失，個酸菜魚一d都唔油，d湯直頭可以飲，開始食前可以飲番幾碗先，魚肉相對厚切，口感幾好，個鍋仲有好多芽菜，韮菜，非常豐富🐟餃子拼盤呢個餃子拼盤一共有5款餃，分別係足料鮮蝦雲吞，白松露野菌豬肉餃，韮菜豬肉餃，黑松露蟹肉餃，蟹黃豚肉餃，各2粒，賣相整得好靚，下層個盤仲識轉，而兩款蟹餃係最吸引我，新奇得黎又唔怪，仲好鮮蟹味🥟本地牛頸脊牛肉質素相當高，肉質好嫩，個肥瘦度同d紋好靚🥩牛舌片呢碟牛舌上碟都一樣有陣霧，卷成花狀好靚，口感好彈牙😋特盛蔬菜拼盤蔬菜盤非常豐富，裡面有木耳，娃娃菜，粟米，蘿蔔等等，個蘿蔔好甜，打邊爐成日食到苦既蘿蔔，呢個蘿蔔真係正🥬蜂蜜菊花烏龍茶除咗賣相好靚之外，蜂蜜味好重，又夠凍，打邊爐飲一流呀，而且份量好多，裝到勁多杯🐝呢間火鍋店真係幾高質，環境到食物都好吸引人，個賣相全部都有心思又吸引，仲要d野新鮮好食，唔係淨得個樣，係實力既火鍋店👏🏻

其實已經食過呢間火鍋餐廳兩三次，每次都好滿意。平時夜晚同放假lunch時間，餐廳都係幾乎坐滿人，食過就絕對唔難理解佢哋咁受歡迎食材保持住高質素，無論係海鮮定係肉類，都係新鮮得不得了。記得第一次試嘅時候，我就好鐘意佢哋嘅椰子火鍋湯底，仲有啲店員介紹過嘅椰子雞湯，好濃郁同暖心，花膠雞都係好大既花膠好正每樣菜都十分講究，擺盤亦係精緻，尤其蔬菜拼盤，擺得好靚，眼睛先過足癮。如果你鍾意煙燻牛肉，蘋果木煙燻手切牛頸脊真係唔可以唔試，煙燻味濃郁，肉質嫩滑，啖啖都好滋味即叫即炸嘅黃金炸魚皮同炸響鈴，更係每次來必點，鹹蛋黃味濃郁，外脆內軟，真係超級好味—————————————————𖠿𖥣 火鍋隨意門 (銅鑼灣)〒 銅鑼灣堅拿道西10號冠景樓1樓A室—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgir

在銅鑼灣Time Square 附近，有間充滿異國風情又寫意的火鍋店，餐廳位於冠景樓1樓，店門前放了一張搖籃椅和色彩繽紛的吊燈，感覺Relax。餐牌上有16款湯底選擇，餐廳還會不時推出時令湯底，Keep住有新鮮感。《胡椒豬筒骨濃湯煱》高溫蒸煮豬筒骨兩小時，除了有兩筒大豬骨，還有豬手、栗米、蘿蔔、蕃茄、香菜…… 配合黑白胡椒秘製湯底，香濃鮮味。上枱時整鍋騰雲駕霧，充滿驚喜。《餃子拼盤》精緻地放在旋轉架上，粒粒飽滿新鮮。《牛頸脊》油花紋理精細，在滾湯裡輕燙數下就食得，滋味無窮。《牛舌片》薄身味好，有輕微嚼勁，吃一塊隨即愛上。《蔬菜拼盤》不單切得用心，擺放還很精緻，美輪美奐。《蜂蜜菊花烏龍茶》配火鍋一流「火鍋隨意門」不單食物質素高，而且到處都見到老闆在細節上的用心，令客人在視覺和味覺上都有最高的享受。

同女女去時代廣場影🩷🖤blackpink聖誕樹🎄，之後去對面的火鍋隨意門打邊爐🔥餐廳環境佈置有心思，以不同國家為主題。🥘 湯底:花膠雞湯鍋，濃濃骨膠原，花膠大塊厚身，養生。澳洲帶子片新鮮嫰滑，味道非常鮮甜。🥩本地牛頸脊(細)牛頸脊鮮紅柔嫩，牛肉中分佈著雪白的油花，肉味濃郁，有嚼勁。🥟餃子拼盤(10粒)五款餃子各有特色，印象最深刻係蟹皇餃同龍蝦餃，出面好少食到。🥬特盛蔬菜拼盤有白蘿蔔，蕃茄，木耳，金菇，娃娃菜，油麥菜及生菜，非常豐富。🍯飲品：蜂蜜菊花烏龍茶滋潤解渴

椰漿雞濃湯鍋$308蘋果木煙燻牛頸脊餃子拼盤$148黑松露午餐肉$88特盛蔬菜拼盤$128足料竹庶茅根$78好味指數：😋😋😋😋😋抵食指數：💲💲💲💲💲環境舒適：😌😌😌😌環境衛生：🧹🧹🧹🧹服務質素：💁🏼‍♀️ 💁🏼‍♀️ 💁🏼‍♀️ 💁🏼‍♀️冷鋒殺到，好適合去吃火鍋。今次就去了銅鑼灣這間火鍋店。餐廳裝修有特色，部分座位附近掛了土耳其🇹🇷馬賽克燈，又放了土耳其民族布。火鍋🍲湯底都算特別，我們選了椰漿雞濃湯鍋。加了食品級乾冰的湯底，上桌時佈滿煙，視覺效果一流。湯底因為有椰子🥥及粟米🌽，所以好清甜。但同時有嚐到熬了很久而成的雞湯味。最重要的是加湯時，是加雞湯，而不是加水，湯底就一直都保持濃郁的雞味。蘋果木煙燻牛頸脊呈鮮紅色。肉質柔嫩，佈滿雪白的油花，口感肥嫩而有彈性。餃子拼盤有驚喜！放在一個類似迴轉木馬🎠的膠盤上。拼盤有5款餃子，每款2隻。包括黑松露蟹肉餃、蟹皇豚肉餃、韭菜豬肉餃、龍蝦餃、足料鮮蝦雲吞。最喜歡是蟹皇豚肉餃餃，鮮味十足。黑松露午餐肉切成一條條，煎脆過。有濃郁的黑松露味。特盛蔬菜拼盤用心堆砌，白蘿蔔切成星星⭐️形。蔬菜🥬鮮甜。足料竹庶茅根清甜味香，清熱解渴。

呢間係其中一間我鍾意嘅火鍋店，除咗有多款靚湯底🉑供選擇之外，食物質素都好高，侍應服務態度非常友善有禮秘制消暑椰漿雞濃湯鍋一上湯鍋就已經仙氣滿滿，湯底係用鮮椰肉打成漿，配以三黃雞、椰青水及粟米🌽，飲落香濃得嚟又有椰子嘅清甜味道餃子拼盤呢個用咗個好靚嘅轉盤上菜，🈶白松露野菌豬肉餃、韭菜豬肉餃、黑松露蟹肉餃、蟹黃豚肉餃➕鳳尾鮮蝦餃，每一款都皮薄餡靚，非常美味可口蘋果木煙燻手切牛頸脊(細)牛肉肉質鮮嫩，咬落充滿香濃嘅牛脂香氣，令人大快朵頤豐盛蔬菜拼盤擺盤好色彩繽紛，有多種新鮮嘅時令蔬菜👉🏻蕃茄、唐生菜、蘿蔔、木耳、金針菇、娃娃菜等等，款款都新鮮爽脆黃金雙拼分別有鹹蛋黃炒響鈴➕鹹蛋黃炒魚皮，酥鬆嘅響鈴及香脆嘅魚皮配上濃郁嘅鹹蛋黃，真係好邪惡，可以即食或者打邊爐食都得蜂蜜菊花烏龍茶份量好多，夠晒兩個人飲，入口好香甜清爽

同朋友去左間幾特別既火鍋店，一間餐廳竟然有幾個國家既景色，有中國古典風、摩洛哥熱氣球、日本櫻花景、歐陸宮廷風，有好多打卡位可以比你影，難怪會叫做火鍋隨意門😆我地點左個椰醬雞濃湯鍋，個湯乳白色，好香椰醬味，入面好足料，有好多雞似、椰絲、粟米、飲落好鮮甜，啲雞滾左咁耐都仲好嫩滑唔鞋口😍細份蘋果木煙燻手切牛頸脊，肉質鮮嫩，牛味都幾重，唔會油到膩餃子拼盤擺係個旋轉木馬上枱，有5款唔同味道，每款2隻，最中意蟹皇豚肉餃，蟹味好重蔬菜拼盤有好多唔同既菜類，黑松露午餐肉粗切而且份量好多蜂蜜菊花烏龍茶勁大個地球儀裝住，飲落清清地，清熱潤喉🌼

第一次食個湯底唔油嘅花膠雞湯邊爐😍用三黃雞熬製嘅雞湯好清 鮮甜 濃郁, 雞肉大件又嫩🤪餃子拼盤都有驚喜 竟然有黑松露蟹肉 蟹皇豚肉😱牛頸脊嘅油花分佈平均 好香肉味 淥幾下就食得好嫩😍菊花烏龍茶正好清下邊爐嘅熱氣 地球儀壺好funny🤣💫花膠雞湯💫餃子拼盤💫本地牛頸脊💫特盛蔬菜拼盤💫蜂蜜菊花烏龍茶Highly recommend if you are hotpot-holic 📍地址: 火鍋隨意門銅鑼灣堅拿道西10號冠景樓1樓A室

天氣涼涼，就好想打邊爐🍲銅鑼灣收工，就搵左呢間火鍋食❤️餐廳環境幾有特色，坐得闊落火鍋湯底係打邊爐既靈魂🤣，就揀左個😋特色卜卜蜆鍋😋湯頭夠哂惹味，蒜香味濃帶啲啲辣咁，卜卜蜆都勁鮮甜肥美蘋果木煙燻手切牛頸脊(細)牛香好出，越咀嚼牛香越濃郁，口感有啲咬口咁諗唔到想食咩，最好就係叫拼盤🤣，咩都有啲咁就叫左個豐盛蔬菜拼盤同餃子拼盤都好多唔同款式，夠哂豐富鹹蛋黃炸魚皮鹹蛋黃濃厚咁包滿炸魚皮，一定唔會輸，炸魚皮勁酥脆，鹹蛋黃味道勁濃郁，無敵小食竹蔗茅根夠哂清甜