火鍋隨意門

营业中

休息中

團年飯揀咗去打邊爐，店門口有個土耳其燈飾佈置可以打卡，坐近窗口位置可以望到鵝頸橋街景，裝修有唔同國家主題區域，我哋坐呢個位置喺中式。💫蒜香特色卜卜蜆濃湯鍋💫一上枱噴曬煙好有視覺效果， 鍋內有勁多蜆，蜆肉大隻又厚肉，食落好鮮甜，份量好多。呢個湯底好鮮味清甜，無論淥肉類/ 蔬菜或其他火鍋配料都好夾。🔶本地手切牛頸脊(細)牛頸脊雪花好均均，每塊都算厚切，肉質嫩滑，食落幾有嚼勁，牛味濃。🔶餃子拼盤用了個兩層旋轉架裝賣相好靚，5 款口味的餃子🥟各2 粒，水餃皮薄餡靚，最鍾意係「蟹黃豚肉餃」，好濃郁的蟹黃好香。🔶黃金雙併新鮮即製鹹蛋黃炸魚皮&響鈴，可以即食 或者放湯淥1-2 秒，好脆好香好好味😋🔶特盛蔬菜拼盤蔬菜拼盤好豐富，蔬菜🥬新鮮，仲有蘿蔔蕃茄南瓜等。🔶蜂蜜菊花烏龍茶地球儀造型好得意，菊花烏龍茶加咗蜂蜜小小甜好清新解渴。