火水爐冰室火鍋

营业中

休息中

火水爐晚上行完街，同朋友行經旺角煙廠街，眼見呢間火水爐好有懷舊特色。行近望下食咩，原來係打邊爐！而且價錢都吾貴，決定同朋友試下,佢門口裝修集合左以前的冰室同舊戲院的設計，好六十年代。我同朋友揀左花膠雞安格斯海鮮任飲任食套餐，價錢$258一位，包含一銅麻辣雞煲，部分火鍋配料及汽水。一坐低落好order後，店員就送左新鮮熱炸的魚蛋和燒賣俾我地食。食完到花膠麻辣雞煲啦，滾左5分鐘可以食啦！雞件都幾嫩滑下，麻辣汁亦好惹味。豬皮都炆得好柔軟，好好食！食完雞煲後，我地揀好左的終極芫茜皮蛋湯都黎啦！終極芫茜皮蛋湯岩哂清熱氣的人士！另外店員送上左套餐附帶的海鮮，份量都幾大份下！有生蠔丶蝦丶硯丶墨魚滑和鯇魚片。咁多款海鮮，最甜最好食一定係蝦，口感亦爽彈。任食配料方面首先最正係佢地的安格斯牛，顏色夠紅，牛味亦濃郁。沸熟後食落口好有肉質。肥牛口感就較為平滑同油脂味重。打完邊爐後重有甜品食，係套餐送！係紅豆雜果冰！食到咁飽解下濟，大滿足！

呢度係以懷舊做特色既火鍋店, 連個名都係好特別揀左呢個任食放題, 價錢唔算貴, 但係包埋好多唔同類型既名貴食材用花膠雞煲做既湯底, 可以當係湯咁飲花膠味道完全係個湯底度飲到出黎連隻雞既雞件都係充滿住花膠既香味完左雞煲之後先到主題首先就係自行調配既醬料多種選擇 我就鐘意辣椒仔加豉油丸類同餃子類既食物都係會按人頭咁上台肥牛片超超超高質都係可以再ENCORE!!最後仲有埋雜果涼粉紅豆冰甜品作結!!超好味, 食左咁多咸野食呢食返D甜野中和返就最開心呢度既涼粉紅豆冰水準唔錯!! 比個LIKE佢

裝潢很懷舊，像是回到了80年代的感覺呢度既任食套餐都幾抵食, 比起一般火鍋店多好多野食前菜小吃係食主食之前, 店員便已炸魚蛋和燒賣送到我地面前新鮮炸出黎既係好食D花膠雞煲呢個就係我地黎呢度食火鍋既理由!!!超足料既花膠雞煲雞肉煮到好入味, 鮮味非常花膠勁大塊真係勁抵食, 第一次咁樣食D花膠想不到都幾入味汽水任拎任飲, 種類都幾多食完就到火鍋環節包埋有海鮮, 肥牛等等海鮮好出色!! 唔係一般任食既質素!!肥牛睇下牛肉既顏色就知係好野黎!!

最近特別喜歡懷舊，今晚同一位老朋友去到旺角的火水爐吃安格斯海鮮任食套餐，可以一邊吃一邊懷緬過去，常陶醉，一半樂事……哈哈！這裏裝飾以香港60年代的戲院為主題，還有一邊用火水爐做裝飾牆，總之好有懷舊feel，是打卡的好地點。我們選了花膠雞安格斯海鮮任食套餐每人$258，抵吃。開始前，店員就會將這架混醬車送來給你「混醬」。首先上花膠雞煲先，雞件好多，雞肉很有雞味，花膠大大件，很足料，雞湯香濃濃郁，我們喝了一些，感覺很滋味，所以我們都係決定用呢個底打邊爐。這裏好溫馨，首先送上街頭小食炸魚蛋和炸燒賣食住先，再慢慢點餐。第一位出埸是:海鮮拼盤有生蠔、海蝦、魚肉、靚靚的墨魚滑和海蜆，每一樣都好新鮮。魚肉很滑，海蝦、生蠔新鮮。靚靚的墨魚滑，彈牙好吃，令人愛上。跟着是任點美國珍寶肥牛，特級安格斯牛和黑豚豬肉片，這3款品質很高，特別是安格斯牛肉，色澤鮮紅，肉質嫩滑可口，非常好食。美國珍寶肥牛，肥廋均勻，肉質嫩有牛味，正。黑毛豬肉切得很薄，不用點醬也吃到他的完美，不錯啊！水餃、雲吞餡料都很足、很靚，好好味，有別一般的水餃、雲吞，真是絕無欺場。任食火鍋配料有很多款，當然少不得響鈴卷、炸生根、冬菇和菜。另外亦

今日同埋一大班朋友食鷄煲打邊爐，知道旺角有間火水爐冰室火鍋唔錯即刻就Book 定位，因爲要等齊人收工，所以我地差不多9點先入座。餐廳裝修很懷舊！好有八九十年代的香港Feel~好有特色！今次我地叫左安格斯海鮮任食套餐！每人$258（任食）。店員送上炸魚蛋和炸燒賣小食，可以等我地食住先，跟住就上花膠湯雞煲（我地無叫麻辣，所以個湯係唔辣的），湯料的花膠十分足料，最少沒人都分分到一件，花膠嫩滑軟腍，加上雞件熬製成日湯味道十分濃郁！而且感受唔到味精的味道。我地每人飲左兩碗湯，重點係飲完覺得好補生，而且完全唔會覺得口渴。食完個雞煲店員就會收起，然後拎個新一鍋湯底等我地打邊爐，今次我地叫左沙爹湯底。沙爹湯底味道好濃烈，一放底個鍋我地已經感受到。海鮮拼盤：裏面材料多多，包括有有墨魚滑，蝦，蠔，脆鯇同鱔片。全部都好新鮮，其中蝦肉分量夠多又爽口彈牙。任食的火鍋配料除了炸魚皮，蔬菜，餃類之外，最重點係有安格斯牛任食！！！安格斯牛真係超正，肉質鬆軟不得止，牛味更是很重。食到最後餐廳居然仲會送雜果涼粉紅豆冰！！真係好滿足。因爲個花膠湯雞煲太正la~所以我一定會再去食。我地食到11點幾的時候已經無咩人，所以影到餐

同朋友慶生，一大伙人最好都喺圍爐啦，貪選擇多梗有啱自己食的東西。朋友推薦呢間店名夠懷舊而且裝修都充滿老香港的格調我哋揀咗花膠雞安格斯海鮮火鍋套餐餐前小食餐前小食有炸燒賣及魚蛋，好懷舊好耐無食過呢啲街頭小食啦，燒賣炸外脆內軟口感唔錯招牌麻辣花膠雞煲雖然喺麻辣，但有辣度可揀，啱我啲想食辣又怕太辣的人，花膠都幾厚身又夠膠質，入口軟滑，雞件加上洋蔥及其他配料連同爆炒的醬汁非常惹味特濃花生沙爹鍋食完雞煲後店員會問你想直接加清湯打火鍋定想轉湯底，我哋揀咗特濃花生沙爹鍋，沙爹湯底夠濃郁打邊爐一流時令海鮮拼盤拼盤海鮮夠新鮮，有海蝦，墨魚滑及廣島蠔，蠔肉肥美鮮甜，唔錯特級安格斯牛肉安格斯牛肉味濃，入口夠脂香美國珍寶肥牛珍寶肥牛有咬口，肉質鮮嫩黑毛豬肉片黑毛豬肉質腍滑又夠薄切，所以無需淥太耐就可以食得仲有其他火鍋必備配料，選擇都算多懷舊甜品最後食埋呢款懷舊甜品就超滿足啦

呢間火鍋店之前都有黎食過，果陣係食鮑魚雞煲，覺得好惹味，所以又再book位再黎食!餐廳裝修懷舊，枱都係用緊懷舊既圓形摺枱，而且還播著70-80年代的英文歌，就仿似真係回到舊時一樣。之前見到雜誌報道，知佢近期由鮑魚雞煲轉左做花膠雞湯鍋，而且都係做緊任飲任食，非常正呀!我地4個人點了花膠雞安格斯海鮮火鍋套餐，每人只需$258，火鍋配料飲食，不過海鮮就只有一次，還有甜品、餐前小食。冇咩點叫火鍋配料已經好飽了!濃厚花膠雞湯鍋，呢個湯非常鮮甜，好有雞味，花膠都好大塊，我地每人最少都有一大塊。雞件都有好多，個湯飲落都有粘口，非常足料!飲夠湯就可以請店員幫忙換上打邊爐的湯底。這裡的好處就是可以揀令一款湯底打邊爐，不用怕飲哂D湯，打邊爐會冇味!時令海鮮拼盤，呢個海鮮拼盤包括有海蝦、生蠔、蜆、脆魚腩同埋墨魚滑。海蝦新鮮，肉沒有"梅"，蜆沒有沙，脆魚腩魚肉爽口。特級安格斯牛肉，每片都好大塊，牛肉味濃!打邊爐又點少得菜類和丸類。最後還有甜品作結，非常滿足呢!

與黎香港旅遊嘅朋友一齊到左呢間裝修富有香港特色的雞煲店晚餐❣ 店舖裝修好有老香港的感覺， 戰鬥碗等等都十分有特色。有不同的火鍋湯底選擇， 而我哋就選咗花膠雞煲。 喺開餐之前我哋首先調好自己想要 嘅調味料，自助加調味料。上煲啦! 大大煲花膠雞湯， 我哋一行六人， 每人都食到一至兩塊嘅花膠 ，十分足料。 雞湯十分濃郁， 非常之香。當晚晚餐後，我們都沒有感到口渴， 相信雞湯真材實料，不是味精湯。飲過雞湯後當然要邊爐啦 。任食雞鍋餐會送一客海鮮拼盤， 蝦十分新鮮，食落彈牙， 美中不足是冰鮮蠔尚未解凍。基本配菜， 蔬菜類魚丸類豆腐麵類等等應有盡有。肉類如安格斯牛肉，黑毛豬等等也是任點的， 想吃多少有多少 ，包君滿足。

踏上樓梯嗰一剎那開始，就好似番左去六七十年代嘅香港咁。雖然望落好似唔太大間 但坐落都幾舒服唔會話太逼。點完菜之後首先上左個頭盤，係炸燒賣同魚蛋！燒賣炸的好透，脆卜卜咁，咬開又唔會太乾身，於是我地嘅發福之旅就係炸燒賣下掀起序幕🤤店員一打開個雞煲嘅蓋，就聞到好香濃嘅花膠雞湯味，一口咬落去大大塊嘅花膠到，立即就感受到滿滿嘅骨膠原，加埋好滑嘅雞，我哋唔洗一陣就清左成個雞煲。食完雞煲就開始打邊爐，醬料可以按自己口味自行調配喔。安格斯肥牛同珍寶肥牛嘅牛味好足，但特別推介黑毛豬肉片！肉片切得好薄，脂肪分布平均，而且少少豬騷味都無！就算大家都飽飽地但我哋最後都係忍唔住要encore 。我覺得鋪頭嘅裝修+花膠雞煲已經值回票價，搵日有機會會想再嚟試下花膠撈麵🤤。

經過旺角煙廠街比火水爐充滿七十年代香港風情嘅裝潢吸引左入去花膠雞安格斯海鮮火鍋套餐同花膠雞牛小排海鮮火鍋套餐兩者價錢只係相差四十蚊但後者可以任食頂級牛小排餐前小食經典港式街頭小食；即炸燒賣同埋魚蛋口感外脆內軟招牌麻辣花膠雞煲套餐提供招牌麻辣花膠雞煲同濃厚花膠雞湯鍋兩款選擇；雞煲有唔同辣度揀上枱之後侍應會擺低個計時器計五分鐘等到煲滾撈勻先食花膠膠質豐富質感滑溜口感結實偏爽而且份量幾多；雞件滑溜加上蔥蒜洋蔥連同醬汁爆炒夠哂惹味特濃花生沙嗲鍋食完雞煲之後可以選擇直接加湯打邊爐或者轉湯底；沙嗲湯底濃稠而且帶花生香配搭牛肉最正特級安格斯牛肉安格斯牛肉質軟嫩而且肉味香濃加上油花均勻美國珍寶肥牛珍寶肥牛肉質緊實而且油脂甘香質素亦算唔錯黑毛豬肉片豬肉色澤粉嫩而且肉質腍滑味清唔羶時令海鮮拼盤套餐按人頭計奉送五款海鮮包括海蝦海蜆同廣島蠔仲有鮮鯇魚片同魚骨腩；其中廣島蠔肉肥厚鮮甜尤其出色手包雲吞水餃總共四款除左雲吞水餃仲有韮菜餃同魚皮餃；全部手工包製粒粒皮薄透光而且餡料飽滿緊實丸類丸類選擇都唔少有八款；不單有常見嘅牛丸蟹子丸仲有較特別嘅陳皮魚蛋同龍蝦沙律丸蔬菜蔬菜種類幾多而且整體而言新鮮爽脆懷舊甜品甜品係雜

呢度嘅裝修好有舊香港嘅特色，一上到樓梯見到枱同櫈，同牆身都有好多舊香港特式用裝飾，氣氛不錯。今次我哋食咗個花膠雞海鮮安格斯肥牛套餐。仲有其他配料任食。安格斯肥牛任食。海鮮就送咗一兜，蝦，貝殼，又有生蠔，新鮮架，都唔錯。配料方面，都係普通打邊爐料，免費食。如果有啲在高級啲野就要另外加錢。呢餐我最鍾意嘅就係個湯底。呢個湯底係花膠燉雞湯個湯底。一嚟到之後嗰店員即刻叫我地試吓飲個湯。個湯真係幾正好足料。好多雞肉好多花膠。簡直係唔想落配料去破壞呢個湯底嘅味道。差唔多飲咗一半湯，準備落配料之前，就叫店員幫手加番啲湯落去，就可以開始打邊爐。整體黎講呢餐都唔錯，個湯真係好正。配埋個餐廳環境可以值得再來

個人本身比較鍾意食花膠類食物，今日就嚟試吓佢嘅花膠雞煲+火鍋放題，呢間鋪頭主打懷舊風，設計好有八九十年代感覺，別有一番風味。由於個餐包左餐前小食，所以係食火鍋放題之前就上左炸魚蛋同炸燒賣。好耐冇食過，佢炸得唔會好硬，反而外皮炸得香脆，一咬就係軟林林嘅魚肉，外脆內軟嘅感覺唔錯。我哋揀咗濃厚花膠雞湯鍋，花膠份量多，而且大塊，連埋雞一齊煲啲精華落晒個湯底度，飲落啲湯好有鮮味，而且好濃，我哋都唔捨得用啲花膠湯來做湯底，好快就飲晒，湯渣(雞肉)都好食，肉唔會話好老，食落都有嫩滑嘅感覺。飲完湯之後我哋就揀咗個芫荽皮蛋湯底，湯底清清地，有陣陣芫荽香味，而且皮蛋份量都多，啱晒鍾意食皮蛋嘅我。肥牛片同黑毛豬肉片任食，作為食肉獸嘅我哋都叫咗兩碟，肥牛片同黑毛豬肉片肥瘦分布均勻，而且一淥就熟，食落唔會好乾，有油脂香味。最驚喜嘅係原來個火鍋放題包左海鮮拼盤，海鮮種類有好多款，蠔，蝦，蜆，魚片，海鮮尚算新鮮，最鍾意食墨魚滑，食落有粒粒墨魚粒。其他火鍋配料例如蜂巢豆腐，墨汁墨魚丸，醬爆魚蛋，夠特別，而且彈牙，食落有驚喜，幾好食。個餐本身仲包埋甜品，但係我哋都實在太飽食唔落，所以冇食到，下次有機會會再嚟試吓，想試埋

火水爐嘅霓虹燈招牌特別耀眼，成間鋪頭嘅裝潢都好盞鬼！因為用嘅係電池爐，無明火唔會感覺好焗促。一開始上嘅係花膠雞煲，店員推薦我地飲左啲湯先，啲湯好甜，雞煲好真材實料，無諗過真係有咁大塊花膠。可以大啖大啖咁咬落花膠到，我地六個人食，份量啱啱好！同平時啲雞煲一樣，食完就加水打邊爐。隨即上嘅海鮮拼盤造型都好特別，有蝦、蜆、蠔等等，都係冰鎮住嘅。其他可以嗌嘅嘢食同平時打邊爐嘅差唔多，我自己就幾鐘意食佢嘅墨汁丸，幾鮮味彈牙。另外仲有黑毛豬肉片，我平時打邊爐唔鐘意食豬肉片嘅，但今次嘅黑毛豬肉入口好滑，一試難忘。最後估唔到仲有甜品送，係一大碗紅豆涼粉雜果沙冰，紅豆起哂沙咁，又唔會甜到漏，好好味。食到飽飽大家一齊分左佢，份量啱啱好。之後都會推薦多啲朋友嚟食👍🏽

朋友一直都念念不忘這裡的雞煲終於找了一晚過來聚一聚這晚點了$258花膠雞安格斯海鮮套餐可選麻辣花膠雞煲/花膠雞湯鍋 包餐前小食，海鮮拼盤，汽水任飲，甜品任食火鍋料先送上前菜小吃，炸魚蛋跟燒賣朋友最愛這裡的麻辣花膠雞煲花膠腍滑，滿滿的骨膠原雞肉煮得相當入味口感帶有微辣但並不強烈，醬汁濃郁食完雞煲換煲再打邊爐套餐送的海鮮盤，有海蝦，蜆，生蠔，鯇魚片等等安格斯肥牛牛味充足，肉嫩鮮嫩打邊爐怎少得炸魚皮跟脆口響鈴大量新鮮蔬菜火鍋料 芝士腸，午餐肉，蟹子丸等等水餃有驚喜，料多又實在必點即炸油炸鬼最後送上的懷舊冰，透心涼旺角煙廠街33號朗廷軒1樓

真係好少嬲到要登入打食評，但難得一班人約齊黎打邊爐，無諗過要一肚氣咁走本身見咁多正評，又sell懷舊裝修咁，同埋有花膠雞煲先黎食一早Book左6位，張枱都係十分之細，坐得好迫，醬油又要另外收錢，野飲先過份，只係得4款汽水簡，其他野飲全部要收錢，唔想飲汽水連水都無得飲，衰過酒樓任食之後上個最期待既花膠雞煲，份量少得驚人，十分之懷疑連半隻雞都無，6個人每人食左幾舊就無，員工係你未食完已經過黎催你收走個煲轉打邊爐，可能佢都知份量太少，盡快收走佢廢事獻世掛！轉左做火鍋，食物只能夠話係普普通通，不過不失，以人頭計每位$300黎講，性價比真係其差，非任食既食物更高質素都唔洗呢個價錢！最重要係員工既態度真係其差，早半個鐘last order 我覺得無問題 ， 我地都係食埋枱上既野食唔想浪費，但佢十分鐘前就已經過黎催你走，最後5分鐘又過黎催多次 叫你盡快食埋糖水 收走你個爐 最後遲左5分鐘走 好似殺左班員工全家咁 講緊當時9點半，無人等枱，有幾張吉枱，又唔係阻你收工，有無必要咁趕客？問心 唔係要求你有咩貼心服務 但呢間野收你$300一位，交出$130既水準，連對客人基本專重都無，睇番好多負評既經歷都係