灣景廳

好抵食，以呢個價錢，真抵抵抵，亦食得好開心。 冷盤有蝦，青口,蜆,壽司，魚生，新鮮沙律菜,亦有羽衣甘藍，熱盤有，即切牛扒，魚，湯。 飲品任飲，熱檸茶，凍檸茶，熱咖啡，有即磨咖啡，好好食嘅海南雞飯。 甜品都有幾多選擇蛋糕，葡撻， 朱古力噴泉， 好多配料任加， 又有生果， 雪糕有movenpick，又有pancake， 豆腐花, 綠豆沙，紅棗糕。$356.4/2位，由2：30可食到5：00. 食到飽晒，先係$178位，正。

屋苑旅行團所舉辦的自助餐，據說是來這間酒店的午市自助餐，慕名而來。但是結果，原來不是普通人會去的那一層😫，因為畢竟人數都有整整三架旅遊車，因此是訂了另一層，應該是商用會議室，才能容納這麼多人😢。然後，在這一層，就放了那些烘熱，又或是保溫的器皿，盛載食物，這個感覺，酒店自助餐，就好像差了一大截😖，這種感覺，比較接近旅行社舉辦茶會，供旅行去聽茶會時那種自助餐，而非所謂的酒店自助餐。刺身都只有鯛魚及三文魚兩款，其餘都是些壽司。三文魚還好，不夠肥美但亦沒雪氣反而比較多人上前去爭取的，竟然是豬腳薑，豬腳薑的蛋，煮完之後不算極之吸味，正正常常。反而，我覺得豬腳味道反而吸引，因為豬腳大大件，豬皮上面沒有吃到任何豬毛，而中間的豬肉亦都不會太粗糙，即是煮吸味了，亦都不算太過柴皮。其他的，就真的頗為簡單，因為印象中，以及搜尋這間酒店的自助餐圖片，都看到有蟹腳、青口、翡翠螺等等，但是這個包團帶了我們到這個會議室的自助餐，竟然完全一點海鮮都沒有。放在燈爐熱着的，通常是牛扒但這兒的竟然只是燒雞及燒汁，沒有牛扒、羊架、等等比較名貴的肉類。反而沙律有薯仔水果沙律，味道不錯，水果夠多。後來恐怕不夠飽要勉強吃多幾件壽司

上次跟老公在灣景國際【灣景廳】嚐過「蟹」之風味宴自助晚餐後，覺得美食滿載、物超所值、回味無窮。今次知道他們會在2-3月推出矜貴的「鮑魚、鴨肝、龍蝦」三重奏自助晚餐，覺得超正，所以首日就搶先去品嚐！ 盛宴一開始，每位可先免費享用1客鮑魚螺頭燉黑虎掌菌湯。打開燉盅，會傳來陣陣菌香，內有精選的南非鮑魚、螺頭及養顏的雲南黑虎掌菌，味道甘鮮，暖上心頭。 飲完湯，便來個刺身海鮮盛，場內有源源不絶的新鮮三文魚、彈牙八爪魚、肥美北海道帶子、鯛魚、甜蝦等。 而海鮮則唔少得加拿大雪花蟹腳、鮮蝦、新西蘭生蠔、青口、冰鎮蝦及沙白等，款式讓人花多眼亂，頓時有選擇困難！ 當中最愛鮮甜的蟹腳、爽口的翡翠螺及肥美的生蠔，不用沾醬都味道鮮明。由於我倆經常眼闊肚窄，所以多數會在開餐之前做好功課，作個重點出擊。知道今次重點是鮑魚、鴨肝及龍蝦，故早在場內走了一圈，看準目標才出手。避風塘炒龍蝦用上波士頓龍蝦入饌，加入辣椒、豆豉、生蒜等，炒得相當乾身，香味直迫上鼻，啖啖的龍蝦肉，香辣味適中，推介之選！ 鮑魚龍蝦海鮮炒飯材料豐富，內有鮑魚、龍蝦、帶子、魚柳、青口等海鮮粒，富口感層次，色香味俱全。 鴨肝蒸蛋配黑松露汁淡黃滑溜的蒸蛋被

新春團拜，不少人會選擇吃自助餐，因為不用為點菜而煩惱，新一年要豐衣足食，又怎能少得了矜貴食材？！所以我就來到位於灣仔的灣景國際The Harbourview 灣景廳品嚐「鮑魚、鴨肝、龍蝦」三重奏自助晚餐。一入酒店lobby 放置了超巨型的桃花，滿溢新年節慶氣氛。餐廳環境寬敞，座位之間不會排得太擠，店員勤快收碟執拾，坐得舒服自在，食物refill 速度亦夠快。自助餐勝在花款多，同枱食飯也可各自「修行」，香港人吃buffet 最在意就是要吃到回本，這裡的海鮮吧款式夠多，回本之餘又可食盡海上鮮。集合各種優質的冰鎮海鮮如加拿大雪花蟹腳、新西蘭生蠔、翡翠螺、鮮蜆、鮮蝦、新西蘭青口及麵包蟹等，海鮮控必能大飽口福。生蠔肉身非常肥美，肉質厚實爽滑，海水味濃烈，蠔味留在口腔久久不散。麵包蟹內儲滿豐富的蟹膏，甘香軟滑，封滿整個蟹蓋。蟹鉗更是啖啖肉，新鮮爽口，吃得甚為滿足 *o*魚生夠鮮美，肉質油潤而軟滑，帶出鮮甜的魚味。鮑魚螺頭燉黑虎掌菌湯每位只限1客的燉湯真材實料，精選南非鮑魚、螺頭及具排毒養顏功效的雲南黑虎掌菌等食材，以上湯原盅蒸燉，喝得出沒加味精，每一口盡是精華，恍如注入一股暖流，真是暖身又暖心。龍

其實對呢間餐廳真係情有獨鍾！有睇開呢間餐廳嘅評論都會發現小弟經常出現， 因為呢度嘅自助餐所謂嘅「性價比」係高嘅！ 講緊有片皮鴨、特色主題、兩款燒肉、四至五款刺身、七至八款movenpick雪糕、 自行沖調茶、啡、鮮橙汁及汽水任飲，又經常有discount 嘅自助晚餐收400蚊頭左右甚至以下，「灣景廳」絕對超值。當然如果要以高級日本料理或者以名廚級數 開嘅餐廳扒房去跟呢度嘅食物質素比較，咁呢度當然會係差啦！😆 但問心講有試過呢度嘅朋友應該知道我所言非虛， 唯一暇疪就係今次呢個主題「海膽和牛盛盒」海膽嘅比例真係少之又少， 因為通常好多海膽入饌嘅食物都係「海膽汁」，憑記憶有一個「海膽千頁豆腐」係有少許海膽肉😂 唔好期望食到一板板嗰啲海膽…… 但係和牛就絕冇欺場，煎、炒、燉、炸、沙律乜都齊，估算海膽同和牛嘅比例係2:8啦！😓

之前試過呢度嘅夜晚buffet覺得性價比好高，提前落訂又有優惠，計落一家四口都唔會千零落樓，而且食物質素唔錯，尤其係熱葷，無錯，係熱葷！九成自助餐熱葷都做得唔好，但呢度係會令食嘅！所以今日再嚟食午餐，可以嚟見埋聖誕老人開心吓！離唔開食海鮮先嘅習慣，藍青口好鮮甜，翡翠螺亦夠爽口，最驚喜嘅居然係大蜆，無諗過隻蜆咁好食！大蝦肉爽彈牙，好新鮮呀！聖誕梗係要食火雞嘢！一啲都唔靭仲好香，改變咗一貫對火雞嘅偏見，仲有燒牛肉亦好好嫩滑，個人獨吞兩件，已經飽咗一半！午餐只係二百幾，都有幾款芝士㨂！我仲可以配埋乾果一齊食！熱盤我就好like呢個炒蝦仁，夠鑊氣，其實另外仲有好多好嘢，但無得po咁多相，無計！即炒檔口有煎蘿蔔糕，好香口！心愛嘅刺身呀！勁新鮮好味，淨係呢盤都抵晒！甜品區啦！十級推介即製窩夫，口感好軟綿細密，外脆內軟，個粉漿勁得！聖誕亦有特備傳統聖誕甜品，好似充滿乾果香嘅聖誕麵包、用乾果加咗啲酒調成嘅聖誕布甸,、亦有聖誕蛋糕等等，完美！一般嘅芝士蛋糕、熱情果慕絲都好唔錯，忍唔住食咗兩件！同埸仲有好多甜品，不過最開心係有聖誕老人派禮物、全場抽奬呢啲額外環節，唔係齋食就算，係有用心度節目俾食客嘅餐廳！

其實我相信有好多睇過灣景廳食評嘅人，都會見到我嘅食評經常出現， 因為呢度對於小弟嚟講真係有一定水準， 而且對於居住港島區嘅我都比較方便。 加上極度喜愛食buffet 又要揀選一些性價比嘅餐廳，呢度係一個唔錯嘅選擇！ 先講返今次午市自助餐嘅食物， 都係keep住應有嘅水準！ 比較驚喜嘅今次有一道即炒西班牙飯， 簡單嘅配料:碎蝦肉粒、碎洋蔥粒、碎蕃茄粒，加醬汁炒濕潤程度剛好，抵讚 但係今次嘅小小瑕疵甚至係敗筆就係雪糕出事， 首先戴返頭盔先😂， 因為餐廳好似冇註明或者保證午市自助餐係邊一個品牌嘅雪糕， 但係根據小弟當咗呢度係食堂嘅經驗， 無論午市或晚市嘅雪糕都係「M記」！ 好多幫襯過嘅市民相信都會知道， 但係今次竟然意外被小弟發現係一個歷史悠久嘅香港品牌的雪糕~ 或者可以叫係最平民嘅雪糕， 呢樣嘢真係令我有啲驚訝！ 或者從冇諗過呢間酒店餐廳嘅最耍家招數都會甩轆， 加上佢午市嘅價錢亦從來冇改變過， 明明喺早個月(11月)食咗兩次午餐都係M記， 反而到12月會有咁大反差， 搞到我都忍唔住即時 pm酒店反映意見， 其實呢間酒店餐廳嘅生意都幾好， 無須將貨就價經營， 真係自己一廂情願希望今次係意外！

呢一度其實已經係小弟嘅飯堂！ 加埋呢一餐我11月已經幫襯咗三次！ 分別係兩次午市自助餐加埋呢一次， 講返正題， 呢度嘅晚市主題自助餐其實從冇失過手， 如果經飲食網頁或者apps訂位， 四百蚊樓下食到咁嘅陣容絕對係超值！ 提醒各位巴絲打， 正因為佢晚市主題自助餐做得很出色， 基本上你要預訂一星期內食係比較困難， 講番食物質素， 今次主題和牛同海膽嘅比例基本上係八二比， 可能因為海膽價格較貴同埋入鐉嘅菜式較少， 憑記憶只有海膽汁海皇千葉豆腐、 一個類似西班牙飯嘅海膽燴飯、同埋每人一客海膽汁煮元貝+和牛粒， 如果期望想食有「型態」嘅海膽相信會失望！😂 不過其他大部分菜式都係有和牛，都係「名副其實」嘅！ 燒肉方面都係羊架+燒牛肉、 刺身都係最耍家嘅吞拿魚、三文魚、希靈魚、甜蝦+ 七點半後先出場嘅鮮帶子！ 當然有凍海鮮及任食生蠔啦！ 今期「響鐘」甜品係火燒菠蘿，小弟真係冇乜興趣！ 雪糕依然係M記8款選擇，凍熱啡茶自己調配，汽水可樂、雪碧、鮮橙汁， 基本上都滿足大眾需要。甜品其中有一個法式焦糖燉蛋， 呢個比較弱咗啲~ 因為唔熱唔凍，仲有啲水汪汪， 所以我食咗一個都唔食同埋都冇乜人攞，不過整體真係可

其實灣景廳對我一啲都唔陌生， 因為本人和家人不論節日聚餐或者想食buffet嘅時間首選都係呢間酒店。而且每逢更換主題都必定會嚟一試。呢度中午嘅自助餐分咗兩輪， 其實約個幾星期之前已經試咗次輪自助餐，兩點半食到五點，比首輪平廿蚊。 今日就試下首輪自助餐睇下有乜分別？試過之後其實冇分別， 有可能中午黃金時段比較多人所以可以收貴啲！ 不過經apps訂位絕對做到物有所值， 海鮮除咗冇生蠔、龍蝦、蟹腳，青口都有兩款包括藍青口同普通青口， 另有凍蝦同沙白(蜆) 都ok啦！ 不過小弟今日比較欣賞佢一款西湯~ 椰菜花忌廉湯！ 夠濃味夠杰身， 我覺得西式湯應該係咁樣😋 另外熱食有紅酒燴牛尾同埋鴨胸配橙燒汁，都係比較得手嘅熱食！ 另外有四款m記雪糕， 中午自助餐嚟講都比較得手㗎啦！ 凍熱茶啡自己調配， 另外有鮮橙汁， 咁樣都係比較方便客人嘅。 基本嘢都冇乜特别挑剔㗎啦！ 想坐得舒舒服服又用一個相宜嘅價錢食午餐呢度係最佳嘅選擇！👍

慶祝生日想食Buffet,見到openrice port左優惠出來，訂位可以$448位(星期六價)，果個月生日每位減$30，於是就黎左食。其實，灣仔區有呢個價錢既Buffet仲要有生蠔食，已經對佢要求唔高，但當我食佢既時候，就發覺D野味道都唔錯，凍熱檸茶仲可以自己任冲任飲，都算值回票價🤣🤣

今晚係為家中嘅大當家~父親大人嘅生日晚餐。 其實呢間酒店餐廳不論家庭聚會或二人世界，平均一年差不多都幫襯十次或以上，甚至今年農曆年前嘅團年飯都係喺度食！ 講番今晚嘅主題就係「蟹」！有好多用蟹入饌嘅食物，凍食海鮮都係一般應有盡有~ 生蠔、蟹腳、青口、沙白、當然加埋配合主題嘅麵包蟹，真係夠曬選擇。小弟自己覺得生蠔較為可取， 可能只得半場食客關係，餐廳又refill得快，所以生蠔源源不絕供應，而且就如相片中所顯出又大隻夠肥美 另外推薦嘅就係刺身部分，其實最基本供應四款~ 三文魚、吞拿魚、甜蝦、同埋由七點半先供應嘅鮮帶子。各款刺身都好新鮮，我覺得食鮮帶子簡直係回本，形狀可以話大個一個五蚊銀，甜蝦都唔會吝嗇，一次過畀一執:約有十隻以上。燒肉類有燒牛肉同羊架，兩款都皮香肉嫩及帶少許脂肪(肥膏)， 又係抵食回本之作，其他如黑松露蟹肉蛋沙律配麵包、炸蟹餅、黃金軟殼蟹、仲有好多以蟹肉入饌嘅食物不作陳述。每人一客嘅梳乎厘龍蝦湯算係「中亭」， 特別甜品有一Round係要打鐘通知食客嘅十勝紅豆抹茶pancake 都唔錯， 飲品都頗多，汽水有可樂及雪碧、鮮橙汁、凍茶、凍啡。熱飲就咖啡機、檸茶， 六位以上送一渣啤

見尼幾日多左d涼意，當然要捉緊時機，嘆蟹宴！前果排，同朋友仔去左灣仔 灣景國際灣景廳，嘆「蟹」之風味宴自助晚餐，尼餐絕對令人回味無窮！尼度嘅自助晚餐係由六半開始，估唔到咁早已經食客滿滿，今次係衝住一系列唔同風味嘅蟹品菜式而嚟。一切由熱辣辣嘅【梳乎厘焗羊肚菌及加菲蟹濃湯酥皮焗濃湯】開始，打開面頭嘅酥皮，即時傳黎香噴噴嘅濃湯味，排隊拎果時，個waiter哥哥話個湯頭係用蟹殼連蟹黃熬成！入面真係有大大塊嘅加菲蟹肉、羊肚菌，個湯入口好香滑，啖啖都有蟹肉嘅鮮甜，梳乎厘口感輕盈，大家記得一坐低就嘆番盎暖下身先！最吸引眼球嘅係【花雕蛋白蒸雪花蟹鉗】，用我最鍾意嘅花雕酒、蛋白混合再蒸煮，而頭再鋪上雪花蟹鉗，食落蛋白好嫩滑，重有淡淡酒香!蟹鉗肉鮮甜、嫩滑，同蛋白嘅味道好Match!重有【阿拉斯加蟹肉芝士撻】，芝士撻上層烤至微蕉，濃濃嘅芝士，又香又滑，再加上絲絲嘅阿拉斯加蟹肉，正呀！【牛油果蟹肉鍋巴】好啱女仔食，香口又健康，面頭D牛油果同蟹肉好match，牛油果入口好軟滑，味道鮮明，加埋底層嘅鍋巴，香脆可口!【香芒蟹餅】外層係炸到金黃色嘅麵包糠，咬落去外脆，內裡有甜中帶酸嘅果茸味。除左一系列嘅蟹品菜式外，

識食一定要食「時令」，秋風起，蟹兒肥，上月尾就跟最愛到灣仔灣景國際【灣景廳】嚐了一餐豐富的「蟹」之風味宴自助晚餐，仲締造了一場回味無窮的金秋「蟹」逅添！ 幸好6:30pm準時到場，原來已有人在門口排隊等入場。今次主廚精選了多款時令螃蟹入饌，讓人一次過可品嚐一系列不同風味的蟹品菜式。場內多款冰鎮海鮮輪流供應，如鮮蜆、鮮蝦、新西蘭青口。 新西蘭生蠔大大隻，啖啖肉，新鮮又肥美。 冰鎮加拿大雪花蟹腳多肉又鮮甜。麵包蟹肉質嫩滑，蟹膏味道又鮮又濃。 刺身同樣會輪流供應，當中最愛肥美的三文魚及北海道帶子。 梳乎厘焗羊肚菌及加菲蟹濃湯 (每客1盅) 正當準備進攻熟食時，有禮的服務員便送上熱辣辣、脹卜卜的梳乎厘濃湯，最初以為是甜品，但原來是啖啖蟹肉的濃湯，很暖胃呢…. 飲完湯，繼續蟹、蟹、蟹！進攻熱葷！ 阿拉斯加蟹肉芝士撻芝士撻一口一個，蟹肉清甜，混入芝士內，口感豐富。 牛油果蟹肉鍋巴蟹肉跟牛油果混合於在爆脆鍋巴上，一軟一脆，特別！ 花雕蛋白蒸雪花蟹鉗 蛋白有微微酒香，蟹鉗肉嫩，味道很夾。 雪花蟹鉗杯 香芒蟹餅 炸蟹餅沾上酸甜芒果茸，即中和罪惡的肥膩感！ 黑松露滑蛋蟹肉布里歐 黃金軟殼蟹 以黃金蝦原理改

踏入蟹季時節，十月蟹肥正飄香，在剛過去的十一假期，我就來到位於灣仔的灣景國際The Harbourview 灣景廳品嚐「蟹」之風味宴自助晚餐，來一頓鮮味無窮的豐盛蟹宴。餐廳環境寬敞，座位之間不會排得太擠，店員勤快收碟執拾，坐得舒服自在。自助餐勝在花款多，同枱食飯也可各自「修行」，香港人吃buffet 最在意就是要吃到回本，這裡的海鮮吧款式夠多，回本之餘又可食盡海上鮮。集合各種優質的海產如生蠔、雪花蟹腳、麵包蟹等，海鮮控必能大飽口福。冰鎮加拿大雪花蟹腳碩大肥美，蟹肉雪白細膩，鎖住原始鮮甜海味。生蠔肉身非常肥美，肉質厚實爽滑，海水味濃烈，蠔味留在口腔久久不散。魚生夠鮮美，肉質油潤而軟滑，帶出鮮甜的魚味。梳乎厘焗羊肚菌及加菲蟹濃湯酥皮湯平時就喝得多了，但將梳乎厘配濃湯就很罕見，創意十足，每位只限一盅，即叫即製熱辣辣送上，烤完後膨得高高，相機食先後就要趕快趁熱吃，吃下去軟綿綿富蛋香。濃湯內有加菲蟹拆肉，鮮黃的湯頭入口鮮甜黏口，相當香滑。雪花蟹鉗杯賣相精緻的凍湯，帶有蕃茄酸香，作為開胃前菜就是最好不過。熱盤亦有不同風味的蟹品菜式，滿足蟹迷的口腹之欲。牛油果蟹肉鍋巴將蟹肉、牛油果等材料打成軟滑的果