灣景廳

其實我相信有好多睇過灣景廳食評嘅人，都會見到我嘅食評經常出現， 因為呢度對於小弟嚟講真係有一定水準， 而且對於居住港島區嘅我都比較方便。 加上極度喜愛食buffet 又要揀選一些性價比嘅餐廳，呢度係一個唔錯嘅選擇！ 先講返今次午市自助餐嘅食物， 都係keep住應有嘅水準！ 比較驚喜嘅今次有一道即炒西班牙飯， 簡單嘅配料:碎蝦肉粒、碎洋蔥粒、碎蕃茄粒，加醬汁炒濕潤程度剛好，抵讚 但係今次嘅小小瑕疵甚至係敗筆就係雪糕出事， 首先戴返頭盔先😂， 因為餐廳好似冇註明或者保證午市自助餐係邊一個品牌嘅雪糕， 但係根據小弟當咗呢度係食堂嘅經驗， 無論午市或晚市嘅雪糕都係「M記」！ 好多幫襯過嘅市民相信都會知道， 但係今次竟然意外被小弟發現係一個歷史悠久嘅香港品牌的雪糕~ 或者可以叫係最平民嘅雪糕， 呢樣嘢真係令我有啲驚訝！ 或者從冇諗過呢間酒店餐廳嘅最耍家招數都會甩轆， 加上佢午市嘅價錢亦從來冇改變過， 明明喺早個月(11月)食咗兩次午餐都係M記， 反而到12月會有咁大反差， 搞到我都忍唔住即時 pm酒店反映意見， 其實呢間酒店餐廳嘅生意都幾好， 無須將貨就價經營， 真係自己一廂情願希望今次係意外！