瀧(日韓越) (已結業)

行街市除咗買餸，有陣時都會意外發掘到啲唔錯嘅小食店，雖然隱身喺街市入邊，但係壽司刺身質素都唔差喎🤩 刺身盛D $178一共有四款刺身，包括吞拿魚、三文魚、油甘魚同埋北海道帶子，每款有三至四件，而且係厚切，魚刺身帶有油花，帶子都鮮甜😆 四款入面個人覺得最值得食係油甘魚，魚味同油咪中間有個平衡👍🏻壽司盛D $168一共有20舊壽司，有吞拿魚、油甘魚、三文魚、赤蝦、帶子同北寄貝，三文魚同北寄貝各有四件，都係穩打穩扎嘅選擇🤭 同場加映花雕雞翼😂😂 估唔到花雕雞翼竟然食到酒樓水準，雞翼醃到好入味，花雕味唔會太搶👍🏻平時收工唔想煮飯，又諗唔到食咩，可以簡單叫個盛合加小食🤭