瀛燒居酒屋

营业中

休息中

🇭🇰 Hong KongAverage expense pp: HKD$400-500+📍Address: 瀛燒居酒屋, Tsuen Wan我哋叫咗串燒4串，雞頸（$32）同埋雞胸軟骨 （$30）比較少見呢二款串燒，雞頸肉食落爽口，雞胸軟骨係雞肉包住雞軟骨，充滿口感。另外白鱔 ($52)同埋黑豚腩 （$38）都唔錯。推介松葉蟹肉玉子燒 （$88），就咁睇都睇到真係幾多料，入面有唔少蟹肉。三點盛合（$128） 包括三文魚、赤蝦、帆立貝，全部都好新鮮，帆立貝好鮮甜！有個好特別嘅小食，河豚乾 （$68）個真係有啲料到，未喺其他居酒屋食過～幾特別，燒到好腍，口感同味的都好好，送酒一流！另外兩個人點左黑豚豆腐鍋 （$158），配上烏冬兩個 56，在加叫飲品，提子燒酌 （$48）、青蘋果特飲 （$29），同朋友放工坐喺度傾吓計，碌下豚肉鍋食下，其實又幾開心🥳仲有佢有$199啤酒冇限時嘅放題，見咁抵本身想叫黎飲吓，可惜第二日要返工，下次會再嚟！

鍾意食日本嘢嘅話好多都會知道荃灣有一間居酒屋，個位置都比較隱世，但係就有兩層，而且通常都好多人！很有日本風味的佈置。嚟到呢度，梗係要飲下酒，食下飛機魚，仲有特別嘅串揚（即係炸串燒），乜都試吓啦！連子鯛（波鱲）$248 燒左上，亦可以揀刺身，不過咁啱今日想食熟野！質感好滑，鮮味，仲可以加啲海鹽同埋酸汁食，更清新層次豐富。串燒雞脾菇$18 + 黑豚腩串$38同樣好香，我最鍾意係黑豚，油脂同肉嘅比例好好；雞脾菇上面有啲木魚，層次夠豐富。串炸一口和牛$24好特別，外皮金黃香脆，裏面嘅和牛熱辣辣充滿油香！海膽甲羅燒$98 旁邊仲有個飯團，成日都有啲蟹子，令口感更加突出，充滿鹹香呢！芝士年糕$48 已經係剪開晒，上枱可以直接食，熱辣辣過下口癮！壽喜燒$158 （牛肉鍋） 白飯$15壽喜燒啲牛花紋分布都幾靚，裏面就有好多款唔同嘅菜，湯底加埋蛋就更加提升口味，我就鍾意加個飯，加啲壽喜燒湯落去，好好味。燒酎特飲白桃$48青蘋果特飲$29燒着香甜得來酒精味好香，白桃味道清新；青蘋果特飲就比較清甜。其他環境

颱風天過後，同朋友係荃灣廣場睇完戲，就係附近搵間餐廳食晚飯，係附近搵到間隱世居酒屋，餐廳內裡四周均貼滿日式海報同日式嘅燈籠吊燈，環境同燈光都感受到日本居酒屋嘅氣氛。餐廳有兩層，上層可以玩遊戲機，也可以擲飛標，同時也有小部份桌遊，仲可以玩骰盅，好適合約埋一班朋友一齊玩。食物方面有日本直送飛機魚、串燒、燒鳥、串揚、玉子燒、燒物、炸物、新鮮刺身、佐酒小食、鍋物、食事等提供，選擇都幾多。▪️松葉蟹肉玉子燒 $88松葉蟹肉鮮味，玉子好嫩滑，蛋味香濃。配埋蔥同蘿蔔蓉一齊食口感更豐富。▪️伊佐木刺身 $348日本直送原條季節魚，本身想食島鰺(池魚)，可惜賣晒。咁我就試啲自己未試過嘅伊佐木，我都係第一次食呢種魚，可以選擇燒魚或者刺身，我揀咗刺身可以突顯到鮮味。伊佐木魚味香濃，味道鮮甜，加埋柚子酸汁一齊食，更可以提升魚味，我同朋友食都停唔到口。加埋辣蘿蔔容、薑蓉、蔥花一齊食，食落更充滿層次。值得推介😋▪️串炸雞肝 $25炸過嘅雞肝外皮好香脆，雞肝食落好粉嫩，加埋酸甜嘅醬汁特別惹味。▪️白鱔(串燒)$52我好鍾意食白鱔，每次見到都必點，白鱔皮脆，魚肉食落彈牙，加上少少檸檬汁更可提升魚嘅鮮味。▪️牛肋筋(串燒) $2

餐廳態度極差，食到廣東蠔時發現隻蠔臭左， 有陣屎味. 我即時通知職員妹妹，妹妹態度都好， 佢話通知返廚房.我哋問可唔可以幫我地cancel . 之後就有兩個職員話咩問題， 蠔味係咁， 男職員即刻用手係個鍋到拎起食蠔食， 之後話冇事， 蠔味喎， 再叫女職員你試吓， 個女職員食完話蠔味囉，廣島蠔係咁嘅味㗎喇， 我遞左好嗅個隻個比佢嗅， 個女職員應該臭到陣嗅味，個男職員即刻話我收你半價啦. 廣島蠔係咁嘅味.真搞笑， 極度唔尊重， 我哋唔係搞事， 只不過係你地d 蠔係嗅， 又唔認， 重要好似冇錯咁. 反話我哋貪你個拆， 不知所謂！飯團/ 餃子味道大致可以. 蟹子沙律份量算多..

環境： 鋪頭唔大，但氣氛好好。貼滿日文poster加上木色裝修似足日本居酒屋！食物：三文魚鐵板飯落哂啲汁食有少少鹹，但味道好。一口和牛串燒高分，豚肉串燒有啲難咬開。脆炸雞軟骨滿分！ 菜鍋不過不失。

After we ended our work appointment at Tsuen Wan, it was already dinner time and remembering that there is a nice izakaya restaurant nearby which I have eaten before, I suggested to my colleague to go there for dinner. 瀛燒居酒屋 was located at Heung Wo Street, several minutes walk from Tsuen Wan West MTR.The environment and ambience were Izakaya-feel in Japan. Their menu was extensive, offering sashimi, sushi, skewers, hotpot, salad, fried items, appetizers, rice or noodles and drinks etc. Dumpling

荃灣出名食肆多但人都好多，因為同朋友去逛南豐紗廠，所以便在附近搵食，搵到一間居酒屋，便試一試。2 個人叫了Shabu- shabu ,加一份牛腸，另外因為見有到多款玉子燒，所以也叫了一份鰻魚玉子燒，另外還叫了啤酒及明太子雞翼（雞翼忘記拍照），2個人也就差不多。shabu-shabu ，明太子雞翼都是okay 的，而牛腸也不俗，稔及入味，但反而玉子燒有點失望，因為我頗喜歡吃玉子燒，而若果一間餐廳有多款玉子燒選擇，那代表餐廳對自己的玉子燒有信心，所以期望增加，但可惜，這裏的玉子燒只是一般，蛋有點over-cooked , 而且鰻魚也有點腥， 反而那杯suntory 黑白啤卻有意外驚喜，白啤是一般beer， 味道較淡， 而黑啤是麥啤，味濃但相對亦較苦，2者溝在一起真的有互補長短的作用，味道不會太淡，但又不會過苦，個人是頗喜歡的，大家有機會可試試看。

今次約好朋友到荃灣四周圍去搵食，朋友喜歡食日式料理，我們決意去荃灣尋覓。竟被我們找到一家很有日式風味的居酒屋，名為「瀛燒居酒屋」， 餐廳佈置精美， 完全仿照日本的居酒屋設計， 彷如置身於在日本遊。食物方面我們點了廚師發板非一般壽司盛合之「極上御前壽司盛合」包括有精美壽司10 十貫及小卷一客。 廚師發辦的壽司很有驚喜，10款不同口味的新鮮海鮮，加上用A級日本米，入口吃到滿口日本風味，水準極高。明太子玉子燒， 雞蛋甜美，配上微辣的明太子，口感層次分明。沙律方面，點了三文魚紙卷， 三文魚鮮甜，米卷加上蔬菜後感清新。壽喜燒牛肉鍋也值得一試，湯底香甜，牛肉 肥瘦分別，帶牛肉油脂香味，火鍋料十足，2人share 剛剛好。居酒屋只沒有茶水提供，顧名思義一定要點飲品， 我們選擇了青蘋果特飲白桃特飲，味道都不錯，而且又清爽。

星期六晚上，店舖差不多坐滿，睇咗食評唔錯先過嚟，點知食到一肚氣！一坐低叫咗清酒，跟住諗住飲啖水先，店員話屋酒屋關係，所以無提供免費水，要喺manu 選擇，咁我地就照飲，跟住慢慢由刺身開始食起，刺身等咗超過半個鐘，清酒都差不多飲晒了😓刺身嚟到好期待，因為實在太肚餓了！結果刺身正正常常，部分唔夠凍，帶子無乜味，充飢嚟講算ok! 之後叫串燒，唔知等咗幾耐，再催佢地順便問吓有咩野食係可以快手有得食，跟住就加咗枝豆，希望有啲野食落吓肚同埋送吓酒，枝豆真係快上，再等多陣，其他串燒都到了，牛肋筋唔錯，牛舌一般，雞皮還可，整體正常質素！之後千呼萬喚出來既係燒飯團，真心好食！有水準！但當我地想再order時，店員話已經過咗last order! 唔好意思，我第一次嚟，真係唔知佢地收幾點，同埋唔知幾點last order! 我之前只係聽過條女同隔離枱講話last order，但無過嚟同我地講，我仲諗緊係咪有限入座時間，原來唔係！條女仲要埋嚟話自己有同我地講，真係唔好意思囉！可能我地兩個人都時運高，完全聽唔到？之後佢仲好無禮貌咁走咗去，我完全唔知點解要受佢氣，仲要事實入咗佢真入係無講過！咩事？之後又走返上嚟

🌟呢餐係：「chill到爆居酒屋」嘅一餐以前去親日本旅行都一定要去居酒屋，今次喺荃灣咁啱經過發現一間平時都冇乜唯意嘅居酒屋！😍 留咗名同電話之後就去隔離商場行，唔洗喺30幾度嘅大型室外焗爐等，實在太好了🥳 行咗一陣就打黎話有位，咁樣等位真係好好多，起碼唔會燥底先👍🏻🥟雞皮餃子$58雖然menu冇寫招牌，但係見台台都有碟就嗌咗碟黎試下。每隻餃子都包咗兩層雞皮，個人覺得厚得濟，所以唔夠脆同埋滲油味都太重 😣 但係個餡好香韭菜味👍🏻 🦪 味噌廣島蠔鍋$168廣島嗰隻土手鍋會係個鍋表面搽層味噌，但係呢個就唔見有啦。飲落湯底都冇乜味噌味，淨係得滲蠔味，有啲單調。配料都算俾得足，而且蠔都有6隻大大隻嘅。雖然算ok抵食，但係味道方面就有啲失望啦🥺🐟花魚一夜香（半條） $88第一次試一夜香😍 味道比想像中普通咗啲，但係勝在唔鞋同埋味道都香👍🏻 🐔阿波尾雞肝（半熟）$25未脆內軟，味道濃厚。小編個人唔太鍾意雞肝嘅口感，但係竟然獲得同行的超級嘴刁王嘅寵幸，如果你都鍾意雞肝都值得一試！🐔阿波尾雞胸軟骨 $30調味淨係落左鹽同黑椒，自己再jit咗啲檸檬汁，食落好清爽👍🏻 🐔雞蔥串 $25呢個極力推介😍 照燒汁

Happy Friday 👻放工就最啱去居酒屋飲返兩杯🍻今次就去咗荃灣呢一間望落細細但係有樓上雅座嘅居酒屋🏮但係我去嘅時候係星期四🤣同埋冇嗌酒飲🤣🍺海膽甲羅燒雖然有海膽，不過蟹膏嘅味完全蓋過晒海膽嘅味😮‍💨但係燒到好香〰️撈勻之前同飯團一齊食好食〰️極上·御前壽司盛合感覺係新鮮嘅壽司🍣每件都幾好食👍🏻同埋啲刺身望落可能薄但其實都算係幾厚〰️食落唔會覺得唔夠👍🏻牛舌芯，白鱔，雞葱串三樣嘢都幾好食〰不過不失係冇乜特別嘅串燒️〰️阿波美半熟雞肝，阿波美雞心除咗真係半熟之外其實冇乜特別〰️味道正常唔會驚因為半熟而有異味〰️雞心都係不過不失〰️食到鹽味冇乜特別〰️

心血來潮想食日本菜就SEARCH下附近邊間好評搵到呢間店記起一年前都黎過印象中記得不錯所以今晚ENCORE由於大家都唔太餓只係想食下小食飲兩杯咁就點左~雞胸軟骨串燒~雞腎串燒兩串都好味即叫即燒雞腎有時怕處理得唔好有怪味呢度唔會有又唔會過熟個口感幾好~鐵板飯(黑椒汁)呢個見幾特別試下個飯黎到STAFF提要快D淋汁個黑椒汁好香黑椒味搞雲之後就可以食食落其實OK不過又無特別下次食番燒飯團呀~清酒有得每胡酒咁ORDER好方便人少少怕叫一支大既飲唔晒呢個清酒算易入口又唔會好嗆喉幾啱女仔飲

今次用餐很不愉快，二樓女性服務員態度非常不禮貌，朋友不舒服想要熱水/熱茶，但餐廳沒有，要我叫飲品，叫了飲品也依然無法提供暖水。後來叫了鍋物，想飲暖湯，但服務員抱怨我們把湯飲完導致最後一隻大硯無開（但我們並沒有投訴硯無開），後來服務員加了滾水給我們並很串叫我們不要飲光，因為只是滾水。鐵板鰻魚飯相當普通，等了一小時，只有白飯加一條鰻魚及粟米粒，鐵板不熱，味道不夠，而且服務員態度超差叫我地‘麻煩你地自己炒個飯’。是次消費1000元以上，但相當不愉快，不會再有下次！

飛魚長相奇特 胸鰭如同機翼般大而長🐠憑藉流線型的體型能夠躍出水面十幾米 比起其他魚類刺身 最喜愛飛魚那鮮嫩爽口的肉質🤤.這間居酒屋除了燒物外 刺身丼飯鍋物應有盡有🍱店內吊著一盞盞紙波波吊燈 牆上更貼滿昭和時代的海報 風味十足🎏.飛機魚刺身 | Hkd $378

行完山落市區，當時嚟講呢間比較就腳，本來冇太大期望純粹想快啲有嘢食，竟然俾我哋遇到好東西從環境同擺設睇得出舖頭好有心思，牆上貼滿帶有日本風嘅海報，又掛咗一啲日式燈籠，成功營造出居酒屋嘅感覺樓下滿座我哋上咗一樓，開頭基本上冇人，俾我哋包咗場。以為部遊戲機只係裝飾，後來見到有食客玩，原來真係玩到嘅食物方面好多種類：日式烏冬、鐵板飯、燒物、炸物、刺身、壽司、玉子燒、仲有啲期間限定...嚟飲酒嘅話真係可以坐成晚我哋嗌左燒河豚乾、味增廣島蠔鍋加烏冬、照燒原條魷魚筒、仲有自家製柚子茶燒河豚乾$68佢有少少厚度又帶濕潤感，食落有魚味同焦香味但唔腥，跟蛋黃醬上面灑咗少少七味粉，個醬係神來之筆，提升咗整體味道層次，有驚艷嘅感覺，用嚟送酒一流味增廣島蠔鍋$138+烏冬$28上枱嗰陣全部係生料，跟個鍋慢慢煮熟，等咗冇耐有得食，兆菜有少少苦，味增偏甜調得唔夠濃，但蠔嘅質素高，一鍋六隻，每一隻都好飽滿咬落充滿蠔汁，本身鍋底有薯粉，再加咗個烏冬飽得來又索味，最後嗰啖湯有蔬菜甜味又有蠔嘅鮮味，係精華所在！照燒原條魷魚筒$128魷魚肉厚，燒汁同樣調得唔濃味，加返啲新鮮檸檬汁吊味即刻醒神曬，咬落帶啲燒過嘅香味，對得住價