濠餐廳

营业中

休息中

來到的時候，見到在座有人已經在吃甜品，What? 唔係已經食飽打算走喇嘛?馬上出去攞嘢食。這裡最吸引我眼球的，正是在游泳池旁的幾個檔，原來是燒烤。當中有中式的燒乳豬，也有牛扒腸仔等，仲有梗係唔少得燒牛肉啦！最喜歡燒乳豬，皮脆肉嫩，拿一大碟回來，大家夾呀夾，不消一會已經清碟。又回到基本步。冷盤以及刺身壽司，呢度都有齊。我除了跟平時一樣吃很多Cold Cut之外，也嚐了些刺身，個人比較喜歡三文魚，覺得比吞拿好些少。去到海鮮類，蝦、螺、小龍蝦、青口、帶子，以致麵包蟹乜乜乜，各試了丁點，大致都可以，種類唔少。以咁既價錢，吃到咁多既海鮮，收貨了吧！吃完一輪海鮮過後，循例都整少少熱葷食吓，叫做試過丫嘛。魚肉起碼唔會太嚡口，西班牙海鮮飯好足料，還有中西湯品，適合平時缺少湯水的朋友，想不到更有印度風味美食。呢度既甜品選擇都唔算少，各式各樣的蛋糕，以及慕絲等，色彩繽紛。拿了件撻，一般般，可以不理。黑森林蛋糕、草莓慕絲等，則正常得多。個人認為，最好吃的，是自制窩夫，唔知係朋友手勢好，還是咩原因，成品鬆脆好吃，伴以雪糕，真想Encore。大家風花雪月一番，又是愉快的一個晚上，下次再聚，會是何時?

早前Aminn就來個池畔燒烤自助餐一走進濠餐廳發覺環境幾光猛因為除了餐廳的燈 也有外面泳池的大光燈食物區種類算多 大部分分區都有8種或以上食品冷盤有長腳蟹, 青口, 大蝦, 龍蝦仔等大蝦絕對推介 比對面的刺身還要鮮甜!!沙律吧也是另一推介 除了有幾款現成沙律旁邊以為主題的一區有很多沙律菜而且其中一款沙律醬汁是酒店方面自行調製的到印度區有不同肉類和雜菜的咖喱 亦配有飯和薄餅酒店方面還取得烹調證明 是很正宗的煮法熱盤方面有多款中式小炒推介日式蒸蛋 好滑好滑其實到暫時沒有吃了很多東西 要留肚喔~主題池畔燒烤就在外面的泳池旁邊有多款肉類的美式燒烤, 粵式燒豬, 還有越南河粉和燉湯重點有煎鵝肝 還有附上麵包減油膩!!(回味再回味~)同一檔還有鮑魚 不過這款不是原隻的喔~飲品方面有幾部自助咖啡機提供不止咖啡飲品的!另外還點了餐廳在做promotion的菠蘿飲品用餐其間餐廳突然調暗了燈師傅就推着"火焰雪山蛋糕"出場這個”表演”Aminn在小時候也看過!!(大概20年前......)大家都走出來相機食先~ 影完相後師傅就開始分派蛋糕甜品方面已經吃到大半飽所以淺嘗就算還是去玩玩部waffle機 上個月才

日前收到呢間酒店既Promo電話, 係介紹呢間餐廳新推出既野食同折扣優惠, 其實我好耐之前都食過, 但當時好少野食, 唔太中意; 不過我見有時間咪照聽囉…佢同我講依家做緊個promotion 講個密碼就會有六五折, 我聽到又幾吸引Wo, 番到屋企同我女朋友講, 佢話佢屋企人又想試下咪即刻去book位lo, 當日去到環境冇乜變, 但D野食就唔同左好多, 賣相又幾吸引, 跟住我問果到餐廳同事,呢到係咪轉左廚房同幾時開始轉型, 好快個餐廳經理阿Ray走過黎同我介紹,佢個人都幾nice嫁, 好樂意同我傾, 又同我講下呢到可以做D細型party價錢可以傾下。 女朋友話D食物都多左好多, 又平又抵食, 想下次同我再食過buffet , hehe~~~~

日前收到呢間酒店既Promo電話, 係介紹呢間餐廳新推出既野食同折扣優惠, 其實我好耐之前都食過, 但當時好少野食, 唔太中意; 不過我見有時間咪照聽囉…佢同我講依家做緊個promotion 講個密碼就會有六五折, 我聽到又幾吸引Wo, 番到屋企同我女朋友講, 佢話佢屋企人又想試下咪即刻去book位lo, 當日去到環境冇乜變, 但D野食就唔同左好多, 賣相又幾吸引, 跟住我問果到餐廳同事,呢到係咪轉左廚房同幾時開始轉型, 好快個餐廳經理阿Ray走過黎同我介紹,佢個人都幾nice嫁, 好樂意同我傾, 又同我講下呢到可以做D細型party價錢可以傾下。 女朋友話D食物都多左好多, 又平又抵食, 想下次同我再食過buffet , hehe~~~~

(奴)上一次食已經係大半年前，之前印象不錯，呢個價位可以食到呢個質素算唔話得～但今次⋯有2款食物令我失望到谷底⋯⋯⋯由於係星期六又近父親節，超多人，因為WAKE－IN入所以坐門口位置，雖然時時有人行黎行去又冷氣滴水⋯不過勝在去拎BBQ夠方便(阿Q精神)折左都算抵食，食物比起另一間沙田酒店自助餐好得多，但⋯⋯⋯日本豬肉煲⋯最好食唔係主角豬肉而係蛋，菇係苦⋯我以為自己食緊中草藥期待的燒牛肉，由細食到大間間都好好食⋯但今次真係令我美夢破碎⋯第一次食到咁冇水準既燒牛肉！乾到一個點，又冇牛肉味，放入口完全唔知食緊咩⋯食左一塊已經冇動力去食第二塊(之前係至少食3塊)鵝肝，即叫即煎，本身食材好食所以點都唔會難食得去邊～不過覺得有D咸反而底下塊多士有驚喜！本身以前係放左好耐乾爭爭，不過一咬就知係另一回事！係新鮮既脆身而唔係放得耐既硬身，吸左鵝肝油十分甘香美味！！！關東煮，冇特別沙津款式不算太多，不過味道不錯食自助餐另一個重點就係食甜品！有自製窩夫，加個雪糕球不知幾好食！食哂咁多件CAKE，更好食都係朱古力蛋糕～所以即叫即整的都係戶外，見到廚師們大汗滴細汗煮都覺得佢地辛苦

以前都聽講過呢間嘢食物一般, 招呼又一般, 價錢都係一般, 唔通係地區性問題? 預早兩星期已經用TABLEMAP訂枱, 過兩日有餐廳職員打嚟confirm個booking, 我當時已經問係咪用tablemap有discount, 佢又要我比個唔知咩no佢, 問佢係咪book枱果個confirm#, 佢又話唔係, 又唔清楚, 會問下同事, 然後第日打返比我, 但一直都冇, 都食buffet當日, 我早午打嚟問同一個問題, 呢個就答話叫我print返張book枱記錄就得, 到去到食果陣, 個經理埋嚟問幾多位, 要mark數時, 我再問多一次係咪有discount, 佢又話冇, 我重覆由頭到尾講返一次成個故仔, 佢先好勉為其難咁做返個discount比我, 都唔知佢地有冇溝通? 激死, 未食已經一肚氣~  開頭唔知係咪時間尚早? 六點半左右, 只得幾枱客仔, 而且全部都係人少少的, 所以覺得幾舒服, 拎嘢又唔駛同人爭, 慢慢行完成個圈先再拎食物都未遲.............  冷盤始終都係要嚟個冷盤打頭陣~  佢魚生都係得四款, 我要咗其中三款(三文魚、希靈魚、立魚), 全部都好新鮮

年三十晚團年飯，諗住話哂之前黎過都算ok，點知今次黎食真係冇哂以前既質數。熱食款式少又鹹，得海膽炒飯唔錯。BBQ燒到好干好難入口，壽司還可以接受。海鮮refill算快，但葡撻8點左右就好似冇得再出。甜品最差，芝士蛋糕以前個nuts脆底換成個唔知咩底味道好怪，朱古力蛋糕個底好硬切唔斷，拿破崙又冇refill。出黎refill個黑腳既師傅態度又差，得個豆腐花同以前既差唔多。整體黎講比以前差左好多，希望呢間餐廳工視下問題。

因為上網見到有65折優惠 所有一家大細一齊去食上網book 位好方便 一陣會有人打黎confirm booking 星期日$448 一位 65折跟原價加一3個人約$1000去到環境都唔錯 但係book 位個到好亂  個waiter 竟然搵唔到我個名同電話但明明今日有打黎confirm 其實應該每個客人都有booking no. 入到去發現好少野食  機場個間富豪多好多刺身三文魚唔錯 幾肥美海鮮都係長腳蟹 青口 大蝦 龍蝦仔呢d 熱食實在太少 我都up 唔出 有個白酒煮青口幾好食咖哩都比較伏出面有燒烤食 但大家最好三思 燒到好干好苦冇咩味 食少少就夠甜品都係太少款 唔太好食同吸引原價448黎講實在唔抵 可以有其它選擇！

因成為富豪會員有免費自助餐卷, 於是走來試試, 食品款式算多, 味道都過得去, 一般中價自助餐質素~ 冷盤有海鮮, 芝士, 凍肉, 沙律, 壽司,熱盤有中式小炒, 印度美食, 精選靚湯, 小牛扒, 關東煮, 喇沙,有個池邊BBQ Bar, 但又好一般~甜品有Dryers雪糕, 自製格餅, 各式糕點~最特別的是食食下響聖誕鐘聲, 在廚房推出一架小車, 載有火焰雪山, 即場點燃, 引起全場注意, 不消一會, 就被KO, 內層有朱古力同士多啤梨雪糕, 配朱古力蛋糕外層, 加上蛋白梳乎厘而成~ 都好味但較甜~ 

咁遠水路來到沙田麗豪,除了因為會員有COUPON可以FREE3位,亦因為朋友生日飯呢間BUFFET係6點開始,一開波勁靜,後尾爆左,但有樣野係遲來的食不到,就是麵包蟹當然係勁多膏,食得勁爽歪啦,但係只出現一次,之後的客人相信唔會知道出現過   但推介的是BBQ FOOD,一來可以自己簡食物比廚師燒,二來我真係太愛燒烤食物但係又唔想自己燒雞扒很惹味,肉夠滑.羊架是紅咖哩的味道,2者都不錯3文魚當然穩陣,但唔夠肥,魚味不重.吞拿魚中伏是常識其次推介蒸蛋,燒牛肉蒸蛋好滑,蛋味重,燒牛肉也嫩滑,調味較重,也更能食到油脂香,正!牛肉湯底做得幾好,真係有牛味,有越南的味道OVERALL來講呢度熟食選擇非常多,大部份都重口味,加上有燒烤食物,都幾O岩我口味但如果你係好海鮮冷盤,呢度唔O岩你注意BUFFET6點開波.同埋凍飲熱飲任飲(自己攪)<---I LOVE THISＰＡＲＴ

一行七人食自助午餐，位置寬落舒服，交通當然無新城市方便，勝在唔太多人唔洗同人迫!依間甜品比較吸引我，主菜湯水唔太多選擇，不過有免費自助水吧，簡單檸茶檸水咖啡奶茶都有，好多都無影相掛住食!沙律都有幾款，柚子沙律同印尼沙律最好食，不過都係無影相!前菜有凍盤有煙三文魚、螺、青口、小龍蝦等等，整體都唔錯!刺身得三款比較少，分別係三文魚，鯛魚同吞拿魚，無食鯛魚因自己對鯛魚無咩好感，三文魚開頭2 round都比較新鮮肥美(相中)，不過第3 round開始已經唔肥美，吞拿魚有筋而且無咩鮮味! 而主菜有印度烤餅、雞、鴨、炸魚蛋、烤豬肉、喇唦湯麵等等，唔吸引，以上講既我都無食過，只有烤豬肉!依間甜品對比新城市2+2 Cafe比較多選擇，蛋糕有4款，仲有布甸、朱古力水果噴泉、荔枝囝凍、好多小杯不同口味既甜品大約十餘個款式都唔錯。最後係雪糕，同樣有4種口味，分別係石板街、芒果、杏仁同雲呢拿，芒果比較清新感覺所以都食左2球!平均每人$172食個自助午餐又有免費自助水吧任飲，食物都ok，都算唔錯架啦!

依間餐廳其實預左唔掂~在於私人問題所以依晚純粹同家人一聚食店環境好光猛+有時代感~坐位舒適寬敞而食物區都係基本分類~但種類唔太多冷盤海鮮類只食左蝦+長腳蟹蝦都新鮮..但overcooked長腳蟹唔鮮+好鹹~而肉質帶鞋口沙律類都有幾款~用料新鮮兩款泰式沙律就無乜味道刺身類唔太新鮮~所以無食到印度類..有咖喱牛/羊/雞/魚/雜菜及紅花飯/白飯咖喱雞及雜菜味道唔錯~有咖喱香味汁較濃郁而咖喱魚個汁好稀~紅花飯好乾身又唔夠熱"喇沙湯"..味道唔突出又唔吸引池畔燒烤..標榜有BBQ串燒食物款式約有8-10款..另外仲有煎鵝肝(已戒食)燒物不太特別~肉類燒得較乾肉質鞋+偏鹹~反而蔬菜類好一點餐廳酒精飲品有promotion..好抵飲熱盤鹹點唔吸引~開始轉食甜品反而整體甜品既水準比鹹點更出色中式糕點唔會好甜..桂花糕好香cheesecake都喜出望外..有芝士香味又滑而批底仲用合桃碎做脆底..好match更加香中場突然關上燈..藍色聖誕燈就不停閃爍(眼都花埋)之後播上強勁既Star War音樂(古古怪怪..以為準備星球大戰! 哈哈)出去八下..原來特別有個"火焰雪糕蛋糕"出場等食客影完相..廚師開始分

前排收到麗豪酒店打電話來,話做緊自助餐supper promotion,價錢只係200樓下,我收到cold call 仲有special offer, 每人都係12x 本身我都冇乜食自助餐supper既習慣, 但見價錢咁平咪叫埋班fds 一齊試下都無防既。有一晚同班同事收得夜咪走去麗豪試下個supper buffet, 本身都唔係expect得太高,始終都覺得係4星級酒店,食物質素都唔會high quality得去邊。 但一入座, 個到真係有好多樣食物offer, 佢地主打日本料理, 而且仲有自助火鍋,fit哂一大班人一齊食,氣氛好好。除左食物款式有驚喜外, 啲食物質素都值得一讚。以為supper 係啲餸頭餸尾,一定唔新鮮,但係個到啲長腳蟹一食落口真係好鮮甜,好多肉汁,係略嫌佢咸左少少。除左長腳蟹,啲刺身都好新鮮,由啲色水睇得出啲魚生係新鮮切出來。個晚真係眼闊肚窄,可能因為太多野食提供,根本冇可能試得哂haha....最後埋單找數,連埋加一每人都係一百二十幾蚊。真係有一種賺左既感覺,因為啲食物質素真係唔馬虎, 絕對可以比美5星級酒店既buffet。誠意推介比大家!

非常失望!上星期打電話去濠餐廳預訂時，問佢北港道.自助火鍋不夜天周末宵夜自助餐有咩「北港道」野食，接聽個男職員明明話宵夜時段10-12:30PM係有北港道雪場蟹咁我先BOOK，點之尋晚去到時不單止無雪場蟹，簡直係咩蟹都無(佢張海報上明明有雪場蟹腳和普通花蟹，呢D通通都無)，海鮮只有4種(跟本唔係「北港道」既 ):冷盤蝦、冷盤螺、龍蝦仔和冷盤青口;果個「北港道」火鍋更加不知所謂，只有肥牛(100%肯定不是日本牛，而且D肉仲要係黑色，應該係放左好耐)，和另一種不知名牛肉片(D肉又係黑色既 )；熱盤只有4款，仲要全部都係中菜而且又唔係海鮮;呢D咁既野食都夠膽叫「北港道」自助火鍋??當時即刻問黑色西裝個矮部長點解無雪場蟹，佢仲要超級寸咀咁講:「『長腳蟹』要下午茶至有嫁啵，先生你而家係食緊宵夜時段丫，我地有海鮮嫁」，有無搞錯，咁都得，咁即係昆我地啦! 以後都唔會再去麗豪酒店食!!

公司收爐，包左半場黎麗豪酒店食自助餐，唔知係咪咁，我覺得特別少野食，雖然係午餐啫，但咩款都無囉。熟食方面有咖喱雞同咖喱羊，旁邊有白飯，不過賣相頗差所以無試，聽旁人講話味道ok。攞左啲火腿，煙三文魚，少許螺絲粉沙律同一塊炸魚。火腿同三文魚都係雪櫃拎出黎，好勁雪味。螺絲粉好淋同酸，麻麻。炸魚勁厚粉同完全無味。所謂的台式冷麵，有青瓜絲，火腿絲，紅腰豆，粟米等，加少少麻醬同芝士粉，味道淡，麵亦過淋。仲有一個沙律吧，但係得西生菜而唔係羅曼生菜，醬料亦只有千島醬，黑醋汁，同白沙律醬，唔合格。自己沖嘅凍檸茶，現場沒有冰供應，但茶又唔熱，半温吞加上無茶味，難飲。各款甜品，白色個件係荔枝啫哩，甜甜地又煙韌幾好。淨返啲唔掂，淋左過左氣，唔好食。雪糕係全日最好食嘅，正常味。不過付責筆雪糕個位姐姐塊面黑到呢…我都知呢個位係好攰嘅，辛苦哂。個場咁細有五個冷盤位，頭先講過嘅沙律吧，冷麵，火腿，仲有一個馬來西亞沙律吧，黑色加上水流流，完全唔想夾。淨返係魚生壽司吧，有青口，蝦，刺身有三文魚同吞拿魚，壽司得太卷同甜蛋，味道正常。熱食除有咖喱仲有幾個炒雜菜咁，無味又油，不吃也罷。甜品除左頭先個啲，仲有夾餅機，完全自助，痴