濠餐廳

营业中

休息中

從來冇食過咁垃圾既自助餐，刺身食到我肚痛又嘔，老婆鐘意食龍蝦，所以訂位時問佢係咪任食，所謂龍蝦任食係假的，出了4，5轉，每次得幾隻，又多大陸人爭，重要冇味道，講真！冇樣好食，咁既價錢，絕無下次，有小朋友的勿去，冇咩啱小朋友食，失望失望，豆腐花唔滑又凍，楊枝金露苦到呢！食物品種太少，refill又極度慢BBQ嗰阿姐，燒到帶子變 乾瑤柱 ，壽司重攪笑，係唔可能順利夾上碟，壽司D飯一夾就散哂，請我都唔會再去，太可怕的自助餐， 貼錢買難受

見到前一篇食評咁好，諗住去試下，點知中伏。老公知我鐘意食龍蝦，一入門口二話不說就去攞兩隻比我，一食入口冇味道。諗住再去攞試下係咪咁啱喇，點知等左個幾鐘都唔再refill😪。好喇，算食其他野喇，中東菜色味道都可以。但特別失望阿女第一次要比錢食野，但冇野啱佢食。只係食左半碗粉同兩件蛋糕仔佢200幾蚊食得碗粉，呢間野真係要檢討下，你收得呢個小童價錢唔係該你有番啲啱小朋友食嘅野囉。好。。最後講下經典野，老公鐘意食剌身，食左幾碟都冇咩野，但一出門口上左車後就大獲，搭左一個站要即飛落車搵厠所。。肚痾😫😫。所以奉勸小心。

今晚book 左6點鐘一家大細去食自助餐，去到都唔洗點排隊就入左座。本身自己係會員卡卡主其實都本身有折。食到一半有人問我人數，俾我聽到隔離枱講咩一口價，到問我個時我多口問個服務員係咩一回事，個男仔好有耐性解答我係餐廳特別優惠，之後我話我係富豪會會員，佢就教我人數過6位就抵啲，會員卡半價，而家4位就65折有分草，佢仲幫我計埋條數用一口價會著數啲，問我介唔介意唔草分就可以用一口價。眼見間餐廳得5個人做，佢仲咁有耐性講解我聽我真係有啲唔好意思跟左佢意思去做。埋單298一位無加1真係底到爛。有長腳蟹，龍蝦，刺身，燒烤。放題都唔止呢個價。係見到有時加唔切食物不過我都諒解人手真係緊張。本身我都唔係點寫食評嘅人，但心血來潮睇下個OpenRice 見到有人唱衰內心忍唔住要平反。同場仲要見到有人雕難啲待應講咩點解優惠唔可以一齊用個心涼左一涼。希望佢地可以加油，繼續努力。

難得一家人相聚一進去本來覺得環境不錯只是有點冷坐下吃東西就覺得還樂好看了看外面有燒烤區可以夾食物串燒給職員烤但感覺不新鮮冰都溶掉肉類出水感覺不太衛生蔬菜就反而ok食物種類不多以488加一的價錢應該可以有更好的食物三文魚不新鮮但咖哩部分是叫全部食物來說比較好的還有甜品類中的半熟芝士撻不錯還有dryers 雪糕（不過只有三種口味可以選擇飲品方面有三部雀巢的咖啡機咖啡還可以其他飲品特別是茶類很淡沒有味道至於服務員方面人手很不足沒有人收碗碟而且禮貌不是很好更不用說笑容了場內的地板很濕滑不太適合老人家對這次自助餐有點失望下次不會再來了

本人於24.8.2017 約1200-1500 及1730-1752 曾多次致電麗豪酒店濠餐廳(TEL 21321004) 訂座都沒有人接聽, 於24.8.2017 約1752終於有人接聽, 有一男職員接聽, 問我幾位幾點, 該男識員非常沒有禮貌, 我話有生日現金卷, 要分2張單, 1張單要現金卷, 1 張單用一口價, 佢話要分開坐, 我話OK, 訂了25.8.2017 1800 3位。於25.8.2017 1800 到達時, 曾3次要求希望坐側邊2座位加2座位, 該男職員經理話一定要分開坐, 因為全塲滿座。最終要前後2張4人抬分開座。但到尾後, 原來還有很多座位,  該男職員有心要我們3位分開坐, 態度十分差。曾去過其他的富豪酒店餐廳都沒有同類事情發生。希望富豪酒店服務態度可以進步一下！

來過很多次，通常都是家庭聚會，平日時間午餐，地方很乾淨清靜，甜品也不少，很適合帶小孩子或愛吃甜品的人,食物種類可以，味道也不差，價錢合理，很適合聚會談天說地，真的有比較才知道真的不錯。

食物種類多，65折的價錢算不錯。喇沙、甜品、咖啡都幾好。海鮮也算多，食物整體不錯，仲有Dreyers雪糕。不過因為話我們無訂枱，變坐走廊位，就幾差。燈光陰，又焗。送橙汁和收少一位費用作賠償。

其實本身成日都會去麗豪酒店既濠餐廳，因為做左REGAL CARD既會員，所以食自助餐其實幾抵，因為2個人5折，3個人就65折，有時候食放題都要200-300蚊一個人，黎哩度有齊好多想食既野，但埋單都係200-300，所以有時唔知食乜野好，近近地都會去哩度開餐。星期六同屋企人又黎左食LUNCH，鍾意黎哩度係因為佢近之外，仲好光猛，室內環境唔會黑忟忟~其中有一邊係向住城門河河景，所以環境都幾清雅。黎哩度食自助餐，係因為佢LUNCH BUFFET 唔貴，如果REGEL CARD大約百零蚊左右，但LUNCH BUFFET都有長腳蟹食，男朋友最鍾意食長腳蟹，所以黎哩度好容易回本~~~除此之外，佢仲有個刺身BAR同壽司BAR，每次去既刺身都有唔同，都起碼有四五款可以揀，所以都幾多選擇。沙律BAR，佢除左有雜菜或預製既沙律之外，都有好多新鮮生果可以選擇仲有D火腿、芝士等等都係自助餐唔少得既食物。一般既熱盤，其實佢熱盤選擇都幾多，燒味、魚、羊架、韓式炸雞、潮式食物、燉湯等等都有，選擇都幾多而特別既係佢都幾多咖哩食品，平時仲會見到佢真係有個地道既印度廚司喺度打點，所以佢既咖哩都幾正宗既，羊、雞、雜菜既咖

因為有65折 coupon 所以至黎試吓個 lunch buffet.服務ok既，環境好普通。食物選擇真係唔算多，但既然係有折至試吓所以都無話抱好大期望。我個人覺得 lunch buffet 既選擇少d都可以接受，但 dinner 就唔 ok 喇。食物質數好普通，我覺得味道偏中下，少部份既嘢有d難食。沙律、海鮮、魚生同生果等既新鮮程度 ok 既。唯一我覺得好味既係甜品有個軟心芝士 tart 唔錯。總括黎講都係唔好食既，就算再有65折都應該唔會再黎食。除非係住呢間酒店既客人而又免費，否則都唔值得試。最後折左每人二百幾我覺得都可接受，唔算太唔底但同樣價錢就真係可能周街都好過佢。

*端午日的家庭聚餐*睇完城門河龍舟賽，就腳去屋企附近食自助餐。早幾日打電話想book 但係就無人接電話，咁唯有用openrice app啦，去到麗豪話搵吾到個booking，好彩最後都安排到入坐，不過就要坐係餐廳外通道位置，係臨時加開嘅枱 比較暗同焗。食物方面有：現場燒烤蝦魚菠蘿等，印度咖哩，烤羊架，甜品蛋糕比較出色。凍蝦藍青口雪長蟹腳，煙三文魚，即切刺生等較普通。熱湯就非常麻麻。有自助cappuccino咖啡機任玩幾好。Openrice 有65折優惠卷超抵每人2百幾 性價比高。.味道：***環境：***性價比：****

原本因爲有65折，所以去試下，點知令我好失望，選擇少，而且味道吾好食，甜品都還好，其他都吾好食，食物係幾新鮮的，但真係可能係廚師問題，令食物變成難食🙄⋯⋯真係令我有一個難忘既生日，吾會有下次。

呢間酒店嘅早餐buffet我覺得質素都唔錯，一般平時食到嘅都有，例如沙律、粥、熱食等，全部都好新鮮。另外因為佢靠住城門河，靠牆位置可以睇到城門河嘅景色，令我有一個relax嘅早上！

今日試下呢間自助餐。 用咗優惠券，佢原價都唔平㗎。地方環境尚可，客人唔多嘢食都唔多成正比熱葷選擇還可以，不知是否做內地和東南亞客人，連正宗印度菜都有，反而其他大路嘅食物如魚生、壽司就比較弱。水果超多，有位小朋友成晚凈食西瓜、激死！價錢中等唔平唔貴。一句到尾，可嚟可唔嚟！book唔到其他餐廳咪試下囉！

年初四，一家五口想去食buffet, 誰知会中伏！虽然說有credit card $540一位有65折优惠，满是欢喜去，失望回来！沙律新鲜度还可接受，那个虫草花花旗参燉湯苦得出奇，寿司、長腳蟹不甚新鲜，羊扒更是失望，完全没什么味道可言；加开雪山蛋羔，但只限一个派完即無！楊枝甘露得名，材料稀得有点可怜，BBQ还算見得人，不知是否太多order, 越烧越難食！食物没了，茶没了，竟没人去添加，那杯所謂送的橙汁，走之前还未見踪影。一份錢一份貨，真是没錯！

地方環境尚可，客人唔多嘢食都唔多成正比熱葷選擇還可以，不知是否做內地和東南亞客人，連正宗印度菜都有，反而其他大路嘅食物如魚生、壽司就比較弱。水果超多，有位小朋友成晚凈食西瓜、激死！價錢中等唔平唔貴。一句到尾，可嚟可唔嚟！book唔到其他餐廳咪試下囉！