濟州燒肉食堂

营业中

休息中

知道呢間韓燒下午茶時間有八五折所以就嚟試，本身對呢間韓燒嘅期望都唔大因為次次經過都冇乜人，但可能因為時間嘅問題今日去到都錯滿晒人，咁就係閑逸兩點半去食首先一定要話嘅就係侍應嘅服務態度真係唔太好，好似喺度發晦氣咁，擺啲嘢又勁大聲，問佢嘢又唔答，真心覺得服務方面可以改進。其次有驚喜嘅就係午餐肉類嘅質素，真心我食嗰個set豬牛雞都好好食。會再食🥳另外前菜質素都唔差，同埋爐邊嘅雞蛋都好食😋任添加套餐包個飯嘢飲另加錢，另外我哋仲加咗個生菜都要成$38係有啲唔抵但係都幾fresh -牛小排質地唔錯有入口即化嘅感覺我嗰碟有三件阿媽嗰碟有四件-豬五花肉值得稱讚醃得好好味質地同樣好食油脂飛花-雞肉質地滑同樣入味好唔錯!!整睇嚟講都OK性價比都唔錯餐廳環境都幾靚座位寬敞值得再嚟

一行九人,三個家庭，兩大一小為一組合，取位時，九位，分檯坐（ 因為限聚令）, 終於輪到我哋， 帶位個阿姐，同我地講盡快安排，請稍等！ 但講完呢句之後， 入咗兩至三枱，三至四人入座😅😅 好奇怪再講多聲，其實我哋可以分開坐， 遠啲都可以因為好肚餓！ 佢嘅答案，都係安排緊畀我哋，但我心諗 ，唔知佢想安排啲乜？ 再等多一段時間， 有位大叔同我哋講，九個人安排坐一齊 （乜唔係限聚令咩？ ），但只可以比一個爐🙄🙄我問點解？你米當我地三個三個一枱米得囉！ 點解要咁為難我哋？ 當然佢答案都係話安排下！但都係唔知佢安排啲咩！又再等！終於有檯，係五人先入坐，到最後，谷氣吾食走人！因為怕食左之後，同佢哋一樣甘儍，就大件事！

友人生日，想食燒肉，但食得少、唔想放題，搵了一間散點的店試下。朋友揀呢間貪佢係徳福，泊車方便。book 位後才知星期一至四無限時，可以慢慢傾。點了一個2至3人餐，濟州燒肉套餐($658)。三個男人食呢個餐其實唔係好夠食，不過前菜、蛋和芝士粟米任食，呢3樣可以食到飽。前菜有泡菜、醃蘿蔔知醃蕃茄仔。蕃茄仔推介，係用話梅汁味道，酸酸甜甜好開胃，平常呢個前菜要俾錢逐碟買，可以任食都幾難得。燒肉整體質素都幾好，不算上等，但比平時任食的放題的質素高。特別推介豬皮，有驚喜，燒完好香，又有咬口，散點也值得一試。店員服務有禮，不時主動補添前菜、芝士和蛋。坐位舒適，抽風幾好，不會好大油煙。如果唔大食，又想無限時，這是一間值得一試的韓燒餐廳，每人$240，以食物的質素和份量來說，勝價比偏低。對於正常男人和食肉獸，如果唔介意無得任坐，我會建議去返放題，勝價比更高。

想食韓燒🍖但韓燒真係唔多鋪頭選擇諗住唔揀大集團 食下小店點知食完先發現又係炑八個集團☹️🖤揀錯左😭$498 2人餐前菜有泡菜 蕃茄仔可以無限refill泡菜不錯爐邊頭同芝士粟米都可以無限refill個爐夠淺 90分鐘加左4次肉量好少 每樣每人得一至兩件老實講 食完唔夠飽得牛小排比較好食其他質素好一般 任食燒肉質素跟餐薯仔排骨湯上菜時好似幾好飲但飲落得個辣字同咸字餐廳比較細都等左大半個鐘先有位.服務黎講 店員偏少加蛋加泡菜都要叫一陣先有人理你.整體性價比偏低要等位就更加唔會回頭🔷🔹🔷🔹🔷🔹🔷🔹——————————————-味道：服務：環境：性價比：回頭率：

話說二月時同朋友黎食過，當時叫的濟州五花肉相當唔錯，大家都覺得可以再黎！真的昨晚再同另外朋友來吃，也同樣叫濟州五花肉餐。當服務員送上肉時非常疑惑？？立即問這是什麼？為什麼完全同之前食過的不一樣！！眼見這是一塊普通豬肉囉😡😡做生意不是這樣做的，$458 給客人普通豬肉實在不太誠實！其實員工服務態度很好是人客會再次幫襯既其中因素，食物要保持水準才是做食店嘅重點！！要客人會再次光臨就要誠實點～圖一是二月吃的濟州五花腩👍🏼圖二是昨晚的「普通」五花腩👎🏼

其中一樣濟洲最出名嘅美食係黑毛豬燒肉 上一次到訪濟洲有食過 黑豬肉一條街 見到呢間就諗起去旅行嘅開心回憶😆 所以就食呢間🖤🐷唔想諗 所以叫左套餐😆濟州五花肉套餐 $498食堂牛小排醬油梅花肉濟洲五花肉豪快嚴選牛舌食堂蘋果梨汁雞肉墨魚薯仔排骨湯套餐飲品 🍹梅子青檸梳打🍹荔枝梳打前菜同蛋醬可refill服務好好 服務員會主動問需唔需要refill食堂牛小排(鹽燒)好好食 有入口即融感覺❤️食到主角五花肉 服務員主動幫手燒 😍可以唔想我地燒壞左個主角😆重推介嘅我點合配嘅醬汁雖然同喺濟洲食嘅都有少少分別但服務態度好加分當日星期六晚上好多客 店員超忙但服務員依然親切同主動👍🏻同埋真係食到超飽😂😂😂

其實第一次寫食評，本來冇諗過要寫，所以都冇咩影相。但係食完之後搭車諗番 覺得有需要一讚。1）好服務邊爐蛋 ＆ 粟米芝士 ＆ 前菜係任添，每當一食完，待應就會主動行過嚟問使唔使加添，超主動，而且每次份量絕無手軟。相信大家都試過，套餐講明會包任添，但唔等於間間都咁情願係咁幫你添。添到我地明明已經燒哂所有肉，都仲問緊我地要唔要加添😂另外，一開始我就燒左一塊好長既豬肉，長到有d唔知點燒。待應見狀，主動過黎幫手燒一陣，仲話因為豬肉多油，易搶火，所以佢燒一陣先，燒到剪刀可以剪開做細細件之後先pass番比我。超細心以上舉動，不止是其中一位待應的服務，而係基本上係餐廳遊走既所有待應都係咁主動同細心。2) 好味道前菜個醃蘿蔔 同 藩茄仔超好食，食到係咁refill。d肉又林又大舊。個尤魚一塊勁厚，以為會好un, 但完全唔係，係好有鮮味 又有彈性。牛舌唔un, 完全唔知食左舊牛舌。

458蚊一個濟州五花肉套餐。無飯無生菜，有任吃的泡菜，小蕃茄，醃蘿蔔，芝士粟米，泡菜蛋。能夠滿足各位大件夾抵食的你嗎？餐具衛生一般，彩虹水, 有陣油在水面上，詩情又畫意呢~肉的質感，平時你去其他餐廳都有的質素。或者咁講，你落街市買塊現成醃咗既肉放係間餐廳🍴。飯，唔好意思無飯跟。梳打，係糖水。薯仔排骨湯，難吃，碎骨插口，薯仔無薯仔味，排骨真係一舊骨。抽煙系統不太靈光，香香的來，臭臭的去。食完之後肚子空空的，還是再找餐廳試試吧。滿意？好食？扺食？重點，會再來？不了。

燉牛肋肉飯餐$88份量都幾大，有三大塊肉，可惜啲肉乾乾的，成鍋是…肉還肉汁還汁的味道。先說個肉厚切本應是好juicy才對，但係個肉似煲湯肉，乾爭爭的，啲牛味無晒，連啲汁嘅味都無入到去，好明顯不是原汁燉出來的牛肋肉。再講個汁，個味道係中式汁的豉油味，並無韓式的風味。鍋內有其他配菜，紅/白蘿蔔，連蘿蔔應有的蘿蔔味都無，牛肉無牛肉味，好明顯係煲完湯要攞番出黎炆兩嘢就扮燉肉🤬牛燒肉飯餐$78牛肉份量都不少，仲有隻温泉蛋，味道也不錯，呢個餐算是正常的。食韓餐，基本工具金屬筷子同匙羹🙅🏻‍♀️係無架。呢個食堂用膠筷匙，如果唔係有碟泡菜，完全唔覺得自己係食緊韓國嘢。誠意完全欠奉，失望到一個點。

濟洲燒肉食堂有2️⃣間分店：1間喺北角匯 有海景view🌊，1間喺九龍灣德福廣場food court 旁邊。入坐前，職員會先詢問”是否要燒肉？“，再安排相應位置。入坐後，職員好快就幫忙開爐🔥同倒爐邊蛋🥚(原味，另一隻加咗泡菜碎)，及送上餐前小菜(泡菜，醃蘿蔔，醋漬蕃茄仔)👍🏻🍅蕃茄仔酸酸甜甜，幾開胃😋～ 食完1碟之後，員工見狀好快又幫我refill多碟🤣🔸燒肉餐set D (2人用) ($328)  7/10- 牛肋骨,和牛燒, 牛五花, 豬腸, 雞肉 (跟1碗白飯)牛肉餣料有啲甜，蓋過牛味🙈-宮廷炒年糕醬汁過多😔，年糕約有15-20條，配菜好多

之前一直想試晚市堂食，之前外賣人參雞湯飯，好食！最近開返堂食，所以一個人去試試！燒肉同飯餐坐地方唔同，燒肉最少要叫2碟肉！無限時坐得舒服，傾計一流！前菜有3小碟，蕃茄仔，泡菜，醃蘿蔔，仲有一個沙律！仲有泡菜邊爐蛋同粟米芝士邊，可以免費refill!牛小排（鹽燒）＄128牛小肉油脂分佈平均，肉味夠！牛舌（醬油）＄98牛舌薄切，醬油味夠，好味!人參雞湯配飯＄85人參雞湯味重，雞肉嫩，仲有糯米飯！好夠味！配埋白飯，好食

今日係食佢個lunch😍起初都無抱過咩期望 感覺上都係普通嘅燒肉店我地呢叫左兩個餐 有曬豬牛雞估佢唔到佢個豬腸同個牛係勁好食！但我地叫得太多已經不能再叫😂我覺得最唔好食係個豬五花 本身已經硬 燒完直情硬過舊石 仲有個炒年糕係黑椒味有點奇怪我最想讚係佢地服務 真係100分

見到德福新開, 朋友又閉關多時, 無出街吃, 終於可以出關食吓好西! 兩人都超愛吃牛, 咁梗係食吓新嘢看到menu, 價錢不算好化算, 分開單點又唔抵, 所以朋友就話估六百幾應該係二人份量, 問完也confirm 餐只係二人份量, 所以就叫了牛較多的 "濟州燒肉套餐".前菜: 泡菜, 甜車厘茄, 酸蘿白 - 我本身唔食得辣, 呢個適合唔食辣人士... yeah!食堂牛小排 - 嫰滑, 又有平均油花.... good壺漬牛肋骨 - 我哋極力堆介, 厚滑嘅牛加上甜甜嘅醬料, 好啱我哋口味豪快和牛燒 - 牛味都濃, 但相對我哋較喜歡其他兩款牛豪快嚴選牛舌 - 朋友不喜愛牛舌, 我也so so, 但估唔到呢個牛舌無乜蘇味喎.... 真係唔覺得食緊牛舌食堂黑毛豬五花肉 - 都唔錯, 如果唔食牛, 呢個應該係必食...食堂豬皮 - 呢佪都有驚喜, 我試過係其他韓燒食到好似香口膠咁硬, 呢個燒去啲肥油, 仍然軟身又唔肥膩, 我朋友係一啲肥膏都唔食嘅大紅蝦 - 兩個食肉獸其實對蝦都無乜期望, 不過我覺得呢隻蝦都幾大隻, 啖啖肉得嚟都好有蝦味人蔘雞湯 - 兩個女人來講食曬啲肉都算係咁, 呢個湯我哋放到最

尼個food court試過好幾間！今日決定試吓尼間！因價錢唔平所以遲遲未嚟試！不過見佢有八折咪不防試吓我選咗牛燒肉飯（正價$68）但收我$57？原來八折後再收$3不過份量都算OK牛之外仲有大豆芽，泡菜及旦牛肉幾香！泡菜太少！大豆芽有麻油香味

九龍灣德福廣場的日式百貨公司PIAGO結業後，原址兩層分别改為Uniqlo 及美食廣場Foodeli。話說回頭，德福廣場作為九龍灣，甚至是東九龍的大型龍頭商場，多年來一直沒有food court，真的有點說不過去；Foodeli 的策劃可以說是後知後覺了。唔上網查一下真係唔知，Foodeli 原來係富臨集團的新攪作；香港暫時有兩個，一個在德福廣場，另一個就在Yoho Mall。德福的Foodeli 有超過10間檔口，難得絕大部份並非富臨自家品牌 ⋯⋯ 除了「濟州燒肉食堂」。富臨集團旗下有韓式烤肉店「炑八」及高級版「柞木炭家」，冇理由唔喺自家品牌嘅美食廣場開間親民版韓式烤肉店，所以名字也用「食堂」。自家品牌總會有一點着數，「濟州燒肉食堂」是 Foodeli的最大餐廳，甚至有自己的獨立舖位。除了單點餐牌之外，還有午市主食套餐及限定燒烤套餐。看一下價錢，印象中的確較「柞木炭家」便宜，也沒有大字標明採用 1++韓牛或者日本和牛；目標客源同「炑八」 差不多，但款式就較少，配合「食堂」及 food court 餐廳的定位。主食套餐似是韓式快餐粉麵飯，所以揀了兩個烤肉套餐。午市套餐包括一客青菜沙律，