濟州燒肉食堂

营业中

休息中

每個lunch的燒烤套餐都食過，整體不是很差，但肉類醃製偏甜，希望能減少肉類的甜味。調味料有三種，但缺乏辣，可提供辣的調味料給喜歡辣的客人選擇會更好。………..

上次同朋友食過北角嗰間濟州燒肉食堂覺得真係好好食，所以今日諗住約埋老公嚟九龍灣呢間分店再食過，嚟嘅時候真係充滿期待。點知大家都唔記得咗book位，嚟到梗係full晒啦，雖然好失望，不過呢度勝在仲有另一part係食主食套餐嘅，正所謂跌咗落地拿返渣沙，唯有食住個主食套餐止住咳先啦！每人揀一個套餐，然後share食。老公就揀咗大醬湯配白飯。套餐包埋前菜，當然係韓國泡菜啦，我最鍾意酸酸辣辣嘅味道，呢個泡菜係好食嘅！大醬湯睇落紅卜卜，以為會超級辣，其實佢只係充滿甜味嘅辣醬，除咗有五花肉，仲有豆腐同其他蔬菜做配菜，送飯真係一流。而白飯上面都有少量紫菜絲，視覺上做點綴之餘食落仲帶點香。梅子青檸梳打有點點梅香，都幾好味，而且呢種味道出面比較少有，絕對值得推介！而我就揀咗豪快海鮮煎蔥餅。套餐同樣包括一款前菜，而呢個跟餐嘅前菜就係昆布，涼拌咗再加點青瓜，爽口又好味。豪快海鮮煎蔥餅入面有蝦仁同小墨魚，所以口感都幾豐富。煎餅仲有跟埋一個指定醬汁，點咗就更好味！夏日炎炎，我就揀咗要荔枝梳打，入面仲有粒粒椰果，最啱我口味！原來呢度嘅主食套餐都幾好味，但我下個目標當然係要食燒肉啦！

果日 咁啱同媽媽行德福 諗住試下啲間嘢嘅燒肉叫咗最貴果個餐入面有個牛骨湯因為第一次嚟 唔太熟Menu 又因為之前佢地送錯咗兩次餐（都係後面張枱）所以以為佢地又送錯 之後發現係我地錯 講咗唔好意思個哥哥仔係我地面前反白眼Okay fine 啲次我地錯 我忍之後有個姐姐仔過嚟問我地嘢當時因為附近有三個小朋友 我地都聽唔到佢講咩所以同佢講 唔好意思 可唔可以講多次佢又反我地白眼🤷🏼‍♀️除咗出面帶位個姐姐禮貌態度okay想問啲間餐廳係咪叫反白眼餐廳🙄食物還好 蝦就一定唔新鮮 梅曬除燒肉外 其他嘢食都幾好食但我唔會再嚟態度差到唔係路

德福2期之前既日本商場PIAGO 執左，5樓變左做超大型food court 今日試左呢間 呢間餐廳本身係食燒肉， 但可以散叫韓食。今日人少少， 叫左2個韓食試下 食燒肉就一定要坐入去食堂， 但散叫韓食可以坐係food court 其他位置食呀 。 泡菜🐷豬肉鍋套餐 $68 套餐跟埋飯，泡菜前菜同飲品 （特飲加12蚊）石鍋上枱仲滾緊， 泡菜味超濃郁。 豬肉好鬆化，肥肉位一d都唔膩， 好爽口。成個煲底都係泡菜， d泡菜辣中帶甜， 好味又特別👍🏻個荔枝特飲唔知點解紫色， 以為拎錯， 個樣伏伏地， 但估唔到幾好味🍸 豪快海鮮🦑🦐🐙🐟煎蔥餅連泡菜前菜飲品套餐$78 呢個煎蔥餅超正呀， size 好大塊， 薄底但d料滿到爆， 仲有巧多蔥🤩。 沾埋個特制的醬油食， 非常地道又好味。 愛蔥人仕必食 🥰 咁既價錢有咁既質素， 好喜出望外🥳 下次有機會去試埋個燒肉套餐先😋

同男朋友去咗德福行街，肚餓去左呢個foodcourt食嘢！好多嘢食！好耐冇得去旅行咁就食下韓國菜🤣🤣🤣.🦑豪快海鮮煎蔥餅｜💰78煎餅好多蔥同韮菜而且都夠多海鮮！個餅底超脆！超香！大過我隻手魷魚同蝦都好多又爽口配埋餐廳調製嘅醬醋，辣辣酸酸仲有少少檸檬味！惹味開胃餐廳預先分開左四件！同朋友分都好方便.🐖泡菜豬肉鍋配飯｜💰68豬肉係五花腩！夠厚身肥肉瘦肉恰到好處！又軟淋重豬味超級好食！豆腐好嫩而且配埋洋蔥好甜湯底酸酸甜甜又唔太辣，全家大細都食得個底超多泡菜超抵食！.仲有泡菜辣得來帶少少甜！超級開胃真心超超超好食.除咗定食之外仲有其他燒肉！有個爐仔咁🥰下次再嚟試過！

Foodcourt 中一間必選食店之一餐牌選擇大約有十款選擇種類都以多元化 有煎餅有湯飯 韓國野你最想食既 應該都會係個menu 入面泡菜豬肉鍋配飯湯底以泡菜湯為主調 辣度剛好之餘帶有陣陣蕃茄味湯底非常濃郁一啖湯一啖飯 剛剛好豬肉一層肉一層脂非常分明 而肉炆非常入味 🤩記住配合埋泡菜一齊食豪快海鮮煎蔥餅煎得香脆而唔油膩 仲要非常足料有蝦肉配合醬汁 一啖泡菜飯 一啖煎餅 好完美😋 絕對係非常豐富既一餐Lunch 好好好滿足！

韓式泡菜豬肉石鍋一人份同樣配上泡菜同白飯,份量看起來十足石鍋超熱,食到尾也熱的,辣度勁,泡菜本身好食,夠辛辣,估計煮既時候仲落左辣醬令食起黎更加辣,搶曬其他味道,份量多,仲有五花腩肉同豆腐,汁撈飯一流燒鵝加泡菜,食完有壯陽神效..~身體滿滿力量~豆腐嫩滑吸滿辣汁,食落特別香滑泡菜煮過反而食唔慣,豬腩肉用辣汁煮過索了湯汁超香口,一絲油膩感都沒有再追加了一客海鮮煎餅,有魷魚等不同食材,外層煎得香脆,中間帶點綿感食落口感豐富,味道偏淡,加返魚露味道剛好了九龍灣偉業街33號德福廣場二期5樓501B號舖Foodeli S1號舖

等候時間約30分鐘左右，假期多人食飯預左，大約8:15分入座，未夠8:40分同我講last Oder,間餐廳收10:00，如果係8:40分就last oder,入座前應該同客人講聲，9:00就走左了，服務態度非常差，落錯野，收多錢都算，找錢時，就咁扔係抬角邊，真係未試過，執台D水仲要彈到我隻腳，個個員工都好像未訓醒咁，相信貴公司好快會被淘汰，完。食物味道可以，但體驗真係非常差，唔知道大家抱住一個咩心態返工，有時候客人只希望簡簡單單食餐飯都咁難！將心比心

Food court 就係想食幾樣野都可以放埋一齊食嘅地方😎😎呢排韓國菜已經係我嘅飯堂，而呢間就唔一定要食燒肉，唔食燒肉就可以拎去其他枱食泡菜豬肉鍋 $68朋友話食韓國嘢一定要飲泡菜湯，為咗滿足佢就叫咗個泡菜豬肉鍋比佢，又有得飲又有得食🤣呢個泡菜湯幾夠味，而且豆腐都唔少，辣味對我黎講岩岩好。豪快海鮮煎蔥餅 $78海鮮煎餅好好食，好脆又有好多海鮮。蝦同魷魚勁多。記得一定要點嗰個汁一齊食，會香好多架。佢每個餐都會配一個前菜，呢兩個餐佢就配左泡菜同埋海帶。我海帶酸酸地好開胃😋

估唔到德福開咗Food CourtFood Court唔算好大但坐位都尚算闊落然後揀左依間濟州燒肉食堂試下同朋友嗌左兩個套餐分別係泡菜豬肉鍋配飯同埋豪快海鮮煎蔥餅加咗$12配荔枝梳打同濟洲柚子蜜泡菜豬肉鍋入面有泡菜、五花肉同豆腐份量最多既係泡菜，濃味左少少配埋蘿蔔嘅前菜，味道就Balance返D反而豪快海鮮煎蔥餅嘅味道出色一啲雖然海鮮份量唔算好多勝在煎得夠香脆，加埋滿滿嘅蔥點埋特配既醬汁，食落好惹味野飲方面，荔枝梳打偏甜反而柚子蜜就啱啱好

餐廳位於德福的新Food Court，轉手重開後變得多元化。佈置和傳統韓燒餐廳類近，但相對比較開揚，油煙味甚少菜單有數款燒肉套餐，主打牛和濟州豬🥓看上去也非常吸引，另外也有一些韓式主食套餐，主要也是韓食靈魂湯飯、石鍋拌飯、拉麵和煎餅。由於今日午膳時間比較緊張，所以只嘗了主食套餐。 🥘泡菜豬肉鍋配飯 $68上檯時仍然熱氣翻騰，聽著噗噗聲在石鍋中彈出，令我垂涎三尺。五花肉和豆腐逼滿了整個鍋，泡菜在底部防止前兩者燒焦。五花肉肥膏較多，但很入味，豆腐滑溜🤤湯汁滲入了縫隙中，入肚後產生陣陣暖意。泡菜湯辣度正宗，不由自主愈喝愈多🍕豪快海鮮蔥煎餅 $78性價比相當高，平時一份海鮮煎餅差不多100出頭，這裏只$78就有了，而且很足料☺️布滿了蝦子、魷魚和蜆肉，面餅還包著大量的蔥。海鮮味道不錯，美中不足的是蔥只有香而沒有味道，幸好有煎得焦脆的餅底加強口感🥢 🍚配飯有上韓式飯素更易入口，泡菜味以酸甜為主，中和辣度。

泡菜豬肉鍋泡菜湯底好濃味，亦都唔算好辣，裏面嘅豬肉係厚身的好似豬腩肉咁樣一層層，肥瘦都好均勻，而且裏面亦都有豆腐同埋菜，豆腐同埋菜豪快海鮮煎蔥餅你都好似Pizza咁，煎餅好脆，有大量嘅蔥同埋魷魚喺上面，咬落去都唔會好粉狀，而且佢有一個醬汁配埋，所以亦都好開胃。

喺德福行行吓街想食韓國嘢 見呢間好似好吸引 又有唔係燒肉嘅嘢食 就諗住去試吓 點知攞位佢問我哋係咪燒肉 我哋話唔係 佢就話可以喺foodcourt 自己買尼食 咁又幾好唔使等位😛😛人蔘雞湯（半隻）配飯（$75）人蔘味一啲都唔重 但係隻雞就大大隻 好多雞肉 個湯都好香雞湯味😋隻雞滑唔滑就睇部位啦 食咗雞胸位好鞋 但係雞髀位就滑番啲～ 但係咁大隻雞來講都唔錯啦牛骨湯拉麵（$78）真係好大條牛骨😂😂好足料啊 不過個湯反而唔係太重牛骨味 比較清淡 個拉麵嚟到同我想像嘅有啲唔同 我以為係河粉😅😅望真啲先知係拉麵 份量仲好大 一定夠飽 拉麵都算滑 但係唔夠彈牙 質素比較一般😕 柚子蜜（+$12）

德福廣場Foodeli foodcourt 集齊中、日、韓及其他港式美食，價錢平民化，選擇亦夠多。今次就選了於美食廣場自成一角，設有獨立用餐區的濟州燒肉食堂。卡位坐得寬敞，抽風系統做到足，不會燒到煙霧瀰漫。午市主食套餐有十款之多，價錢不貴。吃韓國菜，當然少不了一碟碟韓式前菜，而且可以無限添加。lunch 不想吃燒肉這樣heavy，所以就點了兩份套餐。泡菜豬肉鍋 $68石鍋溫度夠熱，蒸氣騰騰，從頭吃到底都可保持熱燙溫度。以酸辣辛香的泡菜搭配肥瘦相間的五花豬肉，開胃得來又超好下飯。豪快海鮮煎蔥餅 $78表面舖滿份量澎湃的海鮮配料，熱乎乎的端上桌，煎得金黃香脆。從橫切面可見粉漿夠薄，不會太厚而令口感過粉，蔥香十足。

今天晚上試了泡菜豬肉鍋以及燒牛肉飯，泡菜鍋十分難吃，味道古怪，泡菜十分酸，豬肉只得4件，又貴又難食，只是吃了三分一就放棄沒有再吃。另外，燒牛肉飯味道中下，本人極度不建議選擇這間餐廳。