潮館 (創紀之城五期(apm)) (已結業)

星期六與姐姐相約來潮館吃個早茶,這酒樓十一點前落單所有點心半價...是日早上與姐姐十點到達,見門外很多人排隊...一時大意企了數分鐘發覺未曾取飛幸得很快知道是按票跟號碼輪候...隨後我們按票看見票上時間早上10：02但原來酒樓已經預計午市時間十點輪候客人都未入坐已經派午市票都沒所謂,但是奇怪的是見到一枱三位客人及一枱四位客人 我同姐姐都見到這班人大約十點十多分在機按票因為他們在我們之後入來到反而都比我們輪候到已經可以入坐...在這時間門外支客繼續叫客入坐！今次所叫是二人枱！連續叫了六至七個號都沒有回應！好明顯這些客人都係等待很久而沒耐性走了...亦相信係有一段頗長時間沒給二人枱入座這時候停頓了大約六至七分鐘沒有叫二人枱入坐了！時間大約到了十時四十分支客在咪宣佈兩位客人可以入坐但她說入坐後要等十時五十五才可以落單...我們明白到因為計午市時段收費很奇怪....竟然早上這個時間有坐位,因預計輪候早市的客都走了但因為想收客人正價錢偏偏要客人在坐後再等十五分鐘後才先可下單一怒之下，我們都係唔坐就走了⋯⋯

試左下午茶7折煎薄撑竟然放3色豆！個灌湯餃上枱霉霉爛爛似嘔吐物😰！燒賣連包點先生都好食過呢度，又淋又散得肥肉，就算半價都唔值！碟腸粉皮個厚到無可再厚🙄🙄🙄蝦餃皮厚無味，食叮叮蝦餃好過😤！炆伊麵碎濕濕，要用匙羹食，一啲料都無，廿蚊都俾多佢。😒😒原本無諗過寫食評，所以無影相，但遇到個收銀態度差到我要寫呢個食評！🤦🏻‍♀️希望唔好再有人去俾錢🤌受氣！！間餐廳樓面都好有禮貌，唯獨是收銀態度尖酸刻薄極為趕客，令人嚴重反感🤬🤬🤬🤬

星期六又到潮館飲茶,十一點前下單半價。難得早起趕上半價。門外多人輪候入座先在取票機取票,可能限聚令維持二人關係,店方應該全部擺設二人座位！事關我們三人,由九點十七取飛分！眼看接近三十張二人枱入座期間亦有很多二人枱在十點十幾分來取飛！！！亦都比我哋早入座安排入座真係有問題亦看到其他拿著三人票的客在爆粗！等到超過一小時才好不容易等到入座講番呢度食物,都來過多次...這裡食物多選擇~叫咗幾樣都係大路嘢味道不過不失,份量都好足！蝦餃皮略厚,但蝦夠爽口！牛肉球軟淋,牛味濃最喜歡特價蛊頭飯,炸菜肉餅飯啲肉餅蓋哂整個飯面放上枱面都好香噴噴埋單三個人$129,自己到櫃面找數,唔駛等仲好服務好一般，唔多伙記。所以d侍應都比較忙！不過咁平既價錢就冇謂咁挑剔！不過安排坐位帶位員真係要檢討一下！！！！！！！？？？？？？？

星期六只為方便，與同事－行兩人沒有訂位！在公司附近商場的潮館酒家飲茶。這裡每天早上食客大多老街坊！而中午食客就是寫字樓居多！茶樓現在當客人坐低後！待應就會問要你甚麼茶~不久之後就放下茶包~而側邊枱邊有一熱水煲及玻璃壼給客人自己冲茶及加水！改用用手機形式在枱號掃描落單後等食物！基本的食物普普通通~有D點心份量都好大份量~例如山竹牛肉球比平常茶樓多有四大舊真材實料~牛肉球彈牙不特止，嫩滑多汁唔乾有勁濃郁嘅牛肉味。唔係誇張我一個人食咗三件~~~時菜鲮魚球也大份肉質算彈牙,亦唔會腥~南乳豬手今日有驚喜蚊到起膠~份量多又入味~藥膳雞腳飲唔到有藥味,似油塩水雞腳多啲~綿花雞的雞嚡口,其他都正常~特價盎頭飯做了兩年都係炸菜肉餅飯~但我地每次嚟一人一盎特價飯`即叫即蒸熱辣辣食得好開心~兩人埋單一百一拾算好底不過每次黎既經驗都覺得酒樓唔夠人手幫你執台、點菜、湛茶因為平日早上十一點前落單所以先選擇嚟

今晚嚟咗潮館食晚飯，我同屋企人叫咗紅燒花膠冬菇煲，呢煲野嚟嗰陣d餸剩係得外面熱，入面完全係凍嘅，於是我地叫人再整返熱佢，仲要d花膠係得嗰一兩嚿，而且仲要係用嚟打邊爐嘅cheap cheap花膠🙄🙄🙄，所以呢間野真係差咗🤢🤢🤢

外賣海鮮大雜燴，食落好似叻沙湯底但又酸辣味，加埋膠袋費 好似＄99.5蚊 100蚊有找有4隻鮑魚 4隻細蝦 幾隻魷魚 大概1隻手指大幾隻沙白 少量草菇 薯粉做底，感覺自己好似食緊泰菜。海鮮黎講算新鮮，鮑魚係有鮑魚味唔腥，沙白都夠甜，除左啲蝦，有啲霉但唔腥。一個人食真係好大盤，2個人食都得，味有啲濃，第1次食都驚喜，不過1次夠啦！如果味道可以淡番少少，淨叻沙湯走酸辣 我ok架，因為真係太大碗，而且味道濃，一個人食真係有難度，最好搵多個人一齊食。

星期六11點前飲茶有半價優惠，早幾星期已經試過10：30已經專登唔叫飛，有位都冇叫，今次我10：00已在家取飛，10：30到埸，一張飛都冇郁過，但見好多人埋單，都係一樣唔叫飛，結果我10：50忍唔住問門口職員，問她係咪唔叫早茶飛，她說係呀，咁我就問她，你唔叫早茶飛咪叫午茶飛啦，她先死死氣慢慢在10：55先叫午茶飛，一叫就叫咗好多張飛，即是代表入面有好多檯都唔比早茶入😡😡😡

今晚同家人第一次黎食。都覺得啲野食整體都唔錯，我地叫左龍蝦伊麵、滷水拼盆、白鱔、糖醋骨、咕嚕肉、雜菜煲、炒芥蘭、腩肉炆鴨什菜煲、川椒雞球、螺肉燉雞湯。野食都惹味，只係川椒雞比較咸。但重點係：我地點菜時，個侍應話有一個菜原本送一支啤酒，如果唔要啤酒，可以有85折。咁我地唔要啤酒啦，橫掂我地都無人好飲啤酒。當埋單時，見張單無85折，咁就問佢乜唔係唔要啤酒就有85折嗎？咁個職員就話星期一至五先有，同我地落單個侍應返好少工唔熟所以唔知，個職員完全無覺得佢同事講左錯誤信息俾個客知而覺得唔好意思！都算，我只想搞清楚係咪真係無折姐。未搞清楚之前，個職員仲好想過左我張卡過數！不特只，咁我話如果係咁，咁果個菜原本送啤酒嘅係咪星期六都有。佢唔多解釋，就話：咁你地係咪要返支啤酒丫！我真係想講操口！你理得我飲唔飲！你個餐牌寫有架麻！咁無折俾我，咁係咪應該俾返支啤酒我呀！好似我隔硬攞著數咁！結論：無下次！！！

💛 潮館 (觀塘) 💛-燒賣、蝦餃、牛肉球、鹹水角、蒸饅頭、潮洲蠔仔粥 ✔️$180-好耐冇飲早茶😂今次同朋友去觀塘就飲下茶啦🙈不過今次有小小失望，食嘅嘢覺得同平時唔一樣，蝦餃個皮好硬，但個餡得好少😂，饅頭又好硬好乾，應該都冇下次了😂-——————————————(非專業,完全跟據個人口味☺)食物:5/10環境:7 /10服務:6/10人均消費:$100———————————————▪店舖名稱: 潮館 (觀塘)▪店舖地址:🔸 觀塘觀塘道418號創紀之城五期(apm)5樓1號舖-----------------------

近年歲晚, 好多地方辛平日都FULL BOOKING, 我提早左幾日好彩都BOOK 到呢間本身屋企係潮州人, 食團年飯梗係揀番潮州野啦當日其實侍應都打左次黎CONFIRM BOOKING, 我就BOOK左晚市8:15pm (佢地既第二輪)8pm 果時再打多次黎confirm, 上到去見到有個餐真係好抵, 半席8菜1翅仲有桃包送 都係$888全包免加一免茶介仲送1支啤酒3罐汽水 不過我地再加左個蠔餅 $88+10% 真心唔洗再叫野食，本身個餐已經好夠食落單果時D 侍應成日扮晒野撞聾無視我地點菜, 講真地方唔大仲有D迫同埋好嘈, 佢地自己忙就可以唔理D 客落單, 真係好差, 個經理都要執野, 執完轉個頭又唔記得黎落單全部侍應都係怪, 雖然等左一陣先出野食, 次序都5算太順序咁出, 都無所謂啦, 因為真心覺得好抵食而且我地第一道唔揀龍蝦, 揀左鵝片鵝件拼盤仲可以減 $1506人份量的話花尾龍躉就會轉做花尾躉仔, 真係好夠食, 其實講真係好多樣樣都唔馬虎, 好足料, 同埋味道真係唔錯, 6位用呢個價錢仲可以有咩挑剔只係我地想影張合照, D 阿姐推黎推去又話等個經理黎先幫我地影大佬, 個經理已經

好耐無食潮州菜去APM 食早場同家人食飯做冬至 ，團團圓圓➰蟹肉扒豆苗蛋白花汁滲入豆苗小小鹹豆苗無草青味好鮮嫩➰一品脆皮雞半炸脆皮雞皮薄夠脆雞肉流出雞汁好香滑➰滷水拼盤滷水鵝肉質比較唔夠腍滷水汁未夠入味豆腐未係好滑可以再進步➰明爐烏頭魚我就鐘意食烏頭 叫咗明爐烏頭魚鋪滿芫荽蔥 娃娃菜肉碎 粉絲同埋辣椒絲粉絲吸收湯汁嘅精華 魚肉好滑真係要加多一碗飯➰粒粒梅糕骨排骨用咗梅汁帶咗酸甜好似食緊糖醋骨唔會太過鹹 起初我以為係薯仔配排骨食落去有一種甜甜嘅味道原來係番薯經過炸之後再撈埋個醬汁呢個我覺得好好食 真係要再加多一個飯

今天，有一位從外地的朋友來到香港。由於他是晚上10時才到港，加上他又喜歡別中菜，所以就帶他來觀塘這家吃潮州菜。這餐廳星期一至五，晚上9時後，潮州打冷菜或就會有7折。這次是我們三個人吃，於是就點了三道菜，分別是瑤柱蛋白炒飯、明爐烏頭魚、滷水拼盤。先說瑤柱蛋白炒飯，炒飯是乾身，不太濕，好香瑤柱味，98$的份量都算大、多，這道菜，我們三個人都吃不完，最後是要打包外賣。第二是明爐烏頭魚，這個是有爐燒整條魚的，所以不怕魚會變冷，一直都可以保持熱力，酸酸的，很開胃，但個人有感這菜式有點兒咸，有碗白飯會更好。第三是滷水，於9時後點這道菜，有7折優惠，很抵吃，味道不錯不錯👍🏻

和朋友慶祝中秋，一堆人較難找到一個坐得舒適，食物質素高，價錢優惠的地方。幸好，潮館晚上九時打冷一律七折。進到店內，空間非常寬敞，圓桌子很適合一堆親朋好友圍著飯桌談天說地。潮館衛生情況不錯，服務態度也挺好。食物每碟份量適中，味道也不錯，以茶樓晚市來說，算是很好了。平常到潮館最常吃的蠔仔粥和煎蠔餅這一次也下單了，不過今次蠔仔不太新鮮，腥味太重。甜品方面叫了水晶包和一款炸物，意外地好吃呢！椒鹽魷魚和豆腐也很不錯！

潮館宵夜時段(9點後)打冷7折,小菜8折.之前吃過,覺得好抵,而且分量很足.今次就同埋d同事嘗試午市飲茶.假期前夕,真是好多人,我地等左差不多二十分鐘先有位.同事愛吃煎炸野,叫左春卷,炸雲吞,炸魷魚,炸兩.老實講,炸魷魚是最好吃,不太油.另外都叫左蠔仔粥,不過同事覺得偏鯹.其他燒賣,牛肉球都5錯.

今日心情好好咁出街 同屋企人去飲茶點知一入到潮館 成個心情差哂員工好似唔驚俾人投訴 唔驚俾人炒 唔憂做態度差 一係對客人呼呼喝喝 一係應都唔應機食物方面都唔差既 但始終食野環境咁樣 真係食龍肉都冇味就算做到幾攰 幾忙 都唔應該咁樣對客人好希望稻香集團真心培訓下員工 咁樣既服務態度真係唔得！咁樣只會趕客 正常味道 藥膳豬手 ，豬手幾好食 但飲一啖湯 好咸...個皮好厚 炸雲吞 好似得個皮咁 粒蝦5毫子咁細 不過炸得幾脆既菠蘿叉燒包 幾好味既