潮陣 (已結業)

潮陣-潮食特色炒麵東大街美食林立，今天發現一間新開的粉麵店，裝潢有別以往的粉麵店，鮮豔紅色鐵框配上大玻璃窗，內裡以黑白兩色作主調，非常潮和型的設計。豬魔王名符其實的豬魔王，集豬手、腩肉、扎肉、豬大腸、豬肉丸的湯麵，大大隻豬手、梅花間竹入口即溶的腩肉、扎寶扎肉片、彈牙豬肉丸和底味十足的豬大腸，加上濃郁的湯底，配上粗麵索滿湯汁一流。咖哩牛三寶飯三寶有牛腩、牛筋、牛肚，三種牛的部位也炆煮得十分入味，牛腩肉質腍身，牛筋膠質夠有咬口，牛肚爽脆，單吃配飯經已夠惹味，再配上咖哩汁，另一食法！鹹檸檬蘇打特飲、樽裝可樂冰凍的梳打特飲，加入鹹檸檬，開胃又消暑。

去親東大街通常都係去最出名嗰堆，今次想試下轉口味，食下佢地啲競爭對手東大街咁多餐廳，做得住嘅都係有實力嘅我好鐘意食牛肉，所以一黎已經俾牛魔王吸引左好大碗！超香牛味，見到已經食指大動每樣餸都有三件:極上牛丸、金錢肚、牛爽腩同匿埋左嘅牛筋樣樣野都好好食金錢肚好易咬，爽腩肥得啱啱好唔會太膩我最鐘意牛丸同牛筋極上牛丸聽店員講係限量架果然好好食，結實牛肉味香而且入面仲有包住啲牛肉嘅油，勁正！牛筋炆得好腍，又夠入味，骨膠原呢個檸檬乳酸雪碧特飲好驚喜因為我好鐘意酸，檸檬加可而必思加雪碧夠晒凍同酸，啱啱好中和返食咁多肉嘅罪惡感朋友食嘅魚三寶，都好味魚蛋同片頭結實唔會腥，魚味都幾夠大大碗幾抵食小食我地仲叫左個滷水豆腐先炸後淥，香口得黎唔會好熱氣，幾好店舖裝飾都幾有心思，有少少懷舊feel坐位都幾寬，坐得幾舒服值得黎試下

東大街食粉面既選擇唔少，但坐得比較舒服，又比較「潮」既，潮陣真係一個唔錯選擇個menu幾吸引，啲相影得唔錯😎令人樣樣都想試，最後揀左咖哩牛爽腩飯同豬魔王撈面，算係可以咩部位都試下牛爽腩食入口唔油唔膩，脂肪同肉質比例適中，口感同個名一樣，爽口，唔會得個淋字，讚！咖哩汁都非常唔錯，有椰香味，辣度係微辣，非常合我口味豬魔王撈麵。此撈麵用咗豬大腸、豬肉丸、五花腩，紮肉再加撈麵而成，腩肉半肥瘦，夠淋，口感不俗！個面已撈定，唔係一般既撈面，又一個讚！個配湯都好濃，唔係清湯，好味最後叫咗杯飲品：話梅蘇打柚子蜜第一口飲落去，咦？無味嘅？原來未攪混， 攪混飲落又幾清新！

今日睇完戲兩公婆去咗筲箕灣東大街搵食，呢度好多出名嘅小店，各有特色，行行下見到呢間食潮州牛丸魚蛋嘅潮陣，新浄裝修，於是入內坐低，依餐牌各點一個牛爽腩飯$65，一個魚孖寶撈粗生面$65另外加多一個清湯蘿蔔$28一個煎釀三寶$28牛爽腩飯份量唔少，牛腩香滑腍軟，一D都唔覺得靱！魚孖寶撈粗生面，主食果D魚孖寶（即係魚丸同魚片頭）分開上，粗面混和醬油，甚有口感，而以上湯浸住嘅魚丸同魚片頭，都好夠水準，彈牙不特止，而且味道鮮美！如有魚味！兩個小食，清湯蘿蔔腍甜，醸三寶就加埋煎香肉，配合得宜，加埋特製辣椒醬，更加令食未提升！

筲箕灣東大街好多人氣食肆，今日一支公食晚飯，就去咗東大街逛吓，忽然諗起想食咖哩，於是入咗去呢間潮陣，主打魚旦牛丸牛筋腩之類潮州美食，眼見地方都唔錯，坐落就睇餐牌點咗個咖哩牛三寶飯（有牛筋，牛肚，牛坑腩$63）、另加多一個煎釀三寶（魚肉釀青椒，茄子，紅腸$28)咖哩牛三寶飯咖哩以碗另上，香而不會太辣，撈飯食一流，牛筋牛腩同牛肚都好腍好香口，三扒兩撥，成碟飯已經俾我食清光，實在太開胃了！煎釀三寶份量大大件，煎香咗嘅魚肉更是香噴噴，醮埋D特製辣椒醬，就十分好味! 好滿足呀！

今日行完去東大街諗唔到有啲咩想食，見到有一間新開嘅牛腩店。江門面都好光線，而且都幾有型格的感覺。我幾鍾意佢嘅餐廳設計，但之後問個職員點解會有咁多種辣椒漿～個職員話啲辣椒油和辣椒漿是自己整的， 10分有心思！一嚟到我就要逐個牛魔王蘆草。我覺得佢個撈粗同永利差唔多， 10分爽口～不過令我覺得最好食嘅係個牛腩和牛丸。牛腩嘅味道同出面嘅不同。雖然貴好多，但性價比冇想像咁低。至於牛丸嘅味道，入面有好多汁。只佢嘅牛丸比一般牛丸大粒和放湯煮食， 10分欣賞至於雞翼和菜就不過不失，但係個價錢10分貴，建議不用吃。最後值得讚嘅係佢嘅藍汁，同出面普通嘅牛腩好唔同，不會太柔和落太多蠔油，應該是用牛骨熬湯的：）他來講我覺得只係食關於牛腩和牛丸的東西就已經足夠～～

今日又同 朋友去咗食潮陣🙆🏻🙆🏻朋友話早兩日食完忘忘不忘喔👻所以睇戲前又捉咗我去試下呢度啲小食🤓🤓🐥香蒜炸雞翼$28🐠炸墨魚丸 $28🍹香橙熱情果蜂蜜紅茶 $22小食都係即整 上枱熱辣辣♨兩款炸物小食都整得唔錯喔👍🏻👍🏻炸墨魚丸炸得外脆內嫩🤓🤓雞翼估唔到入面咁Juicy😍😍杯嘢飲好特別 好啱我飲🤗🤗🤗等我下次嚟試下呢度啲麵先🙆🏻🙆🏻🙆🏻🙆🏻

黎到周街都嘢食嘅筲箕灣，今次一試港式粉麵。雖然食地道食物，但呢間餐廳感覺好新潮，座位闊落，企企理理。叫左招牌牛丸米，配上冬菜。湯底清甜，牛丸咬落口爆汁！好驚喜，值得encore！不過魚片頭魚蛋麵就相對普通👀黎到小食，炸雞翼最後先上，非常燙口！蒜味香濃，必點！而呢杯蘇打就啱曬食完炸嘢解下油😚

今日弧單一人，最好就係摺埋食碗麵 ，再去附近吹吹海風，享受獨自一人既時光。入到呢個應該係新開既餐廳，我覺得幾舒服，因為店內既歌曲幾岩聽，侍應都幾友善。睇睇個menu, 有牛魔王，豬魔王，魚魔王，又有多款麵類可揀。但唯獨冇得叫酸辣麻辣，原來係每張枱度已有幾款唔同既辣醬俾你自己選擇。我今日就叫左個豬魔王，幾正。首先湯頭好入味，料又足，坐得舒服。仲有豬手可以食，真係都分足料呀。呢度離地鐵站好近，又方便去附近巴士站。

玩完沙灘，真係人都散哂，每次都唔知點解去完沙灘，經過筲箕灣都食埋個晚餐先回家。可能係東大街實在係出名多野食。今日口啖啖，一於食碗麵補充下水份。呢間餐廳裝修幾新潮，播住熱門又經典既港台歌，很recharger.牛魔王有牛肚，牛丸，牛肉，牛肉湯好濃郁。牛丸真係彈到爆。值得一提既係有3款辣椒可以揀，我最鍾意食呢個綠綠地既燈籠椒 ，食到辣既朋友一定要試下。鹵水豆腐呢個豆腐薄薄地，已炸過。吸收哂d精華，好好味。

2019年3月18日星期一每個星期最討厭嘅就係星期一。今日最高興嘅就係同老婆食超好食嘅牛丸東大街去所有餐廳都差唔多食過晒，新開左一間潮陣，呢間野有驚喜。老婆對佢啲牛丸讚不絕口座位幾舒服唔會逼夾同一般食魚蛋粉十分逼夾嘅餐廳有啲不同同老婆我點左兩個潮陣必食牛魔王河粉有牛丸牛肚牛腩同埋牛筋材料十足湯底好味，牛丸十分之彈牙另外牛筋同牛腩都煮得非常入味同埋非常有咬口另外呢一碗係極上牛丸湯河牛丸非常好味。再加多左一個炸魚皮魚皮大碟同埋炸得好食另外辣椒油都非常之有特色。辣椒漿都有三款左手邊係自家製嘅辣椒油，非常香右邊嗰兩隻好似叫海南燈籠椒。鍾意食辣野嘅人一定啱蜂蜜熱情果梳打特飲幾有特色估唔到喺潮州粉嘅地方飲到整體而言，呢一間潮州粉麵店十分出色。附近有唔少老字號嘅粉面店，呢一間新開嘅絕對可以同佢地爭一高下

今日一瞓醒就已經下午就渣車落街搵下咩好食 經過一間主打魚蛋粉嘅鋪頭 : 潮陣望個menu啲圖好似好好食咁 入面都已經有唔少客人同埋門面又好靚咁 就入咗去 不過入面實在太多選擇 唔同嘅配搭都有為咗等自己唔好後悔我最後決定黎個大包圍 就叫咗豬魔王 一黎到已經聞到好香既豬肉汁味 豬腳煮到好淋 豬腸清潔得好乾淨 口感仲有啲彈牙添豬肉丸仲有肉汁咇出黎 不過食完都feel到有啲油膩感 幾heavy吓所以就嗌咗個話梅柚子蘇打酸酸甜甜咁 解膩真係唔錯

同朋友去完天后廟祈福，行行吓又見到有間牛雜檔，就當然要入去試吓啦，這間潮陣是一間高級牛雜檔，重點賣既係重量級套餐，唔單止有牛雜既牛魔王，還有豬魔王和魚魔王。。。這店雖然細小但選擇很多，最後決定點了豬魔王，等了不夠五分鐘就有得食，大大碗裡面有豬手，豬腸和豬肉丸，炆得好淋好好食，肉味濃郁味道很重，要嚟送飯一流，蘿蔔清甜食落無揸，比個like你。。。我朋友就點了魚三寶，佢地係用新鮮魚湯做湯底，聞都聞到魚香味，魚蛋爽口彈牙，佢話超好食。加杯特飲都係12蚊，下次會再來。。。

近排見到屋企附近開咗間新鋪，而且屋企人好鍾意食牛，所以同屋企人試吓。我選擇左牛魔王粗麵，味道不過不失，有一概水準，佔唔到最吸引的竟然係佢哋個自家製辣油，非常之好味。

今晚和女朋友在筲箕灣吃晚飯，去到食肆林立的東大街，這裡選擇既有高檔的餐廳，也有平民食店。這次來到這家新開張的潮陣，夠膽在這條已有兩家粉麵名店的東大街開業，相信必有一定水準。餐廳裝修走懷舊格調，燈光柔和的室內設計，座位寬敞舒適，令人舒服自在。餐牌有牛、豬及魚三大種類的配撘，適合不同人士的口味需要，更有三款「魔王」級的可選擇，另外亦有多款小食可加配。每張枱都有三種店家自製的辣醬，最右的潮州辣油是自家炒製，又香又辣，而左面兩款則是用上海南黃燈籠辣椒製作的辣醬，辣度極高，十分刺激，要小心使用！牛魔王叫了一碗牛魔王配幼麵，配料有牛爽腩、極上牛丸、牛筋及牛肚，爽腩筋膜精肉均勻，口感爽口又軟滑，牛肉真味豐美；極上牛丸份量巨大，口感彈牙，牛味濃郁；牛筋膠原豐富，軟滑中而帶柔韌的口感；牛肚炆煮入味而肉質嫩滑。連幼麵則用了上等出品，口感筋道醇厚，彈牙有嚼勁。魚魔王另一碗魚魔王亦同樣出色，配料有鯇魚片、白魚蛋、魚片頭、魚皮餃及炸魚皮。一呷湯底香甜鮮美，白魚蛋、魚片頭口感爽彈而帶有鮮味；魚皮餃一入口滑膩、鮮味與魚香合一，非凡滋味；炸魚皮鬆化香脆入口不油不膩。香蒜炸雞翼最後來一客小食，看似平凡的雞翼，一入口卻令