潮陣 (已結業)

筲箕灣東大街好多人氣食肆，今日一支公食晚飯，就去咗東大街逛吓，忽然諗起想食咖哩，於是入咗去呢間潮陣，主打魚旦牛丸牛筋腩之類潮州美食，眼見地方都唔錯，坐落就睇餐牌點咗個咖哩牛三寶飯（有牛筋，牛肚，牛坑腩$63）、另加多一個煎釀三寶（魚肉釀青椒，茄子，紅腸$28)咖哩牛三寶飯咖哩以碗另上，香而不會太辣，撈飯食一流，牛筋牛腩同牛肚都好腍好香口，三扒兩撥，成碟飯已經俾我食清光，實在太開胃了！煎釀三寶份量大大件，煎香咗嘅魚肉更是香噴噴，醮埋D特製辣椒醬，就十分好味! 好滿足呀！