潮陣 (已結業)

今日睇完戲兩公婆去咗筲箕灣東大街搵食，呢度好多出名嘅小店，各有特色，行行下見到呢間食潮州牛丸魚蛋嘅潮陣，新浄裝修，於是入內坐低，依餐牌各點一個牛爽腩飯$65，一個魚孖寶撈粗生面$65另外加多一個清湯蘿蔔$28一個煎釀三寶$28牛爽腩飯份量唔少，牛腩香滑腍軟，一D都唔覺得靱！魚孖寶撈粗生面，主食果D魚孖寶（即係魚丸同魚片頭）分開上，粗面混和醬油，甚有口感，而以上湯浸住嘅魚丸同魚片頭，都好夠水準，彈牙不特止，而且味道鮮美！如有魚味！兩個小食，清湯蘿蔔腍甜，醸三寶就加埋煎香肉，配合得宜，加埋特製辣椒醬，更加令食未提升！