影片
以上资料只供参考，请与餐厅确认详情
坐低冇耐，我处理紧细路，呀妈叫野食，问多几句就态度极差「人均四十，可以唔计个细路」，你冇写明唔紧要，你计埋细路我都冇所谓。但态度好似鄙视紧我哋冇钱食？霸住佢个位咁（其实冇人等紧）😂乜事呀？其实我哋成日帮衬，心谂舖头扩大可以坐舒服啲。但今次受气嘅经验，我妈嬲住食，嬲住走。冇拿拿俾人闹咁。都不再光顾了。
继续阅读
在我工作的沙田石门区，于短短的一年间，竟然成为了沙田其中一个美食集中地。当中，更不缺乏家庭式经济的所谓 "个体户" 小店。这一天心情好，一个人就想去寻访一些未去过的小店。而眼见京瑞广场二期的《潮滋味》，原来有堂食的位置 (我一路以为只做外卖)。既然有得坐，那我就一于来一尝来自潮州的小吃味道啦。潮州的食，多不胜数。本来的我，心想是来食肠粉的。但，当我看见一些从未见过的小食名称，心又暗中欢喜来，很想一尝这是乜东东。所以我要了一个牛肉饼汤加小米套餐。牛肉饼汤，是什么样的肉饼呢? 原来这是一个形状独特的牛丸。不过，我绝不能称其为牛丸，因为这不是圆形的波波，而且潮州一对食非常之讲究，对食品的称呼也严谨。所以，最好不要叫错。面前的牛肉饼，是扁平的类牛丸小吃，入口非常之爽口，而且这是薄薄的一片，牛肉味更容易散发出来。此外，因为形状扁平，爽口烟韧得来又易咬易入口，再配合一个带点胡椒味的清汤，更好就伴少少辣椒油一起来，味道妙。小米，是一个类似潮州粉果的东西。以虾米、猪肉、冬菇、冬菇做饀。外皮十分之烟韧，比起潮州粉果的皮更有口感。内馅因为有猪肉同虾米，咬开口，散发出来的那一份香味是超过100分的。点一点他们的酱油膏，更惹味。中午，有时候宜轻食。轻轻的一个可口午餐，不需要太饱，不需要昂贵，已经是一件很美满的事。
继续阅读
其实都知道呢间舖头开咗好耐, 但硬系冇乜兴趣食潮汕嘢, 所以都冇专登去试, 但上次帮衬佢隔离间面舖, 走时见到佢有样嘢叫"小米", 个样似潮洲粉果, 不过细粒d, 好似几得意, 所以有少少心思思想试~ 是晚唔系好饿, 于是嚟望下有冇位, 有位就试下, 行过果时其实见full哂, 但疑似老板娘系咁叫话有位, 莫非我地两个都发鸡盲? 原来门口张2人预备走, 所以叫我地等等~ 老板娘即刻执枱抹枱, 拎咗张单张同两兜辣椒酱, 等我地慢慢睇~ 通常第一次帮衬, 都系会有d心大心细, 谂唔掂食乜, 其实我地系因为见佢大部份都系有牛, 所以先谂唔掂食乜, 后来疑似老板行过嚟, 见我地响有限的选择仲心大心细, 问驶唔驶介绍下, 我当然唔客气, 问下咩叫"小米"? 原来系猪肉馅加大地鱼粉, 知道唔系牛肉馅, 当然放心选择~佢呢度分开两个舖位, 1个系厨房+收银, 另1个系堂食座位, 咁谂掂之后要行返去收银落单, 然后等上菜~ 隔咗一阵, 老板拎饮品嚟时问我地食唔食芫茜、葱, 未试过有舖头会咁样问, 真系细心~叫咗两个套餐, 因为点计都系套餐抵食过散叫~A1 潮式肠粉+小米+九毛膏C3 鱼丸汤+小米+纸包饮品 潮式肠粉原来系皱皮肠粉, 馅系生菜碎同蛋, 然后打个冬菇蚝油芡, 从来未食过咁样样的肠粉, 几得意, 食落又几好食, 肠粉薄薄地皱埋一齐, 加上生菜仲爽口, 唔系煮淋哂, 又有蛋味, 加埋个芡唔太杰, 湿湿地食又几个济~ 小米两个餐都各自有12粒, 咪睇佢细细粒, 食哂都几饱~ 个皮都算烟un, 好Q, 佢又冇潮州粉果d皮咁厚, 但质地相似, 馅料系猪肉沟大地鱼粉, 食落唔会好咸, 味道刚好, 有蚝油跟上, 但我觉得点埋太咸, 反而我点肠粉果个稀咗的蚝油芡, 湿一湿返个皮仲好食~ 鱼丸汤潮州出名鱼蛋, 所以佢d鱼蛋一定好食, 我估佢应该系手打, 因为形状不一, 唔够完美~ 食落当然弹牙, 绝对唔系粉头鱼蛋, 不过个汤就太重胡椒粉味, 我完全饮唔到佢用咩去煲, 总之净系饮到胡椒粉味~ 九毛膏虽然唔知系乜, 而且仲要加$10, 不过本着乜都试的食家精神, 当然要叫嚟试, 不过试之前, 都系上GOGO揾下系乜嚟啦~ 原来系植物嚟, 功效啱哂我啱啱有D咳的征状, 一试无妨~只有冻饮, 不过佢冇加冰, 都唔算甜, 口感有D似大菜丝或者系雪耳碎, 咬落爽爽地, 不过后尾饮落又觉得有少少腥腥地, 不过唔系好劲, 可以接受到~呢间舖应该都系两公婆小店经营, 样样都亲力亲为, 全部都即叫即整, 所以都等得比较耐少少, 如果遇著繁忙时间, 我谂佢地两个人4只手都系搞唔掂, 到时手忙脚乱到唔知要等几耐, 好彩我地食夜晚, 唔算太多人, 而且唔赶时间, 几时上菜咪几时食啰, 最紧要唔好急~
继续阅读
间中系石门返工既我，今日唔系太肚饿既我于是就上左京瑞商场寻找一啲特色小食，间铺位置有少少隐蔽，细细间甘系角落头位置，铺头对面有个小铺可以坐底堂食，平时就喜爱食肠粉既我一见到哩间肠粉铺就当然要帮衬下，试下好唔好味有单点，有套餐，为食既我选左个B1套餐，潮式肠粉+ 牛肉饼汤同一包纸包饮品 ($45)，价钱中等，不算贵⋯⋯俾完钱就要去等位啦，小铺只能坐12-14人，所以很快就坐满人，一坐底就送了餐具同点既牛肉饼汤过黎，有人送餐几好，唔洗担心行开就无左位牛肉饼汤 - 有十小粒，几弹牙，汤也还可以潮式肠粉 - 有猪肉，生菜，同蛋，配自家制香菇汁，肠粉几滑，香菇汁有香菇味但略嫌唔够浓味，唔够咸，于是打开盒辣椒酱，试左一啖有惊喜，似系老板自家制，唔会太辣，反而有好香既蒜味，捞肠粉食超惹味，好快就食晒一盒肠粉总体黎讲四十几蚊一个餐，味道同食物质素都唔错，值得回头食多几次，小店仲有小米粒，听隔离台讲都唔错，下次要叫黎试下先得唯一唔钟意既地方就系：餐具全部都系胶盒，唔系甘环保，好似附近其他小店都有同样问题，大部分都用外卖盒比较多希望日后有所改善
继续阅读
今日同fd去石门京瑞广场行街。石门依家好多嘢食。行行下见到间潮州小食。我地三个叫左菜茶&小米&肠粉&牛丸牛腩米线。超级好好味。E间系家庭式，老板娘好nice。话辣椒酱系老板娘自己整。👍🏻环境唔错，好干净另有多位坐。朋友都赞👍🏻下次会再次帮衬。
继续阅读