潮洲滷 (已結業)

今晚回奶奶家晚飯 佢喜愛滷水鵝同滷味 所以就去左呢間老店買些滷味比大家嘆 不過呢間鋪招牌就不太起眼 金色字但宗色底 之前朋友推介過 今次就去買外賣先買外賣回去品嘗 自己就鐘意腎 大腸 豆腐 其他滷水蛋 牛肚 紅腸 雞翼全部老公至愛 主角更係佢地嘅滷水鵝 滷得入味 香氣撲鼻 陳年滷水 真係唔同 每樣食材各有特色 新鮮滷味聞到都流口水 老闆好細心幫我切好所要求 到打包時跟白醋汁同滷水汁比我 到食時醮來食 其實還有好多選擇的呀 鵝翼 鵝掌 豬手下次先試到 價錢合理 比其他滷水店偏平添 加餸 回家整熱好d 因為滷味凍左 豬腸肥油會凝結食落感覺唔係幾好 熱翻令所有都熱辣辣 出翻晒d香味同夠惹味飲翻杯Beer 正呀

今晚到Mr.J家吃飯，總不能兩手空空上去的，既然在附近吃完拉麵經過"潮洲滷"，便在這裡買外賣吧。潮洲滷除了有外賣外，還有小量位置供客人堂食。外賣潮洲滷味，當然必要叫滷水鵝，不過還可選擇其他配搭的，例如雞翼、肥豬肉、雞蛋、豆腐等。今日我當然點了滷水鵝、肥豬肉、雞蛋及豆腐。一路拿回家，一路聞著滷水香味，很吸引。待晚飯時間打開一看，各種滷味排得整整齊齊，醬料有兩個小袋盛開。滷水鵝沒有太多肥膏，可以說是啖啖肉，而且很入味，不會過鹹。 其他的如雞蛋、肥豬肉、豆腐也不錯，特別是肥豬肉，肥肉比例適中，放入口內，豬肉的油脂與滷水的香味互相配合，肉質又軟稔，用來餸飯一流。

潮州人就最鍾意食滷味，以前住西環嗰陣時候有兩三間響噹噹嘅，好多大嘅明星都會特登去嗰度幫襯，而嗰間亦都係我公公最鍾意幫襯嘅滷味餐廳之一。但係我個人就唔係話好想佢買，唔係唔中意食而係因為買親一盒呢都要成100幾蚊，食一餐來講一百幾蚊實在太貴。今日嚟到葵芳唔知想食乜， 就經過呢一間滷味，雖然鋪頭唔算大，但係入邊都會有三張枱喺度俾你堂食嘅，咁我就坐低左試下。除咗可以叫碟頭飯之外亦都可以叫滷水拼盤亦都可以叫自己鍾意食嘅滷水，而我今日呢就揀咗碟頭飯同埋滷水拼盤。掌翼飯，聽個名好似全部都係骨頭咁樣，唔覺得點樣好食法，但老闆都介紹話幾好食，好喇就試下。諗唔到原來掌翼飯比較多骨，但係因為佢皮多，食落去嘅時候比啖啖肉更加有意思，滷水味道更加出，好值得一試。個拼盤就有滷水雞翼，豬大腸，牛肚，豆腐，紅腸等，種類都算好多。我特別推介嘅呢就係鵝腎，平時食嘅通常都係食雞腎，因為鵝嘅價錢一向都比較貴，但係呢度價錢好相宜。而味道，食落去好爽身，好香滷水味，仲有好鮮嘅鵝香。仲有個滷水豬大腸都唔錯，大腸嘅脂肪同埋污糟野比較多，所以要處理容易並唔容易，呢度會幫你清潔晒，仲滷埋，正。呢度嘅價錢比起西環平差唔多爭三分之一嘅價錢，

朋友住喺葵芳，今日上佢屋企玩之前一齊喺附近食啲嘢。我問地膽有乜好介紹，佢話有間滷水檔，平時好多街坊都會喺度斬料。「潮洲滷」位於街市一角，來加餸嘅街坊絡繹不絕，果然夠平民。我哋選擇咗堂食， Menu貼左係牆上。鵝飯$52鵝飯係呢度嘅招牌，好大碟，分量充足。除咗滷水鵝，其他配料仲有滷水蛋、滷水豆腐，也太豐富了吧！鵝肉片得挺薄，鵝羶味依然，也不鞋口。鵝皮脂肪比例少，多食都唔會有罪惡感。曾經食過其他滷水店，鵝肉因擺得耐，變到又乾又硬，但呢度冇呢個問題，值得讚賞。什錦請店家隨便幫我地斬少少，乜都可以，點知佢咁重手，睇下幾大份！滷物包括：滷水鴨翼、滷水雞翼、鵝腎、豬耳... 滷水不但調味出色，而且油潤清香。當中我最喜歡鵝腎，硬實得來很爽。這一餐十分滿意，果然跟地膽揾食係無錯的！

蝦子餅是潮州人，幸好不是一名『潮州怒漢』......他本身也是一名『吃貸』，當然也喜歡吃他的家鄉食物，不過，BeautySearch 對潮州的美食認識真不多，最常吃的便是『打冷』及『滷味』。 當然，蝦子餅本身亦喜歡『打冷』及『滷味』。早前，BeautySearch 回娘家探望相親，忽然想起，媽媽平常也會在家附近購買滷水食物回家，而且相當味美，但記憶已開始減退，BeautySearch 也忘了店子的名稱及位置，於是便在葵芳最旺的內街逛逛，果然，BeautySearch 尋獲《潮洲滷》。 還未步進店內，已看見不少潮州滷物懸掛在櫥窗前，另外，還有數盤滷物，款式種類可不少，包括：紅腸、鵝腎、豬腩肉、豆腐、雞蛋...... 令人垂涎欲滴。而 BeautySearch 就被當中的油亮肥美的滷水鵝深深吸引著！ 店子的環境屬街坊感覺，店面不算大，只放了三張圓桌，這兒亦沒有吸睛的設計，不過，就充滿濃濃的親切感，令我回憶起不少與媽媽一同買餸的點滴片段，母親節快到，BeautySearch 決定當日要購一盒回家加餸！ 相信，這鍋便是店子的珍貴資源，充滿八角、桂皮、丁香、小茴、芫茜籽等的滷水滋味。 一面

星期六，無所事事，於是決定煮下飯仔。落街買餸嘅時候經過呢間滷水店，發現好多街坊都喺度斬料加餸，咁我哋一於都試吓啦。外賣價錢唔貴，而且安排彈性，買多啲又得，買少啲又得，多人少人開飯都no problem 除咗外賣，鋪面都有簡簡單單幾張枱櫈可以堂食。如果要貫徹無飯夫妻嘅生活，直接喺呢度開餐都冇問題仲可以平平哋飲埋啤酒！不過今晚決定咗煮飯，就一於買外賣做餸啦。本來我就打算買少少野嘅啫，不過執下執下，竟然執咗一大盒，樣樣都好吸引嘛滷水豬大腸同牛肚都好腍好入味，味道香濃但又唔會太咸，送飯一流！豬大腸係有少少肥，但佢真係洗得好乾淨，一啲豬嘅腥臭味都冇我哋返到屋企都開咗啤酒，鵝翼同腎送啤酒好正。雖然老公話鵝腎稍硬，不過我就鍾意嗰個爽脆嘅口感，各有所好啦。鵝翼又係好正，'損下損下'咁好滋味。喺底仲有件滷水豆腐，大大件好入味嘅滷水豆腐先至＄5，真係益街坊啊其實潮洲滷呢一帶真係好多野賣，睇黎可以多啲斬下料、煮下飯仔

前幾日我屋企提早慶祝媽媽節因為大家都覺得出街食實在太唔抵加上屋企好多人 如果BOOK位又難BOOK, WALK IN 更加唔會諗所以我地多數都係係屋企每人買D野返黎 係屋企開個PARTY仔前幾日行完葵廣睇衫 順便睇埋有咩野食岩屋企人食 都係睇唔岩一係甜品 一係就唔吸引最後都係決定係葵廣下面街市個到斬個靚料呢間野都開左好耐 平時都見到好多人排住斬料個日捉緊左佢收工既尾巴 買左最後一份滷味一打開 我同屋企人都「嘩」左一聲因為真係比我想像中足料很好，基本上什麼都有!先講下個滷味蛋，蛋裡面呈淺啡色已經感覺到好入味，咬了一口，味道真的不錯，蛋好入味!第2樣就係佢地既滷水鵝，好多人都係因為滷水鵝而來的。首先無話只有肥肉那種已經好欣賞，其次係鵝肉香味濃的，點埋佢每盒都有跟既滷水汁和醋 味道更為突出 都幾意外啊另外仲有其他 例如金錢肚、大腸、豆腐等等 滷水味都好濃成個PARTY仔 個個都大讚我買既滷水 哈哈今次真係好威啊 同埋 最緊要係阿媽食得好開心! 

我們這家族每月都有幾天到外婆外公家聚聚，每次每人都會買些餸菜上去加料，這次遲了放工，想起同事介紹公司附近的滷味店，就決定買它作"加料"~非常大隻既滷水鵝~~仲有好多款滷味！店子小小，但都有幾個位俾街坊坐低食架~外賣價錢唔貴，比起其他滷水鋪便宜一點~五花肉肥瘦相間，淨望已流口水啦~~鵝翼~~雞翼~~經過一番指指點點(指俾師傅睇要邊d),師傅斬呀斬，一盒滷味誕生！排得幾靚啊咁多樣野都係百二蚊左右個人最愛鵝翼，皮滑又肉又入味！大大隻可以慢慢食!滷豆腐-以布包豆腐製作，粗糙的質地更吸汁，滷水汁既香料味好特出五花腩-肥瘦雙間，皮有煙un口感，肉質鬆化~鵝肉-鵝味都幾香，脂肪不多，塊皮最香叫多汁，用黎送飯真係唔錯

葵芳有幾間食滷水鵝，平時放lunch經過呢間潮州滷，都有坐低食下佢碟頭飯，味道都幾好，於是諗住放工斬料加餸帶返屋企。平時都好多附近既街坊幫襯，放工時間梗加要排隊斬料買外賣，點知排到我時滷水鵝竟然賣晒，勁好生意，但係好失望囉，不過屋企又預左會斬料，唯有揀其他。滷水腩肉、滷水雞翼、滷水蛋、滷水豆腐同滷水鵝腎，湊湊埋埋一盒，大概執左80幾蚊。滷水都幾香幾入味，仲另外比多包滷水汁同醋返去點。腩肉用左五花腩，都幾肥下，邪惡又入味。蛋同豆腐都唔錯，不過豆腐就硬身左啲，有啲似豆腐乾咁。雞翼有雞鎚、 雞翼同雞翼尖。鵝腎就幾爽口。

屋企人同自己都一向喜歡吃滷水，耐不耐買滷水回家吃已是指定動作，今次也不例外，但唯一不同的地方就是今次我買回家而不是母親大人買。看到潮洲滷的滷水相當對版，再看看他們的餐牌便直接買。發現師傅斬滷水的速度也相當快，而且面帶笑容，頗為有善。不消一陣子師傅已斬好滷水，斬了的滷水上去更為吸引。愛吃雞蛋的我，等不到晚飯時間已偷吃了半隻雞蛋。滷水蛋即使不醮滷水汁，它的滷水味亦見香濃，而我最為欣賞就是那雞蛋香，作為雞蛋控的我非常滿意。師傅給我的滷水汁和醋都十分充足，絕對滿足到愛吃濃味食物的我們。滷水鵝一點肥也沒有，肉質嫩滑又帶著濃濃的鵝肉香味，再加些滷水汁和醋味道變得更為突出，不論是單吃還是跟飯一起吃都絕對一流，就連爸爸也忍不住用它來佐酒。滷水鵝腎味道濃濃，口感頗為爽口，正正是我們喜歡吃的口感，亦因為那討好的口感而令我們吃過不停。滷水大腸一向都不是我杯茶，全因為我害怕大腸的騷味，但父母二人都說沒有騷味，所以我也放膽吃了一點。滷水大腸的確沒有騷味，口感軟腍再加上大腸有點肥，吃上去就更為甘香，的確不錯。滷水金錢肚出奇地不用醮任何滷水汁已很濃味，完全吃到花椒八角的香味，唯一美中不足就是有點不夠腍。滷水豆腐跟之

✿╮❤╭✿✿雜感女生   好味日記✿˚*•✰。潮州滷．潮州的味道。✰•*˚✿✿舌尖上的葵芳✿✿❤餓底飯聚．食勻全世界❤❤吃潮州的滷物，真是愈老愈滋味最愛那種不斷滲進食物精華的滷汁這種油亮的滷，令人一看就饞涎欲滴既然是放假，就想到滷水食店斬料然後回家開飯此店在葵芳，舖頭細細，到下午仍見人客多多叔叔們都在吃鵝肉飯，看到他們津津有味油亮肥美的滷水鵝似乎在呼喚，令本小姐也有點肚餓滷水飽包八角、桂皮、丁香的味道浸泡過的滷物：鵝腎、豬腩肉、豆腐、雞蛋特別香濃滋味滷水鵝片是主角，入味而又有鵝香與肉汁鵝片的肉質是鮮嫩的，而滷水的香氣也滲透其中令人想要多碗白飯腩肉香軟，脂肪平均又彈牙，肉質香嫩腎片是爽中帶香軟，家中有老人家都可以吃非常鹹香也非常有本身的肉味老闆送了紅腸和滷水雞翼，配白飯真是一流這碟潮州滷物鹹香與肉鮮交相暉影，令人回味如果滷水之中冰糖的份量與八角份量再重手點一定更令加好味！

葵涌廣場選擇雖多，但人多。逼來逼去，二、三樓行了一遍，逼到沒心機。離開葵涌廣場，去到室外，同樣多人，起碼少了侷促。向著蛋牛治出發，不過要等人，於是四處逛逛。經過掛滿滷水的窗櫥，心血來潮，改變主意。師傅正和熟客有說有笑，見我們入內，亦熱情地問我們要甚麼。所有飯都跟蛋和豆腐，什錦有各種內臟。不似很多舊式燒味店，不瞅不睬。鵝飯師傅三兩下手勢，便為我們送上兩大碟飯。帶光澤的鵝皮帶淡淡的滷水味，下面有層脂肪，吃起來幾香，又不算油膩。肉不嚡不韌，有汁夠濕潤，肉味清香。醋微酸，跟鵝很夾。蛋雖然表面染上淺啡色，不過滷水味不夠出。喜歡硬豆腐的口感，以為會是滷水豆腐，只有濃重的黃豆味。鵝是主角，但不可少看飯的重要。很多時吃燒味飯，即使燒味好吃，對飯的失望會蓋過一切。這個飯做得不錯，粒粒分明，乾而不硬。沾了滷水汁後，濕而不軟。汁和飯的比例剛好，有調味但不太重，有油香卻不膩。腩肉飯腩肉四層分明。皮的膠質很重，黏黏的，有嚼勁。下面一層全脂肪，咀嚼之下化成油脂，很香。然後是沒那麼黏的脂肪和肉，有肉的咬口，邊咬邊滲出油香。最後是全肉，不嚡不韌，不過偏鹹。整件放入口，就口感和味道都平衡得到。吃飯送熱茶或紙包檸檬茶。熱

今日黎開葵芳做嘢，反屋企前唸住劈料加餸。(其實有私心，因為自己好中意食滷味)。喺智芳街街市呢度見到呢間潮洲滷，好吸引咁。鋪頭環境都算乾淨，有倆張圓枱比客堂食，但個格局就以做外賣為主。除咗滷水鵝，仲有好多其他選擇，花肉，大腸，豬耳，鵝翼，鵝賢.....全部都好吸引雞翼睇落好似特別入味，顏色好深價錢都好公度，比起至前我喺荃灣街市買開嗰檔更平睇下滿滿大大盒有滷水鵝例牌，大腸，鵝賢，金錢肚，蛋，豆腐，$130咋，但呢度滷水香料味唔重，汁略為偏咸，另一方面，大腸清理得好乾淨鵝賢，同金錢肚得好入味，而且夠淋

復活節假前一晚放工, 去左附近斬料返屋企加餸, 話說係同事口中得知智芳街街市買餸好平, 所以之前都行過一轉望望。其中呢間"潮洲滷"就係我特別想買黎試試, 呢度設有堂食/外賣, 店內同一般燒味店別無差異, 環境清潔整齊。而最吸引令我想試就係入面掛住既大大隻、脹卜卜既滷水鵝喇!!  【滷水鵝】 外賣價HK$132/斤滷水鵝色澤光鮮, 肉質香嫩, 相當入味, 一D都唔肥膩, 沒有厚厚的肥油層。另外店方更比左D滷水汁同埋醋, 建議食之前將滷水汁淋上面。點上醋後食, 味道更加提升!【滷水鵝腎】 外賣價HK$20鵝腎既邊位很有咬口, 但唔會硬到咬唔開, 鵝腎中心位還是林的, 軟硬同時一齊食, 口感中和【滷水大腸】 外賣價HK$20超級入味軟林【滷水腩肉】 外賣價HK$128雖然不比大腸入味, 但還是好林, 而且都係冇厚厚的肥油層以後加料, 又多一個選擇~而且呢度開到夜晚7:30, 放工時間去買都仲趕得切!

星期一至五返工通常都會帶飯，今日例外同同事出外食午餐，一般我地都揀茶餐廳，剛好路經依間滷水鵝店，門外已見到一隻隻滷水鵝掛左係度，已經流哂口水，仲有其他滷水食物，店鋪雖然唔大，但也設有堂食，我地毫不猶豫就入左店坐低了店員親切地為我地送上兩杯茶，牆上貼滿餐牌，選擇唔算太多，但已經樣樣都想食最後同同事都各叫左一碟鵝飯，本身問店員係咪可以加蛋，原來本身飯中除左滷水鵝肉，仲有滷豆腐同滷水蛋，所以都無特別再追加配料鵝飯一送上枱，望到已流哂口水，滷水汁淋係三個餸既面頭，睇落閃下閃下咁，離遠都聞到好香滷水汁味，我個碟仲要係滷水鵝肶肉，連埋豆腐同蛋都切得好齊整咁上碟，鵝肉滷得好入味，肉質有咬勁，食落唔會太過軟腍腍滷蛋同滷豆腐都入味，飯入口軟熟份量多，滷水汁撈飯食一流，永遠食碟頭飯都別有一番風味