潮洲滷 (已結業)

家人愛吃滷水食物，今夜，於公司附近的潮洲滷，買了招牌滷水鵝、腩肉、豆腐及滷水蛋與家人共享。回家後，即時開餐，招牌滷水鵝，賣相亮澤肥美，入口帶著醇厚的滷水甘香，鵝肉沒有多餘脂肪，肉質結實之中帶著一點彈性口感，恰好的油香，非常美味。滷水腩肉，肥瘦相隔，入口沒有想像中的油膩感，肉質鬆軟，淡淡鹹香，值得推介。豆腐，質感粗厚，能飽吸滷水汁，為單純的豆香多添豐富的惹味。滷水蛋，蛋白外層沒有乾硬，依然保持著柔軟的口感，飽足滋味滿分。家人在捧著肚，回味之時，已靜靜地將剩餘的幾片滷水鵝妥存，留待午夜時分，為自己泡個熱辣滷水鵝湯麵，肯定暖胃暖心，美味無窮。

叫左滷水雞蛋，滷水豆腐同滷水鵝。滷水味幾香。滷水蛋幾入味同蛋黃唔乾滷水鵝肉滑，皮都有哂味配飯好好，同場仲有滷水豆腐個皮有d離豆腐肉，證明整到好入面？入面上哂色但唔咸。一買嚟加菜無影到相。

很多時候外出吃飯都會到Openrice看一下大家的食評及推介，故亦覺得自己也應寫一下食評，算是對Openrice作出點點的貢獻,,,,, 第一次寫食評,,,,一個人去左食滷味,,,,入左去見到個好年青的四眼仔和阿姐,,心想,,咁年青就識整滷味,,,一定吾好食啦,,應該話無信心,,,,点知阿姐好熱情招呼,,,阿妹,,,想食D咩,,,,入左去又吾好意思走,,為有俾面,,叫左個什錦鴨飯+例湯,,35元,,,吃落去,,,有D驚喜,,,,又幾好味wor,,, 鴨肉鬆軟，散發着滷水香味，豆腐好滑,,,吃完結帳,,,讚阿姐D野好吃,,,阿姐話下次可以試下滷水鵝,,D鵝肉更加好味又滑…不過就貴D Lor,,,哈哈

放工諗住去吃滷水鵝，突然間好想吃，去到門口，先知道搬了去隔離街，細店變大店，做起個名了。店內齊整，布置簡約滷水鵝雜錦飯，有鵝（肉質很軟而且又相當入味）、豆腐（質感偏硬）、雞蛋（無特別），例湯，內有蘿蔔此店以家庭式打理，無論樓面或廚房，裏裏外外間中都會聽到潮州話交談，各施其職，地下好滑，穿拖鞋時行得要小心。

最近間中都會來這裏買外賣，每次都係滷水鵝飯($34，滷水鴨或雞飯就只要$26)，附有滷水蛋一隻。通常老闆都會問食唔食豬頭肉，當然食啦。同事見到我食，都話要一試，今日一次過買六盒飯返辦公室開餐。點知今次冇比滷水蛋，唔知係唔記得定係專登，不過豬頭肉就照送。一次過買太多有一個問題，就係唔係個個都分到鵝片，雖然有人會分到鵝脾(我最鍾意係鵝片)，下次都係淨淨雞一、兩個人去買好D。另一問題係衛生，我最怕見到斬燒味的用同一隻手收錢，如果有兩個店員都好D(一個收錢一個斬料)，有時係個後生仔佢就會自己收埋錢，感覺唔係咁好，眼不見為乾淨嘛！

物資採購大經理在附近出勤後,被這間小小鹵水店的鹵水香截停了腳步,記憶中在這裡吃過鴨子,反而其他鹵水食品好像沒有試過;伸頭入去問問四寶有什麼?? 應是老闆的叔叔回應"咩都有d,樣樣切d你試啦!",結果我的四寶飯出現了:以硬豆腐煮成的豆腐一件,豆腐質感已偏硬實,外層更加有嚼勁,豆香欠奉但會飽肚,入味程度很一般;雞蛋樣子很吸引,鮮黃色的蛋黃最是誘人,蛋白鹵得微微轉成深色,吃來有蛋香,夠味之餘又不太鹹,好吃!一隻雞全翼外觀對眼,外皮不太肥而雞翼不太粗,要是鹵水汁是甜一些的話,味道會更對自己胃口。豬肚份量最多,質感不韌也帶爽口,最重要是沒有怪味!豬頭肉不太爽口也不過淋,軟硬度介乎兩者之間,這款食物非常入味,可是還有點硬毛,清理得不太徹底;本想吃豬耳,老闆說給我更好吃的豬頭肉,不過我還是喜歡吃豬耳多一些! 以豬頭肉來說反而葵涌廣場三樓的小食店處理得更爽口好吃哩。鹵水汁味道偏鹹,以前會加很多汁在白飯裡,所以較油膩及鹹,現在份量少了很多,因此沒有以往太油的感覺。店方所用飯盒較細, 飯量其實不多,而且白飯偏軟,像翻熱冷飯般, 幸好用上較細飯盒也要了少飯,不然以這個白飯質素真會浪費不少米飯的。

今日下晝去咗呢間舖頭細細嘅潮州滷買四寶飯做午餐，呢間舖頭喺葵芳都開咗唔少日子，不過我未幫襯過，今次係第一次。佢只係做外賣嘅，舖面可以見到一隻隻掛喺度嘅滷水鵝同其他滷水食物！招呼就一般啦，你話要乜，佢就去切，整完收錢，交流就係咁多嘞！不過外賣店好多時都係咁，冇乜所謂！四寶飯入面有一隻切開嘅滷水雞全翼 、四五嚿豬耳、一隻滷水蛋同埋一嚿滷水豆腐，成個飯面都鋪滿晒餸，睇落都幾抵食！佢啲滷水汁唔算太濃，味道都幾好，不過就好似好多油！我仲以為四寶是旦有一樣會係鵝件或者鴨件，就算鵝翼鴨翼都好丫，點知淨係得雞翼，有啲失望！ 雞翼滷得幾入味，冰鮮雞就一定架啦，肉都幾嫩滑，不過味道實在冇乜驚喜；豬耳整得好稔好入味，不過真係好油好肥，而且面頭仲有啲硬毛，我食咗兩嚿已經覺得好膩！滷水蛋亦又唔係滷鴨蛋，都係雞蛋，不過隻蛋本身嘅質感幾好，蛋白又彈又滑，蛋黃甘香，再加埋滷水汁都真係幾好味！豆腐係成嚿切比我嘅，夠豆香亦算滑，味道都算唔錯！不過最慘不忍睹嘅係盒白飯，因為佢啲滷水汁同滷水食物真係太油太肥膩嘞，盒飯個底全部都係油，油浸飯喺冬天真係有啲難頂喎！要試都係買淨餸好嘞！

寄完郵包順道走到這邊覓食,走走看看之際發現這間滷水小店,櫥窗內鴨子、豬鼻似乎頗新鮮,菜單上也有外賣便當價目,即時向老闆要一個滷水鴨飯。老闆問我要不要試試鵝??沒所謂呀!!結果由鴨變了鵝;也見到老闆切了一件豆腐給我,似乎是頗豐富的便當。滷水鵝份量不少,少肉的鵝肚和多肉的鵝胸肉各半,滷水味道偏咸,不是自己喜歡那種甜甜味道,不過還是ok的;鵝肉不算太硬,質感還可而且滷得夠入味,總算ok的。豆腐像豆腐乾多點,吃起來帶硬又不滑,個人不太喜歡這種豆腐哦,不推介。小店面積小小,但都有為外賣膠袋設計一下,膠袋上有隻0看起來頗可愛的卡通鴨子;最有趣是連地址也用上國語拼音來寫,好有祖國氣息。