潮洲滷 (已結業)

行葵芳除了葵廣外，嘗試去葵廣外搵嘢食，行到去葵芳街市智芳街，遠遠聞到一陣陣好香的鹵水味道，見到一單幾乾淨企理嘅潮州鹵水外賣店，發現內裡有兩三張枱可以堂食，二話不說説同阿菇坐低諗食什麼。見到佢鹵水豬手同鵝都好似好好味，咁就叫左一碟鹵水豬手飯$42加一舊鵝，大約一斤，切鵝片加鵝件。豬手飯的鹵水豬手滷到好入味，豬手皮亦好爽，同時豬手處理得好乾淨，加上有豆香的鹵水豆腐同雞蛋。女人的浪漫，鹵水豆腐豬手飯。再加一碟鵝片+鵝件，碟底墊滿鹵水豆腐，鵝片好鬆軟，鵝皮與肉之間唔算太油膩，鵝件亦好入味。結賬$180.

公公好中意食潮州菜 特別系鹵水食品。聽葵芳既朋友講果度有間店舖專賣鹵水食品，所以就特登去左買比公公食 比個驚喜佢！去到店舖，見到有好多款式選擇今次揀左鹵水鵝,鹵水金錢肚,鹵水豬腸,鹵水雞蛋,鹵水豆腐。鹵水鵝當然系潮州食品必食既首選 鹵水鵝肥瘦適中 吾會太硬身 食落仲有吾少汁添！鹵水金錢肚 我最中意既一味潮州菜黎，食得出好入味 同時 食落無渣 煙煙靭靭 果然吾錯鹵水豬腸 依款更為入味脂肪不算多，而且並無異味！入口口感為林身的！鹵水雞蛋吾會太硬身 點埋啲汁 更加和味！鹵水豆腐刀好正呢！

葵芳向來是逛街熱點，每次逛完都會順路買點食物回家加菜，今日路過智芳街，見到好久沒吃的滷味，晚餐加菜有著落~XD  小小滷味店附有座位，乾淨企理，堂食又得外賣又得。  牆上貼上大字餐牌，明碼實價，還有飯盒可供選擇，興之所至啤一啤都無問題。  滷味難得吃一次，一家大細分享當然要每款買一點，結果就是這麼一大盒XD 老媽精心擺盤後更引人食欲XD 除了滷水鵝，還有大腸、鵝腎、雞蛋、豆腐、金錢肚，好豐富~ 王牌滷水鵝，皮香肉軟，脂肪不多，鵝肉香與滷水從來是最佳配搭。  大腸滷得超軟稔，毫無異味，咸咸香香的超下飯。  我最愛的滷水蛋，連蛋黃都入味，蛋白又滑溜。 滷水豆腐外皮有咬口，豆腐嫩嫩的，吸滿滷水汁也是下飯恩物~！ 一大盒滷味吃得個個肚滿腸肥，下次斬料可以再試其他！

除咗餐廳可以搵到好嘢食之外，其實我覺得係街市最可以搵到最地道嘅美食。如果可以嘅話當然係街市度買返屋企煮係最好啦，如果唔可以嘅話其實買熟食加料都不用。呢一間潮州滷除咗可以外賣之外仲可以同堂食，我啱啱係六點幾嘅時間去到，就有好多剛剛收工嘅師傅喺度食，飯仲可以一路飲啤酒一路食。我今日就買咗個外賣，呢一個滷水就大概系＄150左右，但係分量非常之多。除咗滷水鵝之外仲會有牛肚同埋豬大腸。我特別鍾意食就係佢個鵝，平時喺出面買嘅話非常之貴，我都唔捨得食。未食已經聞到陣陣嘅滷水味，應該加左好多唔同嘅滷水料，例如花椒八角。咬落鵝香而濃，肉有咬口。吃嘅時候再沾d特製的蒜蓉辣椒醋。

父母從國外回港了，最掛念的是香港美食，其中一樣便是潮州滷水。是日到了葵芳廣場行街，亦在開飯網search到潮洲滷，行完便帶一盒回家加餸。不少街坊幫襯的滷水店，滷水汁好香啊。等了約十分鐘就到手了，自家膠袋印有可愛的鵝同鴨子。要了鵝，大腸，肚，同滷水蛋，滿滿一盒好正呀～豬肚入味，有嚼勁但無渣的。大腸同樣滷得入味，煙煙韌韌，肥美又清洗乾淨無異味，勁正。主角鵝件更是無得彈，肉鮮嫩滑，皮下無肥膏，連骨都吸滿滷水汁勁好啜。蛋亦是滿滿的鹵水味，下層仲有滷水豆腐，太好味忘了影相。醬汁，無乜點過，原本已經好夠味不用添加了。足磅沒呃秤，絕對係好味又抵食！

星期日山長水遠去到葵芳，媽媽順手買餸，竟然比我發現潮洲滷。上星期才食完滷水食物，咁岩見到，又心思思想食了。腎真係非常爽口，唔會咬極都咬唔開。我試過在別家買的鵝腎，韌得似橡皮。這家的鵝腎十分出色，入味，爽口又不會韌。另外，腩肉同樣有驚喜。本來我有少少擔心腩肉會太油膩，但食落發現完全不會膩。雖然肥豬肉不健康，但偶爾淺嘗，再做運動消耗一下，應該不會長胖吧......這次我沒有點鵝腸，完全忘記了這款美食，可惜！

鹵味來說其實香港真的不比台灣差, 就味道而言我比較喜歡港式的比較沒那麼重口味的口味, 和口感沒那麼硬吃過幾次真的會推薦大家一定是這一家鹵水這家真的是最正宗, 一來廚師和自己只是隔了一塊玻璃, 喜歡吃哪一個部位可以直接跟他說, 而且份量可以更加合自己胃口來買今次吃的是招牌鹵水拼盤, 有鴨, 鴨腎, 鹵水蛋, 紅腸, 大腸, 金錢肚基本上什麼都有一點咁, 可以試哂佢既所有野最出色的話我覺得一定是招牌的鴨肉, 大家都可以見到即使我沒有特別跟師傅說要什麼部份, 他也是給我上脾的部份, 又多肉, 肥瘦比例又適中, 而且鹵水味完全入了肉的部分!! 另外就是鹵大腸和金錢肚, 都是富鹵水味之外, 口感一流!!

今日屋企人生日當然就要加餸食飯, 燒味斬料就梗係必需既事今次我去到既係荃灣呢一間好出名既鹵味店度買好彩過左食飯時候先去, 如果唔係又要掛好耐今次我買左既係鹵水拼盤, 望住師傅即場整料真係一種享受等左3分鐘都唔洗就有了, 師傅手腳快之餘我見佢仲係幫我裝到滿滿的有一種滿足感拼盤入面我最鐘意既係大腸同鴨肉, 先講大腸!! 鹵得非常入味, 但又唔會好咸同鹵到乾哂, 反而保持到個彈性, 一睇就知新鮮而個鴨肉一點也不un, 而且好嫩口, 光係呢碟已經夠餸飯!! 最鐘意係佢斬料既部份唔會係d背呀, 頭呀, 頸既位置冇肉食!! 反而呢個全部都係肉!! 正!!

今晚屋企得我一個人，又唔想煮飯，去咗公司附近嘅潮洲滷，買滷水鵝返屋企食，貪佢就腳又好味。叫咗個例牌滷水鵝，佢D肉質真係幾好，好厚實，又唔會好韌，唔會好多肥膏，又有鵝油香，放埋包滷水汁同醋，真係好惹味，最啱餸飯。除咗滷水鵝仲加咗D小食，叫咗我鍾意嘅滷水蛋，個皮唔會好硬，又入晒味，每次都一定叫。見到有金錢肚，又想叫D試吓，好入味，煙靭又彈牙，口感唔錯。腩肉，肥廋均勻，入口好鬆軟，滷得又夠淋，好滋味。成盒滷水鵝自己一個人食晒，飽到飯到食唔落，剩喺不停食佢，食完真係覺得超級滋味，又滿足。

呢排夜晚都冇飯食 所以放工四周圍睇下有咩食記得附近有間滷味 可以外賣番去 開番罐啤酒 煲住劇開餐！叫左滷水鵝 鵝腎 大腸 牛肚 滷豆腐隻鵝好靚 唔算肥 肉唔會韌 都幾入味 又唔會好咸鵝腎 好爽口 每舊都幾大件 鵝腎都係第一次食 口感好似雞腎咁大腸 肥左小小 但可以接受 夠淋牛肚係我至愛 所以見到有就想食 送酒飲一流 滷得好入味 但唔會太咸 唔算太爽口 但又唔會太林 全部野岩岩好 適中滷豆腐 每次去潮州滷水店都會必點 因為食肉之餘 點都要食下豆腐清一清 豆腐好好味 唔會太咸 味道好適中好鍾意點佢附送既醋 酸酸地 又可以解左肥膩既感覺 雖然係小店 但服務員有善 外賣番去食重可以慢慢嘆，下次可以買鵝掌同鵝翼番去同朋友開罐啤酒暢談！

今日同同事吹下水嗰陣,佢話佢屋企人上次喺葵芳一間潮州滷水嘢外賣叫(潮州滷)嘅滷水店!佢地成家一路食,一路讚,話水凖極高，價錢又合理。由於地點好方便，所以決定搵日去朝朝聖先,睇下有幾牛先。一搵就搵到,門口都企企理理,之後我就叫左半隻鵝再加腎，豬耳，豬腸，紅腸，豆腐，師傅手起刀落好快手就搞掂！返到屋企急不及待即刻品嚐下,嘩!果然有料到，味道好平均又唔咸，的確好嘢,再點埋嗰醋汁,味道真係拍得住高檔嗰啲潮州舖，同事真係無介紹錯,價錢又合理!值得推薦下!

今晚喺屋企一家人食飯,媽咪突然打電話話想食潮州滷水嘢,叫我買番嚟。難得媽咪出到聲,無理由托佢手踭,但我又喺葵青區做嘢，又唔係好熟，唔講咁多,即刻上網搵搵葵青區有咩好嘢先。皇天不負有心人，就俾我搵到呢間叫(潮州滷)嘅滷水店!地點好方便,一搵就搵到,門口都企企理理。但裡面竟然係兩位比較年青嘅男仕，我估係老闆來的！之後我就叫左半隻鵝再加腎，豬腸，金錢肚,蛋，豆腐，斬完之後見到好足料！返到屋企媽咪老豆食左兩嚿之後，讚不絕口,味道好平均又唔咸，的確好嘢,再點埋嗰汁,真係讚,價錢又合理!老豆仲問我係咪喺九龍城到買,都幾搞笑！

應阿媽要求返屋企吔飯，想斬料加餸，潮洲滷係我地嘅不二之選。唔好睇佢舖頭細細，店舖乾淨企理，各式各樣嘅滷水食物都有得賣，一應俱全。因為臨近收舖先趕抵去買，好多食物都已經賣完。滷水拼咗好多款食物，滷水鵝、腩肉、紅腸、蛋，再加豆腐墊底，滷水鵝件件厚切，沒有多餘嘅皮下脂肪，咬落鵝肉好鬆軟，冇一般滷水鵝嘅鞋口感覺。打正潮洲滷水嘅旗號，當然要試真一下潮洲人傳承的傳統味道。此滷水帶著一絲咸香，色澤較廣東滷水為深，味甘香而少油。腩肉切法似叉燒，滷水香味濃得來沒有過咸，紅腸薄切冇渣，仲附送咗兩包醋蘸點，今晚食唔哂可以分兩次食。最欣賞係每樣食物都可以散點，豐儉由人，下次要試埋佢啲掌翼至得！

今天回家探望父親，他最愛食潮洲鹵水野，所以特別前葵芳的潮洲滷，買些回家給父親食，因為之前同事介紹給我，說尼間滷水吾錯，價錢吾貴又美味！多款滷水食品選擇。滷水和醋都獨立包裝，清潔衛生！滷水鵝：潮洲滷水必食，鵝肉入味又美味！滷水金錢肚：爽口彈牙，滷得入味，1吾會靭！滷水豬腸：清洗乾淨，不會有異味，滷得入味又夠林！還有其他滷水：例如：雞蛋、豆腐等等，都非常美味可口，買多幾樣，！可以砌成滷水拼盤，色香味俱全！

去到葵芳行街掃平貨當然吾只買零食 小食回家 近排好Openrice呢間好出名的滷水鵝難得到葵芳不買咪浪費了時間職員有兩位 問他們有乜介紹 佢即刻話當然試滷水鵝啦 我見成日都食鴨 今日豪一豪食鵝啦門面照牌還很新 我到達時剛好不用排隊 我之後竟然大排長龍 是我好彩定我幸運呢眼見滷水種類很多 當然什麼都叫一點 試過好味下次可以叫一款麻例牌滷水鵝 肥瘦均勻 肉質鮮嫩鵝腎 吾係周圍有得食 好肥味 好大件 啖啖肉豬大腸 整得不臭 入味已經好考功夫 呢間整到入口即溶感覺 很淋滷水蛋 比較硬身 不夠味原本想試鵝翼 已賣完了 失望下次可以試埋其他款式呢到可能葵芳區 價錢也很平民化一盒也不用150蚊 服務食物賣相衛生價錢