潮樓 (已結業)

17/8(五) 九點半早茶,搭枱唔駛等.-迷你鳳爪排骨飯($8)k-鳳爪($8.5): 勁多油-香茜牛肉腸($10): 皮唔夠薄.-蘿蔔絲酥餅($11.5):唔掂,皮絕對唔酥,個酥皮係影響晒整個入口的感覺,聯邦酒樓or稻香都做得出色好多.埋單$38,自己到櫃面找數,唔駛等仲好.走既時候差不多11點,已經好多人係到等位.

去dinner..好似去飲荼咁, book左位都要等.野食就ok...唔難食但唔係好正宗既潮州野.都幾嘈下...要傾計就唔多arm.不過就幾平, 可以係糧尾既去既地方!

小組活動, 來了這裡. 不知大家是否太忙, 只有六人出席. 見剛好有個皇潮宴, $599半席, 另送一榨橙汁. 這裡的一貫做法係唔收茶芥同加一, 所以一人不用一百元就埋單. 不認不認還須認, 係幾經濟抵食的.這個皇潮宴共有十樣菜色, 去飲一樣. 唔同的開頭有攻夫茶飲.馳名鹵水鵝肉拚盤: 8分, 先來的係鹵水鵝肉拚盤. 鹵水汁都幾入味, 鵝肉幾嫩滑,當然無創發同生記的水平, 但係已經收貨有餘.瑤柱津白紅燒翅: 7分, 一人分到一整碗, 加入津白讓碗翅較為清新, 味道不算太濃, 都算有不少翅.伴水芹香花姿蚌片: 6分, 好油膩的一碟, 油全反了光. 不過芹菜同蚌片都幾爽口.芝士焗大花蝦伊麵底: 7分, 平時去飲吃開的係龍蝦, 這餐將貨就價, 變了大花蝦, 都無問題的. 但最大問題係只有三隻大花蝦, 每人半隻? 點分? 一人一啖? 蝦肉都算新鮮, 伊麵沾上了芝士汁係好濃郁, 但係太水了.蔥油炸子雞: 7分, 其實炸子雞就炸子雞, 蔥油雞就蔥油雞, 這個雞食落口都係似炸子雞. 炸得都幾香口, 但係雞肉麻麻嫩滑, 有點老, 不過旁邊加上川椒葉去增加口感又幾好.清蒸海青斑: 8分, 去飲當然有魚,

我覺得野食的味道，價值同價錢的比例唔相扶。認真麻麻。d雞又鞋，d魚好多獻。

今次係我第一次去潮樓食晚飯,好彩無令我哋失望,嘢食都算唔錯,服務幾好待應生經常會叫吓有沒咩嘢未到幫你去跟進, 最低係唔駛加一同免茶芥這到都夠你叫多個餸,我們叫了以下六樣食物:1) 超值菜膽翅一盅$18 (味道幾好好有雞湯味)2) 蟹肉魚翅一位用$260 (都幾真材實料不過唔夠熱, 唔係好低食)3) 鹵水鵝肉$70 (肉質幾嫩滑)4) 蠔仔粥一窩$60 (份量都好多都有6碗, 不過味道唔係有出色, 但係D蠔仔好大隻肥美)5) 凍花蟹一隻$88 (都好細仔肉質唔夠實)6) 海皇咕嚕脆油條$80 (有新鮮虾球帶子鮮魷, 個脆油條個樣好似咕嚕肉咁, 都幾有特色)**雖然星期三係平日但係都好多人, 好彩訂咗位**

又一個星期天, 來了這裡飲茶. 雖然路途遙遠, 但係這裡始終比較抵食, 加上食物水準不俗, 都值得來的.是日又叫了一大堆食物, 只記下有印象的.水東芥菜: 8分, 芥菜幾靚, 唔太老.皮蛋瘦肉粥: 7分, 上次食係大特價$8碗, 今次食都係$10, 粥未夠綿, 不過起碼無味精, 收貨了.潮式水晶包: 7分, 不太甜的奶皇, 皮煙韌, 不太厚.三星燒賣: 7分, 甚麼係三星? 其實係三樣完全唔同的材料放係燒賣上, 有冬菇, 蟹柳同鮑魚菇. 感覺其實係怪怪的.檸蜜炸蛋散: 8分, 點點的檸蜜味, 酸酸甜甜, 比一般的蛋散特別.家鄉煎薄撐: 8分, 大大碟, 一人一件, 煎得唔太油.醬皇北方餃: 7分, 原來醬皇係帶點辣, 但係點解係北方餃? 潮州人在北京? 想起好兄弟, 一切珍重,碧綠帶子腸: 7分, 帶子唔係好大粒, 仲算有鮮味, 加上麻油香, 幾好.火腿意粉: 7分, $10一碟, 弟兄J話, 叫多幾碟都抵. 但係炒得唔夠鑊氣, 麻麻.依舊令人滿意, 值得再來.

(7/7/07)老公朋友聚會book了一個房,兩圍人,但serivice極不足o羅!幸好食物好食,補番數。\"上上宴\":六小碟:燻魚、醉雞、甜酸蝦、齋、牛展、海哲。頭三樣都好正,其餘的平平無奇。鴛鴦炒蝦仁,乾燒明蝦球+清炒蝦仁,大碟又爽口。鍋\"塔\"三鮮,帶子開邊釀入魚/豬肉,炸,雖有點腥,但特色可加。最欣賞的,上海蟹皇翅,滿滿的蟹膏味,還有豐富的魚翅及魚肉,真係從未食過咁足料、咁好味既蟹皇翅呀!竹笙煨上素,竹笙+瑤柱+白菜,在豐富的套餐\作點綴。炆肉燒油參,海參炆得夠腍之餘,仲非常入味!楊州乾絲,乾絲,係麵篩絲,配莧菜,是較清淡的一味。糟溜鮮海斑,醉雞味的獻汁淋在斑片上,最有特色係墊底仲有層燉蛋白!太好味喇!!!不過此時開始感到漏了。江南脆皮雞,炸完後再下蔥蒜作少許\獻汁,又一冶味之作。招牌炒飯,炒得一粒粒的,還很有鑊氣,可惜各人都吃不下那麼多了。蟹粉少籠包,感覺唔到蟹粉味,不過很多肉汁,合格的。煎八寶飯,估唔到甜品係薯不普通的八寶飯,豆沙唔太甜,配紫糯米,合晒我胃口。果盤的西瓜及哈密瓜,都好靚好甜呀!紅酒$57.5無乜油精成份,作佐食也算不錯。成個餐\的餸,汁多,而且碟頭很大,

8時半後, 門外已見人頭湧湧, 原來眾食客皆等候9時的優惠時段.價錢雖優惠, 卻是貨真價實, 無將貨就價. 鹵水併盆熱騰騰, 豬紅大大碗, 蠔餅大大塊, 川椒雞可卻失色. 唯一可挑剔的, 是客人皆在同一時間入座, 伙計可不足.

跟家人去吃潮州菜。已經不大記得吃了些甚麼，大概不是我點菜的關係吧。記憶比較深刻的有燒雞和白果綠豆爽。不過燒雞不太新鮮、綠豆爽太甜。感覺上不是十分正宗，吃得不盡興，雖然服務還可以。總括來說是一家沒有特別的餐廳。

5個人冇訂枱等了約15-20分鐘有位叫了個套餐\二有脆皮雞.粉絲蒸節瓜.湯(唔記得)另散叫一斤老虎斑同象拔螃炒勝瓜每碟份量不大不小剛剛好老虎斑最正:蒸得剛剛好,汁很正,要撈飯好飽!!係個到坐左2粒鐘仲食埋生日蛋糕雖然冇幫我地雪住但都冇收餅費waitress雖冇咩笑容但冇黑口黑面又冇趕我地走overall都ok!

又到鄭太生日，如常都係新抱緊張過仔。今年揀咗旺角潮樓，雖然九點有特價，但係點等吖，於是都係訂咗七點半。七個人點咗八樣嘢，上菜非常快，相信好多嘢都係一路慶住。唔使慶嘅糖醋麵先到，跟住有鵝片、大腸拚墨魚、胡椒豬肚湯、鴛鴦雙棗、蠔仔粥、糯米釀大腸同腿絲紹菜，最後叫多籠應景壽包。雖然唔係平，但份量都唔太細，食晒啱啱好。埋單諗住七八百，點知都係五百幾，都算抵食，而且地方乾淨闊落，招呼亦唔錯；唔怪得之九點後咁多人。

好la..見到呢度食評okay~~咁同女朋友一齊上去la..都坐得幾舒服..諗住唔錯....一睇餐牌...價錢都okay貴..$80幾一個小菜..唔緊要la..(如果好食的話)叫左梅子羔骨(近生妙骨)，彩虹帶子，卥水掌翼同墨魚。再白飯兩碗。梅子羔骨還可以，但菠蘿同蜜桃係用罐頭既..仲要係好屎個0的罐頭(即係菠蘿好似白糖咁，得個甜字)..成碟野浪費晒....彩虹帶子無鮮味，帶子無一粒係原粒的..全部碎上咁..卥水墨魚根本未醃好就上台，用酸汁去頂住...唉...所有菜式份量少唔緊要，都唔好冷盤咁ah!!0的飯上台,仲要係凍既.比較好係有功夫茶，免茶芥加一..你問我會唔會再黎,,,.唔會..菜式味道唔值得食..埋單$240 ($5 tips)

媽咪生日所以叫咗一圍$1188(12位)潮皇讌，由於方便大家所以今次呢咗這間潮樓食，7點都唔係太多人，所以D餸上得好快．未食完一碟就上第二碟，好似好趕時間，一呢就係個鵝肉拼盆，碟頭真係無青衣城嗰間潮樓禁大碟，嗰拼盆味道都OK，不過種類好少，好快就到我至愛的翅出現，不過一食落去就好失望，嗰翅唔係禁好味，其它餸都係一般般，好彩條魚蒸得都算滑，唔會過火，我個人覺得成晚比較好食的就係個糯米飯，雖然好淋，但至少好幾夠味．如果講味道都係青衣城嗰間好味過這間．

頌揚的開年茶, 選了在這裡. 8個人, 2女高1女低2男高3男低. 剛好還有張大臺, 之後就要等位.叫了6樣8蚊點心.步步高昇: 6分, 新年當然要食糕, 就連食兩糕, 年糕拼馬蹄糕, 年糕係好甜. 馬蹄糕就幾爽.原來分吃糕係超高難度, 黐在一起. 此時, 弟兄C先來一個年糕給我5笑話, 跟住弟兄J又來爛笑話.笑到我收唔到口.鳳爪排骨飯: 7分, 試了小小排骨, 幾入味, 不太肥.皮蛋瘦肉粥: 7分, 新年過後最好食粥下火, 食落口不像海記的滿口味精. 當然唔係景叔的境界, 但8蚊一大碗, 仲想點.菜肉水餃: 由於弟兄C浪費了一件, 沒有試到.桂花紅豆糕: 7分, 幾香桂花味, 紅豆味就淡了點, 凍凍的, 幾清新.香茜牛肉腸: 7分, 麻油味很香, 牛肉不老.再叫了兩樣10蚊點心.灼水東芥菜: 7分, 有弟兄C, 自然要食菜, 這個芥菜幾新鮮.和庭煎餃子: 5分, 比較油. 日式煎餃子?跟住仲有7樣正價點心.潮陽鮮蝦筍粿: 7分, 其實味道跟平日吃開的蝦餃差不多, 蝦都幾鮮甜.潮式蒸粉粿: 分唔到.蜜汁叉燒包: 7分, 要了兩籠, 香噴噴, 熱辣辣, 叉燒都唔錯.白灼西生菜: 7分,

晚上在學校溫書到8:00多, 女朋友說突然想去潮樓, 都好, 因為就啱9:00特價時段, 「抵食」!去到不多久已經有位, 前幾次都吃鹵水鵝片, 今次叫了鹵水墨魚及鹵水大腸(分開叫的), 煎蠔餅, 兩碗白粥!跟上次來的時候只是將鵝片及鹵水交換了而已!將重點放在墨魚吧!, 夠味, 都算多, 但略嫌切得太薄, 削弱了口感!坦白說鵝片吸引點, 大腸反而很肥美, 亦夠味, 都幾多, 墊底的蓮藕片, 紅腰豆等不可少看, 其實幾好味, 加上女朋友不怎麼吃, 我吃著吃著也很飽呢!反而蠔餅令女朋友有點失望, 她說沒什麼蠔味, 但我看仍是很多蠔, 可能是蠔不夠靚所致吧!9:00後的潮樓不算太多人, 坐得舒適, 而且食物OK, 價錢抵, 兩個人都是百多元, 晚上能在酒樓以這個價錢吃飽, 實屬難得!