潮林園滷味大王

营业中

休息中

很久沒有來銅鑼灣，晚餐諗住隨便食，點知有驚喜。叫咗3樣野，韭菜豬紅、滷水雙拼，有好多嘢揀，最後我哋揀咗墨魚同埋鵝腸、仲有獅頭鵝髀飯。三樣嘢都好好食，豬紅好大件，而且入味，鵝髀飯亦都很好吃，好大隻鵝髀，吃我最怕會好肥，但佢嘅我唔會肥，仲配埋有滷水豆腐，潮州咸菜，仲有例湯，整體很滿意，性價比不錯，人均$130算係唔錯了。如果下次再到銅鑼灣的話，都可以再來光顧，試一試他的其他菜式，午餐來吃客飯，解一解吃潮州菜的思念。

公司樓下既餐廳，香港地難得既良心餐廳。經常幫襯。食物大大份，味道一流，50幾蚊，大大碟肉比我，仲有湯飲。今次食墨魚飯，墨魚下面有大大舊豆腐同好好味既酸菜。希望老闆生意興隆!

⊱ 鵝紅拼豬紅⊰豬紅就食得多，鵝紅都係第一次食，原來鵝紅口感比豬紅結實少少，味道比較濃郁豐富，個汁超級香濃，帶有少少微辣，非常好味⊱ 獅頭鵝片拼豬大腸飯⊰首先中午雙拼飯真係 超 足 料！超 大 碟！獅頭鵝片厚薄適中，肉質軟腍帶甘香油脂，豬大腸肥美豐腴又唔韌，滷水鹹度適中，重點係食完完全唔會覺得口乾，墊底仲有咸酸菜同豆腐，豆味濃厚又帶油香，送飯真係一絕⊱ 獅頭鵝片拼鵝腸⊰獅頭鵝片一份真係會爭食，所以要另外再加一份配鵝腸，鵝腸爽脆彈牙，厚身有咬口，而且啖啖都有油脂香我本身唔特別鍾意食潮州滷味都覺得充滿驚喜，如果下次多幾個人一齊去就可以一次試食多幾款食物

終於喺香港島可以搵到一間好食，而且價格正常嘅潮州嘢！早幾個月前新開張，見到燈光好光猛，已經嘗試，但係一直去旅行放假冇事道，今日要外賣加送終於可以試到！試咗幾樣嘢，真係好高質素！原本冇好大嘅期望，熄咗少少發現都真係非常唔錯，所以有啲都係食咗先影：沙嗲鵝紅：第一次食沙爹煮，食落去，鵝紅好滑，唔散，好出色！滷水豆腐：好滑溜，外皮都唔會好硬或者太靭，味道夠入味！中翼同埋鵝肝正常發揮🤭大家一定要嚟支持，出色又有心，又有禮貌嘅師傅老闆，點可以唔支持小店！順帶一提，酸汁都係經過調味，係一個非常出色嘅配角。

早幾日去咗搵朋友食晏🥰成日都唔想諗食咩嘅我🙈嗰日就跟住朋友去咗喺銅鑼灣嘅餐廳🍴🤎潮林園➖米芝蓮 滷味大王🤎老實講 我平時真係好少好少去食滷味因為覺得次次食完都會好口渴🥲所以真係唔會專登去食🫠但係原來跳得好嘅滷味食完係唔會口渴㗎❗️首先一去到就即刻俾咗老火靚湯我哋飲🙈.🥢招牌獅頭鵝片飯呢個一上菜嘅時候有啲嚇親我因為我同寶寶就係驚食唔晒 所以先叫一個飯但係呢個一嚟到我心諗 成碟都係鵝片嘅😳飯呢？原來係大碟 足料到,,啲鵝片蓋住晒啲飯🫨仲要每一塊鵝片都超厚架🥹超好味💯.🥢元朗烏頭 鍾意食魚嘅我 當然要試吓佢哋個烏頭😋呢個我真係食到停唔到差唔多成碟都係俾我清晒🤣超多肉 每一啖都好滿足🤩食食吓我見到魚尾有個牌 好奇一問之下原來佢哋嘅烏頭全部都拎晒認證 有晒標籤😱全部都係本地優質烏頭黎😳.🥢沙薑雞呢個又係一上菜大碟到以為俾錯我哋😂因為我哋淨係叫咗半隻但係個份量一定唔止半隻 超足料吖‼️肉質方面超滑😋超推介💯.唔止捉料好食 而且價錢親民👍🏻大家去開銅鑼灣一定要去試吓💕

潮林園滷味大王(銅鑼灣).潮州菜又係好好食，但兩個人食嘅野選擇唔多，好彩呢到嘅野又平份量又啱啱好一黎就整碗例湯比你.▪️蠔仔粥▪️.唔係講笑啲蠔勁大粒好肥美，我諗如果食蠔餅都係咁大！有大量葱，芹同豬肉碎等，個粥好香.▪️滷水鵝肉飯▪️.下面仲有啲滷水豆腐，呢到嘅滷水好出色！鵝肉都好香！.▪️韭菜豬紅▪️.唔會勁鹹，豬紅份量超多，韮菜爽口！.📌 潮林園滷味大王 (銅鑼灣)銅鑼灣軒尼詩道446-450號軒華大廈地下C號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

潮林園滷味大王 銅鑼灣滷水鵝肉擁有嫩滑多汁的口感，肉質鮮嫩且不膩口。正確的滷煮時間能夠使鵝肉保持柔軟嫩滑，同時吸收滷汁的香氣。肉質的質地經過滷煮後更加入味，每一口都帶來滿滿的肉汁和鵝肉的鮮美。滷水鵝肉飯以其嫩滑的鵝肉、濃郁的滷汁和香噴噴的米飯，給人留下深刻的印象。這道美食結合了豐富的口感和味道，值得一試。蠔仔粥是一道以新鮮蠔仔為主要食材，搭配糯米煮成的濃稠粥品。主要特點是新鮮的蠔仔。蠔仔是一種海鮮，具有鮮甜的味道和彈牙的口感。在烹飪過程中，蠔仔釋放出豐富的海鮮風味，與糯米粥相互融合。每一口蠔仔粥都能品嚐到蠔仔的鮮美，這使得這道粥類料理成為一種美味的享受。糯米煮成的粥體濃稠，與蠔仔的汁液相結合，形成了濃郁的粥汁。煮熟的糯米釋放出澄澈的湯汁，與蠔仔的鮮味融合，使得粥的口感更加豐富。濃稠的粥汁能夠包裹著蠔仔和糯米，使每一口都充滿滿足感。

由米芝蓮師傅主理嘅潮林園滷水店，最近新開咗係銅鑼灣，今次朋友仔帶我去試師傅的滷水食物😋正呀！味道好味😋份量超多！❇️唔怪得每日都排晒長龍！🥢招牌獅頭鵝片 $148勁厚切嘅滷水鵝片，味道超級入味，🌟重量級嘅份量！鵝肉鮮味無窮！低層仲有滷水豆腐，足料！🥢乳鴿皇 $68隻乳鴿原來可以滷水乳鴿，第一次食，啖啖肉呀滷水皮非常甘香，連埋乳鴿肉一齊食，好正✨🥢凍烏頭 $98真係勁大條，魚肉實實的，非常新鮮✨🥢滷水鴨髀飯 $58好味到要買多一盒返屋企😂😂😍

晚飯唔知食咩好，行經呢間潮州舖頭，平時都見到幾多人買外賣，就決定買返屋企試吓。獅頭鵝片鵝腸飯獅頭鵝片鮮嫩多汁，鵝腸彈牙爽口，風味獨特，口感豐富。潮州蠔仔粥粥底濃稠綿密，米粒煮得糯糯的，每一口都帶來舒服的口感。蠔仔是這道粥的亮點，鮮嫩多汁，蠔仔份量仲好多，散發著濃郁的海鮮香氣，與粥的味道完美融合。韭菜豬紅豬紅經過適度的調味和烹調，鮮美多汁，口感嫩滑，與韭菜的香氣交融，帶來豐富的層次感。如果再加一點辣就更加惹味。潮州春菜這道菜的簡單做法突出了春菜的原汁原味，湯底有薑同燒肉，食到春菜微微帶有一點甜味，清爽宜人。

經過銅鑼灣見到米芝蓮林師傅主理的滷水店， 價錢公道，店內座無虛席，店外好多人排隊買外賣，而我又未食午飯，便外賣回家慢慢品嚐😄櫥窗掛滿各式各樣的滷味，應有盡有非常吸引👍鮮鵝紅～豬紅食得多，鵝紅第一次食，回到家還是熱辣辣的，食落口非常嫩滑，吸晒滷水的精華😋豆卜芽菜～牙菜爽脆，豆卜盡吸精華😋走地雞飯～份量足夠，雞肉香滑鮮味，連胸部都唔嚡👍潮林園滷味大王（銅鑼灣）銅鑼灣軒尼詩道446-450號軒華大廈地下C號舖

📍潮林園滷味大王 (銅鑼灣)銅鑼灣軒尼詩道446-450號軒華大廈地下C號舖想買外賣返屋企食，但又唔想頹食，見至寫住米芝蓮師傅主理，一於試吓🫶🏾🫶🏾👉🏾 潮州鵝肉飯💰 ＄58(+10拼鵝肝)😋😋😋😋.8/5米芝蓮主理個鹵水汁特別香！令到個鵝肉好入味！個肉質超鮮嫩，入口軟滑，另外鵝粉肝，軟滑綿綿，仲有啲豆腐係底，而且份量都唔少，正！！👉🏾 潮州蠔仔粥💰58😋😋😋😋.8/5必叫呀！新鮮熱辣辣滾既靚粥，每一啖都有蠔仔🦪，蠔仔大粒又鮮甜，仲有肉碎係入面，真係每啖粥都又甜又鮮！真心推！👉🏾 鵝紅 💰$48😋😋😋😋.8/5食落口感非常嫩滑，唔會「起渣起窿」，加上吸收晒滷水嘅精華，啖啖滋味。 💕👉🏾 潮州春菜💰$58😋😋😋😋.6/5春菜煮到岩岩好，唔會太淋，加上燒肉既既油脂，食落更香甜，好味🤤以下回頭: Yesyes，米芝蓮師傅主理果然係唔同啲😋😋味道真係好好，下次一定會堂食再食🤤🤤

潮林園滷味大王（銅鑼灣）今日去銅鑼灣行街， 突然被這個招牌「米芝蓮林師傅主理」吸引着， 最好奇心驅使下入去試試，果然名不虛傳，各樣鹵水食物也非常入味。餐廳買好多滷味，選擇豐富，每樣都好吸引。一睇就知每樣都老得好入味，好想試一試。鹵水鵝髀飯78呢碟飯好大！鵝髀非常靚，每嚿都好多肉，食落香噴噴，肉質嫩滑，充滿油香。滷水味都好入味，外皮彈牙，另外伴碟仲有少許花生。鮮鵝紅48鵝紅好特別，好少見餐廳有，我都係第一次食。鵝紅好新鮮，四四方方咁，食落幾香，有少少煙韌。潮州春菜68春菜用上湯煮，喺潮州好出名㗎。春菜食落爽口清甜，葉嘅部份比較多。師傅仲落咗蒜片煮，所以食落別有一番風味。潮州蠔仔粥58蠔仔粥大大碗，蠔仔脹卜卜，好新鮮，好多汁。因為用料新鮮，粥底都好鮮甜。另外仲有大量蔥粒同埋有啲蝦乾，食落味道更加豐富，好滿足啊。

銅鑼灣潮州滷水打冷平常喜歡吃潮州菜：鹵水、打冷等等。今天去香港銅鑼灣sogo逛街，肚子餓在附近找吃的，被這家小店門外的食物吸引了，感覺很正宗，而且價錢合理餐廳面積不大，座位不多但環境舒適，充滿中國懷舊風格，旁邊有醬料（提供蒜蓉醋和辣椒油）和紙巾提供。晚上人多非常熱鬧。滷水雜錦拼盤 $108滷水鵝肝、豬肚、豬頸肉、紅腸、豬耳等等。全部都很入味，喜歡沾點蒜蓉醋一起吃，配飯一流。餐廳跟一般滷水不一樣，食完唔口渴招牌獅頭鵝片 $148 例牌滷水鵝肉底下還有嫩滑的普寧豆腐，豆腐吸晒滷水汁，非常飽肚潮州蠔仔粥 $58碗配合榨菜和香蔥的肥美蠔仔粥潮州春茶 $68綠油油的春菜與肥豬肉炒一起，更加香口

途經潮林園滷味大王(銅鑼灣)店舖門外好多人買外賣，駐足睇下先，好大隻滷水鵝好吸引又聞到好香濃滷水味，價錢又大眾化，店舖門外掛着“米芝蓮林師傅主理”無得輸😆😆❣️獅頭鵝片飯師傅刀鋒👍👍每片鵝厚度適中，入口鮮嫩肉滑juicy，帶鵝油香和滷水汁味，層次感豐富，加上香濃嫩滑滷水豆付，再採用米芝蓮咸菜配搭用來佐飯的確“掂”👍👍❣️蚝仔粥材料極豐富~漲卜卜蚝仔、大地魚、魷魚、肉碎。將所有材料淆合拼出濃郁鮮味湯頭😋😋，而且每一口有漲卜卜蚝仔咬落蚝香味十足，從口裏爆香❣️潮州春菜新鮮翠綠春菜，入口淋甜，潮州店舖出名小菜❣️韭菜豬紅豬紅口感鬆軟好入味，韭菜浸入濃汁好濃好惹味，還帶有微辣，再蘸上潮式辣椒油絕配❣️是日老火例湯木瓜豬骨湯清甜口感，清爽又健康!食飽飽後，還要外賣大獅頭鵝頭回家啤一啤🍻🍻

去完銅鑼灣行街想食潮州嘢，咁啱見到呢間滷水店環境企理，價錢又大眾化，一於嚟試下😋餐廳約有30個座位，滷水雙拼飯大約六七十元，以銅鑼灣這個地段來說算不算貴。就座後店員送上例湯，青紅蘿蔔湯🥕我哋叫咗滷水鵝片、墨魚、乳鴿同豆腐。鵝片唔韌，肉味香濃。墨魚爽口彈牙，乳鴿算大隻，滷得入味。豆腐份量足，也相當嫩滑。再點了一鍋蠔仔粥🥣蠔仔味道鮮甜，配上蝦米和蔥等配料，令人想繼續食落去😆一鍋足夠3-4人分，屬抵食之選👍🏻